تكفون دشو ولدي رضيع ومريض ومحتاره

[وتين قلبـي]

بنات *توني والده ساعدووني سهرانه على ولدي احاااتيه قلبي يعوررني عليه

رضيع عمره 16يووم منشوول واحتقان كل شوي يقعد ويبجي ويغصغص
خاااايفه عليييه *
بوديه الطبيب بس يقولولي مايقطونه علاج بالعمر هذا*

صج بنات


تكفوون ساعدووني*

 

[محترفة خلطات]

لاتخافين باذن الله ربي يشفيه ،، شوفي اذا عنده احتقان وماعندك سمن غنم خذي بس شوي زيت اللي نطبخ فيه ودفيه بس شوي وحطيه بقطن وقطري له بانفه بيمشيه ولاتخافين ترى بالفترة الاولى المواليد معرضين لكثير حالات واذا ماشفتي نفع معه خذيه لطبيب اطفال بس لايكون تحطين وليدك تحت المكيف ،،​

 

[om MaRyooM]

ياقلبي فدييييته مايشوف شر

كسر خاطري


حبوبة اشتري من بيجون مالت الخشم تلقينها بالجمعيات او الصيدليات عشان تسحب اي شي بخشمه
لأنج مارح تقدرين تنظفين خشمه

وحاولي ترضعينه وايد واكلي تمر وايد عشان الفايدة تروحله

واغلي شوووية ينسون مع الماي .. ولما يدفى حطي حبة او حبتين سكر نبات
رح يرتاااااح .. لأن الينسون يهدي الياهل ويعطيه مناعة
وايد ممتاز ترا

 

[زين ودلال]

عسى ربي يشفيه ان شاء الله

حبيبتي لاتسبحينه بليل احسن شي الضحى عال11 12

 

[miss mama]

منو يقووولج مايعطوونه ادوويه. !!? المهم حبيبتي لا تحووشه حراره ديري بالج. في أدوية مالت الضرورة لازم على كونوا معاج مثل مالت الحرارة. واذا خشوع مسدود اكو شفاطة مع قطره تقدرين فيها تنظظظفين خشمه وتساعدينه. اهم شي لامزون تودينه الطبيب وخلي عنج كلام يقولوووون. الجو في شي حتى انا ولدي حايشه احتقان وماقاعد ينام مرتاح

 

[وتين قلبـي]

جزاكم الله الف الف الف خير
عزالله ماقصرتووووو

 

[مألوفة]

حبيبي وعلية صغينون

حبيبتي بقولج طريقه كانت امي اتسويها حق ولدي

تاخدين زيت زيتون بطاسة وتشيلين منه باصابعج الاربعه واتسخنينه بولاعه لين اتحسين اصابعه صارت دافية ودهني صدره وغطيه بسرعه دفيه عدل وخشمه قطري له ماي وملح شوية وسحبيه بالشفاط مال الخشم وكله دفيه من صوب صدره وقمطيه عدل ولا تخلين المكيف عليه اهوا صغير وبالبطن كان كله دافي
فلا تخلينه يتعرض للبرد كلش والله يشفيه لج يا رب كسر خاطري حبيبي

 

[دآنة آلرشآيده]

بالعكس ودي الطبيب عادي يعطونه دواء​

 

[بربيره]

معروف ترا البيبيات سبحان الله يمرضون بسرعه بس يطيبون بسرعه لا تخافين انشالله ماكو شي

و البجي و الحنه كل اليهال جذي بس عشان تتطنين وديه الطبيب ولو ان الافضل ما ياخذ ادويه بهالعمر

 

[سامباتوت]

الله يخليه لج عادي اسالي ذوي الاختصاص عادي روحي اشتري ماي بحر للي بعمره اسمه فيسfiss ومعاها شفاطه فالعلبه واسحبي منه قبل الرضعه عشان اكيد خشمه مسكر بالمره هذا لان بنتي هم جننتني وكانت تشرق بعد وعساه يكبر وتشوفينه ضابط 

 

[@ام يوسف@]

الله يشافيه ويخليه لج يااارب

 

[anooma_86]

حبيبتي لازم تودينه الطبيب من قاالج مايعطونه علاج؟؟ حرام وديه قبل لايزيد عليه