تكفون بنات وربي تعبت-اضطراب الدوره

[@Miss Dio@]

انا وخواتي شذيه بس فينا تكيسات عادي وكلنا عيلنا بس تابعي من الاول

 

[وجودي عسل]

بنااات شنو يعني تكيس؟؟؟؟


وشنو سبب وجوده؟؟


وشلون يرووح؟؟؟

لان اسمع منكم حييل هالكلمه



انا مفكره اروووح بس مستحيه اقول لامي

لان قبل رحت لان عندي حجه اني بروح للعمره وهي متاخره وقلت بنزلها قبل مااعتمر لجذي قالي الطبيب عادي وانتي بنت ومانحب نسوي شي


بس اللحين والله مستحيه من امي

شقولها

 

[طبيخه]

الله يشفيج ان شاء الله يا رب ولا تفكرين فيها لأنه اذا فكرتى فيها ما تنزل شىء طبيعى بس روحى حق الدكتوره فوزيه القطان وسوى عندها تحاليل هرمونات قولى لها عن حالتج ترى أن شاء الله تقدر تفيدج احسن من انج تخبطين فى العلاجات وقولى حق الوالده ودى اسوى تحليل هرمونات بشوف اشفيها الدوره مو منتظمه مجرد زيادة حرص مو أكثر وان شاء الله عسى الله يشافيج ويشفينى يا رب وكل مسلم يالله يا كريم

 

[وجودي عسل]

بناااااااااااااااااااات


رحت لطبيب من ورى امي مع مرت اخوي لانها تعرف طبيب شاطر


لما رحت عطاني فحص لـ 3 تحاليل لجميع انواع الهرمونات


واللي صدمني كان اكثر شي يسأل عن نمو الشعر بالجسم تحديدا باماكن معينه

الدكتوووور حييل شاطر


حتى سألني عن خواتي وامي وعن طفولتي واشياء مالها شغل بالدوره

وقالي احتمال يكون السبب انه من نمو الشعر الوراثي او من التكيس


بس خرعني ان قالي علاج نمو الشعر هو تاخذين بحبوب منع حمل لمدة شهرين تحبسين فيها الدوره بعدين تهدينها وتنزل وتردين مره ثانيه للحبوب شهر وبعدها خلاص بتنتظم انشااالله


اما التكيس يقول نسوي سونار بعدها نبلش بالحبوب



بنااااااااااااااااااااااات انا خااااااااااايفه من حبوب الحمل بالذات اني بنت وعرسي قرب



شرايكم اطيعه او لا؟؟؟؟؟؟؟؟؟؟؟؟


تكفووووووون لاتخلوني

 

[softlady]

حبيبتي انا كنت جذي

وكان الشعر زايد بشكل موطبيعي

وقالولي اخذي حبوب وانا بنت مو متزوجه

لما سألت بعض الحريم قالوا موزين لا لا تاخذين

تبين الصراحه الناس تفتي من عندها بدون علم

انا اقولج هالكلام عن تجربه

المهم رحت سألت اكثر 4 دكاتره

خاص وحكومه

وقلت ما اخذ ولا حبه لين اتأكد

ان هالشي مايضر

انا موبايعه عمري

المهم كل الدكاتره قالولي عادي ولا تسمعين كلام الحريم

وتوكلت على الله وخذت

وكنت اخذ معاه دوا ثاني اسمه اندركيور

والحمدالله رب العالمين مشالله لاقوه الا بالله

الحين الشعر خف ودورتي انتظمت وكل شي اوكي
اخذته 6 شهور

بس انا اقولج وانا اخذه كنت احس اني صرت عصبيه شوي ودايما متوتره

واذا تبين تحملين تنطرين وراها هم 6 شهور على ما يتخلص الجسم من اثر المانع ويصفى الدم وبعدين تحملين

انا صارلي من هالسالفه الحين 4 سنوات والحمدالله صرت زينه ولو اني ماتزوحت بعدي

معلومه اخيره بقولها لج

ان كل الكاتره اكدولي لو اني ضليت والهرمونات متلخبطه عندي اهني صج ما احمل

ورفيجتي متزوجه ما اقدرت تحمل لما تضبط هرموناتها

مو العكس
يعني المانع بحالتج علاج ما يضر

وسمعي كلام الطبيب بس لا تسمعين كلام الناس الي يفتون ويسوولج افلام

ماتشوفين شر

 

[وجودي عسل]

ربي ييسر امرج ويرزقج بالصااالح اللي يحطج بقلبه وعينه


ربي يريحج مثل ماريحتيني


انا اللحين بسوي الفحوصات وبعدها يحدد اذا نمو شعر او تكيس والله يستر


بس تعالي موشرط تاخر الدوره ماتحملين


عندج انا خالاتي واختي يتاخرون عليهم الدوره ويحملون من ليلتها


اما عماتي عكسهم بالضبط الدوره بالتايم وحييل يتاخرون بالحمل



بس اللحين من كلامج يدل ان 6 شهور علاج و6 انطر الجسم ينظف من الحبوب يعني سنه كااامله

وانا عرسي بعد 7 شهور

يعني مايمدي

 

[Swan]

شربي مرقدوش كل يوم كوب او اثنين وايد ممتاز
ينظم الهرمونات اللي بالجسم كلها وتنتظم معاها الدورة
مجربه والنتيجه روووعة والمرقدوش طعمه حلو وخفيف

 

[وجودي عسل]

اشكرج يالغاليه عالنصيحه

فديت روحج

 

[softlady]

بس الي فهمته من كلامج ان علاجج بس شهرين

لان حسب نسبه اللخبطه<< حلوه هذه

عموما اخذي راي دكتور احسن

انا رحت حق لطيفه الدوبسان وايد شاطره

بس والله ضيعت رقمها بس شوفي رقمها بالجريده

وقوليلها ان زواج قريب شوفي شنو تقول

ماتشوفين شر انشالله

 

[وجودي عسل]

ياروح روحي انتي


ابشركم اليوم نزلت علي الدوره


وبنطر بعدها 10 ايام وبعدها بسوي الفحوصات


دعواتكم خواتي

 

[ريميــه]

وجودى
الله يعينج ويعنا هذى الدوره بس كل اللى اقدر اقولج اياه ان النفسيه تلعب دور مهم بالدوره بس ما يمنع انج تراجعى
الطبيب
تحياتى
لج

 

[وجودي عسل]

تسلميلي ياروحي


وجزاج الله الف خير

 

[ملاك-77]

مااحب طاري الدورة

اتذكر ألمها

بس لازم تراجعين طبيب شاطر

 

[elygant]

allah yshfich

 

[قلبي*خضر]

يا قلبي لا تحاتين كل العرايس يمرون بنفس هالاعراض تغير بموعد الدورة سواء بالتأخير او التقديم بسبب الحالة النفسية للعروس

صدقيني بعد الزواج رح تنتظم ولا تحاتين ولا شي

وخلي قلبك خضر

 

[جوك احلى جو]

حطي بالبانيو خردل وانسدحي فيه
او كثري شرب الدارسين
والاناناس ولا تنسين اهم شي انج تراجعين دكتوره ......... ولا تحاتين لحد يخوفج هذا شي عادي وخخفي بارد