تكفون بنات قولولي شالحل والله تعبت نفسيا وجسميا

[احلى ديما]

السلام بنات انا ساكنة بشقة وكل يومين لازم أشوف بريعصي يا يكون تكرمون بالحمام والا بغرفة من الغرف جنني وقسما بالله استخفييييييت مهما يذبحهم ريلي ماكو فايدة والللي يحر ويقهر وييب العلة ان الشقة نظييييييفة ولا فيها أشياء مقططة مني مناك عشان اقول البلى مني لا والله حشى بس يدخلون من برا تعرفون الحين صيف وحر وحضراتهم يدشون يدورون البراد الله يلعنهم
تكفون بنات قولولي شالحل حطيت لصقات بكل البيت ماكو فايده مايقربون صوبهم اصلا وانا صايرة مثل المينونة بس اتلفت يمين ويسار حتى بعز نومي اقوم اطالع حواليني أشوف يمكن واحد يمي والا فوقي والا بالغرفة

 

[شادن33]

انا اذا شفت بريعصي بالغرفه والله ماانام لازم ينذبح جداااامي
ريلي يستعين بمساحه الحمااام خخخخ وطاخ طيخ لين ينصرع واشوفه مقتول جدام عيوني هههه

ديما سمعت انج تبخرين البيت باللبان يشرد وينحش البريعصي
وبعد حطي بيضه مكسوره في قلاص وحطيه بمكان مرتفع فوق الكبت فوق الستارة اي مكان
ماراح يدش ابن اللذينا

 

[سلاسل ذهبيه]

لازم تيجبون شركة تنظيف الحشرات ويرشون البيت تحت وحوالينه عشان يقضي على كل الصراصير حشرات

 

[أبلة فاتن]

وي شالشقه اللي كلها حشرات !!! ذكرتيني باخوي قبل لمن راح شقه ب سلوى الشقه كلها زهيويه

وااي مادري من العماره نفسها ولا شنو بالضبط ،،،

جيبي شركات التنظيف واذا ما تنظفت مالج الا تغيرونها صراحه الزم ما عليكم راحتكم مو صج

لان من وين بيدخلون ؟؟ من البالوعه تكرمين اللي بالمطبخ اكيد منها بيجون​

 

[احلى ديما]

لاإاإا بنات مو.من البالوعة اهيا الشقة فيها فتحات وايد قبل شوي خليت سايق بيت ابوي يسد كل الفتحات بسميت وخنشوف يا انا يا هالنجاسه بالشقة

 

[أبلة فاتن]

^^

وي الله يعينكم صراحه مو حاله ديري بالج على نفسج​

 

[(*ام عهــــد *)]

رشو البيت والله يعينج