تكفون بنات تعبت نفسيا :(

[^kloOot^]

مرحبا بنات شلونكم


ما ابي اطول عليكم


انا الله يسلمكم صارلي 3 اساااااااااابيع بنادي يعنى قريب الشهر تقريبا

وشاده حيلي بكلاسات والاجهزه واحس جسمي ماشالله تنسق عن قبل وصار مشدوووووووود وريولي وايدي مو نفس قبل


بس المشكله انه وزني موووووووووراضي ينزل مع انى ماشيه على رجيم ومااااااا اكل وذابحه عمري ساعتين باليوم رياضه


سالت ناس يقولون عادي لانه هذه عضلات الجسم اثقلت من الرياضه ولالالالالالالازم بالبدايه جذي ماينقص بس تحسين بشكل الجسم يتنسق

على فكره انا صارلي 8 سنوات مو داشه نادي وتوني مشتركه
ودايما لما كنت اسوي رجيمات اضعف بسرعه بشهر 7 كيلو مع رقص بالبيت ورياضه خفيفه بروحي ومرااااااااااات مشي بالممشى


بس الحين اول مره احس انى متحبطه :cxxxp:

تكفووووووووون اللى عندها خبره بهالموضوع تفيدني



شكرا :eh_s(8):

 

[سماء الحسين]

السلام عليكم


المفروووض تستانسين ان جسمج قاعد يصير منحووت و حلو

الجسم المشدود ما يجي إلا بالعضلات والعضلات النحيفة تتكون بالتمارين الثقيلة اللي تحسين فيها إن عضلات جسمج تتعب كأن فيها حرارة أثناء التمرين كأنج تشيلين أثقال و العضلات لها وزن اثقل من الدهون بس تطلع حلوة بالجسم و مرتبة

حتى مقاساتج تتغير

ما عليج من الميزان وزنج ما راح ينزل وايد إذا كنتي تشغلين عضلاتج بس متى راح ينزل؟؟

بعد إسبوع اسبوعين اكثر شي شهر راح تشوفين إن شاء الله

بنااااااات بطلووا عقدة الميزان فيه معلومات رياضية لازم تصدقونها عشان تحصلون اللي تبونه


معلومة 1 : اللي تلعب رياضة وتمارين وكلاسات راح تطلع لها عضلات أنثوية نحيفة (مو مثل الريال لا تخافين) يعني عضلات تشكل الجسم و شكلها حلو ومشدود و منحووت

معلومة 2 : العضلات هذي وزنها اكثر من الدهون لكن شكلها احلى واصغر .. يعني لو يبتي كيلو قطن و كيلو حديد طبعا كيلو القطن حجمه كبييير مثل الدهون بس كيلو الحديد حجمه صغيير مع ان اثنينهم كيلو ! عرفتي؟؟ الوزن شي والحجم شي ثاني

فـ : بطلي عقدة الميزان هذي واسمعي الكلام العلمي وصدقيه ولما تبنين انسجة عضلاتج بشكل كافي راح يوقف بناء العضلات وتبدأ الدهون تنزل..

الحين وزنج قاعد ينزل والدهون تنحرق بس انتي ما تلاحظين النزول بالميزان ليش؟؟ لأن أوردي قاعد تبنين عضلات بنفس الوقت وهي لها وزن بس شكلها حلوو << قلتها جم مرة؟؟

استانسي بنزول مقاساتج و ان جسمج قاعد ينشد وهذا المطلوووب وبعد فترة راح ينزل وزنج وإن شاء الله توصلين للوزن اللي تبينه!!

ع فكرة سووري ع اسلوبي قاسي شوي بس انفعلت لكن كلامي صح والدليل من كلامج هذا شوفي :

على فكره انا صارلي 8 سنوات مو داشه نادي وتوني مشتركه
ودايما لما كنت اسوي رجيمات اضعف بسرعه بشهر 7 كيلو مع رقص بالبيت ورياضه خفيفه بروحي ومرااااااااااات مشي بالممشى

قلتيها بنفسج رقص بالبيت ورياضة خفيفة ما تبني عضلات مثل النادي و الكلاسات عرفتي؟

بس الطريقة اللي انتي تسوينها الحين أحسن ..

اسألي نفسج شنو تبين؟؟

تنزلين وايد بالميزان و بوقت قصير و يصير عندج ترهل؟

تنزلين شوي شوي بالبداية بس شكل جسمج يصير أحلى وبعدين وزنج راح ينزل وجسمج بنفس الوقت مشدود؟

 

[sereen]

شوفى عمرى بدام وزنج ماينزل فى شى غلط قاعدة اتسوينه , اما الاكل قاعدة اشوى تنسبلين اشوى نتيفة كاكاو هناك , برطم خبزة ايرانيه على زعتر على جبن ابيض على ستار بكس , ترى الحساب يجمع حتى بالاكل , اذا اكلج مضبووووووووووووووووووووووط ميه ميه
شوفى رياضتج لا بد تصير عنيفه يعنى البلوووووووووووووزه بعد الساعتين تنعصر عصار, على فكرة جم يوم بالاسبوع تروحين النادى اذا تروحين يوميا لمدة ساعتين لا بد تضعفين لا بد , سالينى انا لى تاريخ بالتضعيف ورحت عيادة عشان تساعدنى

بعدين حتى لو فرضنا ان الوزن ماتغير بسبب العضلات بس لا يمكن ماينزل ولا يتحرك عينج ميزانج , توزنين بنفس الفترات يعنى كل اسبوع يوم السبت , تشلين حديد , تركضين ......؟؟؟؟؟؟؟؟
انتى قاعدة تحرقين بس تبنين عضل لابد ان ينزل الوزن , انا كنت مثلج بس لما راقبت الاكل اثارين كنت اغش ايه وكله اقوول ما ااكل
وعلى فكرة ترى حرمان الجسم من الاكل مايخليج تحرقين الاكل بكفاءة
بعدين لازم تكثرين اكل صحى مع اللعب القوى عشان يكون طاقه ويحرق زيادة ,
راقبى وشوفى

 

[miss angel]

انا مع الخوات جسمج قاعد يبني عضل فا شي طبيعي ياخذ من الوزن بس اهم شي انج حاااسه قياساتج تغيرت

وانا حذي صاار فيني لما اشتركت بالنادي جسمييييييييي صار متناااسق واحس اني نااازله واايد بس بعدين انصدمن اني مو نازله واايد

بس بعدين فهمت انه عضل وهالشي طبيعي

نصيحة حبيبتي انسيييييييييييييي الميزااان وخلج على قياساتج وبس

 

[^kloOot^]

مشكورين ريحتووووووووووووووووووووووووووووووووني

ماقصرتوا والله

 

[honey lust]

كلامهم صح هاذي عضلات و اهم شي ان شكل جسمج صار احلى

 

[Japanese]

انا رايي تحقرين الميزان لووول ،، اهم شي جسمج يترتب

 

[شيماتو]

انا مع البنات