تكفون بنات اللى سوت طفل انابيب تنقذني بالاجابه

[بدون هويه]

بسم الله الرحمن الرحيم اعلم وانتم تعلمون ان كل شي بيد الله سبحانه وتعالى ونعلم ان العبد لا بد ان يسعى لما يريد

ادخل بالموضوع انا بعد ما سويت عمليتين تلقيح صناعى عند الدكتوره عاليه الفضلي وفشلت ولله الحمد على قضاءه نويت اسوى طفل انابيب عند دكتور باترك بمستشفى لندن وابي من الخوات اللى لها تجربه تطمنى يعنى فيها خطوره العمليه او لاء وصج مثل ما سمعت الولاده تكون قيصريه فى هذى الحالات 0 عفيه اللى تبي تشارك لا تقول فلانه قالت ابى من تجاربها الشخصيه وما ادرى اذا انا استعجلت ولا لاء بس انا كبيره بالعمر ومارزقنى الله باطفال يعنى داخله الاربعين او انطر يابنات شرايكم

لا تتركونى بنصايحكم الطيبه محتاجه لكم بعد الله سبحانه وتعالى 0

 

[بدون هويه]

وينكم بنات محد سوى طفل انابيب

 

[.>حــــــــ(و)ـــراء<.]

هلا حبيبتي ضغطي على الرابط اللي بتوقيعي و بتشوفين تجارب وااااااايد من البنات بالتفصيل

و اتمنى اني فدتج و مابي غير الدعاء

 

[كويتيه مذهله 87]

هلا حبيبتي

ان شالله البنات يفييييدونج

والله يرزقج يااااااااااااااااااااااااااااارب

 

[أغصان]

هلا حبيبتي انصحج بطفل الانابيب ولا تحاتين سهالات ان شاءالله نفس مراحل التلقيح الصناعي بس بعد الابره التفجيريه بيومين راح يسحبون منج البويضات طبعا تحت تخدير كامل ولما تتلقح البويضات راح يتصلون عليج تقريبا بعد يومين او ثلاث وراح يرجعونهم لج اجنه بدون بنج بس عادي اذا تبين بنج يعطونج بس هو مايعور وخلاص ترجعين بيتج بس لازم رااااااااااااااااااااحه وان شاءالله الله يتمم لج على خير

واذا عن القيصري بالعكس يقول الدكتور الحمل عن طريق طفل الانبوب كأي حمل طبيعي على حسب وضع الجنين في أثناء الولاده

الله يرزقج يااااااااارب

 

[بـــطوووطه]

حبيبتي نصيحة لوجه الله لا تروحين لمستشفى باتريك والله يلوع الجبد والخدمة مرض والعلاج يتعب نفسيا وماديا وتحاليل شبه يوميه وسونارات هذا من واقع تجربتي الخاصة

والله في بنات شكثر اكتبو عنه الكل يسبه بهالمنتدى

اذا تبين نصيحتي روحي لمنصور العرف والله لتدعيلي

وتراها سهلة وما تخوف يمكن اسمها غريب

انا يا قلبي مسويتها 4 مرات والحمدالله على كل حال ما صار ولا مرة حمل

 

[بدون هويه]

بطوطه وايد بنات يمدحونه اول وحده انتى ماتمدحينه اذا تبين الصج انا خايفه منه ومن غيريه لانى بكر ما حملت قبل العرف وايد بعيد وقريت لكم وحده سوت عنده وما صار حمل وهم الاخت اللى توها كاتبه مقاله اللى عطوها علاج غلط فى مستشفى العرف اللى يعافيها ويشافيها ويرزقها ويرزقنا

انا احاتى بعد عمرى كبيره مو صغيره يعنى له ضرر ولا لاء على العمر

مشكوره على المرور

 

[بدون هويه]

الله يطمنج بالخير احتى اغصان انتى سويتيها ولا بس سامعه من البنات ؟؟

 

[أغصان]

ايه حبيبتي سويتها مرتين والود ودي اكررها كل شهر بس المشكله ان هالعمليات غااااااااااليه الله يعين يارب
على فكره سويتها عند العرف بس للأسف مانجحت بس ان شاءالله تنجح معاج من اول محاوله ياااااااااااارب

 

[بدون هويه]

الله يا اغصان كلامج يطمن الله يرزقج بالحمل العاجل غير الاجل والمعافى من كل مرض وعاهه ويثبته لج ان شالله فى رحمج حين خروجه انتى وجميع المسلمات

 

[بدون هويه]

مشكوره دلوعه على الرابط الله يرزق الجميع بس محد مثل عمرى بالرابط اللى حطيتى انا كبيره شويه هذا اللى مخوفنى

 

[بـــطوووطه]

بطوطه وايد بنات يمدحونه اول وحده انتى ماتمدحينه اذا تبين الصج انا خايفه منه ومن غيريه لانى بكر ما حملت قبل العرف وايد بعيد وقريت لكم وحده سوت عنده وما صار حمل وهم الاخت اللى توها كاتبه مقاله اللى عطوها علاج غلط فى مستشفى العرف اللى يعافيها ويشافيها ويرزقها ويرزقنا

انا احاتى بعد عمرى كبيره مو صغيره يعنى له ضرر ولا لاء على العمر

مشكوره على المرور

شوفي يالغاليه عسى الله يكتب اللي فيه خير لج

حبيبتي دشي المةواضيع اللي فيها اطفال انابيب وشوفي البنات شلون يسبوون باتريك

انا وحدة من الناس اقسم بالله مصو دمي بالتحاليل وبالفلوس والعنايه لوعه والسونارات ذبحتني

انا حتى لمن عالجت بلندن فبريطانيا ما سو اللي سواه باتريك وعالجت عند د.زيد الكيلاني بالاردن وهمن ما سوالي نفس باتريك حسبي الله عليه

اما منصور العرف انا راجعت عنده شخصيا لان رفيجاتي شكثر وناس اعرفهم احملو عنده ورحت له وعلى فكرة ترا لمن تروحين له ما يدخلج على طول يعطونج موعد بعد شهرين من الزحمة اما انا لا اعرف شكثر بنات يعالجون عنده وتوسطولي ودخلت بسرعه

وبالنسبة لعمرج انصحج ما تنطرين اكثر من جذيه يا قلبي لان عامل العمر يلعب دور

وعسى الله يوفقج يا قلبي وتبشرينا بحمالتج بالقريب العاجل

وفوق هذا كله انصحج بصلاة الاستخارة والله كريم يا قلبي

 

[بدون هويه]

كويتيه مذهله اسعدنى مرورك

 

[بـــطوووطه]

حبيبتي هذا موضوع عن منصور العرف شوفي واحكمي وما ابي منج الا الدعاء لاني حاسه فيج حبيبتي انا نفسج احاتي واتحلطم والله كريم عسى الله ياجرنا ان شاءالله

http://www.q8yat.net/showthread.php?t=230310

 

[بدون هويه]

الله يجزاج خير على المجهود اللى بذلتيه والله يكتب لنا كل مافيه خير انا بس احاتى مسالة العمر يعنى اتحمل تعب طفل الانابيب ولا لاء والله المستعان يفرح قلبج وقلب كل محروم

 

[أغصان]

يا حلو دعائج ولك بالمثل ان شاءالله
بالنسبه للعمر والله شوفة عيني اذا راجعت بمستشفى الصباح بوحدة طفل الانبوب اشوف حريم كبار بعمر امي والله
يراجعون لعمليات طفل الانبوب والله ادعيلهم من قلبي وانسى نفسي ان الله يرزقهم ولا يحرمهم من العيال
صدقيني ماله شغل العمر بهالعمليات لأنها بسيطه ونسبة البنج اللي يعطونج اياه خفيفه مدتها ثلث ساعه بس يعني لا تحاتين
والحمدلله ماكو اي آلام ان شاءالله واستخيري قبل كل شيء وعليج بالاستغفااااااااار نصيحه
خليها دوم بلسانج وبتشوفين كل شيء يتيسر لج ان شاءالله

 

[بـــطوووطه]

اللهم اميييييييييين حبيبتي

انا ما سويت شي بالعكس حبيبتي حاسه فيج لاني نفسج يالغاليه احاتي قبل لا اروح لاي دكتور

ويا قلبي ترا اطفال الانابيب مو خطرة ترا عاديه يعطونج ابر لمدة شهر ونص عشان يقدرون يطلعون منج جم بويضة ويجمدونها اذا في عدد زايد وياخذون من زوجج المني عزج الله ويلقحونح بس

واللهم في حاله سحب البويضات يبنجونج مثل ما قالت الغاليه اغصان ثلث ساعه يعني ما تطلعين من غرفه العمليات والا وانتي قاعدة وخفيف بنجهم

انا بارتيك تخيلي حييييييييييييل ثقيل بنجهم والله زوجي طلعت من العمليات الساعه 10 وما صحى من البنج الا 5 المغرب ولا بعد لو ما قعدوة جان ليما الحين نايم حسبي الله فيهم

 

[Hello_kitty]

عسى الله يرزقج ويفرج همج

انه انصحج بالدكتوره فوزيه القطان ما شالله بدون مبالغه كل اللي اعرفهم سوا عندها نجحت عملياتهم

ودخلي على موضوع كويتيه دلوعه واقري تجارب البنات اللي مسوينها عند فوزيه

وكل شي طبعا بيد الله سبحانه وتعالى

انصحج فيها وراح تفيدج واااااااااايد

وكلش ما انصحج في باتريك

 

[الريم22]

عسى ربى يرزقج يااااااااااارب الذريه الصالحه

 

[بدون هويه]

بطوطه الله يكتب اللى فيه الخير للجميع انشاء الله 00000 بس ليش زوجك بنجوه اللى اعرفه بس المره اللى يعطونها بنج ؟؟؟