تكفون بعدل نومت بنتي

[arnoba15]

:krkrkr: السلام عليكم بنوتات بلييييييز ساعدوني بنتي دشت الثامن ولي الحين نومتها عفيسه موراضيه تتعدل وانا كل اللي اعرفهم يقولون لا بنتج متاخره لازم من السادس انتي معدله نومتها وماني عارفه اشلون بجر ومتوهقه فيها والمشكله الكبييييره نومت الليل اللي كل ساعتين وتقوم ماني عارفه شسوي حتى دوامي موقادره اداوم بلييييز ريحوني ابي احد يساعدني

 

[تعبني البطى]

اااااااااممممممم مافهمت هي تسهر ولاتنام بدري وتقوم بالليل!!!

 

[arnoba15]

تعبني البطي لا اهيا تسهر واذا نامت بالليل مثلا انومها ١٢ تقوم بعد ساعتين ارجع ارضعها وتنام عال٣ الفجر وتقعد بعد ساعتين ومرات ماترضى تنام وعلى هالحاله كل يوم

 

[كلمة طيبة]

جوفي حبيبتي رتبي لها النوم بالساعات يعني اذا نامت الضحى لا تخليها اكثر عن نص ساعه واذا تبا تنام بعد العشا حاولي انها ما تنام لاعبيها واشغليها شوي وبتجوفينها عادي صحصحت لين الساعه اللي تبين تنوميها عشر او اكثر نوميها بس بدليها وبدلي حفاظتها تكرمين ورضعيها لين تشبع ونوميها ما بتنش الا مرة او مرتين عشان ترضع وتنام ولا تسوين لها ازعاج اذا مو متعودة على الصوت وبتنش الصبح بسرعه شوي بس عادي الظهر ردي نوميها وبتنام حوالي 3 ساعات خليها عادي تشبع نوم وشوي شوي بينتظم نومها حتى انج بتعرفين اذا تصيح تبا تنام سامحيني قرقت وايد يعني باختصار خلي لها نومتين الظهر وفالليل ونص ساعة تريح فيها اي وقت والسموحه

 

[arnoba15]

كلمه طيبه مشكوره حبيبتي اهيا نامت اليوم الساعه وحده الظهر لي الثلاث بعد ماغديتها وقمات بالثلاث العصر لعبت شوي وتوني قبل نص ساعه رضعتها ونامت جذي صح يعني الحين اخليها لوحدها لما تقوم ؟ولا اقعدها انا ؟ وماخليها تنام لما الليل يعني؟ سوري ادري اذيتج بالاسئله

 

[العنووووود]

مثلا قعدت الصبح خليها تلعب ةترييق ةتستاانس تبي تقيل حدها ساعتين فقط وقبل ال4 العصر يعني واختيارج تبين تنوميتها بعد الغدا قبل الغدا وبعد ال4 العصر ماااافي نوم خلاص تكون قااعده لييييييييييين وقت نومتها بليل 11 او 10 ونص ورضيعها قبل لاانتي تنامين وم هي لا انتي خطي مع الحليب نص كسرة بسكوت مال الاطفال وشوفي يمكن بطنها يعورها عطيها ماي غريب وحطي عند راسج ماي التمر عشان اذا قعدت تعطينها هم بعد يشبع بدال الحليب وانتي وكيفج اقولج شي اقسم بالله بنتي عمرها سنه وشهرين توها الحين تعدلت لا وشوي موواجد

 

[Q8_QT]

حبيبتي لاتنومينها الظهر او خليها تنام ساعة باكثير وخليها تلعب وشغليها وحتى اذا حسيتس يتها النومة قبل موعدها لاتخلينها تنام وقبل وقت نومتها سبحيها وخليها تلعب بالماي ترى السبوح بالليل يساعد الياهل عالنوم بعدين لبسيها هدومها ورضعيها ونوميها واذا قعدت بالليل لاتقوميلها خليها بالفراش شوي يمكن ترد تكمل نومتها بروحها والله يخليها لج يارب

 

[arnoba15]

حبيبتي لاتنومينها الظهر او خليها تنام ساعة باكثير وخليها تلعب وشغليها وحتى اذا حسيتس يتها النومة قبل موعدها لاتخلينها تنام وقبل وقت نومتها سبحيها وخليها تلعب بالماي ترى السبوح بالليل يساعد الياهل عالنوم بعدين لبسيها هدومها ورضعيها ونوميها واذا قعدت بالليل لاتقوميلها خليها بالفراش شوي يمكن ترد تكمل نومتها بروحها والله يخليها لج يارب

بعد قلبي مشكوره المشكله انها ادوخ عالتسع ولا تسع نص وتقعد تحن تبجي الا تنام وتعفر وتكسر خاطري واخليها تنام وتعالي بعدين اعابل معاها لي الثلاث الفير يلا تنااام واقعد من التعب ابجيي ووراي دوام بعد ينهد حيلي تعالي شلعي روحج من الفرش الحلوه توها عالخمس قعدت من النوم نامت ساعه وقعدت وانشالله بحاول ماتنام لي بالليل

 

[•Brown•Sugar•]

انا بنتي كانت مثل بنتج
بس غيرت نومتها
اذا قعدت الصبح ع 6 اعطيها حليبها وارد انومها
تقعد ع التسع او 8 اريقها
اخليها قاعده لي بعد الغدا انومها ع الساعه 2
تقعد 4 العصر
اخليها لي الليل صج مرات تدووخ وتحن تبي تنام
بس ماكوووووووو ما اخليها العب معاها اشغلها
والساعه 11 تكون نايمه

 

[تعبني البطى]

انا باقولش حل
تنام ساعه 9
وتقوم 8 ونومة الضحى نوب مافي ونومة العصر مافيه وربي راح تشفق على النومه ...
عوديهاااا وبكذاااا راح تعود عالروتين ....

 

[*ريما*]

نفس الحال
نبي حل

 

[أم يزيد &سديم&]

نبي حل مجرب وأكيد يا جماعة
عندي وعندج خير يا خيتي

 

[arnoba15]

ياربي هالبيبياااات اهمه نتفه ومتحكمين فينا لووووووووووول امس يعني كنت مابي انومها بالليل بعد ال٧ عشان تنام بالليل مره وحده وتقعدلج الحلوه تحن تحن وتعفر ولا امي تاخذها شوي واروح وارجع ولا القى الوالده الله يطول بعمرها منومتها حقي وكانت الساعه ٨ واااااااي شصار فيني انهيارعصبي بغيت ابجي وكالعاده سهاري للصبح معاها

 

[om MaRyooM]

شوفي كل ياهل يختلف عن الثاني


بنتي عمرها سنتين وللحين تقعد بالليل مرتين الى 3مرات


بس اذا بنتج مأذيتج لاتنومينها العصر كللللش ... اول اسبوع بتتعبين بعدين بتتعودين وترتاحين لأن رح تكون نومتها بالليل سهلة

 

[أم يزيد &سديم&]

الله يعييييييييين
المسأللللللللة يبيها صبر وانا أختج
تحملي
ولج الأجر بإذن الله
(إن الله مع الصابرين)( وبشر الصابرين)
ترانافي جهاد يبطونا عليه الرجال

 

[حرم راشد الماجد]

هههههههه جنج انا ويا بنتي حست وياها لين عدلت نومتها

انا بنتي اقعدها الساعه 6 الصبح اسبحها واريقها ونلعب انا وياها واذا بعلمها مثلا تتكلم او نسولف انا وياها وعالساعه 11 انومها لمدة نص الى ساعه كامله واقعدها واغديها عال 12 ونقعد انا وياها نلعب واذا تبي غفوه ثانيه ممكن عالساعه 4 نص ساعه بالكثير وارجع اقعدها تلاقينها عالساعه 8 تطق روس تبي تنام فانا اعشيها واغير لها واسويلها اللازم وانومها وهكذا اهم شي بالموضوع انج تكونين نظاميه يعني تقعدينها بساعه معينه ما تغيرين هالساعه لاي ظرف

 

[shaikhat al-zain]

وااااي على هاليهاال متعبييين بالنوم

الله يحفظهم صج امتعبينا ومو قادرين عليهم