تكفون .. بس .. بس .. بس .. ماعدنا إنحمل ..

[النوري]

بنات تكفون .. بسكم صور .. بسكم فيديوات ..

قسما بالله .. أكلي حاطينه يمي .. ما قدرت أكل لقمه راسي صدع

عيني تبجي وموبيدنا نسوي شيء بس عوار قلب قسما بالله مو قادره أتحمل أشوف صوره وحده أو فيديو واحد بعد

صراخ الحريم بأذني قاعده أتحلم فيه .. الله لا يذوقهم نار جهنم .. ويكفيهم بنار الدنيا ..

عسالله لا يورينا نار هالدنيا ولا والأخره .. عذاب ما بعده عذاب ..

بنات تكفون مو قادره ما أدش هالقسم ولا قادره أشوف و أسمع أكثر ..

الله يرحم اللي ماتو .. و يشافي المحترقين ..

بس أدعولهم .. أما صور و فيديوات .. تكفون بسكم والله يالكويتيات ماعندنا قلوب ..
على أدنات الدون .. نقعد نبجي من قمة راسنا .. هالدور .. مجزره .. هالكبر ..

حسبي الله علي اللي سواها .. سواء يدري أو ما يدري. . حسبي الله عليه ..

 

[زوجي حبيب قلبي]

ياحبيبتي نوري انا زيك ما راحوا عن بالي ابدا ابدا ضايق صدري وبس ابكي وحدة من زميلاتي ماتت بحادث وهي تحترق بالسيارة مع مجموعة من المعلمات والي كانوا يساعدونهم يقول نسمع صراخهم من على بعد صار لها سنة والى الانى ما غابت عن بالي ويوم صار هالحريق تعبت كثير الله يرحمهم ويسكنهم فسيح جناته انا اختك من السعودية

 

[النوري]

هلا بج .. زوجي ..


ياقلبي .. الله يرحمها ..ويرحم متوى المسلمين ..

أكتب الموضوع وعيوني تغورق .. مو قاعده أشوف الكيبورد . بدليه ( إنحمل ) = إنتحمل

 

[بتبوتااا]

يا بنات الي ما تتحمل لا تدش القسم !!

كلناا منعصر قلوبناا كلناا متأثرين من الي صاار خلو الناس تفضفض الي صاير كارثه

مو شي سهل والله من الحادث لي اليوم وانا مو قادره استوعب بعدي ابي اصدق انه الي صاير صج مو حلم مو قادره !

الناس محترق قلوبهاا مو بس انتي ياقلبي ما تتحملين لا تدخلين القسم هذاا

 

[النوري]

موبيدي .. يا بتوبوتا. .

أحاتيهم .. أدور خبر زين يبرد جبدي شوي .. أحد طلع .. من العنايه

واحد سووله عمليه ويوقولون زين .. أي شيء حلو .. يفرح

بس كل ما دشيت .. من المحاتاة وربي. . لقيت خبر يزيد همي ..

 

[Q8NV]

حبيبتي هذا الشي اذا ما شفتيه اهني تشوفنه بالتلفزيون بالجرايد بكل مكان مادام ما تقدرين لا ادشين القسم مثل ما قالو البنات الله يعين اهلهم الي شافوهم متفحمين واي صج عوار قلب احنا صور ما انتحملها اشلون اهم الله يصبرهم ويهون عليهم مصيبتهم

 

[سبيل المودة]

حبيبتي والله

لا تتعبين نفسج ترا مو زين جذي على نفسيتج .. اطلبي لهم الرحمة

حاولي تشغلين نفسج بموضوع يهديج شوي .. و تذكري الشي اللي صج يفرح إنهم شهداء


الله يعيننا كلنا على هالمصيبة.. و عسى الله ينزل علينا الصبر والسلوان

 

[النوري]

حبيبتي هذا الشي اذا ما شفتيه اهني تشوفنه بالتلفزيون بالجرايد بكل مكان مادام ما تقدرين لا ادشين القسم مثل ما قالو البنات الله يعين اهلهم الي شافوهم متفحمين واي صج عوار قلب احنا صور ما انتحملها اشلون اهم الله يصبرهم ويهون عليهم مصيبتهم

انا لا أفتح تلفزيون .. . ولا أقرى جرايد ..

ما عرفت بالمصيبه غير من هالمنتدى ..

 

[النوري]

حبيبتي والله

لا تتعبين نفسج ترا مو زين جذي على نفسيتج .. اطلبي لهم الرحمة

حاولي تشغلين نفسج بموضوع يهديج شوي .. و تذكري الشي اللي صج يفرح إنهم شهداء


الله يعيننا كلنا على هالمصيبة.. و عسى الله ينزل علينا الصبر والسلوان

إيه و الله ز. موزين وأنا حامل بعد .. توني خالصه من وحام .. شايل نص وزني

ألحين . .هالسالفه اللي بتشيل الباقي ... الله يصبر أهاليهم ..

وربي كل شوي أتخيل أمي خواتي هناك .. و تالي أستغفر ربي .. و أقول قاعده أتبلى على أهلي ؟؟؟

بس عيبنا يا الكويتين من كثر ما قلبنا رجيج .. دايم نحط نفسنا بمكان الناس .. و نفكر فيهم ..

عشان جذي .. تخيلو إنكم قاعده تكلمون وحده لها أهل بالحريجه معني ما عندي أحد ..

لأن حيل متأثره وياهم ..

ياربي إرحمهم .. و إغفر لهم ..

 

[آبـلـہ نـونـو]

الله يكون بعون أهل المتوفين ,,

لآ حول و لآ قوة إلآ بالله ,,

حسبي الله و نعم الوكيل على من كآن السبب ,,

 

[رافعه الحاجب]

الله يعنين حسبي الله ونعم الوكيل

 

[ساندريلا]

حسبي الله عليها
يا بنات انا رايي من راي بتبوتا

 

[supermarket]

من صار الحادث واحنا مالنا الا الاخبار والمنتدى

نبي نعرف كل شي عنهم عسى ربي يرحمهم حيين وميتين