تكفون اللي بيقول يحق لها تتزوج لا يدخل الموضوع شكراً

[بنوته كيكه]

ليش ماتشوفين ابوج ماله اي حق احد يمنعج من ابوج
انه تشوفينه او يشوفج ابوج بعد شنو
وامج دامه مسافره مخليتج ليش متاخذج او انها اتخليج عند ابوج دامها مسافره

 

[Vdieta]

اب اب

 

[- BambeNo -]

الله يهديها المفروض تتقرب منكم
وتشاوركم بكل شي ..

 

[* ليــــدي *]

ليش تتعبثين بلابتوبها !!
كل واحد له خصوصيا

وامج من حقها تبحث عن الطرف الثاني هذا من حقها ..
ولاتنصدمين لان من حقها حبيبتي ..

ومو زين تبجين بالحمام موووزييين لانمتي بفراشج ابجي ارتاحي غيره لا ..

هونيها وتهون ..

 

[‏ڝڋٸ ٵڸڪٿہـآڻ]

ليش ماتصارحينها يمكن ماهي متزوجه ولا شئ وأنتي متعبه روحكـ .. بعدين أبوكـ المفروض هو اللي يتواصل معكـ إنتي بنته كلميه قولي له أنكـ محتاجته في هالوقت .. الله يفرجها عليكـ يارب ....

 

[الحللللوه]

الله يعيييين واستغفري كثييييرررر عسى الله يفرجها علينا وعليكي وعلى كللل مهموووم

 

[kaify q8ya]

حبيبتي انا مو عارفه ظروفج واخاف أقولج شي يطلع موفي محله
بس سامحيني بقولج انج غلطانه تتليقفين وتدورين امج شنو عندها ماعندها
واذا سالفة زواج قولي الحمدلله ان الزواج شي مشروع وحلال مالقيتي عندها خرابيط
واذا امج متفاهمه قعدي وسولفي معاها وقولي لها انا افكر لوتزوجتي في يوم شلون بتكون حياتنا قولي لها انج تفكرين بهالموضوع وشاغل بالج وشوفي شنو بيكون ردها راح تفهمين منها كل شي وراح تعرف انج كبرتي وتقدر تتكلم معاج وبالنهاية انتي تعرفين شخصية امج اذا تقدرين تكلمينها بهالموضوع والا لا والله يطمن بالج حبوبه والي الله كاتبه بيصير والله يرزقج بالزوج الصالح *

 

[جلكسيه اس 3]

اهي ماتدري عنج
و فوق الشهر مسافره !!
يعني راح اتكون حلوه منج لو اتواصلين مع ابوج
و ما راح تدري و حتى لو درت
قوليلها انتي مو مهتمه فيني يمكن عالاقل ابوي يهتم فيني

 

[منو انت]

شنو صاار ؟؟

 

[a7la-elbanat]

انا انصحج انج تقعدين ويا امج وتصارحينها بحاجتج لها ولحنانها ووجودها معاج لانج بنتها مهما صار
وخلي امورها الشخصيه على جنب لانها ماراح تمسج بشي ولا راح تضرج وماتدرين يمكن تعوضج فقدانج الاب
وصدقيني ماكو احلا من المصارحه يمكن اهي غافله وماخذتها الدنيا لكن لي شافت انج مهتمه لوجودها معاج وهذا الصح تلتفت لج وتهتم اكثر

الله يوفقج

 

[LawYeR NaNo]

الله يهديها انشاءالله

 

[* ملكني الخوف *]

الله يسهل عليج روحي

 

[اخر صمتي انين]

الله كريم

 

[دموع الظلام]

كل شخص من حقه يسوي اللي يبي الا انا مو من حقي حتى اعيش
أبوي عنده عياله وعايش حياته ويوم انا صغيره لمن يبي يطلعني
أمي ادق على الشرطه تقول واحد خاطف بنتي
تطرده من البيت كل مايحاول يشوفني
وحتى مصروفي تحذفه بويهم و الكل يبتعد عن لسانها
أنا تعبت من العيشه معاها و مع اخوها المعقد

 

[ضوا عيوني]

حبيبتي امج بشر

وانت باجر تتزوجين وتخلينها

واكيد اهيا تفكر تخاف تجرحج عشان جذيه احرصت انج ما تعرفين

ولو فرضنا ان امج مو صوبج

ترا في اللي اكبر من امج

الجئي له وهذا الباب دايما مفتوح

قولي
يارب انا وحيدة وانت سلوتي
يارب انا تايهة وانت دليلي
يارب انا ضايقة وانت في كل مكان
يارب اوجد لي من عندك فرجا ومخرجا

وصدقيني ربنا ما يترك من يلجأ له

عسى ربي يهدي بالج ويحط السكينة بقلبج ويغنيج عن كل العالم من فضله ويعوضج خيييييير

 

[ضوا عيوني]

حياتي شرايج تغيرين اسمج وتتفائلين بالخير

وتخلين ربنا اهو اللي يتولى امورج دام ربنا كاتب لج تتعبين باول حياتج

اكيد عن حكمة والمهم الواحد يرتاح بعدين

وما في شي يدوم على حاله والي يتعبون صغار باذن واحد احد يصبرون وربنا يجزاهم خيير

احس فيج كأم وأكتب لج كأبنة

 

[بــ الكويت ــنت]

الله يكون بعونج ويصبرج وترى في وايد بنات نفسج ضايعين من بعد النفصال امهم وابوهم والله يحنن امج عليج يارب بس انتي صبري ما بعد الصبر الا الفرج وادعي وتقربي من الله اكثر واكثر بتحسين براحه على رغم همومج الله يسعدج بدنيتج اذا مو عاجل انشالله آجل وحتن لو الله ما فرحج بدنيتج بصبرج راح تفرحين بالآخرة ان شالله بس اهم شي قربي من ربج و وايد اسمع هلمقوله لا تقولين يارب عندي هم كبير قولي ياهم عندي رب كبير وان شاء الله الله يفرجها عليج يارب

 

[amami al-kuwai]

انا مع البنات من حقها تتزوج بس مو معاها اذا بتخش هالشي عنج

انتي كلميها بالموضوع وفهمي منها