تكفون ادعوا لي والله منهااااره

[brettey]

السلام عليكم خواتي
طالبتكم ادعوا لي والله تعبانه ومنهاره
تسكرت كل الابواب في ويهي
انا في شغلات ابيها وصليت ودعيت واستغفرت وككل ساع تصير شغله تتسكر في ويهي وماقطعت الامل
حتى دعاء التعار من الليل وماخليت دعاء مادعيت فيه
صدقات اتصدق حتى وانا ماعندي ولا حتى اشوف رزقه من بعدها بس اقول ماعليه رضى الله عندي واكيد بعدين بيعوضني
وبنيتي حتى اختم القران اكثر من 3 مرات عشان ربي يرضى عني وكنت متحمسه ومتفاءله
وتخيلوا اني ماسكه خاتم الاستغفار اوصل بالالاف واصلي وادعي ومن قبل جم يوم كنت اقيم الليل ودعيت وصليت الفير وكنت ادعي يارب تسمعني بهاليوم خبر يسرني وكل يوم ادعي بهالدعاء واقوم على امل الاخبار الحلوه بس هاليوم بالذات كنت متفاءله
والصدمه يوم صار الليل سمعت الخبر الي كدرني وانهرت بسبته تسكرت البيبان في ويههي انهرت تعبت ياست استغفر الله من القهر والانهيار كفرت قمت اقول حجي استغفر الله قمت اهلوس وودوني الطبيب وقزوني ابره مهدي ماقمت الا العصر وكاني جثه ما اتكلم ولا اتحرك حاشتني صدمه ومالي خلق احد
3 ايام ورا بعض ماصمت ماقدرت مو حاسه بنفسي ياربي حتى برمضان تنكدت
ياربي ليش ليش
لاتقولون هذا اختبار والله تعبت ابي ارتاح كافي في بلاوي فوق راسي مو عارفه شلون احلها الابواب كلها مسكره في ويههي ليدرجه ان وحده تقول لي انتي طيبه وعمرج ماضريتي احد بس ليش جذي مو مترقعه انتي شمسويه بدنيتج ليش مو متوفقه ؟وايد اوادم يسوون ذنوب ومعاصي وتمشي امورهم ومتوفقين حتى الي ظلموج متوفقين وامورهم مشت وانتي هذه حالتج ليش انتي جذي حظج انا لو مكانج ما اتحمل
يومها بغيت انتحر بس الله ستر قمت افكر بكلامها

تعبت تعبت مالي خلق اقرا قران ولا لي خلق شي زين مني اصلي فروضي ومادري شقول حايشتني صدمه لا اكل ولا اشرب بالغصب اكل ويهي ذبلان ويخرع
ياربي شلون وسهام الليل لاتخطيء
شلون ودعاء الصايم لا يرد
شلون ودعاء التعار من الليل مستجاب والدعاء بين الاذان والاقامه ودعاء سبحانك اللهم لا اله الا انت اني كنت من الظالمين
حتى ادعيه الهم والكرب وادعيه الرزق وادعيه التسخير و........الخ ماخليت شي ماسويته ومن سنييين مو من سنه ولا سنتين بس من السنه الي طافت ليش حاشتني المشكله الي ازمتني كثفت الدعاء
كافي صحتي كلش مع هبوط الضغط وفقر الدم
انا مشاكلي يبيلها معجزه عشان تنحل المشكله ان كل ما تفاءلت ياني شي يسكر البيبان في ويههي

ولازلت هاليومين ماسكه خاتم الاستغفار واستغفر على امل بس محبطه حدددي

طلبتكم ادعوا لي طلبتكم والله فوق طاقتي فوق طاقتي

 

[شادن33]

لااااا حيااااتي بريتي انتي قويه بعد عمري لا تخلين الوسواس يدخل فيج

والله هذا الشيطان بنفسج يوسوس ويقول انتي زينه وطيبه وعلاقتج مع ربج زينه بس الله مايستجيب لج شوفي هذا كلام الشيطان

عشان الهمه تتناقص عندي لاتخلين له فرصه

 

[شادن33]

وهالخبر اللي كنتي تنطرينه ويا عكس ماكنتي تبين خير لج والله لااااازم تؤمنين بهالشي

الله صرف عنج الشر بعيد عنج بدعائج وصدقاتج لا تزعلين اشلون تزعلين على حكمه ربج اللي فيها الخير لج لاء غلطانه

وماعليج من كلام الناس انتي طيبه ومؤمنه بس حظج عوي غلط هالكلام هذولا ناس ضعيفين الايمان مايؤمنون بقضاء الله وقدره وحكمته في تصريف الامور

ومولازم اللي انتي تبينه يكون خير لج الله يصرف امورج باللي يصلحلج في دينج ودنياج

وعسى ان تكرهوا شيئا وهو خير لكم

 

[شادن33]

والله يسخرلج كل قلب مؤمن حياتي

 

[تعبت اداري...~]

لاحول ولاقوة الا بالله
بعد عمري والله لا تكونين سلبية جذية مهما كانت الضروف
فكري ب امور اجابية حتى لو كنتي تحت ضغط
تفائلي وقولي الله بيفرجها و الله كريم
ادعي وانسي وعيشي حياتج
ولازم تئمنين ب القضاء والقدر
لانخلين الهموم و المشاكل تسيطر عليج وتعيشين بهم وغم
< وانا قريت في موضوع انا منكثر ماتفكرين ب الشي الي ودج به وتخلينه شغلج الشاغل مايصير مثل ماودج يتحققق
جربي قانون الجذب وعساه ينفعج ي رب
واسئل الله العظيم رب العرش العظيم ان يشرح لج صدرج وييسر لج امرج
واسئل الله ان يرزقج مع كل خفقة قلب وطرفة عين فرجاً ومخرجاً وعفواً وامناً وايماناً وان يصب عليج الخير صباً صباً صباً اللهم امين​

 

[brettey]

شادن 33 بعد عمري الله يفتحها عليج دنيا واخره بس والله انا متبهدله ماشفت الخير من ورى الي صار لي بالعكس قاعده اشوف مصايب وبلاوي مابي اتكلم كل شي متسكر في ويههي كنت بحال وانقلب حالي للاسوا ماشفت الا الضياع والبهدله وضيق الرزق وكل ماحاولت افتح لي مشروع تتسكر البيبان في ويههي قلت بجرب حظي واخذ دوره تجميل لاني شاطره بالمكياج وتسكرت في ويههي وشغلات وااااااايد
تعبت تعبت حتى امي تدعي لي المسكينه مقهوره على حالي حتى العمره مو طايلينها

 

[brettey]

لاحول ولاقوة الا بالله​

بعد عمري والله لا تكونين سلبية جذية مهما كانت الضروف
فكري ب امور اجابية حتى لو كنتي تحت ضغط
تفائلي وقولي الله بيفرجها و الله كريم
ادعي وانسي وعيشي حياتج
ولازم تئمنين ب القضاء والقدر
لانخلين الهموم و المشاكل تسيطر عليج وتعيشين بهم وغم
< وانا قريت في موضوع انا منكثر ماتفكرين ب الشي الي ودج به وتخلينه شغلج الشاغل مايصير مثل ماودج يتحققق
جربي قانون الجذب وعساه ينفعج ي رب
واسئل الله العظيم رب العرش العظيم ان يشرح لج صدرج وييسر لج امرج​

واسئل الله ان يرزقج مع كل خفقة قلب وطرفة عين فرجاً ومخرجاً وعفواً وامناً وايماناً وان يصب عليج الخير صباً صباً صباً اللهم امين​

بعد عمري الله يفتحها عليج جربت قانون الجذب خرررطي والله مافاد
ماكو شي ما جربته
والله ماشفت الخيره فلي صار لي ما شفت الا البهدله والضياع كرهت دنيتي كل شي ابيه ما احصله واعاني مع اني مو طالبه شي مستحيل من ربي مو طالبه ان يرد لي ميت انا الي طالبته من ربي يقدر بثانيه يحقق لي
شغلات كانت عندي وراحت مني بالظلم والمكر والحيله والخداع تتمثل في بشر وتتمثل في شغلات ماديه وشغلات معنويه
وشغلات وااااايد بعد

 

[vogueya]

حبيبتي اقري هالموضوع عدل و خللي ايمانج بالله سبحانه و تعالى اللي مايعجزه ولا شي لا في الأرض و لا في السماء و ان اراد لشيء ان يكون فيقول له كن فيكون سبحانه و لكن لاتنسين انه هو الحكييييييم و مدبر الأمر و الأرحم عليج من نفسج و امج لج .. لا تفتحين للشيطان باب الوسواس و خلج طموحة مع الله و نصيحتي لج (( كوني واقعية و اطلبي من الله المستحيل )) و ارفعي سقف ( ظنج ) و مطالبج لله سبحانه .. تراه القادر المقتدر الغني الحميد .. و انصحج انج تتعلمين و تقرين كتب اسماء الله الحسنى و تفسيرها و شوفي السعادة كيف تجيج لحد مكانج من غير ما تتعنين لها (( كوني مع الله قلبا و روحا و تفكيرا و جسدا .. يكن معك اين ما تكونين ))
http://www.q8yat.com/t1079407.html

(( اسال الله العظيم باسمه الفتاح ان يفتح عليكي ابواب رحماته و لطائفه و ارزاقه و ان يفتح على قلبك بحسن الظن و الإيمان و الإخلاص له وحده لاشريك له ، و اساله باسمه اللطيف ان يغدق عليكي من لطائفه انه على كل شي قدير ))

 

[شادن33]

بريتي هذا مورزقج تأكدي مولج

وانتي شدراج يمكن هالمشروع موخير لج سواء في دينج ولا دنياج انتي ماتعرفين عشان جذي تعرقلت الامووور

بس انتي اتشوفين الظاهر ماتعرفين المخشوش الله يهديج

 

[brettey]

بريتي هذا مورزقج تأكدي مولج

وانتي شدراج يمكن هالمشروع موخير لج سواء في دينج ولا دنياج انتي ماتعرفين عشان جذي تعرقلت الامووور

بس انتي اتشوفين الظاهر ماتعرفين المخشوش الله يهديج

مادري شقول لج بعد عمري بس انا اساسا محتاجه لمدخول ثاني انا وضعي تغير 180 درجه واشياء وااايد مو لاقيه لها حل
وفي اشياء واااااايد والله تعبت تعبت مليييت كل البيبان مسكره في ويههي الناس تحاول وتتقدم وتنجح عليهم بالعافيه وانا كل ماحاولت اخطي خطوه زينه تتسكر البيبان في ويههي محلك سر هم انا لي طموحات بس كل شي ضدي

 

[شادن33]

بريتي تتسككككر البيبان لان موخير ليش انتي مؤ راضيه تفهمين لازم تفهمين هالشي
عشان ترتاحين

 

[brettey]

حبيبتي اقري هالموضوع عدل و خللي ايمانج بالله سبحانه و تعالى اللي مايعجزه ولا شي لا في الأرض و لا في السماء و ان اراد لشيء ان يكون فيقول له كن فيكون سبحانه و لكن لاتنسين انه هو الحكييييييم و مدبر الأمر و الأرحم عليج من نفسج و امج لج .. لا تفتحين للشيطان باب الوسواس و خلج طموحة مع الله و نصيحتي لج (( كوني واقعية و اطلبي من الله المستحيل )) و ارفعي سقف ( ظنج ) و مطالبج لله سبحانه .. تراه القادر المقتدر الغني الحميد .. و انصحج انج تتعلمين و تقرين كتب اسماء الله الحسنى و تفسيرها و شوفي السعادة كيف تجيج لحد مكانج من غير ما تتعنين لها (( كوني مع الله قلبا و روحا و تفكيرا و جسدا .. يكن معك اين ما تكونين ))
http://www.q8yat.com/t1079407.html

(( اسال الله العظيم باسمه الفتاح ان يفتح عليكي ابواب رحماته و لطائفه و ارزاقه و ان يفتح على قلبك بحسن الظن و الإيمان و الإخلاص له وحده لاشريك له ، و اساله باسمه اللطيف ان يغدق عليكي من لطائفه انه على كل شي قدير ))

بعد عمري الله يفتحها عليج انتي تقولين ارفعي سقف امنياتج اول خل تتحقق امنياتي البسيطه حيييل متعسره وعقب اطلب المستحيل
وقاريته هالموضوع اهو وموضوع الاخت طموحه بزياده

 

[brettey]

بريتي تتسككككر البيبان لان موخير ليش انتي مؤ راضيه تفهمين لازم تفهمين هالشي
عشان ترتاحين

يا شادن انا راح انضر والله

 

[شذونه]

ياقلبي مين قال لك دعواتك مو مستجابه وللي سويتيه راح هباء

ياحياتي كل دعوه تدعين فيها ربي يستجيبها لك او يدفع فيها بلاء عنك او يخشها لك ليوم القيامه

لايجي بالك دعوه وحده بس راحت هباء
وبعدين للي صار لك امتحان وابتلاء ماتدرين ربي يختبرك يحبك ابتلاك فاانتي لاتنكسرين بلعكس اصري وصدقيني ربي الطف فيك من اومك نفسهااا

كل شي عنده بلوح محفوض ماتدرين يمكن هالدعوات دفعت عنك بلاء اكبر من للي حاصل لك

وماتدرين يمكن بكره تلاقين خبر بحياتك ماجا بالك يتحقق


اصبري وادعي لاتخلين الشيطان يلعب علييك ويهزمك ويبعدك ويوسوس لك

ادري محد بيحس فيك كثرك لكن ثقي في ربي ان فيه شي حلو قريب بيصير وبيعوضك

وشوفي هلمقطع

http://www.q8yat.com/t973184-4.html#post31157978


انتي انهرتي طحتي لاتستسلمين ارجعي وتصدقي اكثر واعبدي ربي اكثررر وبتشوفين الخير

 

[مـلـآذ الخـوآطر]

قولي لاحول ولاقوه الا بالله اكثر من مره
وهذا اللي يصير لج وسواس وخري عنه
واستغفري وتصدقي قد ماتقدرين
والله يسهل إن شاء الله

 

[كويتية بروما]

عسى ان تكرهو شيئا يكون خير لكم وعسى ان تحبو شيئا وهو شر لكم
والخيره فيما اختاره الله
الله يفرجها عليج يارب

 

[قليبوني:$]

لاحول ولا قوة الا بالله تذكري يا اختي ان مع العسر يسرا والله بيشووف ايمانج !
يامااا ناااااااس دعت وربي استجاب لهااااااا والحين تحسسر على حالتها وتقول ياريت ربي ما استجاب دعوتي شايفين الوييل
انتي ادعي ربج يفرجها عليج والله ماستجاب دعوتج للان مو رزقج صدقيني خيره انتي ررددي وقولي يارب اخترلي ولا تخيرلي فإن الخير فيما تختار الخيره والخير والرزق باللي يختارة الله صح ؟ لان الله سبحان وتعالى علام الغيوب وانتي كوني مؤمنه بالقضاء والقدر لان اركان الايمان سته اولها الايمان بالله والرسوول ومن ضمنهآ [ القضاء والقدر بخيره وشره ] وقوولي اللي مضاا واللي راح خييره
والي قاعدة تفكرين فيه الحين هذا من الشيطان ووساوس شيليها من راااسج ولا تدخلينهااااا مرة ثانيه الشيطان كان يحاوول يخليج تبتعدين من ربج واستغل ضعفج وعدم ايمانج بالقضاء و القدر عشان جذي قام يوسولج .. انتي الحين تقولين هالكلام وانتي تعبانه ماصارلج اسبوع يمكن او شهر او سنه او سنتين ! حالتج ولاا شيء عند نبينآ ايوووب شووفي صبر 40 سنة والله عووضة باللي راح شااف ايمان عبده ! .. وشووفي حال غيييرج صدقيني بتهون عليج مصيبتج واحمدي الله و اشكريه على كل لان الله صرف عنج بلااااء مو انتي تقولين تدفعين صدقة والصدقة تدفع البلاء ! يمكن اذا الله استجاب دعوتج بتشوفين الويل و المصايب و الظلم ..

والله يفرج همج رددي دعاء الكرب [font=&quot]اللهم إني عبدك ابن عبدك ابن أمتك ناصيتي بيدك،ماضِ في حكمك ، عدل في قضاؤك ،أسألك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري ،وجلاء حزني وذهاب همي[/font]
[font=&quot][/font]
[font=&quot]



[/font]

 

[brettey]

بعد عمري ماقصرتوا بس والله مو شايفه الخيره والله اقسم يوم الله ما استجاب لي الحين انا طايحه بمشكله كبيييره مو عارفه شلون احلها مو عارفه شسوي شلون واذا مانحلت واااي لا مايصير جذي اذا ربي ماحلها لي منو بحلها ؟ومشكلتي لازم تنحل الحين من القهر والتفكير والبجي حاشني صداع وفطرت وخذيت بندول هالمشكله تلي انا فيها الحين ماتحتاج صبر حتى لي الليل شسوي

 

[M!Ss Smart]

اختي اذا الله حب عبده ابتلاه يبيه يكون قريب منه وانتي حمدي ربج بعد الله كاتبلج جذي في ناس صارت لهم.مشاكل اكبر من الوظيفه او مشروع شوفيني انا اول حمل لي ومستانسه وأروح عند دكتورتي وتمطني مافي شي فجأه طرحت البيبي بدون اي سبب وبجيت بجي وتعبت نفسيتي والحمدالله على كل حال كنت ادعي ربي ان يحفظه بس مالله كتب وربي يرزق وربي اللي ياخذ لاتخلين الوسواس يتعبج صدقيني كل تاخخيره فيها خيره وباجر لي فرج عليج الله راح تفهمين ليش هالامور صارتلج بس انتي حمدري ربج وبس والله ان شاءالله يرفع عنج ويرزقج من اوسع ابوابه *

 

[هاجر الكويت]

عسى الله يشرح صدرج ويرزقج اللي ابالج ويفرجها عليج

لاحول ولا قوة إلا بالله العلي العظيم
لاحول ولا قوة إلا بالله العلي العظيم
لاحول ولا قوة إلا بالله العلي العظيم
لاحول ولا قوة إلا بالله العلي العظيم