شوفي حبيبتي انتي كتبتي المشكلة تبين تسمعين الردود تحمليني والله مو قصدي اضايقج بس احتريت على الوضع ...
أول شي نيي لريلج شنو معيارالغيرة عندج !!!
اذا على لبسج اهوا من خذاج هذا لبسج يعني مو تغير عليه اللي يعصب ويغار ماخذج راضي فيج وبلبسج وعنده هالشي عادي وان كان لبسج كله غلط بغلط عباة مخصره وضيج وبعظمة لسانج قلتي فتنة بس بذكرج بحديث الرسول صلى الله عليه وسلم " نساء كاسيات عاريات مائلات مميلات لايدخلن الجنة ولا يجدن ريحها "
حتى ريحة الجنة تحرم عليها وانا شايفة البنت بالعباة المخصرة والله انها اغراء اكثر من لو انها تمشي مفصخة يمكن لأنها تبرز معالم الجسم بشكل فظيييع خاصه مع الأسود فاتقي الله في نفسج مرد هالجسم تحت التراب والدود بياكل فيه لا ينفع لا جمال ولا دلال ...
توقعات :
** فيج نقص عاطفي ومستانسة ان الشباب يغازلونج فقاعده تسوين الاسباب اللي تدفعهم للمغازل
انا متنقبة وصغيرة وكل اللي يشوفني يدري اني صغيره ومع هذا لله الحمد ماتعرضت لمغازل من الشباب وهذا ردا على الاخت اللي تقول الشباب يغازلون حتى المتسترة .... باختصار الانسان المحترم يفرض احترامه والبنت اهي اللي تقول للولد انا مستعده للمغازل غازلني .... يا حبيبتي حطي بعين الاعتبار انج متزوجة ...
ذكرتيني بوحدة بالدنيا تقول الشباب يغازلوني وريلي مايقولهم شي هذا مو ريال واخر شي تطلقت والحين قاعده تنطر النصيب لو شايب اهي راضية!!
ومع احتراااااااامي لج .... واقدر اقول 90% من كلامي احتمال يكون اكيد واذا مو أكثر ... انتي تمشين وتخززين بالريااييل يمكن !!
يعني الوحده لا مشت سيده الصراحه ما تتعرض حق هالشي ,,, يعني اشوف نفسي بالسوووق امشي سواء بروحي والا مع ريلي اشوف الناس والناس تشوفني اكيد ماقدر اسكر عيوني واصمغها بصمغ بس الصراحه .. اي صح تطيح عينج على اشكال الناس ملابسهم نظره خاطفه على الويه بس مو احط عيني بعين الرياااال اللي مقبل علي واللي مر يمي وأسبل برموشي وكحلي ولابسه لبس اقولهم فيه تعالوا ولما يغازلوني اعصب على ريلي وأصيح واكتب مشكله ماعنده غيرة ,,, بالأول انتي غاري على نفسج واحفظي روحج من الامتهان يا حبيبتي لا تصيرين سلعه رخيصه ... اذا ماغرتي على نفسج لا تجبرين ريلج يغار عليج ...
في مقوولة امي دايما تقوله والله انها حكيمة تقووول غاليا كل مشكلة كبييرة بين الريااييل وراها حرمهم ن قريب او بعيد وعز الله انها صادقة انا اقول غالبا مو دايما ...
يعني تخيلي وعيشي معاي الموقف ,,, يالله نبدي شاب تحرش فيج بعد ما شاف منج ك هالاغراءات ريلج شااااش وانتبه وثاااااااااار وقام وقال حق الشاب ليش تطالع ؟ انت ما تستحي انت وانت وانت وقام لته طراق والا طكه بكس او حتى ماطقه بس تطاول عليه بالكلام ... يا سلاااام ويقوم المغازلجي ويكفخ ريلج واييون ربع المغازلجي ويطلع واحد معاه عجره وطاحوا طق بريلج عشان حرمه المصون اللي اهي انتي تستانسين ... قوليلي شبتسوين حزتها لا شفتي ريلج جذي !!!
يا ماما والله الشباب مايتحاجون على خزني واخزك يتقاتلون ذبح ذبح ماتقرين جرااايد ؟؟؟؟
شنو انتي ماتحبين ريلج تبين تجنين عليه ؟؟ تبين تصيرين ارمله ... والا ريلج يصير فيه عاهه عشان تعافينه وتروحين تدورين غيره هذا اذالقيتي؟؟؟
واااااااااي تعبت وانا احجي لأني محترة منج ....
وشوفي احتمال كبير ريلج مايكلمج من زود الثقة اللي اسمحيلي انتي موقدها فيشوف الشاب تعرض لج ومرتي مسكينة -مع ان انتي اللي تحرشتي فيهم قبل بلبسج وفتنتج- ماسوت شي فيسكت درءا للمشاكل ...
واااي سامحيني ادري كلامي قوي بس والله مو حقدا خايفه عليج من تفكيرج السطحي الصراحه
والبنات اللي قاعدين يشيشوووون ماتعرفون تقولون كلمه سنعة!!! يعني لا تشيشت المرة وصارت مشكلة عووودة والسبة حجوتج اللي ثورت النار فيها تستانسون !!!![/size]
