تكفون ابي حل للخجل

[الحزن مرافقني]

مشكلتي أنى أعاني من الخجل الشديد لدرجة أنى لا أستطيع الجلوس في جماعة

و إذا جلست أتوقع أن يحمر وجهي أمامهم فأظل خائفة طوال الجلسة

لقد أصبحت انطوائية وأهرب من جميع المواقف التي أتوقع فيها أن يحمر وجهي،ومرات اسأل نفسي عن السبب والله

موناقصني شي تكفون ابي حل اذا تعرفون دكتور ه

تعالجي عطوني رقمها ومشكورين

 

[الحزن مرافقني]

محد رد ؟؟ زين عالاقل عطوني رقم دكتوره تعالج او منى الغريب

 

[M.H.H]

هلا ياحلوه ...

اختي انتي ذكرتيني بنفسي أول .........

وبفضل الله تعالى أولا؛؛؛

ثم إني كنت أراجع مكتب الانماء والصراحه أنصحج تروحين لهم

أولا لانهم على درجه عاليه من الكفاءه والتدريب

ثانيا ان استشاراتهم مجانيه ...

وكذلك تلاقين في الجريده في صفحة اسماء الاطباء مركز الاستماع أعتقد هذا اسمه ؛؛؛؛؛؛؛

اخذي رقمه من الجريده واتصلي لاتخليين صدقييني راح تستفيدين وتلاقين الحل حق مشكلتج

واهمه هم متخصصين ... جم وحده قلت لها عنهم واستفادت ...

خاصه إنج راح تتكلميين بالتليفون وانتي قاعده في بيتكم ..

ونصيحتي الاخيره لج اختي ان تغيرين اسمك أولا.....لأنه الصراحه يضيق الخلق ويجيب الكآبه :0bee2e8d89:

 

[مهـــــــــرة الحســـن]

حبيبتي هذي مو مشكلة ولاتكبرينها بعدين تزيد:lkmnkl:

عادي انا كنت مثلج قبل ،، اهم شي خلي ثقتج في نفسج قوووية ،:ggdw:

وحاولي في البداية تقعدين مع جم بنت لين ماتتعودين ويصير الوضع فري مع الجماعة ، ولاتحطين في بالج انج خجولة ترى المخ يرسل اشارات وتنعكس على تصرفج ..

وانسي الجماعة كأنج بروحج :tongue22:

وحاولي مع نفسج واذا ماقدرتي تتغلبين ع الخجل استشيري دكتوره خل تساعدج ومافيها شي

اتمنى اكون افدتج ..

 

[!! الواصليّـــــة !!]

الخجل مرفوض والحيا مطلوب

حبيبتي كلنا من تراب ولتراب

انا مثلك بس مو خجولة لأ حياويه بزياده

لين عودت نفسي ع الشي اللي ابيه ،

أفكارك من صنع نفسك ،، ف لاتعطين تفكيرك افكار زي كذا ،،

اجلسي مع الناس اول مرة وثاني مرة ويمكن لي 3 مرة بتحسين بصعوبه ،، لكن بعدها اجزم ان الوضع بيصير عاااااااااااااااادي عندك ،،

دمتي لي

 

[0(مـــســـ(مطير)ــــــك)0]

كفو ووفو البنات

وهذا رقم مركز الاستماع 804447

 

[الحزن مرافقني]

مشكورين بنات ماقصرتوا بس عندي سؤال مركز الاستماع شلون طريقتهم واذا حريم يكون احسن

 

[vogue grl]

تدرين شنو احسن حل للخجل انه ترغمين نفسج تجلسين مع جماعه كل مره ..ومره عن مره راح يخف الخجل
بحط لج فقره تفيدج

التدريب الثاني

إذا كنت تشعر بالخوف من شخص معين مع انك تعرف ان ليس له سلطان عليك لكنه استغل خوفك منه وفرض سيطرته عليك فالجأ الى استخدام أسلوب الصدمة المفاجئة لكي تحطم هذا الخوف الوهمي كما يلي
- انتهز اول فرصة تتقابل فيها مع ذلك الشخص واختلق موقفا متوترا وقم بمهاجمته لا بالسباب او الشتائم ولكن قل له ماهو مكبوت بداخلك نحوه بأسلوب حازم وقوي ستجده قد فوجئ بهذا الأسلوب منك وستصبح سيد الموقف وسيعمل لك الف حساب بعد ذلك ولن يساورك الخوف منه
- لاتتردد في انتهاج هذا الأسلوب الخاطف لأنه الأسلوب الوحيد الذي يخلصك من مخاوفك في مثل هذه المواقف ويعيد ثقتك بنفسك

 

[نيولوفر]

جبيبتي الخجل مو مشكلة بالعكس الخجل تاج ع راس البنت ... و بمجتمعنا الخجل مطلوب و مرغوب فيه حييييييل... انا كنت جذيه قبل بس مع الوقت حسيت اني طبيعية ... عودت نفسي ع الاختلاط مع الناس سواء بالبيت اوبالجامعه او بالدوام و الحين عادي... و اقولج شغلة تفيدج اذا قعدتي مع الناس حطي ببالج انه انتي طبيعية و جذابة و صدقيني راح تصيرين حدج طبيعية و محبوبة بعد... و الله يوفقج حبيبتي

 

[Anastasia]

جبيبتي الخجل مو مشكلة بالعكس الخجل تاج ع راس البنت ... و بمجتمعنا الخجل مطلوب و مرغوب فيه حييييييل... انا كنت جذيه قبل بس مع الوقت حسيت اني طبيعية ... عودت نفسي ع الاختلاط مع الناس سواء بالبيت اوبالجامعه او بالدوام و الحين عادي... و اقولج شغلة تفيدج اذا قعدتي مع الناس حطي ببالج انه انتي طبيعية و جذابة و صدقيني راح تصيرين حدج طبيعية و محبوبة بعد... و الله يوفقج حبيبتي

والله انا معاها .. الخجل حلو .. وميزة البنت .. لاتوترين عمرج هالشي صفة حلوة
زينة البنت حياها ..
.
انا بقولج طريقتي ووايد عززت الثقة فيني .. اول شي ملابسج انتي تشترينهم ابروحج وعلى ذوقج ومشتاهج ولا تقصريين على روحج من هالناحية لو غالي لو مايسوى ..
لابغيتي اتروحين زوراة ولا يمعة ولا مناسبة لاتقصرين على روحج بحدود المعقول خلج واثقة مية مية انج تهبلين وشكلج زوغة .. لارحتي المناسبة قعدي ورزي نفسج بالقعدة وحطي ريل على ريل .. خلج ساااكتة وتبوسمي بس وهزي راسج بهدوووء ولاتكثرين حجي بالحسرة تطلع منج كلمة ولا كلمتين .. وصدقيني صدقيني مرة عن مرة راح اتشوفين نفسج تغيرتي .. وانج واثقة من نفسج ولبسج وشكلج وانج بتبهرين الناس بستايلج وكشختج .. والناس راح يحسون انج انسانة واثقة وراقية لانج ساكتة فمايدرون شنو مايتج فيحسون انج غيييرر ويهابونج شوي.. وصراحة صرااحة ياحلووو السكتة صج صج ترز الواحد لو منو كان ..
اعرف ناس وعيا عبالهم انهم بيبهرون الناس بالهذرة والتمثيل .. فتحسييينهم حتى بين اهلهم مو طبيعيين وقرررررقة ودلع ماااصخ .. عبالها انها ماكلة الجو ومبهرة الناس .. وساعات حتن باليمعات الكبيرة فشششلة جدام الناس فشلتنا هذرة مو طبيعية حركااات جنها اتمثل .. اهيا ببالها انها ابهرت الناس .. والناس يقولون شهالمطيورة ..
.
وهم اعرف ناس .. اول ماشفتها ساكتة ورازة نفسها وراسها مرفوع وشادة ظهرها بالقعدة واذا كلش كلش تبوسمت .. قلنا شالرزززة .. يوم قعدت معاها عقب بيني وبينها وسولفت الله لايورييج ياااهلل هههههه ومسكينة اتأتئ وعليا بس طاعي ماااهمهاااا .. وواااثقة

 

[الحزن مرافقني]

مشكورين على ردودكم الحلوه بس انتوا مافهمتوني انا اقصد الخجل الشديد اللي هو احمرار الوجه بدون سبب ماقصد الخجل او الحياء الطبيعي
وطريقه اني اجلس مع جماعه مره ومرتين سويتها بس مانفعت وبعدين انا بعالج نفسي لان مابيهم يشوفون احمرار وجهي اتمنى انكم فهمتوا
قصدي

 

[Anastasia]

امبلة فاهمينج بس انتي اللي مو راضية تفهمينا
.
الاحمرار طنشييه .. وانيه ولا تفكرين فيه بيروح .. دقيقة دقيقتين ربع سااعة بيروح .. اهم شي لاتتوترين

 

[الحزن مرافقني]

مشكوره ياقلبي بس فشله يشوفون وجهي احمر هذا اللي احاتيه

 

[Anastasia]

بالطقااااق خل يقولون كلام الناس لايودي ولا اييبب .. لازم اتحلصين من مسشكلة انج تحطين وزن حق الناس اللي يسوى اللي ما يسوى ,, مايصير جذي ..
خلج واااثقة من نفسج انتي تهبلين واتيننين ماله داعي اتحاتين واتفشلين شحقااا ؟؟

 

[الحزن مرافقني]

يابعد عمري والله انج فهمتيني صح انا احط وزن لهم وحيل اهتم ان شاءالله بسوي اللي قلتيه وامانه ادعوا لي ان الله يشافيني

 

[Anastasia]

والله قلبي معاج وبدعيلج ..
ترى رضا الناااس غاية لاتدرك .. الاهم رضا ربج والله .. ولا الناس شبينفعونج فيه وشبيضرونج فيه ؟؟
سوي مثل ماقتلج .. كشخي ولا تقصرين على روحج وروحي وانتي باااخر حلاوة ,, يمكن البنات اللي قرو كلامي يضحكون او مستغربين مني ..
الشي اللي ماعرفتوه يا بنات .. انكم اذا كنتو كاشخين ولابسي على مشتهاكم .. انتي نفسيتج اتعدل .. وماتقعدين تحاتين .. تنورتي مقصملة ولا قميصي جنه لونه رايح .. شعري ما مداني امشطه عدل .. اظافري مو مقصصة .. الناس يطالعوني .. الناس منتبهيلي .. هذيج اللي تتساسر مع اختها اكيد عني .. وطول القعدة بدال لا تسمعين السوالف وتستانسين ..
تقعدين تسحبين جمومج على اظافرج وتردي شعرج باصابعج واتيرين تنورتج لي تحت ..
.
لمن انتي تكونين مهتمة بشكلج .. ومختارته ومنقيته بثقة .. اتروحين ولا هامج .. بالعكس اذا تساسرت وحدة تحطين ابالج "اي اكيد تقول ياحلات ترجيتي ولا قلبي ولا جوتيي" .. فهمتيني ؟؟
.
طبعا ماقصد انج بزوارة عادية تكشخينلي كشخة استقبال ولا عرس لااا .. لكل مناسبة اللي يناسبها فهمتي ..؟
.
وبس ياعمري .. دايم حطي ابالج ..انج انسانة مميزة .. وغيييير عن كل الموجودين .. باختصار انتي مختلفة عنهم .. لانج انتي انتي
وديييري بالج تطالعين احد ان احسن منج .. اهوا غير وانا غير .. مثل ما اهوا له مميزاته اني لي مميزاتي .. بس ليلحين الناس ماعرفوها ..
.
انا متاكدة ومن طريقة كلامج انج انسانة مختلفة .. يمكن انتي تحسين ان اللي حوالينج ما يشاركونج نفس الاهتمامات ومنطق التفكير ..وبدال لا تحسين بالفخر .. انتي اتحسين انج اقل منهم وانج موطبيعية نفسهم .. للاسف تفكيرج اهوا اللي سحبج لهالحالة اللي انتي فيها ..
.
ابيج اتعلمين شلون اتقدرين وتحترمين ذاتج .. دااايم لمن اتشوفين شغلج بين الناس .. مثلا مثلا ..
.
انتي مسوية طبق وحاطته على الطاولة مع اطباق ثانية مسوينها بنات خالتج او عمتج او حريم حموينج او حمواتج او زميلاتج بالدوام وغيرهم وغيرهم ..
.
التفكير الغلط .. انج تقعدين اتقولين .. "وي طاع طبق فلانه ايهبل بس تشوفينه تشتهيه .. ومزينته .. ولا انا .. امبي افشل لو يصير اسحبه بدون لا يحسون واقول نسيت اسوي .."
.
التفكير الصح : ..انج تقولي :" صج طبق فلانة وعلانه حلو ومزينينه .. بس شدراني يمكن بس شكل .. بس انا شغلي انا متاكدة انه لذيذ .. والعبرة بالطعم مو بالشكل .. يكفي يكفي انه انا يايببته وتعبانه عليه.." .. وانج تميزييينه من بين الاطبااق ودج اتقولين حق كل خلق الله ياااناااس ترى هذا طبقي تعالو اكلو منه .. يعني باختصااار افتخري بنفسج لو على اتتتتفففه الاشياء .. اذا انتي ما حبيتي ذاتج واحترمتيها وقدرتي اللي يطلع منج والي سويته .. منو بالله بيقدرج وبيحبج وبيحترمج ؟؟؟ ترى الناس هاليومين مافيهم خير .. بس طايحيييله تكسر مياديف .. اذا انتي مو واثقة ومتاكدة الف بالامية من نفسج وان اللي جدامج كلامه يدش اهني ويطلع من اهني .. شبيصير فيج ..
.
انتي باجر وراج حمولة وراج ريل وراج خاالة ورااج دوااام .. العيون كلها عليج يبووون الزلة .. لازم تكونين قوية ..
.
ودااايما طنشي .. مثلا انحرجتي .. ولا اخطيتي بشغلة .. ولا سويتي شي بالغلط مهما كان حجم هالغلطة كبيرة صغيرة مصيييبة .. عادي ..لاتقعدين اتغربلين واتدودهين واتفشلييين .. لا قولي بينج وبين نفسج "يبااا عاادي شفيها يعني بس انااا الي اخطيت ؟كل الاوادم يغلطون عادي " ورفعي رااسج بكل ثقة ولايهمج ..
.

 

[الحزن مرافقني]

مشكوووووووره وربي ماقصرتي يعطيج العافيه

 

[اروى77]

انا مثلك ويمكن اكثر شوي وقيل الزواج كنت احسبها مشكله بس تصدقين اذا قتلك ان هالشي احد الاسباب اللي خلت زوجي يحبني ويتزوجني وليما الحين ينبسط اذا شاف ويهي احمر ومراااااااااااااااات وايد يتعمد كنت اطفر وابجي بس تعودت