تكفون ابي افضل مكتب سفريات يسوي رحلات جماعيه !!!

[أم عزيـز]

السلام عليكم

طبعا من العنوان واضح الموضوع

ان شاء الله اذا الله اراد نويت اسافر هالسنه مع عيالي وزوجي حق اوروبا
ومع قروب لأن عيالي معاي وطبعهم اجتماعيين الله يحفظهم

مع ان اللغه عندنا وايد زينه لله الحمد وهم زوجي ماشاء الله عليه شاطر
ويعرف يسوي جدول سياحي حق اي دوله
انا سافرت معاه كذا مره بروحنا واستانسنا وايد

بس هالمره عيالي معاي عشان جذي مضطره اروح مع قروب خاصه ان عيالي عمرهم 7 سنين و6
وبنتي الصغيره سنه ونص يعني اذا رحنا بروحنا بنتأذا

ابي اللي ترد علي تكون مجربه القروب وعارفه القايد والفنادق

انا امس رحت سفريات المستقبل عروضهم حلوه بس قلت بسأل قبل لا استعيل واشوف سفريات ثانيه

طبعا السيد والرابيه حطيت عليهم x لأن اهلي مجربينهم وما عجبوهم لا من قايد ولا من فنادق وحتى الرحلات يقولون شي وتتفاجئون بشي ثاني


همتكم معاي حبيباتي ودي بشورتكم

 

[maryam_q8]

حبيبتي شنو عروض سفريات المستقبل ماعندي فكرة عن مكاتب السفريات

 

[b.m.f.j]

والله نصيحه لايقصون عليج والله نصابين وزوجي كان يشتغل مع سفريات حيل معروفه طلع معاهم وبعدها قال مستحيل اعيدها
دامكم تعرفون انجليزي روحوا بروحكم احنا رحنا بروحنا وحجزنا كل شي بالنت ومعانا (جي بي اس ) مال اوربا اجرنا سياره وفرينا فرنسا والمانيا وايطاليا ومرينا اماكن عجيبة وتهبل وكان معاي بناتي 7و4 سنوات والله اونس من قروب والناس هذا مرض وهذا ماله خلق رحله وهذا مايبي ازعاج عيالج احلى شي بالسفر انج انتي وزوجج وعيالج تكونون بروحكم

 

[أم عزيـز]

حبيبتي شنو عروض سفريات المستقبل ماعندي فكرة عن مكاتب السفريات

عندهم كذا عرض حق النمسا وفرنسا والمانيا
بس انا ما ركزت عليهم لأن ما ابي لا فرنسا ولا المانيا

والله نصيحه لايقصون عليج والله نصابين وزوجي كان يشتغل مع سفريات حيل معروفه طلع معاهم وبعدها قال مستحيل اعيدها
دامكم تعرفون انجليزي روحوا بروحكم احنا رحنا بروحنا وحجزنا كل شي بالنت ومعانا (جي بي اس ) مال اوربا اجرنا سياره وفرينا فرنسا والمانيا وايطاليا ومرينا اماكن عجيبة وتهبل وكان معاي بناتي 7و4 سنوات والله اونس من قروب والناس هذا مرض وهذا ماله خلق رحله وهذا مايبي ازعاج عيالج احلى شي بالسفر انج انتي وزوجج وعيالج تكونون بروحكم

بالعكس اختي مو كلهم
انا اهلي دايم يروحون مع جروبات
يمكن انخدعوا مرتين في سفريات السيد والرابيه بس الباجي من اروع ما يمكن
وانا مثل ما قتلج بالبدايه الحمدالله انجليزينا قوي ونعرف نسوي جدول سياحي بس دام معاي عيالي مستحيل وانا عارفه نفسي
انا عيالي اسم الله عليهم اجتماعين يعني راح يضيق خلقهم بروحهم حتى لو استانسوا اذا الرحله بعيده راح يعلون جبدي متى نوصل وما ادري شنو عشان جذي ما ابي اجازف
وانا اذا رحت مع جروب مو معناته اني بتقيد معاهم بكل الرحلات !! بس الرحلات اللي تعجبني بروحها واللي ما تعجبني اروح مع زوجي وعيالي

عشان جذي وضحت من البدايه اني ابي قرووووووووووووووووب
وعفيه بنات لحد يقولي روحي بروحج لأني قلت أسبابي

بس ما ادري 37 وحده داشه الموضوع وحد رد الا ثنتين ؟؟
شدعوه محد يقدر يساعدني

 

[أم@الحلوين]

انا رحت مرتين قروب مع المستقبل وكانوا الرحل من اروع مايكون والقاسيد كان ياي مع وزجته وعياله يهبلون ما يخلونج تحتاجين حق اي شي وانا بصراحه ما أثق اروح مع اي احد عشان اهلي هم راحو مع السيد ووايد تأذوا منهم وقالوا توبه
صج انا المستقبل اغلى شوي بس والله راح ترتاحين معاهم
انتي وين بتسافرين؟

 

[أم عزيـز]

انا رحت مرتين قروب مع المستقبل وكانوا الرحل من اروع مايكون والقاسيد كان ياي مع وزجته وعياله يهبلون ما يخلونج تحتاجين حق اي شي وانا بصراحه ما أثق اروح مع اي احد عشان اهلي هم راحو مع السيد ووايد تأذوا منهم وقالوا توبه
صج انا المستقبل اغلى شوي بس والله راح ترتاحين معاهم
انتي وين بتسافرين؟

مشكوره حبيبتي وايد على ردج
توني يايه من سفريات المستقبل وحاشني احبااااااااااااااااط

كنت متحمسه وايد اني اروح معاهم في رحله (فيينا - سولفينا- ايطاليا)
وعيالي صار لهم سنتين يحنون علي يبون يروحون الثلج على قولتهم لووول
لما قررت اليوم عقب بحث وعناء طويل في النت ومعلومات عن المناطق والدول اللي راح ازورها
رحت عساس اقوله ابي هالرحله بس سألته راح تودونا رحله الثلج !!! قال لا
الثلج قلريب عند زالمسي واحنا بنوديكم فيينا !!! والدول الثانيه مافيها ثلج قصده سولفينيا وايطاليا
ضاااااااااااااااااااااق خلقي وقلت له انا بروح النمسا عشان الثلج اذا مافي ثلج ماكو فايده

قالي في رحله ثانيه (فينا - زلمسي - ميونخ) بس البايخ فيها ان ميونخ 5 ايام !! وميونخ حدها يومين ويخب عليها لأني ما احب التسوق ولا هالسوالف !!!

جان اسئله عن سويسرا هم ضيق خلقي يوم قال ان عندهم رحله جنيف وباريس وانا باريس رحت لها وكرهتها لأنها ما عجبتني وحتى شعبهم معاملته جافه ولعينين !!!!


حاولت اقنعه ان اتلاقا مع القروب في سولفينيا وانا اروح بروحي زلمسي
بس ما رضا قالي ما يصير انتي محسوبه علينا في فيينا يعني راح تدفعين مرتين مره مع القروب فيينا وانتي مو موجوده
وتدفعين سعر فندق في زلمسي بروحج !!!!

والرحله بعيده من فيينا حق زلمسي تقريبا 4 ساعات روحه !! وانا بنتي عمرها سنه ونص
هني عرفت ان مالي نصيب اروح مع المستقبل

بس ناطره سفريات الدبوس يقولون الأحد راح ينزلون والفضاء قال يوم 10/6 ينزلون رحلات !! وايد بعيد الله يهداهم
ننطر وان شاء الله خير

 

[أم@الحلوين]

هلا ام عزيز حتى انا توني راده من سفريات المستقبل وغيرت وجهتي ما ابي اروح اوروبا خلاص قررت اروح استراليا انشالله اول شي ابرد واوربا حر ورومانسيه اكثر من انها سياحيه وثاني شي اونس حق اليهال وراح تكون رحلتنا 7/7 ومدتهاا 23يوم

 

[توته احلى بنوته]

دامج بتأخذين عيالج فانا عندي استراليا احلى بوايد من اوروبا خاصة حق اليهال يعني عندج كولد كوست كلها رحلات عجيبه حق اليهال واذا يبون ثلج عندج ملبورن جبليه وكلها ثلج وانا انصحج تروحين على اخر شهر 7 الجو بهالوقت عندهم واو ولا تنسين ملابسكم تكون ثقيله
وبنتج ام سنة ونص صغيرونه ماتحمل السفر والرحلات ليش تأخذينها؟؟

 

[ام قمرانشاءالله]

شوفي سفريات الديوان مسوين جروبات واسعاااارهم حلووووه

 

[أم عزيـز]

مشكورين بنات على مشاركتكم ما قصرتوا

طبعا في بنات عطوني رايهم في استرالا وانا وعيالي حابين اوروبا لأن اهلي راحوا سنتين وره بعض واستانسوا وايد حتى عيالهم

المهم انا حجزت جروب مع شفريات الوسيط سعرهم زين وحلو وسفرتنا ان شاء الله 10/7

راح تكون (ميلانو - زيورخ - ميونخ)

تسلمون وما تقصرون

 

[مارون جلاسيه]

انا مسافره مع سفريات المستقبل وايد زينيين

 

[أم@الحلوين]

مشكورين بنات على مشاركتكم ما قصرتوا

طبعا في بنات عطوني رايهم في استرالا وانا وعيالي حابين اوروبا لأن اهلي راحوا سنتين وره بعض واستانسوا وايد حتى عيالهم

المهم انا حجزت جروب مع شفريات الوسيط سعرهم زين وحلو وسفرتنا ان شاء الله 10/7

راح تكون (ميلانو - زيورخ - ميونخ)

تسلمون وما تقصرون

وانا بعد حجزت على الوسيط بس احنا فينا زلمسي ميونخ اسعارهم وايد حلوه

 

[أم عزيـز]

أم@الحلوين عليج بالعافيه

بس انا احاتي الترانزين على الاماراتيه
ان شاء الله ما يخلونا نطول في الامارات عشان ما يضيع علينا اليوم

 

[سالمه]

السلام عليكم خواتي منو فيكم جربت السفر لجنوب افريقيا مع سفريات السيد او الرابية .........واي السفريات احسن
وشلون صايرة فروباتهم .......والديرة حلوة وتونس اليهال وولا لا

 

[ساره 20]

:klhfl:

 

[ساره 20]

الله يعافيييييييييكم اكتبوا شنوا العروض والاسعاررررررررررررر والمكتب الي مقدم العرض

 

[أم@الحلوين]

أم@الحلوين عليج بالعافيه

بس انا احاتي الترانزين على الاماراتيه
ان شاء الله ما يخلونا نطول في الامارات عشان ما يضيع علينا اليوم

تسلمين حتى انتوا عليكم بالعافيه حتا احنا قالو لنا ساعتين ترانزيت ننزل نصلي ونتمشى او نقعد في كوفي شب ونتوكل ع الله وانشالله نروح ونستانس

 

[ساره 20]

الله يعافيييييييييكم اكتبوا شنوا العروض والاسعاررررررررررررر والمكتب الي مقدم العرض

بنات شدعوه اعطوناااااااااااا وجه لاني من الخبر وصعب علي ادق على كل مكتب:0bee2e8d89:

 

[أم@الحلوين]

بنات شدعوه اعطوناااااااااااا وجه لاني من الخبر وصعب علي ادق على كل مكتب:0bee2e8d89:

حبوبه سفريات المستقبل معروفين وايد زينين انا مجربتهم ورقمهم22453412

 

[78MariMar78]

ام الحلوين كم كلفة السفرة
يا ليت على الخاص
واذا واحد تعرف كم تكلفة السفر لعدد 5 أشخاص عالخاص ربي يسلمكم