تصدقون اني قريت اكثر من 30 صفحه بهالقسم وكل مشكله أقراها اقول ياحظ صاحبتها ؟؟؟
يقولون من شاف مصيبة غريبه هانت عليه مصايبه بس للحين ماقريت اللي يهون مصيبتي !!!
في البدايه أنا سعوديه عايشه نص عمري بالكويت بعدين رجعنا لديرتنا لما تقاعد أبوي عشان تفهمون مشكلتي لازم أرجع شوي للطفوله
الوالده الله يسامحها كانت قاسيه حيل وعمري ماحسيت تجاهها بمشاعر الامومه كانت تتفنن في ضربنا احنا البنات بسبب وبدون سبب وخصوصا قدام الناس وكنا نخاف منها
كانت تفضل العيال علينا واذا بكى واحد فيهم لاي سبب تنادينا عشان يطقنا ويسكت وما نقدر نقول آي وقدام الحريم توجه كلامها لنا ياغبيه , ياحماره , ياخبله والحريم يضحكن وهي تزيد
مره كانت توها طالعه من الطبيب كانت مرقده وانا ماشفتها كنت نايمه لما قعدت رحت اركض ابي اسلم عليها وما انتبهت لقلاص ماي وانكب على الفرشه
قالت لي تعالي ورحت قسم بالله صفقتني كف قدام كل الحريم اسبوع ما اقدر انام على هذي الجهه إذني تعورني كان عمري 12 سنه
حرام عليها حطمت شخصياتنا حتى اخواني مدلعين ما يعرفون يتصرفون لحالهم ومالهم شخصيه
لما كبرنا اكتشفنا ان امي كانت تتعرض للضرب ايام طفولتها وجدتي كانت تكرهها لانها بيوم ما ولدت امي مات 3 من خوالي فكانت تتشائم من أمي المفروض ماتعرضنا لهالموقف بما انها عاشته
يمكن تقولون امك ماتكرهكم بس ماتعرف تبين مشاعرها
بالعكس تزوجنا واذاجينا لامي يضيق خلقها ( زوجتكن ولا افتكيت منكن ؟) كلمتها المفضله كلنا تزوجنا زواجات تجيب المرض اي شخص يخطب يزوجه ابوي مهما كان ردي لحسن حظنا ما خطبونا هنود
تزوجت واحد ماخلا وحده ما خطبها بس محد رضى يزوجه لانه ردي على قولة عمي كان عمري 18 ...
وعشت معاه ومع امه وخواته كان لي غرفه وحده بس مو اوادم ذيابه مسعوره وانا مااعرف اتصرف متعوده ببيت اهلي على الذل والاهانه ومشيت مع الناس
اقسم بالله ان البنات دايم يغلطن علي هن وامهن ويلعنن ابوي وامي ويحرشن زوجي يمد ايده علي وانا قاعده معاهن قدامي على اتفه الاسباب واذا ما طقني يعايرنه ممشيتك مثل الكلب وتخاف منها وهي الرجال مو انت وطبعا عنتر يبي يثبت انه الرجال مو انا
ويكسرني قدامهن وامه تقول هالشكل الرجال تطق ؟ مالت عليك والله انا مو راعية مشاكل وابجي بغرفتي وارجع اقعد معاهن مالي احد وما اعرف اتصرف نفس المعامله كنت احصلها عند اهلي
ومرت الايام وحصلت وظيفه وتوظفت وعندي عيال ام زوجي كانت تقول جيبي شغاله لعيالج ترى اقطهم بالشارع والله
وجبت شغاله للبيت طبعا ما اقدر امر عليها والله تجيب لي شي كانت تخدم العجوز وبناتها لدرجة ولدت وما خلتني آخذها معاي عند اهلي واكلت تبن ورحت لاهلي انا وعيالي بدون الشغاله
وتدور الدنيا على امي ويتزوج ابوي عراقيه طردت امي من البيت وخلت امي ماتسوى فلس
نسيت اقول ان شخصية امي حيل ضعيفه بس علينا شاطره المهم مرت ابوي قدام الحريم تقول لامي يا خبله تخيلو وامي ماترد عليها ودايم تفشل امي والحريم يضحكن
امي من الفشله تحط الحره فينا قدام الكل وعيالنا بطولنا تقول الله ياخذكن يابهايم ماتفهمن ليه ؟ طبعا تصرف ضحك الحريم عليها وتوجهه علينا عجزنا وحنا نحاول معاها ما تعرف تتحاور معانا
ليه يمه كذا حنا بناتك ؟ تقول لو الله ماخذكن احسن شنو استفدت من وراكن
ملاحظه : امي خطبت أخت ضرّتها لاخوي بغينا نموت يمه اختها طردتك من البيت ؟ معقوله ماعندك احساس ؟ بس هي اللي يذلها تبيه
ولحد الحين مو هني المشكله :
اخت زوجي متزوجه ولد عمها بدون بالكويت وعايشه عندنا لانها موظفه لانها سعوديه والله لايوريكم اذا عيالي مرو بس قدام عيالها تذبح عيالي من الطق وتهد علي تبي تطقني وانا ماعرف ادافع عن عيالي
بس رجاءا لحد يقول لاتسكتين عن حق عيالك لاني مره تهاوشت معاها عشان العيال كلام بس والله وتطلقت وانطقيت وحرموني من عيالي 10 شهور وتبت عقبها
المهم حماتي هذي طلقها زوجها لانها عوبه ورفض يرجعها 3 سنين واتفقو الحريم انه يرجعها مقابل ان زوجي يتزوج بنت عمه العانس وفعلا تزوجها ولا احد قالي
خلوني اطبخ عشاء الملكه وانا احاسب عشان ضيوف جو من الكويت بصراحه لاحظت ان الحريم يطالعن بوجهي ويضحكن بس مافهمت السبب بعدين دريت من اختي سامعه من الناس
زعلت رحت لبيت اهلي الله لايوريكم بنفس اليوم ابوي يقولي عطيني الصرافه وبكرى اطلقج منه طمعان فيني ابوي وامي اصلا توني داشه البيت مع اغراضي والله ماسالتني شفيج راحت لجيراننا وثاني يوم درت بالسالفه
جاء ابو زوجي يراضيني واتفق مع ابوي انه يحط لي مطبخ بروح <<< شفتو قدري عند اهلي ؟
ظليت ادعي على اللي ظلمني ليل ونهار وبنفس الاسبوع اكتشفو ان ابو زوجي فيه سرطان بالمخ وراح يتعالج برى الديره ومات ...
تخيلو اقول لزوجي وامه الشايب الله يرحمه حلف ايمان عند ابوي يحط لي مطبخ تقول العجوز روحي الحقيه للمقبره خل يحط لج مطبخ حنا ما وعدناج بشي
ورحت شريت لي فرن واطبخ في غرفة عيالي هي غرفة ينامون فيها عيالي ويدرسون ونطبخ فيها ونتابع التلفزيون
لما طلعت العجوز من العدّه صارت الزفه وتزوج زوجي الله لايوريكم شفت الضيم صج أثاريني كنت مدلعه قبل لايتزوج وانا مدري تخيلو جاب زوجي شغاله لزوجته تحت.
الله يرحم عمره مادفع راتب واحد لـ 3 شغالات جبتهن لامه يقول ماله داعي شغالات انتي وين ؟ مع العلم اني موظفه وعيالي 5 الله يخليهم
وخواته وين ماراحن خذن ضرتي معاهن عشان اخوها بس
وانا للحين حاطات دوبهن من دوبي يصعدن علي فوق يشتمني بسبب وبدون سبب وهذيك محد يقولها شي
اللي قاهرني ان خوات زوجي يقولن للحريم تو الحين صارت عندنا مرت اخو مثل الناس مو هذيك الله يعينه مدري شلون متحملها كل هالسنين ؟
مع العلم اني متوسطة الجمال وموظفه وعمري 30 سنه وهاديه وزوجته الثانيه عمرها 41 سنه ومتوسطة الجمال بعد ولا فيها شي مميز
بس امس طالعت المرايه اخترعت وربي احس حتى لوني متغير والهم كبرني 15 سنه
ماقدر اتجاهل الهموم لانها هي تجيني قلت له انا اؤجر بيت وافرشه لاتدفع شي يقول والله تندفنين بهالغرفه ولا تفرحين بطلعه من هالبيت
المهم قلت انا موظفه لازم اعز نفسي وسويت هوشه مع زوجي واخذت بطاقة الصرافه منه لانه هو اللي كان يسحب راتبي ومايعطيني شي الا بالحسره
واشتريت ارض وسجلتها باسم اخوي الصغير عشان اخواني يبنونها لي بيت وفعلا بنيته وليتني ما بنيت تخيلو خسرت فيه كل اللي عندي وركبت نفسي قروض الدنيا وسحبت سيارتين ولما قرب يخلص أخوي الكبير كسر ظهري
راح سجل البيت باسمه وحط عليه سلفية الحومه يعني البيت الحين مطلوب للحكومه بدون مايعلمني قلت له ليه سويت كذا ؟ رد علي وهو يصارخ قصدك انا حرامي ؟
بس تأخذ الحكومه فلوسها اسجله باسمج وفوقه تفله على وجهج قلت زين متى تآخذ الدوله فلوسها ؟ قال لي بعد 25 سنه :eh_s(2):
يعني البيت مايقدر اخوي يسجله باسمي قبل هذا الوقت ورحت لامي قلت لها يمه كلمي ولدج والله لو يدري زوجي انه يطلقني يرضيج يسرقني ولدج المشكله انه مو محتاج ؟ تدرون شنو ردها ؟
يسرقج أخوج أحسن لا يسرقج زوجج
من الحين انكر حقي يبي يرجعه لي بعد 25 سنه ؟ نسيت اقولكم البيت خلص وأجره اخوي على ناس ولا شفت ابيض ولا اسود
بعدها بكم يوم ولدت ولدي الاخير ورحت عند أخوي نفاس لان امي سكنت عنده تدرون شنو سوى فيني اخوي ؟ طردني من بيته من الكلب وامي قاعده تشوف ما قدرت ارد عليه بس طالعت لامي ابي اشوف ردة فعلها
والله انه ما رف لها رمش ولا جنه بنتها انطردت من البيت ظلت تتابع التلفزيون واخوي يصارخ علي تقول لعيال اخوي غيروا هالقناة شوفو لنا شي حلو
وانا بعباتي ماامداني افصخها هجم اخوي علي طلعت من البيت مكسوره ورحت لزوجي وقام يعايرني باهلي قلت له امي مسافره . قال لي خواتج ماقدرن يتحملنج كم يوم لما ترد امج ؟ مايدري عن شي
احس اني ابي انتحر ومو عارفه شلون اتصرف والمشكله ان الانتحار حرام والا كان من زمان مسويتها ...
والمصيبه العظمى ان عيالي احسهم مثل شخصياتنا ضعيفه جدااا بس على بعض 24 ساعه ناس تطق ناس ويكرهون بعض حيل انا خسرت اهلي وزوجي وما ودي اخسر عيالي بعد شورو علي تكفووون
مع العلم اني لاازال اسكن عند اهل زوجي بغرفتين صغار وحمام انا وعيالي الـ5
وما اقدر اتحكم بتصرفات عيالي لان اهلهم يحرشونهم علي وعلى بعض
وامي من 4 شهور ما شافت وجهي ولا سألت عني امس كلمت اختي اقول لها عطيني امي ابي اسلم عليها اسمع امي تقولها قولي مو موجوده عند جيراننا
تصدقون مو شايفه الكيبورد عدل من دموعي ؟ واحس ان مالي احد بهالدنيا وما كتبت الموضوع هني الا لان محد يعرفني وابي افضفض يمكن ارتاح
(( وبشر الصابرين الذين اذا اصابتهم مصيبه قالو انا لله وانا اليه راجعون ))
يقولون من شاف مصيبة غريبه هانت عليه مصايبه بس للحين ماقريت اللي يهون مصيبتي !!!
في البدايه أنا سعوديه عايشه نص عمري بالكويت بعدين رجعنا لديرتنا لما تقاعد أبوي عشان تفهمون مشكلتي لازم أرجع شوي للطفوله
الوالده الله يسامحها كانت قاسيه حيل وعمري ماحسيت تجاهها بمشاعر الامومه كانت تتفنن في ضربنا احنا البنات بسبب وبدون سبب وخصوصا قدام الناس وكنا نخاف منها
كانت تفضل العيال علينا واذا بكى واحد فيهم لاي سبب تنادينا عشان يطقنا ويسكت وما نقدر نقول آي وقدام الحريم توجه كلامها لنا ياغبيه , ياحماره , ياخبله والحريم يضحكن وهي تزيد
مره كانت توها طالعه من الطبيب كانت مرقده وانا ماشفتها كنت نايمه لما قعدت رحت اركض ابي اسلم عليها وما انتبهت لقلاص ماي وانكب على الفرشه
قالت لي تعالي ورحت قسم بالله صفقتني كف قدام كل الحريم اسبوع ما اقدر انام على هذي الجهه إذني تعورني كان عمري 12 سنه
حرام عليها حطمت شخصياتنا حتى اخواني مدلعين ما يعرفون يتصرفون لحالهم ومالهم شخصيه
لما كبرنا اكتشفنا ان امي كانت تتعرض للضرب ايام طفولتها وجدتي كانت تكرهها لانها بيوم ما ولدت امي مات 3 من خوالي فكانت تتشائم من أمي المفروض ماتعرضنا لهالموقف بما انها عاشته
يمكن تقولون امك ماتكرهكم بس ماتعرف تبين مشاعرها
بالعكس تزوجنا واذاجينا لامي يضيق خلقها ( زوجتكن ولا افتكيت منكن ؟) كلمتها المفضله كلنا تزوجنا زواجات تجيب المرض اي شخص يخطب يزوجه ابوي مهما كان ردي لحسن حظنا ما خطبونا هنود
تزوجت واحد ماخلا وحده ما خطبها بس محد رضى يزوجه لانه ردي على قولة عمي كان عمري 18 ...
وعشت معاه ومع امه وخواته كان لي غرفه وحده بس مو اوادم ذيابه مسعوره وانا مااعرف اتصرف متعوده ببيت اهلي على الذل والاهانه ومشيت مع الناس
اقسم بالله ان البنات دايم يغلطن علي هن وامهن ويلعنن ابوي وامي ويحرشن زوجي يمد ايده علي وانا قاعده معاهن قدامي على اتفه الاسباب واذا ما طقني يعايرنه ممشيتك مثل الكلب وتخاف منها وهي الرجال مو انت وطبعا عنتر يبي يثبت انه الرجال مو انا
ويكسرني قدامهن وامه تقول هالشكل الرجال تطق ؟ مالت عليك والله انا مو راعية مشاكل وابجي بغرفتي وارجع اقعد معاهن مالي احد وما اعرف اتصرف نفس المعامله كنت احصلها عند اهلي
ومرت الايام وحصلت وظيفه وتوظفت وعندي عيال ام زوجي كانت تقول جيبي شغاله لعيالج ترى اقطهم بالشارع والله
وجبت شغاله للبيت طبعا ما اقدر امر عليها والله تجيب لي شي كانت تخدم العجوز وبناتها لدرجة ولدت وما خلتني آخذها معاي عند اهلي واكلت تبن ورحت لاهلي انا وعيالي بدون الشغاله
وتدور الدنيا على امي ويتزوج ابوي عراقيه طردت امي من البيت وخلت امي ماتسوى فلس
نسيت اقول ان شخصية امي حيل ضعيفه بس علينا شاطره المهم مرت ابوي قدام الحريم تقول لامي يا خبله تخيلو وامي ماترد عليها ودايم تفشل امي والحريم يضحكن
امي من الفشله تحط الحره فينا قدام الكل وعيالنا بطولنا تقول الله ياخذكن يابهايم ماتفهمن ليه ؟ طبعا تصرف ضحك الحريم عليها وتوجهه علينا عجزنا وحنا نحاول معاها ما تعرف تتحاور معانا
ليه يمه كذا حنا بناتك ؟ تقول لو الله ماخذكن احسن شنو استفدت من وراكن
ملاحظه : امي خطبت أخت ضرّتها لاخوي بغينا نموت يمه اختها طردتك من البيت ؟ معقوله ماعندك احساس ؟ بس هي اللي يذلها تبيه
ولحد الحين مو هني المشكله :
اخت زوجي متزوجه ولد عمها بدون بالكويت وعايشه عندنا لانها موظفه لانها سعوديه والله لايوريكم اذا عيالي مرو بس قدام عيالها تذبح عيالي من الطق وتهد علي تبي تطقني وانا ماعرف ادافع عن عيالي
بس رجاءا لحد يقول لاتسكتين عن حق عيالك لاني مره تهاوشت معاها عشان العيال كلام بس والله وتطلقت وانطقيت وحرموني من عيالي 10 شهور وتبت عقبها
المهم حماتي هذي طلقها زوجها لانها عوبه ورفض يرجعها 3 سنين واتفقو الحريم انه يرجعها مقابل ان زوجي يتزوج بنت عمه العانس وفعلا تزوجها ولا احد قالي
خلوني اطبخ عشاء الملكه وانا احاسب عشان ضيوف جو من الكويت بصراحه لاحظت ان الحريم يطالعن بوجهي ويضحكن بس مافهمت السبب بعدين دريت من اختي سامعه من الناس
زعلت رحت لبيت اهلي الله لايوريكم بنفس اليوم ابوي يقولي عطيني الصرافه وبكرى اطلقج منه طمعان فيني ابوي وامي اصلا توني داشه البيت مع اغراضي والله ماسالتني شفيج راحت لجيراننا وثاني يوم درت بالسالفه
جاء ابو زوجي يراضيني واتفق مع ابوي انه يحط لي مطبخ بروح <<< شفتو قدري عند اهلي ؟
ظليت ادعي على اللي ظلمني ليل ونهار وبنفس الاسبوع اكتشفو ان ابو زوجي فيه سرطان بالمخ وراح يتعالج برى الديره ومات ...
تخيلو اقول لزوجي وامه الشايب الله يرحمه حلف ايمان عند ابوي يحط لي مطبخ تقول العجوز روحي الحقيه للمقبره خل يحط لج مطبخ حنا ما وعدناج بشي
ورحت شريت لي فرن واطبخ في غرفة عيالي هي غرفة ينامون فيها عيالي ويدرسون ونطبخ فيها ونتابع التلفزيون
لما طلعت العجوز من العدّه صارت الزفه وتزوج زوجي الله لايوريكم شفت الضيم صج أثاريني كنت مدلعه قبل لايتزوج وانا مدري تخيلو جاب زوجي شغاله لزوجته تحت.
الله يرحم عمره مادفع راتب واحد لـ 3 شغالات جبتهن لامه يقول ماله داعي شغالات انتي وين ؟ مع العلم اني موظفه وعيالي 5 الله يخليهم
وخواته وين ماراحن خذن ضرتي معاهن عشان اخوها بس
وانا للحين حاطات دوبهن من دوبي يصعدن علي فوق يشتمني بسبب وبدون سبب وهذيك محد يقولها شي
اللي قاهرني ان خوات زوجي يقولن للحريم تو الحين صارت عندنا مرت اخو مثل الناس مو هذيك الله يعينه مدري شلون متحملها كل هالسنين ؟
مع العلم اني متوسطة الجمال وموظفه وعمري 30 سنه وهاديه وزوجته الثانيه عمرها 41 سنه ومتوسطة الجمال بعد ولا فيها شي مميز
بس امس طالعت المرايه اخترعت وربي احس حتى لوني متغير والهم كبرني 15 سنه
ماقدر اتجاهل الهموم لانها هي تجيني قلت له انا اؤجر بيت وافرشه لاتدفع شي يقول والله تندفنين بهالغرفه ولا تفرحين بطلعه من هالبيت
المهم قلت انا موظفه لازم اعز نفسي وسويت هوشه مع زوجي واخذت بطاقة الصرافه منه لانه هو اللي كان يسحب راتبي ومايعطيني شي الا بالحسره
واشتريت ارض وسجلتها باسم اخوي الصغير عشان اخواني يبنونها لي بيت وفعلا بنيته وليتني ما بنيت تخيلو خسرت فيه كل اللي عندي وركبت نفسي قروض الدنيا وسحبت سيارتين ولما قرب يخلص أخوي الكبير كسر ظهري
راح سجل البيت باسمه وحط عليه سلفية الحومه يعني البيت الحين مطلوب للحكومه بدون مايعلمني قلت له ليه سويت كذا ؟ رد علي وهو يصارخ قصدك انا حرامي ؟
بس تأخذ الحكومه فلوسها اسجله باسمج وفوقه تفله على وجهج قلت زين متى تآخذ الدوله فلوسها ؟ قال لي بعد 25 سنه :eh_s(2):
يعني البيت مايقدر اخوي يسجله باسمي قبل هذا الوقت ورحت لامي قلت لها يمه كلمي ولدج والله لو يدري زوجي انه يطلقني يرضيج يسرقني ولدج المشكله انه مو محتاج ؟ تدرون شنو ردها ؟
يسرقج أخوج أحسن لا يسرقج زوجج
من الحين انكر حقي يبي يرجعه لي بعد 25 سنه ؟ نسيت اقولكم البيت خلص وأجره اخوي على ناس ولا شفت ابيض ولا اسود
بعدها بكم يوم ولدت ولدي الاخير ورحت عند أخوي نفاس لان امي سكنت عنده تدرون شنو سوى فيني اخوي ؟ طردني من بيته من الكلب وامي قاعده تشوف ما قدرت ارد عليه بس طالعت لامي ابي اشوف ردة فعلها
والله انه ما رف لها رمش ولا جنه بنتها انطردت من البيت ظلت تتابع التلفزيون واخوي يصارخ علي تقول لعيال اخوي غيروا هالقناة شوفو لنا شي حلو
وانا بعباتي ماامداني افصخها هجم اخوي علي طلعت من البيت مكسوره ورحت لزوجي وقام يعايرني باهلي قلت له امي مسافره . قال لي خواتج ماقدرن يتحملنج كم يوم لما ترد امج ؟ مايدري عن شي
احس اني ابي انتحر ومو عارفه شلون اتصرف والمشكله ان الانتحار حرام والا كان من زمان مسويتها ...
والمصيبه العظمى ان عيالي احسهم مثل شخصياتنا ضعيفه جدااا بس على بعض 24 ساعه ناس تطق ناس ويكرهون بعض حيل انا خسرت اهلي وزوجي وما ودي اخسر عيالي بعد شورو علي تكفووون
مع العلم اني لاازال اسكن عند اهل زوجي بغرفتين صغار وحمام انا وعيالي الـ5
وما اقدر اتحكم بتصرفات عيالي لان اهلهم يحرشونهم علي وعلى بعض
وامي من 4 شهور ما شافت وجهي ولا سألت عني امس كلمت اختي اقول لها عطيني امي ابي اسلم عليها اسمع امي تقولها قولي مو موجوده عند جيراننا
تصدقون مو شايفه الكيبورد عدل من دموعي ؟ واحس ان مالي احد بهالدنيا وما كتبت الموضوع هني الا لان محد يعرفني وابي افضفض يمكن ارتاح
(( وبشر الصابرين الذين اذا اصابتهم مصيبه قالو انا لله وانا اليه راجعون ))
