تكرهين من غير سبب ؟؟

[ماركة انثى‘]

عن نفسي ماحب اقعد مع وحدة ملقوفة او وحدة كل تهايط هذول كلش ما اقعد معهم

 

[PuPa^^SWeeT]

انا طبعي ارتاح للكل



قبل لا افرض سوء النية ولا الزلة



بس ساعات


اتكون فيه وحدة اعرفها ماتقدر اتجامل وحدة ثانية


اتقولج بالكويتي مابلعها



ارواحهم ما تالفت


و هذا الشي ما توقف عليه الدنيا


اتكملين حياتج و لاتهمج بشي


اللي ما يرتاح لج لا ترتاحين له

 

[(كويتيه عسل)]

مااكرهه بس في ناس من الله أول ماتشوفينهم ماترتاحينلهم تصرفاتهم وكلامهم واسلوبهم مومريح

واللي ماارتاح له مااحتك فيه

 

[granted]

انا ممكن اكره من التصرفات او الشخصية حتى لو مااحتكيت فيها وممكن احبها وارتاحلها
بس الغريب ان اغلب الي كرهتهم من شخصيتهم او اسلوبهم يوم تعاملت وياهم حبيتهم وصاروا رفيجاتي
والي احب تصرفاتها واسلوبها انصدم لمن اتعامل معاها بشكل شخصي وكرهها
مااحب الابواق والي تكبر حجي
انا نفس الشي شخصيتي غير عن الي يظهر علي
الناس اتقول شكلج نرفوزة نفسية Lol

 

[الزورق222]

مااكره احد الناس كلهم عندى سواسية ماعدا شخصية وحدة اكره ان اتعامل معهااا شخصية الانسان التافه المستفز بتصرفاته لانى ممكن اتهاوش معاها باى لحظة لو استفزيت ..فافضل ان ابتعد عن هالاشكال التافه ..واكره شخصية الانسان اللى مايطور من نفسه ويتعرف على كل المستجدات من حوله مو بس انسان ياكل وينام ومايعرف عن شى اكره هذى النوعية ايضااا مااحب اتكلم معاها ..

 

[حلوى عمانيه]

على قولتكم المحبه من الله

 

[yam_yam]

لا بس الناس هي اللي تعطي انطباع حق نفسها
و تخليج تحبينها او تكرهينها باخلاقهم و تصرفاتهم

 

[جواهر الشرق]

انااذا اكرة تصرفات الشخص مو الشخص نفسة خصوصا اللي يجى دمة ثقيل والمحبة تجى من اللة مالها السباب

 

[قمر بيت أبوها]

لا اكيد مااكره الا بسبب
وسبب كايد بعد اما من الباب اكره لا والله كذا ظلم بحق الشخص المكروه
ومن ناحية احد يكرهني بصراحه ماادري بس الظاهر الكل يحبني

 

[Miss Cherry]

لا ماكره أحد من دون سبب ولا انا من النوع اللي اخذ حكم مسبق او اصدق كلام بوحده الا لما اقعد وأحكم عليها من تجربة

بس أنا أعامل الناس مثل ماتعاملني يعني تضحك بوجهي وأسلوبها حلو بصير أحسن منها وإذا أسلوبها بايخ بسوي نفسها وألعن .. وأنا أكتشفت فئة كبيرة من الناس مصلحجيه يعني اذا تبيج بشي ولا شافت منج مصلحة صار أسلوبها حلو وإذا خلصت حاجتها من نفسها طنقرت هالنوع أكرهه

 

[شوق95]

ماكره شخصيه اكر تصرفاتهاااااااااااااااااااااااا><
يعطييج العافــــــــــــــــــــــيه ><

 

[كلهم مايعجبوني!]

ماتصير كره بدون سبب

الا بمواقف او اسباب تخليني اكره الشخص غصب

تصرف او كلمه او حركه او حتى مو معي موقف مع شخص عزيز علي

هنا يبدا الكره عندي واكره المكان اللي فيه

وثانكس عالموضوع

 

[blue ocean]

اكيد فيه سبب مايصير نكره من غير سبب

بس يمكن تقصدين ننفر من احد اكيد النفوور شي متواجد ساعات ماتحسين له عذر مقبول في نفسج

لما تنفرين من احد معين يمكن تحسين العذر مو مستاهل انج تكشين من هالشخص

لكنج من داخل تحسين انج ماتحبين القعده معاه ..

عن نفسي صراحه وايد اشخاص انفر منهم لسبب مقنع واحيانآ السبب مايكون مقنع :/​

 

[فتومآ]

سبحان الله انا عندي وحده تهبل وحبيتها وتدش القلب
بس اطباعها تغيرت ومن النوع اللي تشوف نفسها حيل عليج
هذا اعتبره نقص كبير

الله لا يبلانا
يعني والله رفيجتي من عمر
اشكره بس بتبين ان احنا انا ورفيجاتي الثانيات ولاشي واهي كل شي فيها
والله عيب

مرات اتضايق ليش انا افكر جذي
بس اهي تصرفاتها وكلامها ما يتحمل ولما تشوفني اسكت وما اهتم لكلامها
تقول ساكتة من حقدج !!

وان تكلمت زادت حيل وشافت روحها اكثر
شسوي وياها ولحد الحين بخلي علاقتنا عادي

 

[WAAAW]

هالشعور كريييييييييييييييييييييييييييييييييييييييييييييييييه اووووووووووووووووووف احساس كلش مو حلو

تصير القعده ممله وسخيفه بوجود هالانسان

 

[* ليــــدي *]

انا اعاني من هالموضوع و شريت كتاب يخص هالموضوع
طلع اكثر اثنين يتشابهون بالصفات والطبع و الاسلوب والتفكير هم اكثر الناس تكره بعض قبل معرفتهم

لاني كنت اكره بنت وياي بالدوام لدرجة الموت مع انها بقسم ثاني بعييييد عني بس كنت اكرهاااا خصوصا عند البصمه اتجنبها ماحبها

مع الوقت صدف ان تجينا القسم وتقعد ويانا انصدمت حسيتها قريبه مني حيل وتشبه طبعي كثيررر ونفس اللي احبه هي تحبه ..
و مع الوقت تعرفنا اكثر ..

والحين هي حييييل وياي واموت فيها وتفهمني قبل لا اتكلم وتعرفني من عيوني .. ماشاءالله

هالموضوع حيل قريت عنه لانه كان ازمتي وياها ..


اما اذا كرهتي البنت من سوالفها ولا سخافتها هذا شي طبيعي ويصير باحسن العايلات

 

[وايليه 1]

لا اكرهه بدون سبب ربما لا ارتاح للشخص الماثل امامي

اما بالنسبه للكره لابد من اسباب له

لانه لايمكن تكرهين شخص بل تكرهين تصرفاته

حتى وان كانت من نظرة العين ممكن تكرهينه

لايوجد كرهه بدون سبب عزيزتي

شكرا ​

 

[mnoooll]

عمري ماكرهت احد بدون سبب وكنت احط الاعذاار لو بدر منهم غلط
لكن سبحان الله هالشي كان ...غباء مني ابادلهم المحبه ومايضيع بالطوشه غير الطيب اذا بنسوي شي بنيه طيبه قالو ضعيفه ومسكينه
ماتنعطى وجه

لكن الان الي ماتبيي وجودي بسبب غيره وحسد ماتهمني صح مااتهجم واتكلم انا مسالمه لكن ماعطيها وجه ولا اوجه لها سالفه
سبحان الله هالشي صاير معاي بزياده يكرهوني بدون سبب مالقيت حل فيهم غير اني اطنش وافرح بالحسنات ان شاء الله

 

[شموخ بحرينية]

مو سالفه كره اعتبريها ان مو مرتاحه حق هالشخص
لان ساعات الواحد مايرتاح حق واحد من شوفته له وساعات العكس

 

[جذابه بنت ذيابه]

ما اعرف اكرهه احد نهائيا والله


بس مرات اذا زعلانه من احد او متضايقه ما احب اقعد معاه .. بس بسرعه يطيح الحطب لاني ماعرف اطول بالزعل ..