تكرهين من غير سبب ؟؟

[حلوى عمانيه]

هل ممكن تكرهين شخص من غير سبب أقصد ما تحبين هالشخص يقعد معاكم في اي جمعه سواء في دوامج او بيتكم او بين رفيجاتج .. او ممكن تكونين انتي المكروه من وحده ما تواطن شوفتج نفسج ثقيله عليها ..بكل مكان تتجمعون فيه مع العلم انه الكل متقبل وجودج الا اهي منكده عليج جو القعده وانتي ما ضرتيها بشي ولا كليتي من حلالها ولا قعدتي فوق راسها او بمكان تملكه .... شنو الاسباب من وجهة نظرج ؟؟
انا من وجهة نظري ممكن تكون هالانسانه كارهه وجود الانسانه الثانيه من باب تفريغ شحنات وفيها عقدة نقص ممكن .. الله العالم :eh_s(10):

 

[ابدا يالغالي مانساك]

مرات لاشلت بخااطري علي احد او اهو شايل علي
اكيد مااحب اقعد بتصير القعده ممله وطويله وغثيثه وتحسين انج غير مرغووب فيج

 

[عادت ذكرياتي]

ما أكره شخصية لذاتها لا أكره تصرفاتها الصادرة منها يعني مثلا يصادفونج ناس كل سوالفهم قيل وقال وتطنز فأكيد ما أحب أقعد معاهم لأني أكره أفعالهم مو كره ذاتي لشخصهم ^_^


هذا مثال %%%

 

[MARIAM79]

حبيبتي.. الرسول عليه الصلاة والسلام يقول:
( الأرواح جنود مجندة ما تعرف منها ائتلف وما تناكر منها اختلف )
وفعلاً هذي الشي يصير لنا في حياتنا.. سبحان الله نشوف ناس تنفتح لهم قلوبنا من أول مرة من غير ما نعرفهم.. والعكس صحيح أحياناً نشوف ناس نحس بعدم الراحة تجاههم لله في لله يعني من غير سبب مجرد إحساس بعدم الارتياح

 

[خليجية]

هل ممكن تكرهين شخص من غير سبب أقصد ما تحبين هالشخص يقعد معاكم في اي جمعه سواء في دوامج او بيتكم او بين رفيجاتج؟
ما اكرههها بس ما ارتاح لها سبحان الله في وحدة اذكر ما ارتحت لها في جو دراسي جامعي
طلعت البنت الله يستر علينا تغش بالاختبارات . كانت اذا اجتمعت معاها يكون معانا مجموعة و اضطر اجاملها .

او ممكن تكونين انتي المكروه من وحده ما تواطن شوفتج نفسج ثقيله عليها. . بكل مكان تتجمعون فيه مع العلم انه الكل متقبل وجودج الا اهي منكده عليج جو القعده وانتي ما ضرتيها بشي ولا كليتي من حلالها ولا قعدتي فوق راسها او بمكان تملكه .... شنو الاسباب من وجهة نظرج ؟؟
ممكن عادي ما تعرفين خفايا النفوس
السبب الحديث : "الأرواح جنود مجندة فما تعارف منها ائتلف وما تناكر منها اختلف".

 

[شادن33]

اهو مو كره بس سبحان الله مرات اكش من شخص وانفر منه مااعرف شنو السبب
مع ان ماسوالي سي بس جذي
خو مو غصب الحب

 

[أبلة فاتن]

حلو سؤالج الكره من دون مبرر ساعات يوارد للانسان في ناس يمكن تصرفاتهم تبعدج عنهم مثلا عن نفسي ما احب البنت اللي تتكلم بصوت عالي على طول ابتعد عن صداقتها لو من تكون او اللي ما تتفهمني او تتعمد تحرجني وتنسى نفسها بالكلام معاي على سبيل المثال كان في صديقة اكن لها كل الاحترام وما اكرهها بس ما اقدر اكمل معاها صداقتها صراحه حييل مزعجه تتصل بكل وقت ومو لبقه بالكلام يعني في بنات دفشات بس تتحملينهم
على الرغم من انها متدينه ماقدرت اتحملها حاولت اتهرب منها بذوق ما تفهم اخر شيء اضطريت اسوي نفسي مو انا لمن تدز مسج
مع ذلك اتمنى لها كل التوفيق وما بقلبي عليها شي بس ما اقدر اكمل معاها صداقتها متعبه وعقلها وتفكيرها غير عني
مادري شلون اشرح وحتى كل شيء تبي تعرفه عني وتعيب على ضحك ملاقه ما حب جذي يمكن اهي ما تقصد بس هذا اسلوبها
الله يرزقها ببنت تنسجم معاها انا ماحب جذي المشكله فضحتني عند البنات ليش ما تبي تكلمني اهي مزاجيه والخ​

بنات كثر ما تقدرون عاملو الناس بدبلوماسيه والله مافي احلى منها يعني بنفس الوقت خلكم اجتماعيات وخلو في حدود
بينكم احب الصداقه اللي تميل للزماله اكثر من الصداقه بمفهوم التفضفض​

عن نفسي لا أكره أحد لكن في ناس وجودي يزعجهم واثرت غيرة نص البنات وسعيدة بذلك وسعيدة بالحسنات اللي اخذتها منهم​

مشكورة​

 

[brettey]

اذا وحده معانا مغروره ووايد تتفلسف وتهايط
او وحده نفسيه
او وحده ملقوفه اي ما احب اقعد بمكان في هالاشكال ماتحمل

 

[~*~الملكة~*~]

ماكرهت احد من غير سبب

لكن في ناس يسببون لي نرفزه ومااتحمل وجودهم حتى لو قالو سالفه عاديه

 

[ملوكـه]

مرو علي ياكثرهم اللي مااحب القعده معاهم مو كره بس سبحان الله عدم رغبه بالشخص هذا
لاسباب موجوده فيه طبعا
يايكون
مايصلي سبحان الله ماارتاح له خاصه اذا كان ريال
او
بعضهم تكبرررر وغرور مادري وش عليه !!!

واللي تغتاب وتسولف بااعراض الناس
حتى لو صج مااحب اقعد معاهم
وياكثرهم

طبعا اللي غاثتني ومسمعتني كلام
هذه لها نصيب من دعواتي عليها

 

[روح امها]

انا بالنسبة لي اقولج
المحبة من الله

 

[c a t w o m a n]

ممممم


انا ما أكره بدون سبب


لي دش إبليس الجنة أكره بدون سبب

ووايد أشمئز من هالنوعية من الحريم ايللي تحش بوحدة ولا تشن عليها هجوم واهي لا تعرفها ولا هم يحزنون

كل هذا عشان اقوليلها شفيج عالناس تقولج مادري ما اشتعيها مو داشة قلبي


بس صراحة


ايللي يكره من غير سبب ولا يقلب على الناس بأعذار أقبح من أفعالهم


هذا الله يعينه على نفسه

يحتاج دعاء الناس و مدد من الله لا غير


والحياة تمشي سعيدة بالنية الصافية

 

[دلوعة أبوهآ]

آلكره تجيبه أسبآبه
وأوقات أوقات يكون بدون سبب لآن المحبه من آلله ومو غصب ..

 

[تحت ظلك]

أنا أكره ناس من دون سبب ظاهري لهم أو لغيرهم بس بداخلي أعرف شنو السبب
الشخص من أشوفه مسألة ارتاح له أو ماأرتاح له فبعض الناس أكرهه بس جذي ماأرتاح له وفعلا مع مرور الزمن
تجيني أغلاط منه تخليني أتأكد أن نظريتي فيه صح

وبالنسبه لي ياكثر الي ياكرهوني لأنهم يعرفون أني الوي ذراعهم ببعض الأشياء وتفكيري مايناسب تفكيرهم
والحب والكره من الله

 

[جوري الغرام]

اذا وحده معانا مغروره ووايد تتفلسف وتهايط
او وحده نفسيه
او وحده ملقوفه اي ما احب اقعد بمكان في هالاشكال ماتحمل

نفسها :eh_s(15):
ومرات من دون سبب أكش من البنت :eh_s(14):
ومرات من دون سبب ينشرح صدري للبنت :eh_s(8):​

 

[khawla&tito]

انا اقول لج ليش ممكن نكره شخص بدون سبب لان هالشخص ممكن يشابه شخص انتي صار لج موقف معاه وتصيرين تكرهينه وانتي ماتدرين ليه

والانسان ممكن انه يحب بدون سبب لانه يشابه شخص عزيز عليه

مو شرط بالشكل باي شي ممكن يكون

 

[حديث الروح]

لايصح كراهة انسان بدون سبب قد لاترتاحين لأنسان ولكن ان تكرهيه بلا مبرر فهذا غير جائز وهو يعود عليك بالتأثير السلبي .

 

[شوشو الشقيه]

يصير في ناس ما تعجبني حركاتهم
مثلا تكلمج بخياس نفس او غرور
او لا تحترم نفسها معاي تغلط واايد
من اختج ششو الشقية

 

[manoooram]

وايد نسمع جملة (( المحبة من الله ))
يجوز ان ما ارتاح لهالشخص اي نعم واتحاشى الحديث معه
لكن ككره لا ما توصل لهالشي

 

[مـآلي شبيه~]

انا مرات مااكره بس مااحب اقعد مع شخص معين موشرط انه سوالي شي بس سبحان الله سماهم في وجوههم
ي اما تكون نفسية او مغرورة او حتا من نظراتها من تصرفاتها مع غيري تبين شخصيتها ..~