تقيسين البدله ب 50 دينار .. ؟؟؟

[نهى الأحمد]

أخواتي العزيزات


مدري لي متى هالردود المخالفة اللي فيها سبّ وشتم الغير

في حال ما اعجبج رد عضوة

بامكانج تردين عليها باسلوب لائق بغض النظر عن جنسيتها

وفي حال شفتو ردود مخالفة وفيها اساءة لاحد ياليت تبلغونا برسالة بالخاص



ومن الحين اقول

اذا شفت رد خارج عن مضمون الموضوع وفيه اساءة لاحد
رح اغلق الموضوع وارسال تنبيه للعضوات المخالفات من خلال الردود

 

[ReD&FoSHia]

يا حلوي اعطيها خمسين علشان اقايس بدلتها
لا والله خلي قطعتج عندج شكو ان شاء الله
مو شايفة خير الظاهر تبي اتنفع من كل صووب

 

[رو&الشقاوة&وح]

بعلق ع اللي تطلب 50 للقياس بسراحه هلاقه بكل معنى الكلمة ولقت ناس صيده ماتدري وين تودي فلوسهااااااااااااا

 

[RicardO]

والله الموضوع يستحق النقاش

انا اشوف بالوجهه الاولى النقاب من حقها انها تفصخهم لانهم داشين بيتها والبيت له حرمه ويمكن تخاف اولا يطلع رجال
قبل ماتطلع راعية مشغل بس اللي موحلو انها تهزأهم وتزف جنه طارين منها مهما كان انحدار اسلوب جم وحدا ماغير شخصيتي
عشان اصير اقوى واسيطر عالموضوع عمرها الاداره ماكانت جذي الناس سمعه وذكر ولا البس متكود بكل مكان
بس ترا مالومهم والله احنا نتكلم نقول ششينة النفس هذي وتلقينها معفوسه عفاس وجم وحدا غاثتها ومادري
انا اذا اوصلت هالانسانه هالمرحله ماروح لها لان المشترى مو بهالطريقه واعرفها اهي طاح سوقها والكل خلها من شينة النفس

اما الوجهه الثانيه ام 50 فهذي قويه حدها صح انا تعبانه على تصاميمي وكارفه عليهم بس مو لدرجه تاخذ 50 وين قاعدين
موكل مرا تضرب ياما شفنا لبس يحطم وبالبس يلوع الجبد وتوا طلعو بدلتي خواتي قالو تفشل لبستها استخفو عليها صج غير
انا كنت افكر جذي الناس الحين مو بس كويتياتنا الكل يقلد باجر لافتحت دار او بوتيك جذي بيصير فيني لا مابي بس قولبتها
احنا نقلد واصلن الماركات العالميه انقلدها وهذي الدنيا والتقليد دليل النجاح وان هذا شي مطلوب بالعكس بس قلة الوعي
اهي سبب هالمشكله واهي تلاقينها مقلده مومعقوله افكارها من المريخ واللي تروح لها ماعندها سالفه صراحه

 

[fsamn]

رحيل المرافئ**

انت دخلت علي نقطه مهمه واهي اتكاليه بعض الكويتيات
اتفه شي ينعرض بتاخذه بدون تفكير .. ولا حتي ببتسال نفسها شلون سووه ولا جم تكلفته الحقيقيه
انا يصيبني احباط من هالنوعيه المسبهه من الحريم ..




الغلا كله **

تشرفت بمرورج الطيب ..




حمرة وفوشيه**

حياج الله يالغاليه ..

 

[fsamn]

روح الشقاوة**

فعلا لقت ناس صيده .. ولولا هالصيده محد درا عنها ..




ريكاردو **

مو معاج بخلع النقاب
ولا من حقها تشترط هالشرط
لان كل شي واضح .. ولازم يكون عندها احترام لخصوصيه الناس .. ولو كانوا حريم ثانيين جان قاطعوها بس مساكين

 

[newchlin]

انا ما اتعامل مع مشاغل شفت كذا عرض كله خلاقين

اشتري زاهب احسن

سالفة المنقبات من حقها انها تاكد ان الي داش عليها مراة مو ريال عادي

 

[ام عفاف الكويت]

جديده هذي لو كل وحده بتقيس ي 50
عيل البدله بكبرها بجم ؟

 

[ريماR]

ياليت تكتبون أسامي المشاغل هذي علشان ما نروح لهم

 

[ريماR]

أنا مره رحت معرض وكنت مظطره اشتري اي شي علشان كان وقتها عندي عزيمه وشريت دراعه ب ٧٠ دينار
تحسفت وحسيت أني صيده صج. لانه بالعزيمه كان شكل دراعتي. ما تعطي هذا المبلغ
لانها عاديه وشيفونات بس

 

[ليمونه حلوه]

خبري فيها 20 .. بس اكيد مع ارتفاع الاسعار زادت

في مشغل بالرقه .. اذا تبين تشوفين بدلات العروس .. تدفعين 20 .. اكثر من جذي نصب ماشافت عيني ..

والشره علي المقصات << جمع مقصه

اللي مطيرينهم بالعجه .. الخام بودينار والتعامل زفت والمواعيد اكس .. والاسعار خياليه ..

 

[fsamn]

newchlin**

الجاهز افضل وبلا مواعيد ولا دوخه راس ..




ام عفاف ***

الظاهر الاخت مو معروفه وتبي تشتهر بهالسالفه ..



رييما **

التشهير مو زين .. لكن الموضوع قرصه اذن .. ومعظم صاحبات المشاغل موجودين هنيه ويقرون ..

 

[fsamn]

ليمونه**

الي تشترط هالمبالغ للفرجه من صجها ؟؟

اهم شمفكرين نفسهم . المششكله ماكو جديد .. وكله من الكاتلوجات .. والله المستعان ..

 

[بنوته ذربه]

قال مصممه قال كله خلاااااااااااااااااااااااااااااااااااااقين وترقيع وشي يفشل
حتى بالمنتدى هني تحطلج عنوان يشووق (للمتميزات بذوقها فقط ,,للذويقات,,موديلات اتطير العقل ) اخر شي تدشين الموضوع
تحسبين نفسج في سوق الجمعه والا المحاميد !!
واللي يضحك ويخليج ترافسين من الضحك الاسعار اللي حاطينها صج طماشه

 

[m!ss]

ما اقول الا الله يعينا على هالعقليات تخلف و بعد كل هذا و لا كانها سوت شي و تفتخر بتصاميمها و انا صممت و انا صممت
يسلمو ع الطرح

 

[rose2012]

ليش شهالمرض الي فيني وبينتقل حق الناس

 

[fsamn]

بنوته ذربه**

الي مو مستوعبته شلون احنا الكويتيات رضينا بملابس مرقعه
حتي البدله ما نقدر نوصفها لاحد من كثر الرقع ..



m!ss**

تسلمين يال الغاليه علي مرورج الطيب ..




rose**

ههههههه لو السالفه مرض ما راح تاخذ منج شي ..

 

[حلآ الدنيآ]

آهمم شي ع القياس 50
> _<

 

[* ليــــدي *]

مشاكلهم واجد ونفسيات صفر وغالين عالفاضي

 

[خلطات المذهله]

موضوعج وايد مهم وبقولكم شي شفته بعيني طبعا انا نقرصت وايد من المشاغل بس شسوي مع بناتي مايعجبهم العجب الا مشاغل

مرة نزلت معرض ما مافي داعي اقوله وكانت يمي وحده مصممه وايد عاديه ياناس والله شغلها هلقني بدون مبالغه الصفاه احسن منه بمراحل والخام ردئ مايسوي والله موقصدي التجريح لكن هذا الي شفته
اول يوم قلت بشوف بضاعتها واسعار البدل عندها بغيت لبنتي الكبيره بدله نعومه

سالتها عن السعر قالت 50 بصراحه قلت بجيب بنتي ثاني يوم تشوفها وكنت حاسه ماراح تعجبها لانها عاديه وااااااااااااايد
ثاني يوم جبت بنت قالت البدله 100 دينار !!!!!!
طبعا استغربت وسالتها قالت لا انا كنت غلطانه امس بالسعر
قلت خير ان شاء الله
بعدها بيومين قلت يالله بشوف شخبارها باعت القطعه
الاخت طلبت 150
الله الله الله علي شنووووووو
قالت لاهالتصميم كسر الدنيا ومابيعه باقل من 150

بصراحه حزتها قعدت اتحسر علي نفسي
كل يوم ناقزة ديره واجيب من المانيا ومن بلدان العالم زيوت واعشاب عشتوووو واسوي وافكر واتعب وهذي خام كريبببب ياناس وموديل من سنه الطواحين تبيه 150

تعقدت بحياتي ههههههههه وتركتها ماشتريت
الصدمه اخر يوم المعرض قلت بشوف شخبارها
بدون مبالغه لقيتها تبيعها 180
وفي ناس تاخذها

انا وقف مخي

وجد جد حرام عليهم
شكو صارت ديور ولا سان لوران هوت كوتور ليش كل هالمبالغه
لاتقولون اني دقه قديمه لكن الله يازمان قبل الله مبارك في الاسعار والدنيا بخير

الحين علشان البنت تتميز تدفع اهلها مبلغ وقدره والله صج متعب الميزانيه تنخفس خصوص الي عندها بنات وايد

الحين بناتي سملله عليهم متابعين مصممين بالكتالوجات وخوش خياطين بالصفاه وخلاص فتكيت من المشاغل ودوختها وعدم التزامهم بالمواعيد

الي اقصده من كل هذا تري الشغله مو كيميا بصراحه
يعني شويه كتلوجات وشويه اطلاع وراح تضبط معاج الامور
وخلونا نشغل تفكيرنا وبلا كسل

لايزعلون مني صاحبات المشاغل المميزات انا قصدي عن بعضهن الي ماتعرف كوعها من بوعها وتصلخ الناس بالاسعار الخياليه