تقول لاخوى انا ما اكلمك انت... واختك.....

[نجود]

الله يكفييج شرهم

 

[reem0o0o0o0]

حسبنا الله وحده و نعمة الوكيل قولي اللهم اجرني في مصيبتي و أخلف لي خيرا منها

 

[reem0o0o0o0]

حسبنا الله و نعم الوكيل

 

[ماسة الماسة]

رد : تقول لاخوى انا ما اكلمك انت... واختك.....

حسبي الله ونعم الوكيل

حسبي الله عليهآ من خآلة

حبيبتي ادعي وصلي ان بعد العسر يسر بآذن الله ..

الله ينصرج على كل من ظلمج

مآعليج منهم خلي رآسج مرفوع وزوري اهلج لآتقطعين حتى لو قعدت تحش فيج خلي عينج قوية ..

البنت الي ترفع رآسهآ وتتكلم بثقة وآضح وضوح الشمس مآلهآ هالسوآلف

ردي عليهم باسلوب رآق ومآعليج منهم ..

خليهم يآلفون على كيفهم ..

بالطقاق ..

حسبي الله ونعم وكيل ..

 

[~LiBrA~]

رد : تقول لاخوى انا ما اكلمك انت... واختك.....

لا تتنازلين عن حقج حسبي الله عليهم والله ياخذ حقج منهم

والله راح تنقهرين واهم عايشين حياتهم

والله حتى السجن شوي عليهم

 

[Un-6be3iya]

انتي شحقه خايفة وحارقة قلبج !؟
لا تبوق لا تخاف !
دامج واثقة إن ولا شي من الي قالته صح خلاص عيل خلج مرتاحة وخليها تغلط من هني لي بآآجر
بس اهي صارلها شهر عروس مآشآلله مدآهآ حملت !؟

 

[بولندية]

البنات كفو وفو

سالفتهم غريبة بصراحة حتى لو غيرة ماتوصل لهدرجة الحمدالله و الشكر


الله ياخذ حقج منهم ان شاءالله و تشوفين يووم بخالتج و بنتها

 

[الغاليه ام احمد]

رد: رد : تقول لاخوى انا ما اكلمك انت... واختك.....

حبايبى اخوانى طلبوا انه يكلمونه ويواجهونه بس ابوها ما رضى ولا امها قالو اخوانى نبى رقمه وما رضوووا كلاب حشاكم والله

حبيبتي ريلها مخشوش بالكبت ما تقدرون توصلوله

ليش تطلبون رقمه من خالتج وريلها طبعا ما راح يعطونكم اياه

تبونهم يعطونكم الرقم عشان يثبتون التهمه على نفسهم

حبيبتي هذي قضيه شرف مو لعب

خلي اخوانج يروحوله الشغل او الدوانيه او حتى بيته

لحقي على نفسج قبل لا تنتشر السالفه وتصيرين علج بحلوق الناس

 

[بنت عطا والكل يتغطى]

انتو ليش راضين ادخلونهم بيتكم
وشنو موقف اخوانج وابوج؟
كل شي ولا السمعه
حطي حد لهم ..خليهم يشوفون العين الحمره..ويعرفون ان شرفج ماينداس

 

[اسيره.الظلام]

رد : تقول لاخوى انا ما اكلمك انت... واختك.....

بنات تخييلوا اخر خبر الخاله تقول انها وايد ندمااااااااااااااانه حييل ومو قادره تنام تقول مثل الصخره ببلعومى قايله حق خالتى وخالتى قايله لامى وان بنتها قاعده تصير لها مشاكل ويه ريلها يا سبحان الله شوى شوى قاعد يبين حوبتى فيهم
اللهم لا شماته بس الحمدالله الله ما نسى حقى منهم

 

[الفدنه]

حسبي الله ونعم الوكيل
يمهل ولا يهمل

 

[عضوة ذهبية]

رد : تقول لاخوى انا ما اكلمك انت... واختك.....

حبيبتي الزمن هذا صار يخوف ماتامنين فيه حتى حق اختج ،،،، ماعليه ياقلبي قطي وراج وعيشي حياتج ولاتخلينهم يشمتون فيج لي شافوج متضايقة وشايلة الهم ،،، ياقلبي لاتزعلين على ناس ارخصوج وارخصوا سمعتج وانا اتوقع والله اعلم ان بنت خالتج سوت المثل اللي يقول "" اتغدى فيها قبل لاتتعشى فيني "" بما انج قلتي انج تعرفين ان عندها سوالف خافت ان اليوم ولاباجر تطلعين سوالفها ،،، عموما سواء كان هذا السبب ولا غيرة انا اقولج عيشي حياتج ولا تضيقين خلقج وكافي انج تقولين "" حسبي الله ونعم الوكيل ""

 

[جديده 1]

رد : تقول لاخوى انا ما اكلمك انت... واختك.....

نصيحتي لج .. انتي اللي طلعي برنت حق شهرين من قبل السالفه .. اذا عندج خال كبير خليه يشوف البرنت و تروحين انتي وياه و امج لخالتج و تطلعون الصجيه .. انتي بنت و هذا شرف مو لعبه !!! ان كنتي متزوجه مصيبه ان درى زوجج .. و اذا مو متزوجه فالمصيبه اعظم بكره يطلعونج اكبر مغازلجيه ..

سمعي كلامي .. طلعي برنت حق شهرين من قبل السالفه و شوفي ريال كبير بالعايله كلميه لان بصراحه الحريم ماياخذون حق .. روحي وياه مع امج .. وقبل ما تخلونهم يشوفون البرنت سألوهم جم رقم ريل بنتها ؟؟ عشان ماتشيرلها اي رقم من البرنت .. خليهم يقولون لخالج رقم الريال و بعدين حطوا البرنت وقولوا كاهو البرنت وين رقم الريال .. مليون بالميه راح يتعذرون مني ولا مناك .. و الحل الاكيد خليهم ايبون البرنت مال ولدهم ورقمج فيه .. وانتي بعد لاتردين على اي رقم غريب ابدا و بالذات اللي يدق دقه و يسكر !! مايندرى يخلونه يدق عليج دق و تتصلين و اخر شي ايبون برنت يقولون كاهي داقه عليه !! @@

 

[tbola]

رد : تقول لاخوى انا ما اكلمك انت... واختك.....

واااااااي قهاار بس حبل الجذب قصير ربج يمهل ولا يهمل فوقهم رب كبير

 

[DốǾốDї]

الا الشرررررف

لو انا منج ما اكنسل سالفه المحامي لانه يمكن كلامهم يوقف نصيبي

وما تدرين لوين موصله الحجي وعند منوو ومنووو

والمحامي راح يبرئني من حجيهم ويطيحون من عيون الناس وعين ريلهاا خل تعرف اهم شنوو

تكفين ردي على سالفه المحامي لا تسكتين حبوبه هذا شرفج لا تسكتين عن الموضوع

 

[مشتاقه لك يبا]

رد : تقول لاخوى انا ما اكلمك انت... واختك.....

لا حول ولا قوة الا بالله ... احتسبــي حبيبتي والله سبحانه وتعالى بياخذلج حقج

 

[بطوطة @]

الحمد لله والشكر امبيه في ناس جذي مو صاحيه
حسبي الله ونعم الوكيل عليها

 

[اسمي بين الاسامي]

طاااااف دخلي منيه وطلعي منيه

ازمه وتعدي هذول بس يبي يلعبون بنفسيتج ومحترين منج

وصدقيني ترا الكل معاج ولاتحسبين خوالج ساكتين عاجبهم الوضع والله انهم عارفين الحق بس ساكتين من تفاهة خالتج

والله اعرف وحده نفس سالفتج واللي متهمتها تقربلي والبنت عادي عندها اصلا تقولها اذا زوجج مايحبج انا مالي ذنب انا توني صغيره وحلوه ليش افكر بواحد متزوج

والحين البنت تزوجت وهذيك للحين محتره منها

والله السالفه كلها غيره بغيره والله لو زوجها صج يكلمها مستحيل تكبر السالفه وتلقينها سترت ع الموضوع

ونصيحه قولي لامج تكلم ام زوج بنت خالتج علشان توقف خالتج وبنتها عند حدهم وتقولهم ولدي موراعي بنات

 

[بنت باباتي]

شوفي خالتج مبينه صغيرة عقل وكلمه توديها وكلمه تجيبها ويمكن اهي صج مصدقه انج مسويه جذيه وماختها الحميه على بنتها ومبين ان بنت خالتج اهي ساس البلا

بس للاسف الغلط منكم والله لو لاقيه رجااااال يوقفها عند حدها تخاف هذولي الحريم دايم تقوي عينهم اذا مافي احد يوقفهم عند حدهم

 

[أمـونة]

رد : تقول لاخوى انا ما اكلمك انت... واختك.....

لازم ريال ياخذله موقف حازم

يروح ابوج حق ريل خالتج ويعطيه كلام بالعظم

وخليه بعد يزف خالتج ويطردها برا البيت ترا من حقه

والله خوش هم تطعن بشرف البنت وهم عين قويه وتدش البيت


بس حبيبتي اقولج شي ،،، لا تضيعين اجر الابتلاء بالشماته ترا موزين لج

لما تسمعين جذي يصير فيهم دايما استغفري وقولي (لاحول ولا قوة الا بالله)

خلي ذكر الله دايما على السانج ،،

طمنينا عنج