تقول الدكتورة: نسبة اللزوجة كبيرة :(

[طـير7]

السلام عليكم

بنات ضايق خلقي

اليوم رحت الصباح اشوف النتايج لاني قلت حق الدكتورة ابي تحويل حق قسم اطفال الانابيب بسوي تلقيح صناعي

وسويت كل التحاليل من اول ويديد لاني من زمان مومراجعه

المهم الاسبوع اللي طاف رحتلها يوم السونار عشان تشوفه بنفس اليوم وكانوا التحاليل ملوتي طالعين

وقالتلي الحمدلله كل شي سليم وزين ومافيني شي والسونار هم زين بس في احتمال ضعيييييييييييف حيييييل ان في تكيس صغير ومو مأثر بشي والحمدلله كل شي تمام

وتحليل ريلي(السائل المنوي) اليوم طلعت نتيجته فالمفروض تشوفه وعلى طول تسويلي التحويل

بس شفتها اعفست ويها وقالت ماراح تقدرين تسوين تلقيح الا اذا تعالج ريلج

لانه نسبة اللزوجة عالية لدرجة انهم ماقدروا حتى يحددون عدد الحيوان المنويه

وقالت يروح يراجع المسالك البوليه عشان يعالج هالمشكله بعدين افكر بالتلقيح والحمل
وخذا موعد بالمسالك على 17-10




بنااااااات تكفون ريحوني هالشي خطر؟؟ وله علاج ولا لأ..؟
وشكثر مدته(العلاج)؟؟؟
وفي احد منكم صار جذي بريلها؟؟
وهالشي واااااااايد يأثر بالحمل؟؟؟

 

[الزيـــــ^^ـــــن]

ياقلبي عادي خلال شهر باذن الله بتخف اللزوجه

خل يشتري علاج الكحه بالصيدليه وباذن الواحد احد بيتشافى بس خل يستمر عليه

 

[الزيـــــ^^ـــــن]

ياقلبي عادي خلال شهر باذن الله بتخف اللزوجه

خل يشتري علاج الكحه بالصيدليه وباذن الواحد احد بيتشافى بس خل يستمر عليه

 

[طـير7]

تسلميلي اختي..الزيــــــــــــــــن


والله يسمع منج يارب

 

[دمعة^حزن]

خل يروح لدكتور عادل حنيان يجنن مكانه بالجابريه يعني صج دكتور عجيب موفقه يارب

 

[طـير7]

مشكورة اختي دمعة حزن

وان شاءالله نشوف شيصير الله كريم

 

[shouqa]

خل يشتري من الصيدليه حبووب البيسلفووون هذي وايد زينه حق اللزوجه

 

[*ماي الورد*]

حبوب ميوكلايت تذوب البلغم
و يتم تحت المتابعة لمن تروح ان شاء الله
الظاهر زوجج مدخن

 

[طـير7]

مشكورين خواتي

اي يدخن شيشه بس مو دايما

 

[MoOn k.s.a]

سهل جدا علاجها بأدوية البلغم

الله يفرح قلبك و يرزقك بالحمل بدون علاج

 

[رهووومه]

امانه حبيبتي اذا راجع الدكتور تقولين لي شنو قاله وشنو عطاه..

انا زوجي عنده نفس المشكله .. وكتب له الدكتور دانزان ثلاث مرات لشهرين وهذا دواء اللتهاب ادويه البلغم تقلل اللزوجه بس ما تعالج.. بالبدايه كان في تحسن ملحوظ
بس اللحين رجع نفس قبل ...

الله يشفي زوجج يارب ويرزقج بالذريه...

 

[ام سلومd]

نفس عمي جذي قالوله في نسبه اللزوجه عاليه و هم في صديد فا خذا اشوي وقت علشان مرته تحكل و الحمد الله عندة الحين توم بنات

 

[*ماي الورد*]

التدخين يساعد على تكون البلغم و نزوله على الخصية
ضروري ازواجكم يقطعون التدخين

 

[طـير7]

خواتي ماقصرتوا

وان شاءالله اذا صار شي ابلغكم

 

[ترووفه]

يااقلبي ياطير

ان شاءالله ربي يشفي ريلج وريلي ويرزقناا منهم بالذرية الصالحه

 

[*فرحة عمري*]

اول مره ادري هالمعلومه ان البلغم يسبب لزوجه للسائل المنوي ويخف بادويه الكحه
الله يشفيه ويعافيه ويترس حضنكم عيال

 

[طـير7]

امين يارب يافرحة والله يسمع منك

 

[مدن الياسمين]

الله يرزقك الحمل السليم الغالين بلا علاج ان يالاه
لا تحاتي حبيبتي مو خطير يتعالج بسهولة ان شالله
خير يارب

 

[طـير7]

حبايبي كلكم ماقصرتوا

واليوم كان موعده والدكتور وصفله حبوب ازيبكت (دوا كحه وبلغم)

وياخذه 3 مرات باليوم لمدة شهرين

وكتبله تحاليل دم و(تكرمون) بول زراعه عشان يشوف في التهابات ولا لأ

وقاله اذا على اللزوجه لاتحاتي امرها هين بس المشكله اذا في التهابات

وان شاءالله تطلع التحاليل سليييييييييمة يااااااااااارب

 

[لبااابه]

الله يشافيه ويرزقكم الذريه الصالحه