تقطيع الكيك بالخيط @@

[الاسطورية]

هاي بنات
اول شي سوري نزلته هني بالغلك ياريت تنقلونه قسم تبادل الخبرات

في برنامج يهبل
يحطونه هالشوتايم

اسمه
perfect housewife

ربات البيوت المثاليات

في ربه البيت المثاليه
تدور حريم بيوتهم فوضويه وتعلمهم اسرار عجيبه لكل مجالات التنظيف والطبخ

عموما
في فكره وايد عجبتني

واهي تقطيع الكيك
بالخيط

لنفرض الكيكه مدوره شاريتها وكبيره
مثل هذي

تييب الخيط الابيض مثل مال الحف البكره
وتاخذ خيط طوله اطول من قطر الكيكه بشوي

بعدين تشد الخيط بايدينها الاثنين وتمرره عالكيكه من فوق لتحت
مثل الرسمه تقريبا


طبعا انا حاطه الخيط مرتين لانها قصت مرتين مره جهه ومره جهه

والله يابنات انظف من القاطع ولا السجين جنها سحر الكيكه صارت مقصصه زاهبه بدون اي شي متناثر

طبعا تقصصنها بالمطبخ موجدام الضيوف لوووووووول

وشكرا لايطوفكم البرنامج

 

[قطاوي]

:001:

فديت ربات البيوت والله عاد تصدقين ياحبي انتي ان شكلها وايد ارتب ومنظمه وايد وانا معاج اعجبتني الفكره وتسلم ايدج فديت قلبج ياقلبي انتي






يـبـيـلـه
مـيـاو :001: مـيـاو
يـامـيـاوتي

 

[زيـنـه]

في اله عباره عن سلك و في مسكه مثل حرف اليو عريض .. تسهل تقطيع الكيك ..بس هم فكرتج حلوه و تستاهل نجربها

مشكوره

 

[om yousif]

خوووووووووووووووووش فكرة ,,, وايد عجبتني لان صج بالسكين تفتت ونص مقصوص ونصها لا ,, نجربها

 

[عيوووزه كووول]

فكره حلوه والله مشكوره

 

[أثير الورد]

مشكوووووووووووووره

 

[3aWaSheE]

واييييييييييييد فكره عجيييبه


حبيبتي متى والساعه جم يحطونه؟ وعلى اي قناة في الشوتايم؟

 

[3aWaSheE]

طق طق

محد يعرف

واااااااي حدي اشتطيت عاد

 

[أم البنين]

خوش فكره
الله يعطيج العافيه للافادة

 

[MISS^^CHANEL]

حلوة الطريقه انا شايفه نفسها بس تقصي الكيكه افقي علشان يحطون داخلها الكريمه والمربي


مشكوره حبوووبه

 

[اسيل النعومه]

شكراااااااااااااااااااااااااااااااااااااااا

 

[xtina-90]

انزين لو الكيكه فيها بسكوت او شي ماينقص بالخيط شلون؟
ومشكووره عالطيقه انا بجربها

 

[.]

خخخخخخخ اتخيل شكلي راح اخرب الدنيا ..

انا احب لحظه قصت الكيك بالعيد ميلالاد..

مشكوره..

 

[فطومه المزيونه]

والله فكره حلوه بجربها
وتسلمين على الموضوع

 

[**حلوة ودلوعة**]

ميرسي الفكرة حلوة حيل

 

[الفراشة_البيضاء]

وناسة

 

[Snow-White]

اموووووووت على هالبرنامج وكنت دايما اتابعه وحيل استفدت منه شغلات حق تنظيف وترتيب البيت والحين يحطونه على قناة الشاشه مدبلج عربي

 

[MissChoco]

يحلوج يالاسطوريه

فديتج والله .. ماقصرتي على هالمعلومه الي اول مره اعرفها ..

وشكلي بسويها بس ادري بنفسي ما اصبر اذا ماشفت نتيجه لووووول

 

[جبنة بيضة]

والحين يحطون mbc

 

[أعرف قدر نفسي]

يسلموا