تقرير 2011 لافضل جنسيه للخدم

[dnyay_mll]

رد : تقرير 2011 لافضل جنسيه للخدم

كلهم عالحــــظ

انا افضل للعيال الاندونيسيه

او النيباليه

بسس

 

[زمان شهرزاد]

اغلى حبيبه كنت بسالج حبيبتى
تقولين النيباليه زينه؟ والله اسمع من جم وحده,, زين تشبه فى المواصفات
الهنديه او السيلانيه اكثر؟ يا ريت تفيدينى.

 

[زمان شهرزاد]

حبيبة عبودى
انا بعد طاب خاطرى من الاندنيسيات بعد ما اشتهيهم
كانت عندى خدامه اندونيسيه وتسولفلى عن رفيجاتها ما رح تصدقين اللى سمعته
استحى اقوله بس اقولج شغله وافهميها تقول لمن صاحبة البيت كانت تنزل الخدامه تييب
اغراض الجمعيه كانت بالمصعد تسوى شغلها مع عامل المصبغه اللى تحت العماره!!
وسوالف ثانيه ما اقدر اتكلم فيها,, الله لا يوفقها!

 

[احبكم ذاتي]

رد: رد : تقرير 2011 لافضل جنسيه للخدم

انا افضل السيلانيه او النيباليه

انا معاها والسيلانية افضل
نصيييييييحة لاتجيبين اندونيسية مووووووشي

 

[زمان شهرزاد]

غموض الصمت
يختى ما اقدر احدد اتصالاتها مهمن اراقب بعد مو شغله هذى كل شوى ابحث وادور
والمشكله ان بنت اختى اسمحت للموبايل لخدامتها وبعدين اكتشفت فى موبايل ثانى معاها
والوناسه والربع والبوى فريند موجود وجم واحد, ولمن كانت تسالها شتسوين بالغرفه تقول
كنت ادز عشان بيبى مسج مدام, ولمن كان فى مشكله مع البوى فريند كانت يومها اتطنقر واخلاقها زفت
يعنى هم ياثر على نفسيتها,, زين انا اشذمبى اتحمل خرابيطها, عشان جذى ما اوافق على موبايل مع الخادمه
لانى شفت سلبياتها.

 

[الأماني]

والله الخدم كلهم نفس الشي بس انتي وحظج

انا خدمي بسافرون ولا عارفه شنو اطلب غيرهم

وبالنفس الوقت ما ابي ايب غيرهم

 

[زمان شهرزاد]

دنياى تقولين النيباليه زينه حق اليهال؟
مادرى احس النيباليات خوافات ومساكين بس ماجربتهم ليلحين
مادرى هل اقدر استغنى عن الخدم واييب نص دوام؟ يختى زهقت من خدامه فى بيتى
لمن اقعد الصبح من النوم ما اطلع من دارى عشان لا اشوف ويهها ايففففففف
:eh_s(13):

 

[لولوة الكويتية]

كل جنسيه فيها الزين والشين واهم ترى حظك نصيبك والعمر مو مشكله افضلها صغيره عشان يصير لها خلق الشغل واليهال ولا تنسين الاستخاره اشوه انج ما هفيتيها بالكاتشب عشان لا اتسويلكم بلوى وموفقه

 

[أحلى^حياه]

بنات سمعت انه النيباليات كلهم بوذ
صج ولا لا؟؟

حتى لو قالوا مسلمة ولا مسيحية

هذا كلام صاحب مكتب _shh_:

 

[malgoofah]

رد : تقرير 2011 لافضل جنسيه للخدم

انا استغرب من اللي يقولون الفلبينية لانها انظف و ارتب لليهال انا للاسف الحين عندي فلبينية بس قبل كنت سيلانيات وحده كانت اتينن مع بنتي و كل اشوي اتسبح بس كبر راسها و طال السانها فوديتها اهيا والثانية لانها عن طريقها واشركت اذا اتوديني اتودين الثانيه فسفرتهم و يبت هنديه و فلبينية وااااااااي عااانيت الهندية غبية وتعار من الفلبينية والفلبينيه اول ما يبتها كانت اتحن وديني مكتب مابي يهال تالي وديتها جان اتدق علي خلاص ابيكم و بتسنع و رديتها اول شي بارده بس اللي يحليها ماكو لسان تشتغل بسكات بس ماكو نظافه شخصيه بالغصب اتسبخ و كله اتحكحك و بس اتبطط انفرها لوعت جبدي و بنتي امهتمله بس انا وراها و احسها ماكو مشاعر بس الحمدالله بنتي اغلب الوقت عندي واليوم كملتها كنا بنزور وانا قاعده ابدل والا اسمع صرخه الا بنتي طايحه من الدري لانها طالعه بره بروحها والاخت طاسه داخل تلبس جاكيتها ساعه وامخليه بنتي بروحها بالحوش و برود ما همها الا ان خايفه اني لومها او اعاتبها البنت دمامينها اتصبصب واهي دونت بليم مي و ذاك اليوم امخليه بنتي بالدار بروحها والمفتاح عالباب و رايحه تشرب قهوه جان بنتي تقفل علر روحها الدار وساعتين على ما بطلنا الباب الله يرحم ايام السيلانيه اهون مليون مره كلش كلش بنتي ما اتهيت معاها و كله امنفسه بس اتطس بيبلي هنديه او سيلانية غبيه ولا ماكو مشاعر

 

[مس كادي]

فلبينيه بس تكون جديده
مووووووووووو
مشتغله اول مره
والله محترمه وتسمع الكلام

 

[زمان شهرزاد]

احلى حياه ترا النيباليات ديرتهم تقوم على الديانه البوذيه
ديربالج لا تنخدعين من اى مكتب.

 

[زمان شهرزاد]

زوزا طلبتى خدامه؟
وشنو طلبتى ومن اى مكتب :080402ask_prv:

 

[زمان شهرزاد]

ملقوفه صارت معاى نفس سالفتج بنتى قفلت على نفسها الباب
الاندونيسيه شلعت قلبى والله جم مره افهم فيها ان تشيل المفاتيح
بس جنى اكلم طوفه :rgewrg:

 

[Miss Cherry]

انا اشوف الهنديات احسن شي للجهال رحومات وشغل البيت بعد يكرفون بس عيبهم مو نظيفين


الفلبينيات مايضبطون مع اي وحده والحاره ماينفعون لها مو حق زف .. يبيلهم معامله خاصه ودلوعات ماخذين مقلب بنفسهم وحاطين لنفسهم برستيج .. بعدين الفلبينيه ماتتوالف مع اي جنسية ثانيه بعدين سبحان الله الفلبينيات مافي قلوبهم رحمه للجهال حيل قاسيات ..

الاثيوبيات ماحس يصلحون لجهال بعد

السيلانيات شغيلات بس معروفين اغلبهم يسرقون والاحظ الحين هابين بالنحشه اذا ماعجبها الوضع انحاشت

عموما الشغالات حظ مو كلهم مثل بعض ...

 

[مباركيه]

رد : تقرير 2011 لافضل جنسيه للخدم

السلام عليكم ورحمة الله وبركاته

الله يعينا اجمعين على هالخدم ...وبصراحة مثل ما قلتو ماله غنى عنهم

والخدم بالشقة مشكلة مجابلتج 24 ساعة ...ومثل ماقالو الأغلبية أنتي وحظج

بصراحة انا جربت كل الجنسيات الا الاندنوسية أخاف منهم من كثر ما سمعت عنهم

بس أفضل السيلانية مع انها ملقوفة بس شغيلة ...والأثيوبية تشتغل من قلب بس لا تردين عليها وتذكرينها بشي اليوم ما سوته

خليها على راحتها بس شغلها يبرد القلب

 

[زمان شهرزاد]

مس جيرى
الفلبينيات موقعهم كخادمه غلط
يعنى من الاساس غلط تكون حادمه, الانسان ينحط فى مكانه المناسب
الخادمه تبين تامرونها وتمنعينها وتعصبين عليها عشان تخاف وتعمل حساب حق شغلها
لكن الفلبينيه ماترضى مثل ما انا وانتى مانرضى ولا رح تتعبين معاها, يعنى الفلبينيه المفروض
تشتغل بالسوق بالصالون الخ مثلا, اعتقد ان جذى يكون افضل الى حد ما

 

[زمان شهرزاد]

مباركيه
انا عندى اندونيسيه وهذى ثالث واخر مره, الاندونيسيه مو بواقه مو نحيسه مو بارده
لالالا غلطتها جايده يعنى بعد شهور تبلش تنفس وتغار منج مع زوجج مع عيالج مع رفيجاتج
امبى بس باقى تقول وخرى بقعد مكانج!!

 

[هرانية وأفتخر]

رد : تقرير 2011 لافضل جنسيه للخدم

أنا خدامتي سيلانية و زينه ماشاءالله
وحاطة لها تليفون شنو بعد اهي انسانه حالها من حالنا ولا بس احنا عشان كويتين نستعمل التليفون ,..

ياربي متى يا العرب تغيرون نظرتكم للخدم ... وتعاملونهم كأحرار مو عبيد



هرانية وأفتخر​

 

[زمان شهرزاد]

هرانيه لمن قلتى جذى
بلعكس حسيتج طيبه ورحيمه
ماشالله عليج الله يبارك لج فى حياتج, وفى ناس عكسج حتى لقمه مايعطونها
والله انها عايشه يوعانه ونوم 3 ساعات فقط وايد شفت وسمعت بلاوى, لكن فى خدم
ما ينفع تحطين معاها موبايل لاسباب كثيره صارت معاى ومع اهلى وجيرانى, مافى اعور راسكم
والخادمه تييج غريبه ماتعرفينها ولا من اهلج, زين اشلون اخلى معاها موبايل وانا ما اعرف طينتها؟!
:080402ask_prv: