تقدم لها واحد متزوج وأصغر منها توافق وإلا لأ ؟!

[انا مو هني]

انا ما انصحها تاخذ متزوج شنو ماتغار
يوم عندها يوم عند وحدا ثانيه؟
الشي الثاني قبل كان عادي الوحدا تاخذ واحد اصغر منها مايعايرها
مو نفس الحين
الحين الزمن تغير
عادي جم سنا ويناديها يالعيوز ويعايرها انها اكبر منه
حلاته البنت اصغر من الريال
تتدلع ويدلعها
وثاني شي خل اتصلي استخارا والله بيكتب الشي الزين
بس انا شخصيااا ما اايد تاخذ واحد متزوج والله حرت قلب

 

[((بومبو))]

بنات مايصير تتكلمين من غير لا تفكرين بالشي اللي تقولينه!!
تتوقعون لو الزواج الثاني في خراب بيوت جان الله تعالى حلله؟؟؟ ((فانكحوا ماطاب لكم من النساء مثنى وثلاث ورباع))
وان ماتزوجها بياخذ غيرها!!
وصح يمكن زوجته من أحسن مايمكن لكن الشرع حلل أربع وهذا حق للرجل رضينا أم ابينا!!

أختي خليها تستخير وربي ايسر امورها

 

[am_kshaa]

اول شى تصلى استخارة وربى يخيرها مواحنا
بس مدام متزوج شتبى فيه وشلها بالمشاكل متزوج وعندة عيال واهيا بنت حرام تقط روحها هالقطه
لو منفصل قلنا ميخالف بس متزوج وعندة عيال
لو مرته عقيم قلنا يمكن
بس معيل ومتزوج وبتاخذة؟
احسها صعبه وايد وبعد اصغر منها
وانتى تقولين بنت ناس وسنعه وكامله والكامل الله سبحانه
تنطر نصيبها الزين ليش تقط روحها هالقطه من بدايه حياتها مشاكل

 

[@أجمل سنيني @]

ما في احسن من صلاة الاستخارة ...

 

[*أم*خالد*]

لالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالالا

مادري جان عند القبليين الزواج الثاني عادي مثل شربة الماي .. بس اهوا مثل تجرع السم

مادري انا اقول لأ

 

[محتاره بحياتها]

خليها توافق
ان ما خذاهاا بياخذ غيرهاا

الله شرع للرجال يتزوج اربع........
يعني هالشي عادي وطبيعي بما انه رجال مايتطوف ويقدر يعدل بينهم ويفتح 4 بيوت على قولتج

بعديين كثير في شريجات احسن من الخواااااات

واذا الكل موافق اكيد الرجال مافيه شي ينعااب

خليها توافق لانهاا اذا كبرت اكثر بتاخذ على شريجه

وبالتوفيق

 

[نوور]

السالفة ما تترقع !

تقولين يمكن عسرة يمكن موزينة يمكن مادري ايش

ويمكن زينة ويمكن طيبة بس ريلها الي ما تنترس عينه !

حرام عليكم تزينون لها هالسوالف !

والله اهي الي عندها ضمير حي اكثر منكم !

وانشالله اتم موراضية

والله لا يتمم زواجة فيها خراب بيت ثاني

لا تعليييييييييييييييييق




اتصلي صلاة استخارة احسن

 

[[[ عيون جابر ]]]

حبيبتي اصغر منها تتطوف بس متزوج ويتزوجها على مرته هذي تخوف
خليها تصلي صلاة استخاره ولا تستعجل

 

[ملكة الأسطوره]

هو المشكله انه اولا صغير وثانيه متزوووج شلوون تقبل بواحد متزوج باجر مصيره بيمل وبيرجع لزوجته الاولـى وتطلق منه حراام
خليها تفكر مليوون مره وتستخير وربي يكتب اللي فيه الخير ....

 

[ساندريلا]

بنات شفيكم جنكم تعارضون شرع الله الي تقول حتى لومرته مقصره مايصير تدش على مره ثانيه ماكو ضمير ليش بالله رب العالمين مشرع هالشي وانيي احنا نعارضه استغفرالله منو نكون احنا جدام شرع الله خلوا الغيره على جنب وفكروا بالعقل
انا ماايداني اتزوج واحد متزوج لان بطبعي غيوره ومااتحمل كثره المشاكل بس همن مااقدر اقرر بالنيابه عن البنت وااوقف نصيبها ماابي اشيل ذنبها لان الي ايده بالماي مو مثل الي ايده بالنار وانا مو مجربه وضعها ولا ادري عن ظروفها
والريال دام ان حاط في باله سالفه الزواج بيتزوج سواءا اهي والا غيرها حتى لو زوجته كامله نقدر نقول عنه خاين مااعتقد لان ماسو شي حرام
ادري الحين بتقولون حطي نفسج مكان مرته حبيبتي انا عندي نظريه الي مايبيني ماابيه واهي البنت لو متعرفه عليه وصايره بينهم قصه حب جان الومها لانها بهالحاله بتكون اهي الي جرت الريال وخربت بيته بس اهو الي طق بابها وايا وحتى مااهتم بسالفه العمر يعني البنت ماهدمت بيت المره معناته اهو هادم حياته بايده ويبي يتزوج
انا اقول خل تصلي استخاره وتدرس الوضع من جميع الجهات لان في شيين اول شي انه متزوج يعني تقدر ترضى بهالشي وتتقبله وعندها قابليه للتحمل ؟؟؟ وثاني شي انه اصغر منها وممكن هالشي تصير حساسه شوي منه ماادري على حسب طبيعتها

 

[غمزه وإبتسامه]

خل تنطر يعوضها الله

 

[@البتووول@]

تستخير أكثر من مره والله يكتب لها اللي فيه الخير

 

[المستغفرة 74]

حبايبي اهي عمرها 30 سنة يعني مو صغيرة ...... ومصلية استخارة اول ما تقدم لها ...... وليلحين مترددة مرة موافقة ومرة لأ من ناحية أهلها كل شي ميسر وموافقين ومن ناحية اهل الصبي هم نفس الشي بس واقفين على موافقة البنت ........ ومعاشه راهي يقدر يفتح اربع بيوت مو بيت واحد ...... واهي أساسا وحدة حيل عاجل وقنوعة وترضى بالقليل يعني ماهمها المادة وعندها معاشها .....

واهي مترددة مرة موافقة ومرة لأ .... كل ماشفناها لانت شوي تقول انا الي مخوفني أكثر شي انه زوجته تسويلي مشاكل واهي هادية وماتحب المشاكل ...... الرجال وعدها شقة قريبة من اهلها ومرته مالها شغل فيها يقولها عليج مني انا وبس وحقوقكم بعدل فيها بينكم اثنيكم ..... وبيني وبينكم الرجال حييل خلووق ومحترم ... مايتطوف ! يعني عشانه متزوج توقف نصيبها وترفض؟! شيضمنها بيجي أحسن منه والا بيجيها اصلا غيره ؟ والزواج الثاني مو خراب للبيوت ولا هو حرام .. لو اهو خراب للبيوت جان ماحلله الله وحلله من غير أي شرط الا العدل ! يعني ماشرط انه يكون بالمرة عيب عشان يتزوج عليها .......

أبيكم تحطون روحكم بمكانها ... انتي وحدة صكيتي الثلاثين ورغم جمالج حظج واقف يا عيون يا حظ مايندرى وماخليتي شي ماسويتيه وبالحسرة يتقدم لج واحد وليتقدم لج تتفركش الخطبة لأسباب تافهة والا يختفون من غير سبب .... ويتفدم لج واحد وانتي بهلعمر .... فيه كل المواصفات الزينة والي تتمناها كل بنت وانعجبتي فيه وفوق هذا شاريج وحابج ومصر عليج ... بس عيبه انه متزوج وأصغر منج بثلاث سنين ونص توافقين والا لأ ؟!

,وانا ودي تحطين روحج مكان زوجتة المسكينة وام عياله .اطلعي برا السالفة لا تجيج دعوه من زوجتة المسكينة الغافلة وتكون مستجابة .واقولج ترا الدنيا دوارة وكما تدين تدان .ويجيج اليوم الي يحرشون زوجج عليج ويزوجونة عليج .

 

[توووفية]

انا ما اقدر اخذ واحد اصغر مني احس بروحه عقل البنت سابق الريال لو كانو كبر الشي مابلكم اذا اصغر لكن كل قاعده لها شواذ في نا كبار عقولهم صغيرة والعكس صحيح

 

[أنفاسي دخون]

اصغر منها ومتزوج !!!!!!!!!!!

ترضينها على نفسش او على وحده من خواتش !!!!!!!!!!

لا تبني سعادتها على خراب بيت وحده ثانيه

من ناحيتي ما أأيد وان شاء الله يجيها اللي احسن منه

 

[صفاءء]

يالغاليه تبين الصج مو لان اصغر منها


بس لانه متزوج حرام خليه يعيش مع زوجته والريال هاذه لان انعجب فيها تقدم لها صح يعني ممكن اذت هي ارفضت خلاص مااراح تيزوج غيهرا يعني ماراح ينعجب في غيرها لان في بعض الريياييل جذي ماينعجبون في اي واحده

وعمرها ترى عادي جدا يا مه بنات تزوجوت فوق ال 35

لوكان مطلق لوكان ارمل شي ثاني بس حرام ( طبعا موحرام الشرع) الا في العاطفه

اناا قول رايي ( احط نفسي مكانها واقول لو انا كنت جان رفضته صراحه لوكان عمري فوق ال 35

والله يرزقها الزوج الصاللح والرب موجود لو تسكر باب ترى ينفتح الف باب

الله يوفقها ويستر عليها

 

[اشتياق]

داشه الزوجيه .؟

وكل وحده فينا تموت على ريلها ..!

وتبينا نقولج اي خل تتزوج متزوج؟؟مستحيل يعني بنرضا

الا بننقهر ياقلبي..!

تخيليه زوجج اللي خاطبها وردي ..

 

[قاب قوسين]

حبايبي مشكورين كلكم فردا فردا على الرد .... البنت وافقت من نفسها ...... والبنات نصحوها تحط بالعقد شروط معينة تحميها مستقبلا واهي رضت بهالحل ... اذا وافق على هلشروط كان بها ماوافق مايشوف شر .....................

 

[اميره كويتيه]

دام جذي خل تتوكل على الله وتستخير واذا في نصيب ابتاخذه وسالفت انه متزوج دام حط اباله فكرت الزواج راح يتزوج اهي ولا غيرها وعلى قولتج الشرع حلل الزواج بس احنا انحرمه ابكيفنا على رياييلنا لانه مانرضى يروح حق غيرنا بس الريال اذا حط اباله شي يسويه لا زوجته ولا اهله ولا اعياله يوقفوونه

 

[رفاعيه]

انتي قلتي احط نفسي مكانها صح او لا ؟
انا طبعا برفض مستخيل ابني سعادتي
على حساب تعاسه غيري !