تقدملي واحد لؤؤؤؤؤؤطة بسسس ....

[ام الدرر]

هلا حبيبتي

سمي بالرحمن

وتعوذي من ابلييس

قل لن يصيبنا الاماكتب الله لناا

ثقي وامني ان اللي مكتوب لج اهو اللي بيصير

والخيره في ما اختاره الله

اتكلي ع اللي ماتنام عينه

انتي صغيره

وعندج شهاده

والحياه توهاا لج بقبال

تووج مقبله عليهاا

ليش تربطين نفسج في انسان عقيم!؟!

من صجج انتي!؟

تفكرين تاخذينه!؟!

ماتبين ظنا!؟

ماتبين عيال!؟

انتي الحين موحاسه

وماخذتج النشوه والدهشه بمواصفاته!

شي طبيعي يضحك وبشوش

توج مااخذتيه

كلهم اول ماتزوجتاهم بشوشين وذربين ونوادر

بس مع الاياام طلعوو المواهب المستخبيه>> اقصد الويه الثاني

يعني اهو موعلا طول بيكون بشوووش ويضحكك

وفرحان وكووول!!

بعد سنه سنتين ثلاث

قوليلي شبيكون وضعج!!؟

شنو ذيج الحزه بيكون ناقصج!؟

غيرر يااهل يملا عليج الدنيااا

تعوذي من ابليس

ومساله انج صارحتيه باللي فيج

عفيه عليج وهذا اللي حثنا ديناا عليه

وهذا الي قاله رسولنا

من غشنا فليس مناا!

اللي انتي سويتيه اهوو الصح

اميه بالاميه

وكاهوو هم اهو صارحج

بس اللي فيه شي

مصيري

يعني يايكون فيه عيال

ياا لااااا!!

ومن قال ان له محاولتين!؟

ومن قال انهم بينجحوون!؟

مويمكن عقب الحادث اهوو صار عاجز!؟

اوفيه نسبه عجز!

مويمكن اهوو يلمح لج!؟

تعوذي من ابليس

وذكري ربج

وانتي موملزوومه ولامحتده تاخذين

واحد ماتدرين حالته شنو بالضبطط

وما اييب عيال

ترا العيال اهم زينه الدنياا واهم امتدادج

واهم الليً بيملون حياتج وبيسعدونج ويشغلونج

اهم البذور اللي نزرعهاا ونحصدهاا

ونعيش احلا الايام واحنا نهتم فيها ونداريهاا

مساله الظناا مساله مصييريه. مافيها رووح تعال

صلي واستخيري وقولي يااارب اني متكله عليك

بتسير امووري وتنووير بصيرتي

يارب اني راضيه بحكمك وبقدرك

انتي اللي رفضي الولد

وسلمي امرج لله

من توكل على الله فهوو حسبه

ماتدرين

يمكن اييج اللي احسن منه مليار مره

توج صغيره ع هالاختيار الصععب

رفضيه والله بيعوضج باللي ابرك منه

الله يهديج ويوفقج ويسخرلج عبيده ويبعد عنج

الهم والكدر

معاها
والاهم استخييييييييييييري​

 

[كربون امها]

امرج عجيب ليش توهقين عمرج وانت بعدج صغيرة والحرمان من الاطفال صعب
بس اذا حبيبتي وحبج تتجاوزون هذا الشي وتتقبلين اللي يجيج :bbbiu:الله يوفقج يارب
كربون امها

 

[Princess^Mom]

لا توافقين من صجج العيب مو فيج فيه اهو حبيبتي اغلى مافي الدنيا الضنى والله يعطي كل محرومة وكل من يتمنى الاطفال
حتى لو كانت عنده محاولات بس ليش تقعدين اتحاتين بيضبط هالشي ولا لا لاتحرمين نفسج من اغلى شي بالدنيا
المال والبنون زينة الحياة الدنيا
والله يعوض خير ان شاالله ومستقبلا نصيحه لا تقولين حق احد اللي فيج وان شاالله تتشافين

 

[Om_Ksha]

لا تحطين كل املج عليه اللي خلقه خلق غيره واصلا خيره لج لو لاسمح الله صار رفض ..
اليهااااااااااااااااال اهم ملح الحياه .. لا تقولين اقدر ما اقدر باااااااااجر لي تزوجتي سنه سنتيييييييييين ثلالالالالالاث راح تملووون حياتكم بتصيييييييير فاضيه انتي مفكره انج بتعيشين معاه طول العمر !! واحتماااااااااااال كبير انه يكون عقيم !!
عادي تتخلين عن حلم الامومه !!

انتي اللي فيج ممكن يتعالج بس اهوا ماله علاج !! انا اقول اهلج لازم يدرون ولا تتنازلين على ابو انه فيج مس .. يمكن يروح وتتشافين وفي فرص وايد تاخذين واحد سليم وتعيشين حياه طبيعيه

 

[....وبس]

على فكرره انتي وااايد معقده نفسج

يعني الي انتي تقولين عليه مس عاشق صار شي طبيعي وعادي يعني ما يقارن بالعقم

ترى انتي قاعده تغامرين بالمواافقه فكري مليوون مره

وخليه يفحص ويجيب لج تقرير من الدكتور ان فيه امل

هذا هو يحاتي عمره وبيودج لشيخ

والا احنا لازم نفذ طلبات الرجال والبنت نتجعم جنا مستقبلها مو مهم

وترى الحياه بدون عيااال جحيم

سنه ولا سنتين وبتندمين وبيصير بخاطرج الجهال

وهالولد لا هو لؤؤؤطه ولاهم يحزنون

 

[عين السيح]

بس بقولك معلومه
ترى العقيم مع الوقت ومرورر السنيين
بيعقم زوجته معاه
حتى لو تنفصل عنه وتاخذ واحد ثاني
بتكون عقيمه ماتجيب

اعرف وحده زوجها عقيم واهلها بيطلقونها منه
بس رفضت تبيه
وبعد كم سنه توفى زوجها
وتزوجت عقبه ثلاثه وماجابت منهم شي
ولمن راجعت المستشفيات قالول لها مافي امل
زوجها نقلها العقم


وانتي استخيري قبل كل شي

 

[رتو الكيوت]

قالج عقيم !

الله يرزقج ببداله وترا مثقف مب فايدج

وجامعي وعمره وخلوق متوفرين

وتاكدي في اشيا مخشوشه عير الي قالج : )

 

[F.DIAMOND_Q8]

حبيبتي انتي جم عمرج؟؟
اذا اللي متقدملج عمره 24 ف اكيد انتي اصغر منه او كبره
و انتي قاعده التشافين من المس اللي فيج ف ليش تربطين مصيرج مع واحد عقيم؟؟
يعني عنده محاولتين حق الانجاب و اذا ما حصل لا سمح الله !؟
حياتي انتي صغيره و الفرص جدامج و اذا اهما رفضو او مترددين لانهم درو انه فيج مس
ف لا يهمج و باجر الله يكتبلج بللي احسن منه و انتي توج صغيره
و بعدين ليش الوحده التزوج اذا ما كان في بيبي ؟؟؟؟؟؟؟؟؟ << فكري شلون بتكون حياتج معاه

و عسى الله يكتب اللي فيه الخير​

 

[Laidy n3ooma]

ترا اذا رفضوج هذي خيره من الله ..

مو عشان انتي فيج مس لاااا

عشان ربي يرزقج بواحد احسن منه واييب عيال ويمكن يوافقون عليج ولما تتزوجين يطلع مايب عيال !!!

وعسى ان تكهروا شي وهو خير لكم وعسى ان تحبوا شي وهو شر لكم ..

 

[*ريما*]

الله يكتب الا فية الخير

 

[حواء ناعمه]

إختي انتي ليش محتاره

غنتي واضح انج حييييييييييييل متقبلته حتى ماهمتج سالفة الانجاب اقصد موشاغلتج هالمسأله واجد بدليل انج تقولين له محاولتين انجاب



إنتي تحاتين أهل الشخص اللي خاطبج وعاجبج يغيرون رايج

ترا احسن شي قلتيله وضعج علشان مايعايرج بعدين ولا يقول غشيتيني



بنات ترا القصه مو اطفال وبس ترا الزوج اذا نكد ولا مصيبه العيال وقتها بيصيرون هم فوق هم الزوج !!!


عزيزتي لاتشغلين بالج بالسالفه كلها لان اصلا الموضوع طلع من ايدج


صلي استخاره بهالزواج واذا انتي دوره حاولي تدعين بدعاء الاستخاره

لو تم زواج يعني خير وبركه ولو ماتم واهل الخطيب ولا حتى اهوا غير رايه معناته مااااااااااااااايصلح لج


وسالفة تبين تقولين لاهلج قصة الانجاب هم بالاستخاره بالهزواج بيبين


لو وقفوا بطريج هالزواج معناته ربي قدر رفضهم وهالزواج مو من نصيبج




استخيييييييييييييييييييييري

 

[سفيره الكويت]

انتو اثنينكم صريحين مع بعضكم عشان الكل يتقبل الثاني والصراحه راحه..!

بالنسبه للمس انا حاشني هالشي وانا صغيره بس ممكن تقولين لي شنو كنتي تحسين فيه..!

اما عقم الرجل الافضل تفحصون وتروحون لدكتور مع بعض وان شاء الله يعالج ..!

وارد على اختي كلي دلع ترى العيال والذريه مو كل شي المهم الرجل الصالح فالرجل الصالح هو البذره التي اعتمد عليها طول حياتي

وغيير صحيح ابدا انه كل رجل له ويهين فهناك رجال ليس لهم الا الوجهه الابيض وقد تنجب اطفال ويكونوا نغمه بحياتها بدل ان يكونوا نعمه ..!

ان كان هذا الشخص يناسبك فتوكلي على الله والله يوفقك..!

 

[فركيته]

الله يوفقج حبيبتي

 

[| تفاصيل |]

حبيبتي توج صغيره اخذي راي اهلج
خطيبج عيبه كبيييييير مو شي ممكن يتعوض

لو بتاخذين رايي ماانصحج
مثقف جامعي غني " اشياء حيل صغيره بالنسبه للامومه

استخيري
والله يكتب لج الي فيه الخير

 

[ورده اوراد]

الله يشافيج يارب ويشفي كل مبتلي
اشلون عرفتي انه مس اي مطوع رحتي

 

[شيري]

مواصفاته مواكثرمن مواصفاتك والدليل انك تواصلتي معاه وكنتي بمستواه فلا تقللين من نفسك انتي بعد زينه ولوماكنتي زينه ماتقدملك والشي اللي فيك بسيط وما يقارن باللي فيه ...واهو مسوي حادثً واثر علي الإنجاب ويمكن يكون اثر علي قدرته الجن...... والفروض التردد يكون من طرفك مو من طرفهم بس الظاهر اهم حسوا بانك تبينه وعاجبك فتغلوا عليك.. فالأفضل انك ماتظهرين هالشي وتركي امورك علي الله واللي الله كاتبه بيصير​

 

[كليـ دلعـ]

لا يااا امي

العيال والذريه ماتعادلهاا كنووز الدنياا

من صجج انتي!؟

الزووج اهم من العيال والذريه!؟؟

لاوالله يالغاليه

ظنااج اهم سندج وزينه حياتج

ظناج اهم اللي بيشيلونج لي كبرتي

لاتصدقين ان الريال اهم

الواحد ش حقه يتزوج غير يبي العيال والذريه

الريل مايدووووم

اللي يدوم لج ظناج اللي من لحمج ودمج

لي ربيتي وتعبتي

وحصلتي ع برهم بكبرج

اهم سعادتج الحقيقيه

اختي العوده

تزوجت واحد

وكانت سعييييييييييده

بس مااايابت عيال

والعيب منه اهووو

وضحت عشانه>> واحنا الحريم عاطفيات زياده


٢٥سنه واهي معاه

والعيب فيه اهووو

وقبل ٤ سنين يروح ويتزوج عليهااا مصريه!!!!!!


عقب ٢٥ سنه واهو المعيوووووب

تزوج مصريه يقول بجرب نفسي!!!!

والعيب فيه!!!

طق فيهاا الطووفه

وتزوج وطلقهاااا!!

وماياب من المصريه!!

شفتي!!

والله العيب فيه والكل يدري!!

كاهي الحين

حالتها يرثا لهاا

لامن الريل ولامن العيال

شفتي !

ثقي ان الريل مثل حاله الطقس كل يوم له حال!!!

فلا تاااامنينه

لاتصدقين انه علا يمه وحده بيمشيلج طول العمر!!

 

[ربي محتاجتك]

انا مع كلي دلع بكل حرف قالته

 

[أسري إليك]

الله يقدم الي فيه الخير

 

[~حبيبة خلودي~]

الله يقدملج اللي فيه الخير يارب ويبعد عنج الشر آميييين