تقدرين تنصحينها ولا تكتفين بالصمت !!!!( لبسها يفشششششششششل )

[chanel N22]

حسب اذا ميانه عادي اقول بس بذوق واذا مو ميانه لا والله الناس اذواق ويمكن شئ يعجبني ومايعجب الناس والعكس تماما

 

[شوداتي]

اقولها وبالعكس كل الى قلتلهم مازعلو خاصة اذا اهى لابسه بدله مو مقتعه فيها اذا حلووة ولا لا

انا مرة وحدة معاى بالجامعه مو رفيجتى حييل بس معاى بكل لكلاسات
جان تقولى (زين لبسيى ماشيه الالوان مع بعض )
انا سكت
بعدين احنا نمشى جان وحدة من البنات تعيب عليها وان شهلاالوان الى لابستهم
والبنت قعدت متضاااايقه وتقولى لا ما يصير انتى قلتيلى حلو ما فييه شى

 

[قلبي ابيض]

كل واحد واللي يريحه ويحبه


ويمكن >> الا اكيد اهي مو هامها اللي يتطنزون

 

[غزلان]

والله ياختج محد يتحمل النصيحه الحين
والحين كل واحد صارت عنده ثقه عميااء بنفسه يشوف نفسه اسكت
مالي شغل فيها رفيجتي على عيني وراسي بس اتدخل ابلسها واحرجهاا لا والله
بالله ردت علي قالت لي من زين لبسج انتي جايه تنصحيني بذوقي شسوي بالله بعمري حزتها !!!
هي راح تعرف انه ذوقها مو شي بطريقه انه ذاا راحت محمع ولا سوق ماشالله شبابنا يتطنزون بصوت عالي واكيد راح يقطون عليها جم كلمه وبناتنا بالجمعات خز يعني راح تعرف انه في شي غلط

 

[اموله111]

على حسب اذا امون عليها نصحتها

 

[المـــــها]

حتى لو بينا ميانه ما أجيبها على نصيحة عشان ما اجرحها
أنا افتح الموضوع بيني و بينها بس مثلا أسولف عن محلات حلوة و جذي
اقول لها لا تطوفج أغراضهم روووعة ،، اشدها تروح لمحل سنع أغراضه راقية و انيقة

 

[رووز q8]

بصراحه مااقدر أقولها أخاف أجرحها أو اخاف تفهمني غلط وعبالها اني محترة منها واغار

هذي المشكله لما الواحد ينصحهم و يبيلهم الخير ع طوول تقول محتررره مني كشش

لو علي راح اسكت لان ما احب احد ياخذ عني فكره غلط واهي كيفها ان شالله تلبس خيشه وتداوم فيها ما تهمني

 

[ضحكتي هيبة بكاي]

والله اذا كنت وايد معاها وعلاقتي فيها قوية
اسولف معاها واقولها مشالله مبين انج تقدرين تلبسين احلى واذا حطيتي هذا مع ذاك بيطلع ارتب
ولا آخذها وارويها ملابسي او اوديها السوق معاي
ادخلها مواقع ازياء واشوف رايها
اهديها بدلة حلووة واقولها شرايج تلبسينها للعزيمة في بيت فلان بتشوف الناس بيمدحونها بتحس انها لازم تتغير

سوري قرقت على راسج وايد لووووووووول
بس جربتها مع وحدة ونفعت

 

[توته وااااااااو]

اكيدانصحها لانا حرام تحجى عن الذوق وهي ما عندها ذوق وتسير مصخره بين البنات بس انصحها بطريقه ذكيه علشان ما تزعل وتعقد حرام لانها مسكينه مابي البنات يتطنزون عليها

 

[نمله معصبه]

اذا مياااااااااانه حيل اقول لها .. واذا مو ميانه لامااقول عشان مااعرض نفسي للحرب خخخخخخخخ

 

[هاناا]

اقول لها بس بطريقة غير مباشرة

مثلا

تصدقين فلانة لو تلبسين على هالبدلة بلوزة لونها احمر موديلها غير تطلع احلى

 

[بنت أبوه]

نصيحه افتكي ماتسوا عليج تجرحج في كلمه ليش أهله خواته مايقولون له نصيحه بوقتنا هذا ماينفعج غير خواتج واحده من عشره من رفيجج يصير لج فيه خير وقلبه علي قلبج انا تعقدت من بنات دوام يمممه منهم ولا خاصه اذا كلمج المسؤل او مسؤلتج شوفي شلون يتلزقون فيج واذا ماعطيتيهم وجهج يحرقونج بتلفون بنهاية دوام يعني عنده سالفه

 

[yam_yam]

عن نفسي مالي شغل بأحد

كل واحد و ستايله
و بعدين مو لازم امشي على الموضه عشان يصير لبسي مايفشل
كل واحد و جسمه و ستايله و شخصيته و الالوان اللي يحبها

 

[@رومانسيه@]

اذا امون عليها ورفيجتي وماارضى عليها اقعد معاها واقولها الصج وطبعا افهمها اول شي شنو قصدي عشان ماتفهمني غلط
واقولها اذا تحتاج اني اروح معاها للسوق اروح واهم شي انها ماتزعل علي