تقدرين تنصحينها ولا تكتفين بالصمت !!!!( لبسها يفشششششششششل )

[fashion women]

بنت الجيران

لبسها يفشل

رفيجتج

لبسها يفشل

ستايلها غلط بغلط

مو يفشل معناتها مو انيقه لا

معناتها انه يفشل يفشل يفشل

حتى الخدم ذوقهم احلى من ذوقها

تقدرين تنصحينها

او تسكتين عنها

خصوصا اذا انفتح موضوع عن الموضه والاسواق

واطمرت بنص الموضوع

وعطتج رايها ان المكان الفلاني روووعه وانها ماتشتري الا منه

طبعا

الكل يستانس ويخليها تكمل

الا

انا

لانهم يطنزون عليها

لكن انا قلبي مايطاوعني

واخاف اكلمها تزعل

طيب مرت عليج نفس هالحاله

وشلون ردت فعلج

وشلون تصرفتي !!:080402ask_prv:

 

[Stylista_Q8]

في بناات اعرفهم امبيه لبسهم قمـة بالهلاااااقه والله الكل ينقد عليهم ..!!!!

يعني ويع اوفر بس انا عن نفسي اسكت مابي اعيب ..! يعني الناس اذوااق

بس اذا رفيجتي وبينا ميانه لا والله اقولهااا ونصحت رفيجتي بعد ^^

بس اذا ما بينا ميانه فشلة اقعد اقولها ستايلج مو عاجبني او شكلج غلط ..الخ

لنه بالاخير يا بتقولج انتي شكو أو بتقول عنج محترة وغيورة ..

فابعد عن الشر يا عمري وغنيـلووا

 

[fashion women]

صح كلامج

بس تكسر خاطري

اذا حسيت انهم يتطنزون عليها

وخايفه فعلا تكون عندها ردت فعل عكسيه اذا نصحتها

 

[دلوعة أبوهآ]

والله كل واحد وذوقه في هالدنيا
ياكثر ماشفت ناس ملابسهم واذواقهم تفشل ..,
بس في الاخير هم أحرار هذا ذوقهم وشكلهم ..,

لانه فيه ناس ماتتقبل النصيحه أو النقد

ف كل واحد يلبس بكيفه ويعيش براحته ..
علي بنفسي وبس ​

 

[a7la sho sho]

والله مثل حالتي

عندي رفيجتي تخيلي تلبس غالي وماركات

بس ستايلها قديييم

والكل يقول هالشي

حاولت انصحها واقولها شكثر اقولها

لانها مثل اختي واكييد ماراح ارضى احد يتحجى عنها بالشينه

 

[*ريما*]

امممممممم
اذا قريبة مني حيل انصحها بس باسلوب حلو
اما اذا ماعرفها حيل لا واللة ابتعد واسكت احسن لي

 

[ba6re8a]

walla a7es ani ast7i 0 atfashaaal ma atkalam

 

[TamraBarney]

لا راح انصحها ولا علي منها


لان كل واحد وله ذوقه وهي لو مو مبسوطه كان ماسوت هالشي​

 

[كندية]

والله ماادري كل وحده لها ستاايل خااص...وبصرااحه البنات الحين يعلقوون على اي شيء يعني يااتتبعين المووضه غصب واللى يعلقوون......كل وااحده حره بلبسهاا واكيد اذا في وحده صج ماتعرف تلبس بسال احد قريب منهاا...بس مو اني ارووح اكلمهاا....لا بصرااحه مستحيل اسويهاا...واذاا بناات قاعدين يتطنزون على لبس وحده لا بكلمهم واسكتهم مو ارووح اقولها غصب غيري لبسج علىشانهم...​

 

[sereen]

يازين اللى فووقى زينا

والله انا شخصيا ما اتوقع بكلمها لو حتى كان قبيح لان هذى اذواق واحس راح اكسر قلبها لو قتلها , والشخصيه تلعب دوور بعد فى ناس صاروا معاى قتلهم على ضحكه وبسمه ياحلوا عليج لو بس جربينه , لما البسته واهى حست بالراحه اقووله شفتى شلوووون وينج من زمان تغيرتى يعنى على قولتهم اجرح ودواى , بس والله اذا بتصير شريه وطناقيرها توصل سابع شارع وبتزعل لا والله احشم السانى وخلى ذوقى لى وستايلى والبس واكل مايعجبنى وشعلى انا من الناس وشعلى الناس منى , ياولد "

 

[pretty sarona]

مو سالفة لبس يفشل سالفة ذوق ,لو تشابهت الاذواق لبارت السلع .. اهيا ذوقها واحد و ما راح تغيره لو شنو يصير ,, الله يعطيج العافيه

 

[موت وميلاد]

يمكن انتي تشوفين لبسها يفشل بس بالواقع لبسها عادي لانه الناس اذواق

واذا صج قلبج عليها على يوم اشتريلها بلوزه حلوه وخليها تلبسها ولما تشوف نفسها بستايل يديد وشكل حلو راح اتم عليه

اما انج تنتقدينها لا مايعجبني الناس الي جذي لانه في وايد طرق احسن

 

[الحــــياة]

يمكن انتي تشوفين لبسها يفشل بس بالواقع لبسها عادي لانه الناس اذواق

واذا صج قلبج عليها على يوم اشتريلها بلوزه حلوه وخليها تلبسها ولما تشوف نفسها بستايل يديد وشكل حلو راح اتم عليه

اما انج تنتقدينها لا مايعجبني الناس الي جذي لانه في وايد طرق احسن

:hjy5jewf:

 

[brettey]

حبوبه في من صوب حمولتي ثنتين خوات وحده كانت ضعيفه وعقب العيال صارت مصارع واختها الي اصغر منها ما اثر فيها عقب العيال عصله وجسمها حلو بس الثنتين الصراحه لبسهم هلاقه وماكو ذوق وماعندهم تناسق بالالوان ويحاردوني بعد من يشوفوني سولوفوا بالماركات واللبس والمكياج طريقتهم يعني مو بس انتي تعرفين حتى احنا نعرف واهم يشترون ارخص جنطه بالماركه بس لبسهم هلاقه والكبيره مكياجها عاهه كريم اساسها يلوع الجبد وكذا وحده علقت على مكياجها ولبسها كله من المعارض وغالي على الفاضي والمشكله ماكو تناسق والي يحر الثانيه ضعيفه وجسمها حلو حتى مكياجها ناعم وحلو بس اللبس ماساه هم نفس الشي ماكو ذوق وترقع بس مبين لبسها لبس المجمعات بس تنرفزني
والصراحه ما اقدر انصحهم لانهم من نوعهم مبين اذا نصحتهم راح ياكلوني بقشوري وانا مو ميانه معاهم
وهم فيه بنات يصيرون لي يلبسون اشياء ماتناسبهم ويحطون مكياج مايناسبهم
وعموما المتن ماله شغل باللبس يعني ياما فيه بنات متان لبسهم روووعه ومنهم هدى حسين قبل لا تضعف الهام الفضاله ولو انها احيانا تلبس لبس مو حلو بس غالبا تلبس بدلات حلوه ودراريع كشخه يعني نادر ما اشوف عليها بدله مو حلوه وهم وحده معاي بالدوام متينه بس مو وايد يعني طقه الهام الفضاله او هدى حسين قبل لا تضعف ولبسها مع انه خياط بس حلو ومتناسق
وعندي رفيجتي مع انها خبيره تجميل ومكياجها رووووعه ولبسها ساعات تلبس لبس واوا يهبل وساعات لبسها مو حلو
مادري عموما بالنهايه الناس اذواق
يعني يمكن انا لبسي ما يعجب غيري بس الحمدلله مو غرور غالبا يمدحون بلبسي وذوقي ومكياجي الحمدلله لدرجه انه وايد قالوا لي اخذي دورات تجميل وصيري ميك اب ارتست او دشي معارض صيري مصممه انا لاني اصمم من يوم ماكنت بالثانويه
وانا عموما يعجبني ذوقي وعندي ثقه بنفسي

ولولا اختلاف الاذواق لبارت السلع

 

[أحبه موت]

وايد أعرف ناس جذي بس ماتقدرين اتكلمينهم يعني أقرب مثالي لي رفيجتي روح بالروح ساعات أشوف عليها لبس حلو وساعات اتهلق حيييل وأي هبه يهبون فيها البنات ركضت وراها يعني في شغلات مو حلوة واتفشششششششل بس تسويها على ابو انها موضة وستايل بصراحه مااقدر أقولها أخاف أجرحها أو اخاف تفهمني غلط وعبالها اني محترة منها واغار

 

[أم خـــدود]

اي والله مر علي هالموقف مع بنتين خوات بس ما اكلمهم لأنهم عبالهم اهم احسن شي فعاد مخليتهم لأنه الناس تشوف وتعرف


بس اللي صج قبل ايام الدراسه على طاري النصيحه وحده اكسرت خاطري الله يعزكم ريحتها خايسه حيل وهي كله تتكلم

عن عطورات الماركه وتهايط عند البنات واذا راحت البنات اضحكو عليها والصراحه اكسرت خاطري

وخذيتها ابروحها وقلت لها الصراحه وقلت انتي مثل اختي ولأني اعزج بقولج كلام ولاتزعلين مني وقالت شنو

وقلت الصراحه انتي لازم تهتمين بنظافتج الشخصيه وطبعا شرحت لها وعلمتها وفعلا بعدها البنت صارات ريحتها نظيفه

والله يستر عليها

 

[lailosh]

رفيجتي تقر يبا جذي


تلبس لبس يا يكون ظيييج او شكله غللللط بس على بو تمشي مع الموضه لو صارت الموضه جرايد عادي ماعندها مانع تمشي مع هل موضه

وجم مره مو بس انصحها الا ازفها لان شكلها حده غلط

بس المشكله عبالها اانا معقده بس السالفه اكبر من جذي

مشكوره

 

[الصعيريه]

مآعرف وحده لبسها هيلقي ..

واذا كنت اعرف وحده لبسهاا يفشل ماراح انصحهاا بسكت عشاان مآأفشلهاا ولاتزعل مني..
لانه وقتنا هذا اللي تنصحج جنهاا عدوتج فلييش اعرض نفسي لمواقف انا بغنى عنهاا

ذوقها وكيفهاا مآلي شغل فيهاا

يعطيج العاافيه عالموضووع...

 

[وحشني شوف الكويت]

امممممم اذا كانت البنت قريبه مني ومره علاقتنا كويسه مع بعض يمكن اقول لو انك لابسه هذي القطعه مع هذا راح يكون احلى ، يعني المقصد اني راح اتبع هذا الاسلوب اللي هو "لو لبستي هذا مع هذا راح يكون احلى أو ممكن يكون أنسب" ..
انا اشوف هذا الاسلوب مره مناسب لأبداء الرأي من جهه والتلميح من جهه ثانيه ، يعني ماراح اقول لها انو لبسك مو حلو او افشلها ، مهما كانت علاقتي فيها حتى لو ميانه احس عيب ويمكن اجرحها !
بس بالاخير القرار راجع لها اذا اعجبها كلامي والشي اللي قلته و سوته كان بها ، و اذا ما اعجبها it's ok براحتها
و بالنهايه هي مسالة اذواق يعني اللي يعجبني مو شرط يعجب غيري و كمان اللي يعجب غيري مو شرط يعجبني ...
تقبلي مروري :*

 

[الروســـآآآ]

اول شي اعطيها مثال ان لبس فلانه مو عاجبني كان وكان .. واشوفها اذا استجابت معاي بينت لها
اما اذا تنرفزت وقالت انتي شكو بالناس .. اخليها وامشي بس احااول علي قد ما اقدر اني ما اجرحها
نفس ما احاول اني اخليها تغير طريقه لبسها .. ويسلمو علي الموضوع