تقدرين تصلين الفجر بوقتها ؟ تقدرين تصلين قيام الليل ؟

[أحب بابا جابر]

حبيبتي عليج بالاستغفار والتسبيح بكثره قبل النوم والدعاء ربج ان صلاتج تصير بوقتها تقرين اخر ايتين من صورة الكهف وتنامينى باذن الله تقومين على صلاة الفجر

انشالله
الحمدلله التسبيح اسبح بس مو وايد والاستغفار ما ادري شنومشكلتي مع الالتزام ما التـــــــــــزم انا نساية ولا الشيطان اينسيني
:080402ask_prv:


مشكورة يالغالية

 

[أحب بابا جابر]

هلا حبيبتي نصيحة من اخت مجربة ثقل النوم شوفي حبيبتي انا نومي ثقيل و مدرسة و جهال صغار و اذا سهرت ما اركز كنت اتمنى قيام الليل لانه شرف المؤمن و فوائده لاتعد و لاتحصى وتتعب نفسيتي لما اتاخر عن صلاة الفجر المهم في رمضان تعبت و الحمدلله كان خيره فأ كان الشفاء بيد الله و العلاج قيام الليل بسورة البقرة بدأت بأول ليلة في الدوام نمت مبكر على الساعة تسع و ضبطت المنبه على ثلاث الفجر و دعيت ربي يعيني و الحمدلله من استعان بالله ما خاب وكنت شايله هم الدوام اخاف اتعب و كانت المفأجاه نشاط و حيويه و خلاص تعودت ما اتاخر عن النوم الساعه واقعد الساعه ثلاث او زياده شوي و اصلي الفجر وانام ساعه و اقعد سته و شوي و الحمدلله و جدت لذه و راحه في حياتي يارب تشعرين فيها و لا تنسين الدعاء في كل وقت على اعانة ربي لك بقيام الليل خصوصا بين الاذان و الاقامه و بعد الصلوات المفروضة و نيت اقولك على شغلة استشعرتها في القيام و هي الدعاء سبحان الله اكثر من دعوه استجابها الله لي فشعرت بكرم ربي علي فأنه يستحق القيام الليل كله و ليس نصف ساعه و بعد اذا غلبك النوم تذكري ان ربي في السماء الدنيا و يضحك لمن يقيم الليل يالله من اكون عبده ذليلة و يضحك لي ربي و ينتظرني اقوم الليل فعلا عيب نركن للنوم ة نترك لقاء ربنا في آخر الليل كل ما تذكرتي هذه النقطة بتقومين ان شاء الله بهمه و نشاط و بيتعلق قلبك بالقيام فهو اجمل ما في الحياه و بشريني بقيامك الليل ولا تنسيني من دعائك اللهم لك الحمد كما ينبغي لجلال و جهك و عظيم سلطانك وصلى الله على حبيبنا محمد وعلى اله وصحبه اجمعين

هلا فيج اكثر
الله يعطيج العافية ويقويج
ونعم بالله
اي والله اني شايله هم الدوام نفسج هذا اللي ذابحني
انشالله بدعيلج من كل قلبي يا ذهب على هالكلام الحلو
عليه الصلاة والسلام
مشكورة حبيبتي يزاج الله خير :blueSmCLR:

 

[أحب بابا جابر]

رد: رد : تقدرين تصلين الفجر بوقتها ؟ تقدرين تصلين قيام الليل ؟

اول جم يوم صعبة بعدين تتعودين
بس حطي ببالج قبل لا تنامين انج بتقعدين لصلاة الفجر وما راح تتكاسلين
وسبحان الله مع الايام تفزين بروحج

انشالله اوصل لمرحلة اني افز بروحي يا رب :eh_s(1):



افففففففففف ذبحنا الكسل مو عارفين نسوي شي يا ربي انقذني من هالنوم :eh_s(4):
مشكورة يالغاليه

 

[أحب بابا جابر]

رد: رد : تقدرين تصلين الفجر بوقتها ؟ تقدرين تصلين قيام الليل ؟

نامي مبجر وركبي المنبه قبل صلاه الفجر بساعه وقومي الليل واذكري ربج واستغفري لين الاذان وصلي الفجر وردي نامي لاتتكاسلين انوي قبل لاتنامين القيام ودعي ربج يعينج عليه اهم شي النيه والله صدقيني راح يعينج عليه ان شاءالله وادعيلي حبيبتي الله يتقبل منا منكم صالح الاعمال

آمين يا رب
الله يتقبل مني ومنج صالح الاعمال ويعيننا على التغلب على الشيطان


مشكورة يزاج الله الف خير حبيبتي :d:016::d

 

[أحب بابا جابر]

الله يوفقج وينور دربج بعبادته

مشكورة قلب على الدعاء الجميل


تسلمين والله يوفق الجميع والله يوفق كل من رد علي فديتكم :eh_s(15):

والله ينور دروبنا كلها ويطرح البركة في ايامنا ويجعل الفرح فيها
آآآآآآآآمين :*

 

[أحب بابا جابر]

رد: رد : تقدرين تصلين الفجر بوقتها ؟ تقدرين تصلين قيام الليل ؟

بسم الله الرحمن الرحيم

انا انصحج اختي انج اتنامين امبجر وتقعدين قبل صلاة الفجر بساعه واتقومين الليل
لان لها فواااائد واااجد لج لدنياج ولاخرتج
واكثري من الاستغفار لان ساعات اللي يمنع قيام الليل كثرت الذنوب او ذنب بسيييط يمنع من العبادات والله اعلم

مشكورة حبيبتي
اتفقتو على نفس الشغله
اني انام مبجر وااااااايد جنه عندي روضة باجر :krkrkr: وانا مشكلتي ينية ما يحلى لي الجو الا بعد ال 11
والمشكله الثلث الاخير من الليل يبدا 1 و جم دقيقه
يعني لازم اعكس كل النظام عسى الله يقدرنا :eh_s(6)::eh_s(6)::eh_s(6):

 

[أحب بابا جابر]

اول شي الله يجزيج خير ويثبتج ان شاء الله
ثاني شي انا شسوي اذا بنام واخاف ماقوم اصلي قيام الليل قبل لانام اصلي الشفع والوتر قبل لرقد وماطول عشان اتعود عليها يعني ركعتين وسلم وركعه وسلم شفع ووتر وارقد افضل شي احبه ربي القليل المداوم عليه واصوم الايام البيض من كل شهر واذا قمت الصبح على ال9 او 10 او11 اصلي ركعتين صلاة الشروق الي هي صلاة الضحي وبس وسلامتج اى واذا شهرت اقيم الليل اطول فيها وبس

ووياج حبيبتي والجازي


والله يثبتنا كلنا يااااااااارب عسى الله يثبتني لاحظو ان الله غني عن عبادتنا احنا كل هذا نسويه لحاجتنا الله غني عنا
يا رب اللهم اغنني بالافتقار اليك ولا تفقرني بالاستغناء عنك اعوذ بالله :yaaaaaarb:

تصدقين يمكن بالتدريج احسن ويسهل التعود عليها
والله يثبتج على الصيام وعساها سهالة انشالله
فديتج يالحب :eh_s(7)::wqedqw:

 

[أحب بابا جابر]

رد: رد : تقدرين تصلين الفجر بوقتها ؟ تقدرين تصلين قيام الليل ؟

الله يهدينا وياج ويعينا ويرزقنا نكون من الي يقومون الليل

آآآآآآآمين حبيبتي
لو تدرين من متى وانا ناويه عليها توني الحين ابادر
:j013:
حسبي الله على ابليس



حبيتي انا قريت بالنت عن فضائل العبادات
ماشاء الله اشوف السعوديات يمونون على عمرهم واايد انا يوم واحد وايجودني
وايد بنات سعوديات كاتبين قصصهم بالنت عن قيام الليل انتي لو تقرين تتحسفين على عمرج اللي راح
مقزرين وقتنا باشياء تافهههههههههه


وعسى الله يرزقج القدرة على الطاعات :eh_s(17):

 

[أحب بابا جابر]

الله يعينا
على قيام الليل وعلى طاعته يارب
انا مو مال نوم فعشان كذا مرتاحه ولله الحمد اصلي الفجر وانام....

آمين يا الحبيبة مشكورة :33_1185028183:

 

[أحب بابا جابر]

هلا أختي أنا نفسك بالضبط وكنت أعاني ولكن لله الحمد بعد الدعاء المستمر والإلحاح الدائم بالدعاء أني أواظب على صلاة الفجر في وقتها الله أستجاب وغلبت الشيطان بفضل الله عز وجل وأقوم لصلاة الفجر بوقتها وأحس بعدها ان يومي غير كله توفيق ونشاط موطبيعي الحمد الله الذي بنعمته تتم الصالحات استمري بالدعاء وأنتي بالسجود وبين الأذان والإقامة وأنتي مسافره وقت نزول المطر دائما أدعي الله .
أسأل الله العظيم أن تقومين لصلاة الفجر وقيام الليل .

فديتج على الدعاء الحلو يا حلو
وعاشت الاسامي :ggdw:

عسى الله يتمم عليج هالطاعات وانشالله تجنين ثمرتها قريب
مشكورة

 

[أحب بابا جابر]

حيااااتي انتي نفسي قبل بالضبط


اناااااااا نواااااااااااااااااااااااااااااااااااامه انااام وايد وكله دايخه وكسوووله , وفوق هذا لما افكر بالصلاه والدعاء اتكيسل اكثر ((كنت))

من قبل رمضان بشهر التزمت بشغلات واايد غيرت من نفسيتي ونظامي حتى نومي عدلته وتغير , صرت استانس اذا يت وقت الصلاه وما ادوخ واستانس ادعي احس بلذه

اولا : التزمت بسوره البقره كل يوم

ثانيا : اذكار الصبح والمساء , ترى تاخذ منج 10 دقايق وانتي بالطريج حق الدوام اقريهم

ثالثا : استغفار التزمي فيه , مو يوم اي ويوم لا , غصبي نفسج باول الايام راح يكون ثقيل عليج حتى لو اسبوع اسبوعين ثقيل عليج ميخالف , بعدين بتحسين بلذه والله العظيم, والاستغفار لازم يكون بحضور القلب لازم تفكرين بالمعاصي وتصيرج بالطاعه واي شي سويتيه غلط استغفري عنه ,, استغفري من كل الذنوووب حتى لو كنتي ماتعرفينها

رابعا: ابتعدي عن المعاصي واهم شي الي تحسينها صغيره بعينج , فيه حديث بما معناه ان الذنب الي صغير بعينج كبيره عند الله , والذنب الي يحسه الانسان كبير هذا صغير عند الله ,, ابتعدي عن الاغاني لانها تميت القلب , والحش وحف الحواجب والتعطر واللبس الضيج وغيره , ولان اي ذنب تسوينه ترى يثقل عليج الطاعه , اذا سويتي ذنب لو ضغير , شوفي شلون تثقل الطاعه بقلبج ,, حطي هالشي اباالج على طول ان الذنوووب والمعاصي تثقل على الانساان عبادة الله ,,, وعن تجربه كل الناس وانا وحده منهم


خامسا : زيدي بالطاعاات وتصدقي كل يوم لو ربع ولو 100 فلس , الصدقه تطفئ غضب الرب

سادسا: كل ما تسوين شي حرام او حسيتي الله مايرضى عنه او مثلا ماقمتي حق صلاه الفير , عقب صلي ركعتين صلاه التوبه , بس ركعتين : ((على طول كوني أواابه )) يعني على طول توبي الى الله بقلبج وبصلاه التوبه

سابعا: دعااااااااااء , دعااااااااااااء دعااااااااااااء
كوني ذكيه , ادعي الله باوقات الاستجاااااابه , مثل بين الاذان والاقامه , وادعي بعد الصلاه , الثلث الاخير من الليل , تخر ساعه قبل المغرب بيوم اليمعه وفيه وايد اوقات

وهم فيه اسرااااااار ثانيه مهمه

1- تبدين بالصلاه على النبي

2- تثنين على الله وتحمدينه وتشكرينه على نعمه

3- تستغفرين من ذنوبج وتتذللين لله , تحاولين تبجين واذا مابجيتي تباكي ( كلام ابوبكر الصديق كان يبجي واذا مابجى يتباكى )

4- الالحاااح , وايد عيدي الدعااء

5- ادعي الله يثبتج ويعينج على الطاعه مثل يامقلب القلوب ثبت قلبي على دينك , كرريهاا وادعي اللهم حبب الي الايمان وزينه في قلبي وكره الي الكفر والفسوق والعصيان

6- ادعي ان الله يهديج , لان الله يقول فيه مامعناه ان انا ما اهدي عبد الا لازم يطلب هدايتي يعني لازم تدعين انه
يهديج حق طريج الحق , وادعي بالرحمه انه يرحمج , وادعي انه يرضى عليج لان اذا رضى عليج ببيوفقج

7- تذكري ان الله مايطلق لسانج بالدعاااء الا لانه ناوي يعطيج الي تبينه , وان لما يخليج مالج خلث تدعين يعني مايبي يعطيج الي تبينه , فتحدي نفسج انج تدعين زياده

8- تذكري كل ما بتسوين معصيه او شي مايرضى الله تذكري ان هذا من الشيطان لان هني معناته الله قرب استجابة دعوتج بس الشيطان يبي يحاول انه يخليج تطيحين بمعصيه عشان يخلي الله يأخر استجابة الدعوه

9- ركزي على الصلاه باوقاتها

10- لما تبين تصلين القيام ابدي بركعتين بس وعقبهم شفع ووتر , الله يحب ( القليل الدائم خير من الكثير المتقطع ) طيعي ربج شويه بس كل يوم التزمي بالطاعه

11- ادعي حق نفسج وحق كل الي تعرفينهم رفيجاتج واهلج ووالدينج

12- بالنسبه حق صلاه الفير خلي احد يقعدج ولما تقعدين حتى لو تعبانه حطي ابااالج ان اذا صليتيها الله بيوفقج باليوم كله ويباركلج فيه , سواء كنتي بالجامعه او بالدوام او بأي وظيفه وجربي
انا صرت مااا احس بنشااط الا لما اصلي الفير , واذا ماصليب يومي يصير عكر وما اتوفق فيه لا بدراسه ولا بالتركيز وولابشي !!
وكله ضايق خلقي ومكتأبه ,
وبعدين بالنسبه حق القيام ترى تعطي نوور بالوجه , كانو اول الحريم ايام الرسول يلتزمون بقيام الليل عشان يبون ويهم يصير حلوو هذا سمعته من خدمة الشيخ مشاري الخراز , مع الالتزام طبعا حتى شخصيتج تتغير للاحسن .. عن تجربه

13- حاولي اتزيدين من اعمال الخير والطاعااات , مثلا تساعدين بنات بالدوام , تفرجين كرب ناس , تساعدين محتاجين , حتى لو تزين مسج ديني حق الي عندح بالتلفون , يعني مثل الرد هذا الي انا كاتبته لج انا ابي افيدج واحتسب الاجر وهم الي يقراه بيستفيد ووراح اخذ اجر فيج وبكل من يستفيد لما يقرا الكلام , راح تكون صدقه جاريه , وانتي بعد حاولي تسوين شغلات تفيد الناس كلهم وتاخذين اجور وحسنااات بدون لاااتدرين من وين

14- ولما تدعين او تصلين حسي انج قاعده تكلمين الله سبحانه , الله ينطرنا 5 مرااات باليوم , هذا موعدنا مع لقااء الله الله يبي يشوفهنا ولهان علينا , ووقت القيام ينطرنا يقول هل من داعي فاستجيب له , ويقول بعد , من تقرب الي شبرا تقربت اليه ذراعا ومن تقرب الي ذراعا تقرب الي باعا , ومن اتاني مشيا اتيته هروله .. اكثر من جذذي حب من الله فينااا ماكوو؟؟...
ويقول فاكروني اذكركم : يعني ذكروني بالطاعه والعباده , انا اذكركم بالي تبونه وبالرضا والتوفيق ,,

وشووووفي شلون الله بيوفقج وراح تتلذذين بالطاعه انشالله

حبي هذا انا كله كاتبته من تجربتي مو ناقلته ولاشي انشالله تستفيدين منه :wqedqw:

:aha:
مشكورة حبيبتي على الشرح المفصل
:016:


تدرين انا عندي كتاب اسمه الدعاء الى الله
هالكتاب مو صججججججججججججججج طحت عليه طيحه ما ادري منين
بالنسبة حق الصيغة المفضله للدعاء في دعاء شامل وايد حلو حبيته صج وفيه الصلاة على النبي اول شي عليه الصلاة و السلام وفيه الثناء والاقرار بالذنب وكل هالامور
ذكرتيني فيه كان صج دعاء مضبوط
وبالنسبة حق رقم 7 ونستيني :eh_s(2): هههه
وبالنسبة حق رقم 8 تدرين انا قريت ان الشيطان يدخل عليج من باب الملل من الدعاء وهذا دليل قرب الاجابة :016:
واااااااااي وناسة :016:
مشكورة يالغاليه وفعلا فدتيني وانشالله لج اجر هالكلام وكل من راح يقرا اكيد بيستفيد
يزاج الله خير :weight_lift:

 

[كويتية و لكن]

اللهم اهدني الي كل ما تحبه وما ترضاه
الله يجزااك خير

 

[أحب بابا جابر]

كويتية

اللهم آمين
وياج يالغالية

 

[أحب بابا جابر]

مشكورين بنات :*

 

[‏ڝڋٸ ٵڸڪٿہـآڻ]

أستعيني بالله على صلاة قيام الليل وعلى صلاة الفجر .....والله ييسر لكـ ....وذا نيتكـ تقومين الليل وتجيكـ نومة ..فبإذن الله ربي يكتبها لكـ ..(فإنما الأعمال بالنيات ) .... وبالتوفيق .....

 

[‏ڝڋٸ ٵڸڪٿہـآڻ]

:aha:
مشكورة حبيبتي على الشرح المفصل
:d :016: :d


تدرين انا عندي كتاب اسمه الدعاء الى الله
هالكتاب مو صججججججججججججججج طحت عليه طيحه ما ادري منين
بالنسبة حق الصيغة المفضله للدعاء في دعاء شامل وايد حلو حبيته صج وفيه الصلاة على النبي اول شي عليه الصلاة و السلام وفيه الثناء والاقرار بالذنب وكل هالامور
ذكرتيني فيه كان صج دعاء مضبوط
وبالنسبة حق رقم 7 ونستيني :eh_s(2): هههه
وبالنسبة حق رقم 8 تدرين انا قريت ان الشيطان يدخل عليج من باب الملل من الدعاء وهذا دليل قرب الاجابة :016:
واااااااااي وناسة :016:
مشكورة يالغاليه وفعلا فدتيني وانشالله لج اجر هالكلام وكل من راح يقرا اكيد بيستفيد
يزاج الله خير :weight_lift:

تكتب إن شاء الله يابنات مو انشاء الله (انشاء معناها تكوين وليس مشيئة) ...اللهم إني بلغت اللهم فأشهد ...أنا حطيت هالتحذير في توقيعي وبعدين حذفته بس شكلي رح أرجع أحطه لتعم الفائدة ...ومعليش عارفة انه مو من الموضوع
الله يكتبنا جميعا ممن يصلون الفجر في وقتها وممن يقومون الليل اميييييييين

 

[HUDA2010]

رد : تقدرين تصلين الفجر بوقتها ؟ تقدرين تصلين قيام الليل ؟

ربي يجزاكم كل خير
استفدت من الردود
اللهم اجعل الصلاة قرة عيني يارب

مشكوره صاحبة الموضوع عسى ربي يعينك على القيام ويعين الجميع يارب

 

[أحب بابا جابر]

أستعيني بالله على صلاة قيام الليل وعلى صلاة الفجر .....والله ييسر لكـ ....وذا نيتكـ تقومين الليل وتجيكـ نومة ..فبإذن الله ربي يكتبها لكـ ..(فإنما الأعمال بالنيات ) .... وبالتوفيق .....

الله ودج
جان زين والله

الله ييسر امور الجميع ان شاء الله



:hjy5jewf:

مشكورة يالغالية

 

[أحب بابا جابر]

تكتب إن شاء الله يابنات مو انشاء الله (انشاء معناها تكوين وليس مشيئة) ...اللهم إني بلغت اللهم فأشهد ...أنا حطيت هالتحذير في توقيعي وبعدين حذفته بس شكلي رح أرجع أحطه لتعم الفائدة ...ومعليش عارفة انه مو من الموضوع
الله يكتبنا جميعا ممن يصلون الفجر في وقتها وممن يقومون الليل اميييييييين

آمين يا رب العالمين


الله يكتبنا وياج ممن يقوم الليل

تدرين عاد اني اكثر وحدة احذر من هالغلطة واطفر لما اشوفها اقول شنو الناس ما يفهموووووووون
بس انا اكتبها جذي لانها لغة عامية لكن لما اكتب ان شاء الله باللغة العربية مستحيل اشبكها لاني ادري واكرر ودايما اصلح للناس
ومشكورة يزاج الله خير انج نبهتيني بس انا ما اعتبرها نفس اللغة العربية عشان جذي اشبكها :tek:


شكرا يا كل الحب وانشالله يكون الموضوع فادج

 

[أحب بابا جابر]

رد: رد : تقدرين تصلين الفجر بوقتها ؟ تقدرين تصلين قيام الليل ؟

ربي يجزاكم كل خير
استفدت من الردود
اللهم اجعل الصلاة قرة عيني يارب

مشكوره صاحبة الموضوع عسى ربي يعينك على القيام ويعين الجميع يارب

وياج
والعفو
انشالله كلنا تكون الصلاة قرة اعيننا وهذا الحاصل الحمدلله لكن الايام اللي تكون فيها الذنوب زايدة احس اني ما استمتع بالصلاة وايد
وسبحان الله الايام اللي اكون ماشية فيها صح اصلي وانا مستانسة
والله الحياة حلوة برضا الله
ونكد otherwise

شكرا على المشاركة