تقبلين سيارة من زوجج وانتو بفترة الملجه ؟؟

[أُلَجّـۇۈۉهّـره]

حبيبتي عادي هذا زوجج ومسؤول عنج مافيها شي وبعدين اهو اللي قال بيعطيج السياره مو انتي قلتي والله يوفقج

عدل كلامج , بس انا وايد افكر بردة فعل اهله هالموضوع مسبب لي قلق . وشكرا غاليتي

تابين صج صج انا لو مكانج ارفض مو عشان شي
بس خلينا نتكلم بعقل نآس شـ بتقول هذا شي ثاني شغله صدقيني اول ما تصير سالفه بينكم بيذكرج ان خذيتي سياره ومدري ايش
اخذي سياره منه اوك بس بعد عرسج مو هالفتره وهذا رايي
وعسى الله يوفقج

مشكوره غلاتي , بس احس بالغتي شوي انا ماطلبت منه سياره اهو اللي يبي يهديني , وطلب مني مااكلف على ابوي , لان اهو من وجهة نظره انه اهو مسؤول عني مو اهلي , وبلغني سيارته ادرب عليها , وبعد الزواج بياخذ لي سياره جديده , فانا مادري اقبل ولا لاء هذا كل الموضوع .

عادي حبوبه اهوا ريلج شرعا جدام الله والناس ..

خليه يحس انه مسؤول عن مره وبيت .. ياما بنات متزوجات بس رياييلهم ما يدفعون فلس حمر على سيارتهم فحمدي ربج ان ريلج اهوا اللي عرض عليج هالشي متزوجات غيرج اهم اللي يطلبون من رياييلهم ورياييلهم يرفضون
واذا على كلام الناس لا تحطين لهم بال كلام الناس مايخلص

وألف مبروك حبوبه على الزواج والسيارة ​

مشكوره كلامج جدا مريح , فعلا انا فكرت بهالنقطه , بس وضحت له بالبدايه انا مابي اكلف عليه ومن هالكلام , وبعدين اهو حسيته تضايق وقال لي انه زوجي ومسؤول عني وهالشي حق لي وبعدين رفض اكلم ابوي انه يشتري لي سياره , عشان جذي انا ماناقشته وقال بس يرد يتفاهم مع ابوي , مادري انا اهله ماصار بينا اي موقف بس انا بطنش ولا راح اسمع حق احد وبالعكس انا شكثر اشوف بنات متزوجين وقت الملجه ازواجهم يتكفلون بكل شي . وشكرا على مدداخلتج

عااادي أهله فرحتهم من فرحتج
عسى الله يهنيج يااارب

مادري ىنا أشوف انه عادي

ألف مبروك الملجه حبيبتي ولاتحاتين ولاتقولين فشله هذا ريلج لاتستحين ولا تفتشلين انتي مو مسويه شي غلط

عادي ملزوم فيج دام بتصيرين مرته

مشكورين كلامكم طمني , وخلاص ان شاءالله الموضوع يعدي على خير وراح اقبل منه السياره . اسعدني تواجدكم

 

[أُلَجّـۇۈۉهّـره]

عادي انتي زوجته وشنو فشله !! وين الفشله

قبل العرس ولا بعده مافيها اي مشكله لا تكبرين الموضوع انتي زوجته وهو مسؤول منج

انا حماتي بس ملجة خلت سيارتها عند اهلها وراحت بدونها وزوجها هو الي شرالها سياره !

مافيها اي مشكله او احراج ~

مشكورع غلاتي , بس حماتج بعد الزواج انا مو مكبره الموضوع لكن مو عارفه اتصرف بهالموضوع خصوصا ان هالموضوع بيني وبين زوجي لااهلي ولا اهله يدرون ليما الحين , لكن مثل ماقلت ان شاءالله بقبل منه

والله انا اتوقع عادي ومافيه اي حساسيه ...

مشكوره غلاتي

انااا احترم اراء البنااات كلهم بس انا رايي من راي احاســيــس​

اعتقد فشله شنو بيكون راي اهلج انتي بالموضوع وهم اهله اذا فيه فيه سالفت انج تسوقين خل ينطر لاصرتي عنده ويعطيج السيااره اعتقد عيب انه تاخذينها منه وانتوا بفترة ملجه وهم الناس بيقولون اهلج مقصرين عليج لو ماكانوا مقصرين بس حجي الناس ماراح يخلص​

تقبلوا مروري

مشكوره غلاتي , اهلي ماعندهم خبر لكن اكيد باخذ راي الوالده والوالد بالموضوع , وبالعكس اهلي مو مقصرين علي واهو يعرف هالشي , لكن اهو موصيني ماافتح الموضوع مع اهلي الا بعد مايرجع من السفر , وهم قال انا زوجج وانتي نسؤوله مني مابي تضايقين ابوج وتكلفين عليه , انا كل اللي طلبته يقنع ابوي بموضوع السياره واهو اللي بادر بهالشي

 

[مطيريه ستآيل]

أول شي ألف ألف مبروك يالغاليه

والله يوفقج ويهنيج ويسعدج

وثاني شي بخصوص موضوع السياره أنتي وزوزجج والكل يشوف أن الموضوع عادي وأنه لازم يعطيج ويصرف عليج

بس الناس ما ترحم وبيكثر كلام الناس وسوالفهم وفكي نفسج من عيون الناس بيقولون توه ما عرفها وعطاها سياره

وأنتي برااااحتج أنا أقول أنطري لين تصيرين عنده أحسن لج ...~َ!

 

[ذكرى الايام]

قـــــــــــــــولي وينها _03BA:_03BA:

الله يعطيج خيرها ويكفيج شرها​

 

[أُلَجّـۇۈۉهّـره]

أول شي ألف ألف مبروك يالغاليه

والله يوفقج ويهنيج ويسعدج

وثاني شي بخصوص موضوع السياره أنتي وزوزجج والكل يشوف أن الموضوع عادي وأنه لازم يعطيج ويصرف عليج

بس الناس ما ترحم وبيكثر كلام الناس وسوالفهم وفكي نفسج من عيون الناس بيقولون توه ما عرفها وعطاها سياره

وأنتي برااااحتج أنا أقول أنطري لين تصيرين عنده أحسن لج ...~َ!

الله يبارك فيج غلاتي ,,تصدقين انتي نفس تفكيري ,, انا اكثر شي احاتيه لاسمح الله عيون الاوادم والله الحين قاعد يهديني شغلات بسيطه واهم ماعندهم سالفه غير هدايا زوجي ,, فما بالج اذا اهداني سياره وانا ادري الله الحافظ بس هم بعد يعتمد عالناس اللي حوالينج ,, وحواليني ناس اللهم ياكافي شفاحه ,, بس والله انا محتاجه السياره فوق ماتتصورين بفتر على المشاغل بشترك بنادي بسجل بصالونات اشتراكات حمامات وغيره وغير العيادات ,, يعني منو فاضيلي بيوديني ويجيبني ,, عشان جذي بستخير قبل لا اخذ السياره والله يعلم وين الخياره بالموضوع,, ومشكوره

 

[أُلَجّـۇۈۉهّـره]

قـــــــــــــــولي وينها _03ba:_03ba:

الله يعطيج خيرها ويكفيج شرها​

هههههههههه ,, ياحلوج ذكرى خلاص ان شاءالله اول يوم امشيج فيها شقلتي ,,.

 

[اختكم بالله]

عادي

 

[انا لحبيبي .]

الف مبروك ، والله يتمملك على خير يارب