تفكرين تحملين ..بعد الاربعين؟؟؟

[لميس]

اللي دخلوا بوابه الاربعين سنه...عندى سؤال لهم مع اني انا اخاف من الاجابة عليه!!




تفكرين تحملين بعد الاربعين سنة ؟؟
والا تخافين من التحذيرات الطبية من احتمالية انجاب طفل معوق-لاسمح الله_
اذا زوجك يحن يبي ياهل صغيرون يتونس فيه :eh_s(9): وعياله الثانين كبروا...هل تسايرين رغبته من باب كل شي مكتوب!!
والا تاخذين بالاسباب وتمتنعين عن الانجاب تماشيا مع النظريات الطبية؟؟؟؟
اتمنى من الجميع-كل الفئات العمرية-المشاركة معنا فى هذا الموضوع الشائك!!!!

 

[eman-77]

انا عمري 30 واحاتي واخاف صراحه بس لو عديت 35 طبيا مو صحي اني احمل

لا لي ولا للبيبي

 

[rainbow_brite]

شوفي اختي انا الحين عمري 26 سنه وعندي ياهلين والبيبي الثالث بالطريج وانشا الله اذا الله رزقني البيبي الرابع اتمنى يكون قبل عمر الثلاثين او على ابواب الثلاثين بس الوحده شدراها اللي الله كاتبلها يمكن الله يرزقني ويمكن لأ ويمكن انطر انا عن نفسي احس ان الوحده اذا عدت الثلاثين يصير معاها الحمال متعب واللي بالاربعين ترا تعبه اكثر واكثر بس اللي الله ما رزقهم مبجر وما عطاهم العيال الا عالكبر عليهم بالعافيه اييبون واهم كبار والله يحفظ ترا سالفة الطفل المغولي تكون نسبتها عاليه بالثلاثين وبالاربعين بس ترا وايد بالعشرينات ايبون طفل مغولي الله يكافينا الشر وبالاربعين ايبون يهال شزينهم عندي اختي الكبيره ما تزوجت الا يوم صار عمرها 30 ومسكينه الله مارزقها الا يوم صار عمرها 35 سنه ويابت عيالها على بعض واصغر بيبي يابته واهي بالاربعين والحين عمرها 43 سنه ولا مانع ولاشي وناطره اتحمل عندها عادي الله يرزقها ويحفظ لها عيالها يعني قصدي المضطر اييب عالكبر ليش لأ بس اللي الله رزقه على شبابه وبالصغر ويربي عياله تالي يكبرون احس صعبه يعني فكري مو بس الحمل يكون صعب ترا حتى التربيه والتدريس حده صعب



بس اذا ابو الشباب حن عالبيبي شتسوين غير انج اتحملين لان بالاول وبالاخير من حقة وانشا الله هالامور تكون بالتفاهم


هذي وجهة نظري بالموضوع


والله يرزق كل محروم طفل سليم معافى لافيه زياده ولا نقصان

 

[donat]

حبيبتي ترتفع خطر اصابات الجنين بالامراض اذ كانت المراة بكريه في عمر كبير بس اذا متكررة الولادة تقل النسبة وااااااايد وتكاد تتلاشى حبوبة حملي وماكو ا العافية انا حمواتي كلهم اخر ياهل يابوه فوق الاربعين و خالاتي بعد عندي وحدة ولدت واهيا 45 سنه وكاهو ولدها شحليله بخامسه ابتدائي

 

[ام السلمي]

انا احسبج تسالين عن الحمل بعد الأربعين (النفاس) كنت بقولج ودي لأني صارلي 5 سنين والحمد الله عندي واحد بس ودي ايب المقرر على قولتهم قبل ال35 لأنة ريلي اهوه الي نصحني اني اوقف عند 35 وانشا الله الله يرزقني الذرية الصالحة ويرزقكم..

 

[ام مضاوي]

حبيبتي توكلي على الله واحملي
واستخيري قبلها وادعي ربج اذا هالبيبي فيه خير الله يرزقج
ومادام زوجج يحن انا اشوف تحملين احسن
لاتنطرين تنقطع عنج الدوره ساعتها يقولج انتي ماحققتي الي بنفسي ويروح يتزوج ثانيه بحجة انه ماشبع من العيال

انا عن نفسي عمري 23 وعندي بنتي 3شهور الله يخليها بس مافكر احمل حاليا لاني اتعب وصعب علي
واتمنى اني ارصهم ورى بعض علشان عالثلاثين اوقف واهتم في نفسي

 

[لميس]

والله الموضوع صعب جدا!!
الخوف من انجاب طفل مريض!!الخوف من الوصول لسن اليأس!!
مسكينة المرأة من ليلة الدخلة وهي من خوف الى خوف!!الله ياجرنا...........

 

[عروب_27]

لاتخافين ربج الحافظ--------
شتسوي المراة اذا الله مارزقها الا على كبر------
لو الواحد على كيفة راصهم وهو بعمر العشرين ومرتاح---
بس هذي قسمة الله------الحمدلله

 

[تفاحة حمرة]

والله مافكرت بهالموضوع توني بالعشرين اذا عشت ووصلت للاربعين ذيج الساعه افكر يمكن ؟؟؟ بعد عادي اعرف وحده اخر عيالها جابته وهي عمرها خمسين !!!
ومافيهم الا العافيه
احيانا المراة من يكبرون عيالها تحن تبي بيبي تهتم فيه .... او حتى الاب يحن يبي

ان شاء الله اذا المنتدى مستمر ارد اكتبلج لما يصير عمري اربعين
تسلمين على هالموضوع

 

[هوى الدار]

انا من رايي اذا المره صغيره وصحتها زينه تجييب عيالها ورا بعض حتى لما توصل الى 35 يكون عندها الي يرضيها وتقدر تربيهم واهي توها شباب
انا عمري الحين 28 والخامس بالطريج واذا ان شاءالله بنت يكون رضا يا ربي الحمدلله اما اذا ولد والله ودي باخت لبنتي حبيبتى فمادري اذا راح افكر احمل بعد او لا بس اهم شي بالنسبه لى اني ماحمل بعد ال 35 لان الحمال تعب يبيله صحة وقدره غير التربيه الي اصعب واصعب .
لكن اذا ظروف الوحده ما سمحت لها تحمل الا على كبر فشتسوى ؟ تتوكل على الله الرزاق الله والحافظ الله والله يرزق كل محروم امييييييييين يارب

 

[nonia]

ما ادري احس كل شي بوقته حلو ما ودي افكر بهالشي الحين احس توه الناس وكل اللي اتمناه ان الله يتمم على واييب أول ياهل بالسلامه ولكل حادث حديث .
بس اذا الوحده بخاطرها بياهل بعد الأربعين سنه تتوكل على الله واهو الحافظ اللي يحفظها اهي وبيبيها