تفضلوا...شتاء اسطنبول يناير 2013 بين يديكم

[noor salam]

السلام عليكم بنات

قررنا نسافر اسطنبول شتاء يناير :eh_s(9):2013
و كانت رحلة و الحمدلله موفقة و جميلة جدا لا بل هي غاية بالجمال :rerrerek:
الرحلة كانت بهدف الراحة و الاستجمام
و الحمدلله و المنة لاقينا الراحة و الاستجمام:ch12:


يالله نبتدي وياكم بالرحلة :RoadRunner:


الرحلة كانت على متن الخطوط الجوية التركية

وتم الحجز عن طريق موقع BOOKING.COM
وكان الاختيار على الفندق 5 نجوم
OPERA HOTEL
وهو فندق جديد
فيه SPA و حمام تركي و بخار و سونا و مساج و تنظيف بشرة

باخذكم في جولة بالفندق : اللوبي و بوفيه الافطار الي اكثر من متنوع و رائع

مدخل الفندق

اكمل معاكم بعد شوي ان شاءالله

​

 

[noor salam]

تابع جولة في الفندق (OPERA HOTEL) يبعد 350 متر سيرا على الاقدام عن شارع الاستقلال تقريبا خلف فندق مرمرة بشوي

شارع الاستقلال هو الشارع الصاخب والي فيه كل المطاعم و المحلات و السوفينيرز
شارع ما يهدا ابدا

يمر بالشارع تروماي قديم انشأ سنة 1920 يودي في جولة صغيرة من اول الشارع الى اخره بسعر رمزي

وهذا يبيع مسابيح واكسسوارات في بسطة ارضية ------كاسروهم كثر ما تقدرون

ولنا لقاء قريب بعد ما اشوف ردودكم و تشجيعكم لي

سوف اخذكم في جوله في منطقة السلطان احمد و كيفية الوصول الى هناك .............

 

[ضحاوي...]

يعطيج العافيه وناطرينج تكملين لاني ان شاالله بعد عشر ايام بروح انا وعيالي وزوجي وحابه استفيد من ملاحظاتج

 

[noor salam]

حياج الله حبيبتي ضحاوي ان شاءالله باجر راح اكمل

معلومات مهمة جدا جدا جدا

1- صرفوا 20$ دولار لكل جواز كويتي او 15 يورو لكل جواز كاش
لانه اول ما تنزلون من الطيارة تتوجهون لاخذ الفيزا ولازم يكون معاكم دولارات كاش او يورو لانهم ما ياخذون تركي

ولانه ما في وقت للصرافة راح تلاقون زحمة على الفيزا لاتخافون السير يمشي و ما يطول

2- بعدها تتوجهون الى ختم الجوازات لدخول البلد و هم زحمة بس ماراح تطولون
الاخوات المنقبات حاولةا توقفون عند الكاونتر الي فيه بنت تخرج لكم الجواز لانه صار موقف جدامي مع اخت منقبة

3- فيه شاشه بعد تخريج الجوازات فيها رقم سير الحقائب علشان تاخذون جناطكم

4- لاتاخذون الا التاكسي الاصفر و خل يشغل العداد وهم يعرفون العداد بالعربي لا تاخذون المكاتب الي بالمطار لانه راح ياخذ منكم 120 تركي الى منطقة تقسيم اما بالعداد رراح يوصل المبلغ من 40-50 تركي

انتبهوا الي التاكسي ترى في بعضهم يستغل الفرصة وياخذ مبالغ كبيرة جدا على مسافة ما تتعدى 40 تركي

 

[fofo87]

خوش تقريره تركيا تهبل

 

[noor salam]

ماكو تشجيع اشلون اكمل ​

 

[ضحاوي...]

يلا كملي شوقتينا

 

[fofo87]

اباب

 

[fofo87]

اب اب

 

[b8b8lover]

ايوا حبيبتي هالتقرير الي بغيته ان شاء الله بنروح في الصيف تركيا

 

[katkota76]

كملي حبيبتي ناطرينج

 

[! Miss.Q8 !]

كملي حبيبتي

انا بسافر الاسبوع الياي وابي معلومات اكثر عن اسطنبول

ناطره التكمله

 

[orange blossom]

كملي حبيبتي
ناطرينج

 

[لطيفــة]

كملي حبيبي شوقتيني لتركيا وجمالها

 

[عزاااه]

كملي حبيبتي

 

[%دانة%]

اب

اب


ناطرينج

 

[noor salam]

اشكر كل الي رد علي وشجعني
الله يبارك فيكم

 

[noor salam]

يالله نكمل الرحلة مع بعض

طبعا في شارع الوناسه الي هو شارع تقسيم طول ما انتوا ماشين عربانات الكستنه تشوي وذيك الرائحة الي تشوق وندش بالمخ الي ما تقدرون تقاومونها ....يمي يمي يمي

وهذا بائع الكستنه الي شرينا منه​

وما ننسى محلات الشاورما الي منتشرة في كل مكان​

وسعرها 7 ليرة ومع لبن AYRAN
يا سلاااااااااااام:eh_s(7)::eh_s(7)::eh_s(7):​

وبعدها مشي في شارع الاستقلال
وبردي على قلبج بعصير الرمان :eh_s(4):​

 

[noor salam]

وبعد عصير الرمان و المشي و الهيلة
طقنا اليوع واخ من اليوع:eh_s(11)::eh_s(11)::eh_s(11):

قمنا و مشينا في شارع الاستقلال نبي مطعم نتغدى ونتعشى فيه

وجان نطيح على هالمطعم .........عجييييييب .....طعم وجلسة وذوق وخدمة سريعة ......بس غالي شوي .....
اسمه مطعم المدينة

وجان ايبون الخبز الحار مع شراب الورد:eh_s(7):

وهذا الخبز عن قرب:eh_s(15):

وجان نطلب المقبلات

سلطة الزيتون - تبوله - ورق عنب (بس ما عجبني) - كبه (حدها لذيييييييييذه)- حمص

نيي للمشاوي : طلبنا مشاوي مشكله ويابوها على منقله من نحاس عجيييييييييييبة وكثر ما تقولون الاكل لذيذ ما يوفيه حقه:krkrkr:

وطبعا بعد كل هذا لازم استكانة الجاي الي تعدل الراس
ويابوا لنا ذاك الجاي الخادر..........:rerrerek:

بإذن الله نكمل بعد تشجيعكم .........قصر السلطان سليمان و مسجد السلطان احمد

 

[أحلى همبه كويتية]

بداية حلوة
عليكم بالف عافيه حبيبتي ​

بس الصوربالبداية مو طالعة ؟؟​