تفتيش الوآلده لاغرآضج الشخصيه << مع او ضد ؟؟؟

[حجيه هيونه]

تراقب وتتدخل عند الحاجه

والاهم البنت ماتحس انها مراقبه لانه هالشي بيخليها تخش وتدس

 

[Tauoofa]

انا اشوف ان مافيها شي ان الام تفتش باغراض بنتها
خو بنتها ولازم تعرف عنها كل شي

 

[جلكسيه اس 3]

انا اشوف ان الي مربي بنااته عدل
ماراح يحتاج يفتش اغراض بناااته
اسفه بس هذا الصج
عموما امي عمرها ما فتشت باغراضي
لاكن ابوي الله يساامحه كان دايم يشك و يدور و مع هذا ما يلقا شي !!

 

[ليتني مـآ كبرت]

صوتت ضد

لأن الحمدلله طول عمري محد فتش بأغراضي

لا أمي ولا أبووي

لازم تعطون بناتكم شوي مساحة من الخصوصية

و صدقوني الأم بتلاحظ على بنتها إذا غلطت ماله داعي التفتيش

لأن ممكن إذا شافتج تفتشين مرة و أثنين و ثلاث ممكن بطرق ملتوية

تسوي اللي تبي بالخش والدس

خليكم واثقين فبناتكم و راقبوهم من بعيد لبعيد

و مافيه مانع لو تعرفتوا على صديقات بناتكم عشان تتطمنون اكثر

 

[مريوومه12]

ع رااحتهاا خل تسوي اللي تسويه حلالها بس غيرهاا لا واثقه مو وااثقه حقهاا تسال تفتش تدور بس الصج امي ماتسوي هالحركه بس ماعندي مشكله بهالموضووع

 

[amami al-kuwai]

لاني بحس بعدم الثقه

 

[أحترت أعبر]

لاني ام لبنت تمر بمرحلة المراهقه ...اكيد انصح اي أم انها تراقب بنتها او ولدها من غير ما تحسسهم ...
مو شرط ان امج لو فتشت بأغراضج من وراج وانتي اكتشفتي هالشي بعدين , انها ما تثق فيج , او لانها شاكه بسلوكياتج , لان كل ام تعرف زين عيالها وتفكيرهم وانطباعاتهم عن كل اللي حولهم من اصحاب او حتى ناس بالشارع يلتقون فيهم بطرق عاديه جدا ....
الزمن اللي احنا فيه كل يوم يتغير وللاسف الام اللي ما تحط بالها على ضناها زين ممكن بسهوله يتأثر باي مؤثر سلبي بره البيت ...
لاني ام اقول وهذا رايء شخصي ...مو غلط ان تفتش باغراض عيالها الشخصيه بشرط انها ما تترك اثر يدل انها كانت تفتش من وراهم علشان هالشي طبيعي بيضايقهم وبينزعجون منه والاكيد بيقول الولد او البنت اكيد شاكين فيني او ما عندهم ثقه بسلوكياتي ...
اي ام راحتها انها تطمن على عيالها وتطمن انهم بخير داخل البيت وبره البيت سواء معاها او بروحهم ...
وعمره ما كان شك او عدم ثقه , هو مجرد اطمئنان انه ضناي وحشاشة جوفي بخير وما في اي شي سلبي ممكن ياثر عليه مهما كان تافه او بسيط ...​

 

[سويت فانيلا]

لاطبعا مااسمح لها لانه انالي خصصوييه مع روحي وفي عندي مذكرات واهيامومن حقها تقرا حياتي واحلى اسراري ومشاعري كاانا اللحين متزوجه بس لوتبي تفتش قبل الزواج مااسمح لها حياتي خط احمر وماحد يتحكم فيها الاانا

 

[$ بنت علمي $]

حلااااااااااااااااااالها...

بس انا امي الحمدالله ماعمرها فتشت اغراضي

لانها واثقه فيني فددددددددددددديت عمرها والله


ويسلموو

 

[mf6nt el3lat]

ضد > خصوصيه

 

[manoooram]

مع تفتيش الأم لأغراض بنتها
لكن بدون ما تحسس بنتها ان أفتش وأنبش من وراج
لأن اذا عرفت البنت بتقول أمي تخاف علي
بس مع هذا بيتكون شعور مو حلو عندها
ان امي ماتثق فيني وان ما استاهل ثقتها ..
والأفضل من كل هذا ان الأم تصادق بنتها وتكون قريبه منها
احسن بمليون مرة من تماشي بنتها بعض بنات السوء
اللي يأثرون عليها يضيعونها ويفرون عقلها بالخرابيط
يكون بين الأم والبنت وهذا ضروري
صراحة وصدق و حاجز الخوف ينزاح و يسد محله الاحترام
والله يعطيج العافيه على الموضوع

 

[bint al Bahrain]

ضد..اسمها اغراض شخصيه..يعني تخصني انا بروحي ومو من حق اي انسان يفتش بدون اذني بغراضي..والمفروض الأم تكون عارفه طريقة بنتها ومتأ:ده من تربيها لها

وثاااانكس ع الموضوع ^_^

 

[so_what]

تم التصويت

 

[شيهانه 23]

:eh_s(7): :eh_s(7):تم التصويت

 

[&هند&]

انا ضد هالشغله لانها جذي بتكسر فبنتها ولا راح تحسسها بالثقه

ويسلمووو ،،،

 

[RAHAF Q8]

أكيد ضد

آنا مريت بهالموقف أكثر من مرا مو مره وحده بعد ..هالموقف لما كنت بالثانويه استغلت وجودي بالمدرسه

وصارت تفتش ع راحتها بداري قاع تنبش وتقط اللي مايعجبها قطت شغلات حتى من

دون ما تاخذ اذني اذا كنت أبيهم ولا لأ وع طول ودتهم برا البيت مانطرتني أرد أشوف اللي أبيي واللي مابي صج حرتني ذاك اليوم و لما رديت
من المدرسه حسيت أغلبية

أغراضي مو موجودين امفضيه الغرفه ولدروج قاطه أكثر أغراضي اللي أبيهم
وكل شي أبيي ..آنا عاد قعدت أأبجي وأتحلطم ع أمي

ونزلت قرار بنفس اليوم خلاص ماحد يدخل داري عقب اليوم عصبت كثر ما انقهرت ع أغراضي اللي راحت يعني شغلات غاليه تنقط وماتقدريين تردينها حده قهر

صرت أقفل غرفتي لمن اطلع علشان أأمن ع أغراضي من أمي والخدامه

والموقف ثاني ..بس هالموقف أنا اللي فضحت روحي.. كنت ناسيه نوتيي اللي أكتب فيها بالصاله وكانت معاي النوته فيها
أرقام رفيجاتي وسوالف وشخابيط

وكل شي مكتوب فيها كلام حلو ومو حلو ..يوم رحت داري تذكرتها بعد جم ساعه يعني تأخرت وايد

جان أروح الصاله أدورها وعقب سألت أمي لأنه حسيت اهيا ماخذتها قالت حطيتها عندي علشان مايشوفونها اخوانج

طبعاً قبل لا تعطيني النوته شافتها وقرت كل شي لأنها سإلتني وآنا آخذها قالت

شنو هالكلام اللي اللي كاتبته بالمذكره ؟؟ > كلام جريء ماينقال جدام الأم طبعاً آنا

سكت لأن ماعندي رد .. بغييت أقولها منو قالج تفتحين النوته وتقرين؟؟ بس قلت
سكتي بعد لاتفتحين ع نفسج باب ثاني


لحد الحين معصبه من هالموقفيين من سيادة التحري أمي

وآنا حرمت أنسى أو أخلي أغراضي برا الغرفه ..الحين ماتقدر تفتش نهائياً .من حرصي ع أغراضي ..صرت حريصه بعد
ما أطلع أغراضي برا الدار وماخلي غرفتي مفتوحه

ما انصحكم يلي مأيديين التفتيش سواء أمهات ولابنات

لأنا اسمها أغراض شخصيه والغرفه اسمها عالم خاص يعني تخص الشخص بروحه
الأم شكو تعيش وتشوف عالم مو عالمها

 

[فيلجـ كول ـاويه]

يعطيكم العافيه بنات عالردود الحــلوه وفي بنات فهمـوا قصدي غلط !!

انا موقصدي ان امي تفتش باغراضي او ماتفتش

قصدي ابي اشوف الآراء وطبعا كل واحد له رأي شخصي !!

ويعطيكم العافيه بنات عالردود الحــلوه !

 

[سبآكة ..~]

عادي خل تفتش دام انا واثقه ماعندي شي
وبالعكس احسن تفتش البنات ماهن ملائكه

 

[سبآكة ..~]

أكيد ضد

آنا مريت بهالموقف أكثر من مرا مو مره وحده بعد ..هالموقف لما كنت بالثانويه استغلت وجودي بالمدرسه

وصارت تفتش ع راحتها بداري قاع تنبش وتقط اللي مايعجبها قطت شغلات حتى من

دون ما تاخذ اذني اذا كنت أبيهم ولا لأ وع طول ودتهم برا البيت مانطرتني أرد أشوف اللي أبيي واللي مابي صج حرتني ذاك اليوم و لما رديت
من المدرسه حسيت أغلبية

أغراضي مو موجودين امفضيه الغرفه ولدروج قاطه أكثر أغراضي اللي أبيهم
وكل شي أبيي ..آنا عاد قعدت أأبجي وأتحلطم ع أمي

ونزلت قرار بنفس اليوم خلاص ماحد يدخل داري عقب اليوم عصبت كثر ما انقهرت ع أغراضي اللي راحت يعني شغلات غاليه تنقط وماتقدريين تردينها حده قهر

صرت أقفل غرفتي لمن اطلع علشان أأمن ع أغراضي من أمي والخدامه

والموقف ثاني ..بس هالموقف أنا اللي فضحت روحي.. كنت ناسيه نوتيي اللي أكتب فيها بالصاله وكانت معاي النوته فيها
أرقام رفيجاتي وسوالف وشخابيط

وكل شي مكتوب فيها كلام حلو ومو حلو ..يوم رحت داري تذكرتها بعد جم ساعه يعني تأخرت وايد

جان أروح الصاله أدورها وعقب سألت أمي لأنه حسيت اهيا ماخذتها قالت حطيتها عندي علشان مايشوفونها اخوانج

طبعاً قبل لا تعطيني النوته شافتها وقرت كل شي لأنها سإلتني وآنا آخذها قالت

شنو هالكلام اللي اللي كاتبته بالمذكره ؟؟ > كلام جريء ماينقال جدام الأم طبعاً آنا

سكت لأن ماعندي رد .. بغييت أقولها منو قالج تفتحين النوته وتقرين؟؟ بس قلت
سكتي بعد لاتفتحين ع نفسج باب ثاني


لحد الحين معصبه من هالموقفيين من سيادة التحري أمي

وآنا حرمت أنسى أو أخلي أغراضي برا الغرفه ..الحين ماتقدر تفتش نهائياً .من حرصي ع أغراضي ..صرت حريصه بعد
ما أطلع أغراضي برا الدار وماخلي غرفتي مفتوحه

ما انصحكم يلي مأيديين التفتيش سواء أمهات ولابنات

لأنا اسمها أغراض شخصيه والغرفه اسمها عالم خاص يعني تخص الشخص بروحه
الأم شكو تعيش وتشوف عالم مو عالمها

بل بل بل :eh_s(10):
هذي امج شنو شكو تعيش عالم مو عالمها
يالله سترك من هالنماين :bbbiu:

 

[نوسه الشطي]

لو هالسؤال يا قبل اكيد بقول لا بس بعد ما عديت المراهقه صرت اشوف ان شي ضروري يكون في رقابه وانا الحين اعاني من هالسالفه مع خواتي الصغار لازم لازم رقابه
مهما كان المراهقه صعب تمشي عدل بروحها الا من رحم ربي وهالجيل حيل يخوف خصوصا بنات المتوسطه
والمصيبه بكل مكان في برنامج محادثه حتى الالعاب فيها اماكن محادثه مثل هاي نون وهالسوالف شنقول بعد الله كريم