تفتيش الوآلده لاغرآضج الشخصيه << مع او ضد ؟؟؟

[بنوته كيكه]

عادي تفتش مو سالفة شك ولا ثقه عادي تفتش
واذا انتي خايفه انها تفتش اكيد فيه شي خاشته غلط
وتحطين عذرج في تقولين مو ثقه حبيبتي
خلينا في الواقع اذا انتي خايفه انها تفتش اكيد فيه شي غلط خشته
وانا مع انها تفتش حلالها وانشاءالله تقطه برا في الزباله عادي

 

[al6aylaaa]

مع


لان الام مو شررط تفتش بنية انهاا شاكه فيني
من باب الحرص علي او الحرص ع ترتيبي

باختصاار اهي ام لهااا حق بانهاا تشووف موو تفتش المصطلح غلط

الحمدلله امي ماتفتش اغراضي بدافع الشك



شكراً

 

[سمو الغلآ]

مع عاادي مافيهاا ششي

 

[بنت العقربيه]

ماحب احد يفتش اغراضي حتى لو كانت امي لايحد يزعل بس طبع فيني اذا شفتها اوشفت احد من خواتي الصغار اذا يفتشون لاي سبب كان فلوس حلاوة علك انجن اصارخ عليهم اكرة هالحركة استاذني بعدين فتشي على راحتك

 

[Unusual]

التفتيش بالغرفة وكأني متهمة ،، مرفوض

أما اذا تبي شي او تدور ع شغله او اي شي حياها بأي وقت اهي الداشه وانا الطالعة .. 

حلو موضوعك ..

 

[-فلانة-]

لما كنت بنت و صغيرة بالعمر كنت أموووووووت من القهر لما أمي تنبش بأغراضي،، وكانت تقولي آنا واثقة فيج بس أخاف عليج،،وكانت تقولي باجر تصيرين أم و تفهمين، و ماكنت فاهمة شعورها بحزتها،،
الحين وآنا على وشك أصير أم،، أقول الله يلوم اللي يلومج يا ست الحبايب،، الدنيا تخرع،، و بنتي الله يعينها على التنبش و التفتيش اللي بيحوشها مني،، بس مو مشكلة،، بنتي بعد بتصير أم إنشالله و بتحس فيني فديتها،، بتعرف إن عندي أمووووووت ولا أحد يقرب منها أو يخربها بأي شكل من الأشكال..​

 

[مرمر]

شوفي حبيبتي انا بناتي كبار وعمري مافتشت في اغراضهم

الثقة شي ضروري وعلي فكرة انا اتعامل مع بناتي كصديقاتي واسرارهم عندي ورفيجاتهم رفيجاتي اتصالات بيننا وممكن يمروني ونقعد حتي لوبناتي موموجودين

شنوالفايدة افتش اذا البنت تدري ان امها تفتش بتخش شغلها بس لما تتقرب من بنتها ورفيجاتها بدون حاجز تكون سوت اللي اكثر من التفتيش

حلو احسسها بخصوصيتها وكيانها ولها حقوق مثل ماعليها واجبات

 

[sarah11]

الماما ماتفتش ابدا
الله يخليها لي

بشكل عام انا ضد التفتيش ممكن نخلق جو من الصداقة بين الاخوات او الام وبنتها
فالبنت من نفسها بتقول كل شي حق اهلها وبتوري امها كل شي ,




تحياتي

 

[dalo0o3a_707]

آنآ امي عمرها مافتشت اغرآآضــي
وحتـى لوفتشت « اشوفه شي عآدي كل ام تخآف على بنتهـآ ....

« يعنـي مع ان الام تفتش، بس غير الام والابو نـو اقطع إيده LoL

مشكورة عالموضوع*

 

[ابشـرگ ادمنتگ]

عآآآآدي

 

[Angel-Lady]

شوفي حبيبتي انا بناتي كبار وعمري مافتشت في اغراضهم

الثقة شي ضروري وعلي فكرة انا اتعامل مع بناتي كصديقاتي واسرارهم عندي ورفيجاتهم رفيجاتي اتصالات بيننا وممكن يمروني ونقعد حتي لوبناتي موموجودين

شنوالفايدة افتش اذا البنت تدري ان امها تفتش بتخش شغلها بس لما تتقرب من بنتها ورفيجاتها بدون حاجز تكون سوت اللي اكثر من التفتيش

حلو احسسها بخصوصيتها وكيانها ولها حقوق مثل ماعليها واجبات

هذا الي كنت احاول اوصله اهم شي المصارحه و الصداقه بين الابناء و الاباء لكن غيره من شك و سوء نيه و عدم ثقة الام بتربيتها ما راح اتييب اي نتيجه

الخوف الي تتكلمون عنه ماهو الا انعدام ثقه سواء ثقه الام بتربيتها او ثقتها بابنائها

اول صداقه لازم الابناء يعرفونها اهي صداقتهم بامهم و ابوهم ...

الله يخليكم لبعض ان شالله و اتشوفينهم عرايس :]

 

[الزورق222]

ماعندى مشكلة مو بس امى اى احد ..مافيه شى مخفيته والحمدلله ..

 

[ديمــــــــــه]

ماحب التفتيش بس مايمنع اراقب من بعيد لبعيد الدنيا صايره تخوف الله يحميهم من شرها
موضوعتس حلو
متابعتكم

 

[انسام الكويت]

ليش يا بنات حاطين فبالكم انها صعبه تفتش وانكم ضد هالشي

اللي ضد هالشي اكيد خايفه من شي واطيح صورتها جدام امها

وتفقد ثقة اهلها بالعكس اذا فتشت الام اغراضج مو معناته انها ماتثق فيج

او شاكه انتو شوف هالزمن من كل صوب يخوف يحد اللي ماشيه سيدا انها اتعر شوي

واساسا الام تفتش من خوفها عليكم وحبها لكم

واغلب اللي ضد هالشي توهم صغار ماعليه باجر لي كبرتوا وصرتوا امهات بتعرفون ليش الام

تحاتي بنتها وتراقبها

 

[روح مغليهاM]

مع
مدام واثقه من نفسي ليش اخاف
بس مااحب طرقة التفتيش يعني تفتش بعدم ثقه هاذي مارضها
بس يعني تدخل غرفتي وتفتح الاغراض يعني تدورلها شي عندي يمكن سارقته منها هههههه عادي
بس تفتش بقصد تدورغلط علي ماارضي
وانا قبل اتزوج غرفتي مفتووحه دااايم اخاف اقفلها هههههههههه
يعني الغرفه فدى للماما

 

[عادت ذكرياتي]

تم التصويت

 

[ابـيـض واسـود]

امي مااتفتش , بس لو تبي اكيد عـااادي ذي امي وماعتبرها خصوصياات حق امي

 

[i afnan]

لا طبعا ضد ضدضد ضد ضد

انا أأيد المراقبه من الوالدين والحرص على اطفالهم لكن الى سن معين وبعدين خلاص يعطونهم الثقه واكيييد المراقبه تكون بدون مايدرون عنهم عيالهم لانها تاثر في نفسيه العيال كثيررررر

انا اقول لبعد مرحله المراهقه خلاص مافيه لاتفتيش ولا مراقبه الا ان كان من بعيد لبعيد وبدون مايحسون

 

[كويتاوية 15]

انا اشوفها صعبه
شكو تفتشين باغراض بنتج اول شي بنتج راح تكره تصرفاتج وماراح تفضفض لج لانها تشوفج تدورين الزله او تدورين اي شي تمسكينه عليها ومع الوقت راح تقل ثقتها بنفسها وراح تكره عيشتها وتحس انها مو ثقه
وانا اقول بدل التفتش والخرابيط حاولي تقربين لبنتج وتخلينها صديقتج بعدين اهي بنفسها راح تقولج كل شي لانها تعتبرج صديقه

 

[منو انت]

مع وبقووووووه

والام اللي حريصه علي عيالها بالوقت هذا تستاهل بوسه على الراس


لان احنا بزمن يخررررع وصج حتى لو امج كانت واثقه فيج هذا مايمنع انها تراقب علشان ترتاح اكثر


وشوفي ياصاحبه الموضوع لو امج تفتش باغراضج اتمنى هالشي مايزعلج لان امج احسن من غيرها من الامهات اللي ماتدري عن الدنيا الله يسامحهم