تفتيش الوآلده لاغرآضج الشخصيه << مع او ضد ؟؟؟

[@ NIGHT_STARS @]

واله يعتمد على عمر البنت ان كانت صغيرة وطفلة ولا كبيرة


ان كانت صغيرة انا مع ولو الام تصادق بنتها علشان تصارحها بكل شي يكون احسن من ما تنبش من وراها


واكيد كل ام تخاف على عيالها ولو فتشت لانها تخاف عليهم


لان صراحة البنات او بشكل عام بنات وشباب الحين يخرعون كل شي متوقع منهم


لما يسولفون لي شيصير بالمدرسة وبالمتوسطة اتعجب انهم وصلوا لهالمستوى


الكبير يخاف منهم صار !! يعرفون كل شي !!


والام ان خافت وفتشت ما الومها من هالبلاوي الي نسمعها ونقراها


والله يستر عليهم



تقبلي مروري

 

[كراميلا مرة]

انا اقول اذا البنت صغيره وبسن المراهقه ايي مع انها تفتش تتطمن
على بنتها بس اذا كبيره لا
وامي الحمدلله ولا مره فتشت في اغراضي
وانا ماعندي شيء اخاف منه خلها تفتش براحتها

 

[G!RLooNa]

لاضد اغراضي الشخصيه و شغلي محد له شغل فيهم

 

[هدوء العالم]

رد : تفتيش الوآلده لاغرآضج الشخصيه << مع او ضد ؟؟؟

عادي وحلالها

أمنا الغالية تفتش أغراضنا

 

[ms.stylish]

رد : تفتيش الوآلده لاغرآضج الشخصيه << مع او ضد ؟؟؟

اكيــــــــــــــــــــــــــد ضده وبقوه


توه امس امي مفتشهفي كبتي ولقت فوني الثاني
حارقه بطاقتي الفيفا الثانيه تبي تفتحها ماقدرت لين ماحرقتهاا

صج صج قــهر

 

[فيلجـ كول ـاويه]

رد : تفتيش الوآلده لاغرآضج الشخصيه << مع او ضد ؟؟؟

واي تاخذ رااااااااااااااحتها بعد عمري كل شي يفداها


بس غير أمي



اقص ايده وقفه عند حده



ومشكوره غلاتي

لوووول

العفو

ليش تفتش اكيد مو واثقة فيج ؟؟؟!!!
لازم تعدلين سلوكج علشان تثق فيج
ساعتها ما تحتاج تفتش اغراضج
بالنسبة لامي عمرها ما فتشت اغراضي لا انا و لا خواتي
علشان جذي انا مو حاسة بمشكلتج كلش
بالنسبة لرايي
انا اشوف ان الام لها الحق تفتش وتسال وين رايحة ووين جاية ومنو تكلمين
لانها مسئولة عنج
وتمون لا تزعلين منها اكيد خايفة عليج

هذي مومشكلتي حبيبتي

انا حاطه الموضوع من باب وجهات النظر لاغير ...

في ناس مايحبووون احد يفتش باغراضهم لو شيكووون !!وفي ناس عادي

نورتي

الاغراااااااااااااااااااض وصاحبه الاغراض فداهااااا يبا

لووول فديتج والله

لاا طبعاا ضد ثم ضد ثم ضد الا اذا كانت تشك فيني..!!!!

على راسي والله

<<<<<<<<<<ام
تنتظر آراء البنات
ولو انه عندي تعليق بسيط للي قالت عدم ثقة في بنتها
انا اعتقد حتى لو تثق في بنتها ما تثق باللي حول البنت​

اي والله

شووفي بالنسبه لبنات بأوول فزتهن ..لازم الام ترااقب بس من بعيد لبعيد مو من باب الشك

من باب انها تطمن عليها والله لايقووله لو صار شي غلط تلاحق عليه من بداايته ...لان الزمن صار يخووف والصاحب سااحب والبنت

بدايتها مرااهقتها ممكن تنجررف لامووور خطأ ....

بس وهي كبيره لا طبعاااا ... مع انه لو سووتها تفداها لان الحمدالله ماراح تلقى الا بيااض الووووجه ...

تحيااتي ...

نورتي

:rerrerek::rerrerek::rerrerek:

مساااااااااء الخير


حبيباتي

اسمحولي أشارك في الموضع

السؤال مو موجه لي لاني أكبر منكم بالسن

وعندي بنت بسن المراهقه

أعتقد لما تكبر بنتي شوي

الله يعينني و يعينها

مو لأني ماعرفت اربي

ولا بنتي أخلاقها مشكوك فيها

بالعكس

بنتي عقلها يسبق سنها

وانا والفضل لله احسنت تربيتها

لكن

الزمن يخرع

والزميلات يأثرون بصوره غير طبيعيه

غير النت

والبلاك بري

و
و
و


حبيباتي

نصيحه

لاتزعلون من امهاتكم اذا اكتشفتوا انهم يفتشون باغراضكم

هذا دليل حرص وخوف عليكم وحب

واذا عطوكم الثقه

خلوكم قد مسؤولية هالثقه

وحطوا في بالكم

اذا الام ماتشوفكم

الله سبحانه يشوفكم

سامحوني على الاطاله

وتقبلوا مروري

مهرة البيد ​

مع وضد
,’
مع في بدآية سن البلوغ تكون هنا عقلية البنت غير ناضجة نوعا ما
تكون غير مسؤولة عن تصرفاتها
تنجرف بسهولة لاي شخص او اي كلمة
وتقع بالخطأ بغمضة عين
هنيه انا اقول يجب ع كل ام ان تراقب سلوكيات البنت وتراقب تصرفاتها
واذا اذا اذا شكت تفتش عشان تتطمن اكثر لان البنت في هالسن سن خطر جدآ عليها
,’
ضد اذا البنت تعدت مرحلة الـ 18 عمر الزهور
النضوج تعدت الثانوية تنظر للمستقبل الجامعي
فهنيه ضد وبقوة التفتيش
خلاص انا عطيتها ثقة بآنها تروح الجامعة وتسوق سيارة مو جاهل عشان افتش وراها
او مراهقة صغيرة
التفتيش عمومآ بهالسن غلط
لازم تعطي البنت ثقة في نفسها وطبعآ هي خلال السنين في ايام المدرسة كانت تراقب وتفتش
يعني كافي عليها البنت كبرت وصارت تميز بين الصح والغلط
لكن هذا ما يعني خلاص تشيل ايدها عنها
لا تراقب تحركاتها تصرفاتها وين رايحة وين طالعة منوو رفيجاتج
تحقيقات تفسيرات لازم هاذي امها ومن حقها
لكن تفتيش لا
انا مع المراقبة الشديدة فقط لاغير
,’
وعمومآآ في امهات عقليتهم استحالة تكون نفس عقلية البنت
يعني احيانا نقوول الله شوفي امها جنها اختها مو امها يعني سوالف والقعده والميانة
والروح الحلوووة تفتحيلها قلبج عادي الله يا ليت امي جذي
يعني حتى لو فتشت وسوت عادي عندج تبتسمين لان علاقتهم حلوة مع بعض
وفي امهات لا لي جيتي بتسولفين عيب انا امج
يمه اعتبريني رفيجتج لا شهالحجي يمه ميخالف مافيها شي نكون رفيجات
اقولج اللي بقلبي يووووه تسب وتشتم
جد جد في امهات عقلية صعب تفهمينها ولي قعدتي معاها وقلتيلها جذي تقول انتي ما تستحين
يمه منكم يالبنات زمنكم يخوف ايام اول ما كنا نتجرأ نحط عيونا بعيون امهاتنا
انا وحدة من الناس اتمنى امي تكون رفيجتي تقعد عندي تسألني عن اللي فداخلي
تقوللي قوليلي اسرارج شعندج ما عندج اي شي حتى لو تفتش تخبص تسوي اللي تسويه بس أنها تكون قريبة
امي لا عندها هالشي عيب وانا ما استحي اذا سولفت معاها
تخيلو حتى الدورة اللي هي الدورة ما تكامني عنها ولا علمتني شي
للعلم اني بنتها الوحيدة بس لا عيب في حواجز في خط احمر
وهالشي غلط حتى لو فتشت اخذ موقف من عندها انها شاكة فيني او انا مسوية شي غلط
,’
احس اني دشيت عرض صح <<< لا يا شيخه تج تدرين
قمت اخبص صح <<< لا بس سدحتي قصة حيآتج
,’
فديت صاحبة الموضوع ع هيك موضوع
يسلموووووو
والسموحه ع الطوالة

تم التصويت لضد..
بصراحة انا رايي هذي خصووصيات محد يتطلع عليها غيري لو منوو كان أمي على عيني و راسي بس أتضاااايق..
وأمي ولامرة سوتها الحمدلله

ضد


؛

امي عمرها مافتشت بغراضي لا انا ولا خواتي

بصراحه بهالزمن انا مع ومع ومع ومع ومع ومع ومع
بس بقول شي يابنات ياحلوات لا تخلون امهاتكم يوصلون هالمواصيل خلكم ثقه وانا لو عندي بنت ما احب بيوم اني افتشها اخليها اهي من نفسها تيي وتوريني شعندها يعني بالعربي اخليها تصير صديقتي وترا والله صعبه على الأم انه تسوي جذي لأن هالشي راح يعور قلبها وراح تحسنون بهالشي لما تتزوجون والله يرزقكم والله الهادي ان شاء الله

طبعا ضد
اامي على عيني وراسي عمرها طبعا واصلا امي اعتبرها صديقتي من كثر ما اقولها اسراري
بس صعبه احد يفتش باغراضح

موضوع حلو ومفيد يعطيج العافيه حبي

والله انا امي ماتفتش

لكن اكتشفت قبل فتره انها تقرا باوراقي ودفاتري ولما شافتني ارتبكت

مممم ودايما تقول عني غامضه وودي احطك تحت جهاز كشف الكذب

بس كأني نسيت السالفه وانتوا ذكرتوني ههههههه​

عااااااادي خل تاخذ راحتها

لااحد يقول اي كلمه الا لما تجرب الامومه
لام بطبعها تخااااف على عيالها بكل شي لو على كيفها تدخل بتفكيرهم

مو مسئلة ثقه لالالالالالالالالالالالالالالالالالالالالا
من زود حب وخوووووف

تم التصويت ... ضد
وأحب أبين لكم
اني أم ومع ذلك
لما كنت بعمركم
ما كنت أحب يفتش أحد أغراضي
لا أمي ولا غيرها
أما الحين وعندي بنت مراهقة
أخاف عليها
بين فتره والثانيه
أجيك على لابتوبها
وأغراضها وأقولها
يعني مو من وراها
وصراحه هالزمن يخرع
وإذا وثقت في بنتي
ما أثق في اللي حواليها
ومعلمه بنتي
أي شي غلط تسويه تقولي
لأني ما راح أعاقبها
بالعكس أنصحها وأوجهها
علشان جذي ما بيننا أسرار ولله الحمد​

طبعا ضد
وشكرااا

على راسي بنات نورتوا

 

[Nanoosa]

حلالها اغراضي كلها
تفتش لي ما تقول بس مع ان عمرها ما سوتها بس لو بغت ما ارفض كلش عسى الله يخليها لنا يا رب
تم التصويت "مع"

 

[طويت صفحة الماضي]

رد : تفتيش الوآلده لاغرآضج الشخصيه << مع او ضد ؟؟؟

ضــــــــــــــــــــــــد

 

[لحن الغروووب]

مع وضد
مع لأن الأم لازم تصير حريصه ع بنتها وتبعها أول بأول
ضد لأني انسااااااانه أحب الخصووووصيه بزياده وما أحب أحد يكتشف أسراري

 

[ياعيون مغليك]

رد : تفتيش الوآلده لاغرآضج الشخصيه << مع او ضد ؟؟؟

بصراااحه مع وبقوة

يعني على ايام قبل رسايل ومكاتب معجبات وصور فنانين وكنا نخااف منهم

الحين بالله البلاك بيري يجيب هذولا لا والله يجيب العن رقص فلانه وفضيحة علانه

واذا البنت ما عندها من هالاجهزه اكيد رفايجها معاهم وماتضمنين عندها خط ثاني وثالث الخطوط الحين بببلاش


انا مع التفتيش وبقوة بس مو افتشج شاكه فيج
والا افتش وانا معصبه
لا اعلمها من الصغر اني ارتب اغراضها واشوف اذا ناقصه ملابس منها حجه اني اجيك فيه شي غريب والا لا
او اذا عندها تلون اقول لهاعلميني عليه واقعد اطقطق فيه وادردش مع رفايجها منها اكون سويت جو لها مع رفايجها ان امي صغيره وحبوبه ومنها اتطمن هاللي ضايفتهم بنات والا شباب

 

[جني الحلوة]

انا مع ومع ومع خلي امي اتفتش واتراقب لاني واثقه من نفسي والحمدالله علن امي عمرها مافتشت باغراضي لان امي اساسا كل اغراضي واسراري اتعرفها ولي ماترضى ان امها اتفتش باغراضها اكيد امسويا شي غلط 000وانا بعد افتش باغراض بناتي 00والحمدالله انا بناتي يعلموني بكل شي يصير معاهم في المدرسه وبرا البيت 000000000

 

[bitter-sweetness]

بما انه عمري صار 18
و دشيت الجامعه الحمد لله
فانا ضد انها تفتش في اغراضي
لأن طول عمرها معطتني الثقه الحمد لله
ما شاء الله
بس في بنات يستاهلون يفتشون في تلفوناتهم

 

[zobah.m]

اميي عاديي تفتشش في اغراااضي الوقت الا تبيي حلااالهاا بس غيييرها نوو ويي


بس يعني بالعاده امي ماتفتتش الا اذا تبي شي مثلا روج ولا كحل هييك هههههه

بس انا مع ان الام تفتتش بس مو معنااته عدم ثقه بالبنت لا خووف علييها
لان الزمن بصرراحه يخوووف بس ماتبيين لها ان تفتشها لاا لان هالشي البنت بتحس بعدم ثقه امها لها

 

[عيون منوعه]

آكيد مع ’’’

آنا وآآآثقه من عمري و اذا بتفتش ماراح تلقى شي
و كل شي حلالها

بس اذا غيرهآآ بيدخل و يفتش
آعلقه على حبل المشنقه !

 

[قــ القلوب ــوت]

رد : تفتيش الوآلده لاغرآضج الشخصيه << مع او ضد ؟؟؟

بصراحه ماراح اصوت لاني لامع التفتيش ولاضده
كل شي بالحياه حلو يكون وسط .. موحلوه بحق البنت تييلها الام وتفتش باغراضها اشكره يعني كانه انتي مسويه شي وانا شاكه فيج وبنفس الوقت مو حلوه ماتدري وين الله قاط بنتها .. حلو الشي يكون وسط
يعني مثلا تراقب وتتابع بنتها بس موبشكل مباشر وماتخلي البنت تحس انه امها تراقبها علشان لاتاخذ موقف من امها.. يعني تراقب من بعيد لي بعيد واذا شكت بشي تشيك وتفتش بطريقه غير مباشره والمفروض على كل ام حتى لو عندها مليون خدامه تروح لغرفه بنتها بين فتره وفتره ترتب ملابسها واغراضها وتنظمهم تبين لبنتها انها مهتمه فيها وتستغل هالشي بانها تفتش بطريقه غير مباشره .. بهالطريقه لا البنت بتتحسس لانها بتقول امي يايه تعدل بغرفتي من اهتمامها فيني وتكون متعوده على انه امها تشوف اغراضها وهالشي طبيعي والام تقدر تشوف على راحتها ..
وسالفه التلفون بحد ذاتها مادري شلون لانه غلط بنت لي الحين بالمدرسه وعندها تلفون واهيا مومحتاجه اكيد بتتعبث وتحوس وتخترب ولا شنو تبي بتلفون واهيا لاتطلع بروحها وولا شي وعلى الرفيجات الله يخلي تلفون البيت شسالفه كلنا جذي .. والله شكثر ناس وانا منهم ماحطينا تلفون وخط الا لمن تخرجنا ودشينا الجامعه
انا حبيت اقول راي من الي اشوفه صح .. وعلى فكره امي لي يومكم تدش غرفتي وهذا انا كبيره وتخرجت من الجامعه بس لاني اعرف امي موقصدها شي لمن تحوس بس تحب تعدل وتشوف كل شي مرتب ولا لا وحتى لو قصدها تفتش خليها تاخذ راحتها مافيها شي وطريقتها بالتفتيش حلوه بس والله لو اهيا مومعودتنا تعدل كل شي بنفسها وتشرف على الخدم واشوفها تدش غرفتي وتتعبث بعرف اشكره تفتش وماراح اسمح لها حتى لوماعندي شي اخشه بس لمجرد مسأله المبدأ وتلفوني الحمدلله من يوم خذيته لي يومكم محد يمسكه نهائي غيري والله .. لا خواتي ولا اخواني ولاامي ولا ابوي ممنوع عليهم يلمسونه .. واذا احد بيدق منه لازم يقولي واوافق وجدامي مارضه احد يتعبث فيه لاني ماحب احد يتعبث باغراضي لو منو يكون حتى لو مافيه شي بس هذي خصوصيه

 

[G!RLooNa]

رد: رد : تفتيش الوآلده لاغرآضج الشخصيه << مع او ضد ؟؟؟

اكيــــــــــــــــــــــــــد ضده وبقوه


توه امس امي مفتشهفي كبتي ولقت فوني الثاني
حارقه بطاقتي الفيفا الثانيه تبي تفتحها ماقدرت لين ماحرقتهاا

صج صج قــهر

الله يهداج مو لهدرجه عاد لقت عندج فون ثاني و معانده ماتبين تعطينها الرقم

 

[أشبـاهـ المطـر]

الأم الحريصـه على أبنائها
تراقبهم بين فتره وفتره ..
وتزرع فيهم الرقابه الذاتيه

كنا بيوم من الايام مراهقات
اكتشفت بعد فتره ان امـي كانت تفتش
بإغراضنا وجناط المدرسه ما انسى اليوم
الي جاتني امي فيه تتكلم عن مخاطر الاعجاب
استغربت ليش امي تقول جذي وليش بهالوقت
اثاريها لاقيه بجنطتي رساله اعجاب من رفيجتي كانت مسويتها
مقلب تبي تخرعني ...

بصراحه ماكنت البنت الدلوعه الساخطه على افعال امي
بالعكس كنت اتقبل هالشي من مبدأ ان هذا هو دور الام وكلكم راع وكلكم مسؤول عـن
رعيته ...


الان اصبحت ام واشعر بنفس الشعور ومقدره فعل امي وتفتيشها
اهيا حريصه علينا وانا بعد حريصه على عيالي وراح اتبع معاهم نفس الاسلوب
لكن بدون العلانيه مثل ما كانت امي تستخدمه معاي

 

[( آحـبـنـي ..)]

رد : تفتيش الوآلده لاغرآضج الشخصيه << مع او ضد ؟؟؟

ضـد وضـد وضـد وضـد !

 

[فيلجـ كول ـاويه]

رد : تفتيش الوآلده لاغرآضج الشخصيه << مع او ضد ؟؟؟

نورتوا بنات

 

[نهى الأحمد]

مشكوره حبيبتي على الموضوع

انا اقول مافيها شي


لكن اهم شي انه الثقه تكون موجوده بين الام وبنتها