تفاصيل عمليتي النكميم مع د.احمد الشرهان

[sweet&tart]

السلام عليكم ....
اول شي قلت لازم اقولكم تفاصيل عمليتي الاني شكثر استفادت من خبرات الكويتيات ....قبل سنه ونص بنت خالتي سوتها كان وزنها 113 والحين صار وزنها70كليو وبعدين اختي سوتها قبل ست شهور كان وزنها137 والحين110 تقريبا...
بصراحه تشجعت قلت خلني اروح واسويها الاني زهقت من متن .انا طولي161 وزني90 رحت للدكتور تاريخ 20/4 قاس وزني وطولي وشاف كتله وقالي اوكيه وشرحلي طريقه التكميم وتحويل مسار وحلقه قلتله انا ابي تكميم قالي هي احسن شي وقالي ادا بسأليني شنو راح تخسرين انتي ماراح تخسرين شي الان معده بس بتصرين مثل معده انسان طبيعي ماياكل وايد وسالته عن تسريب قالي انشالله ماكو شي بس لا سمح الله نحط دعامات علي تدبيس وبس قلته يعني ماراح تصير اعراض جانبيه وقالي انشالله لا.. مهم سويت تكميم بالثقب والواحد يعني فتحه مخفيه بالسر وفتحه علي جنب بس مو مثل قبل خمس فتحات ..قالي سوي تحاليل بالامري ويعدين رحت حق د.البنج بالسلام ود. الجراحه وقالولي كل شي اوكيه وعملتي تاريخ 26/6 دشيت المستشفي يوم الاثنين بليل الان عمليتي يوم الثلاثاء ساعه ست ونص وفعل ست ونص نزلت عمليات وساعه عشر ونص انابغرفتي اول يوم تعب ورجعت مره بس الحمدالله ويوم الخميس علي ساعه 2 ظهر طلعت.. بعد تقريبا اسبوع تقولين جدابه مافيني شي الالم يخف مع وقت كلفت العمليه 2800 والحين صارالي12 يوم ونازله 7كليو ماشاءالله ..
والحمدالله علي العافيه واتمني اني عطيتكم فكره عن العمليه ((علي فكره د. احمد حده حبوب))

 

[ام غمازهـ]

الحمدالله على سلامه

 

[the white heart]

الحمدلله على السلامة وان شالله توصلين للوزت الي تبينه

 

[shams2008]

الحمدلله علي السلامه
والفال لي اسويها

 

[فرقاك 3 آعيادي]

حمد الله على السلآمه

 

[sara_1986]

الحمدلله على السلامة بس حبيبتي ممكن تعطيني انتو شنو تشربين بالسوائل الشفافه انا وحدة لاعت جبدي من عصبر التفاح

 

[برونزيه شقرا]

حبيبتي الحمدالله على السلامه
والله ينزلج بالصحه والعافيه يارب
وانا سمعت عن الدكتور احمد الشرهان ووابد يمدحونه
وبصراحه امفكره اروح له واستشيره
بس مادري اشفيني خايفه؟

 

[sweet&tart]

مشكورين ياحبيباتي ...
هاي ساره انا نفسج لاعت جبدي من عصاير خربت كل ماركات وانواع العصاير اخر شي صفيت علي شوربه ماجي الدجاج من غير شعيريه و عصير برتقال كي دي دي...

 

[Sweetq8]

نصييييحه ابتعدي عن المااجي خصوووصا الفتره الاولا

انا امنعتني عنها اخصائية التغذيه سماح اراجع عندها لا دكتور خالد العنزي هو مسويلي العمليه

و قالتلي ابتعدي عن هالشغلات الي فيها مواد حافظه خصووووووصا الفتره الاولا

نصييييييحه عشان نزولج يكون اكثر ان شا الله

 

[اميره بكلمتي]

الحمدالله على سلامتج وفاااالج الرشااااقه مقدما وطمنينا عن اخبارج اول باول

 

[دمع القلوب]

زين الدكتور الشرهان وين عيادته بالضبط
انا بعد يومين موعدي مع الدكتور خالد العنزي ومفكره اذا رفض اروح للشرهان

انا نفس وزنج ويمكن الحين اكثر منج بجم كيلو وطولي ١٦٢

كتبيلي عيادته وين بالضبط

وليش تاخرتي شهرين على ما سويتيهااا

انا ودي بسررعه بسرررعه

 

[CuTe KuwaiTia]

الحمد لله على السلامة ويارب توصلين حق الوزن بصحة وعافية

اي شي تبينه من عيوني اي استفسار اي اسألة

 

[ام حمد 85]

الحمدالله على السلامة

 

[sweet&tart]

زين الدكتور الشرهان وين عيادته بالضبط
انا بعد يومين موعدي مع الدكتور خالد العنزي ومفكره اذا رفض اروح للشرهان

انا نفس وزنج ويمكن الحين اكثر منج بجم كيلو وطولي 162

كتبيلي عيادته وين بالضبط

وليش تاخرتي شهرين على ما سويتيهااا

انا ودي بسررعه بسرررعه

يوه حبيبتي كاتبه تاريخ غلط توني انتبه سويتها26\4 ...
مشكورين يابنات احلي منتدي

 

[مــ_ــا مــ_ــي]

ههههههههههههه والله توين بقولج السنه اللي فاتت سوويتيها لان التاريخ 26/6 على العموم الحمد لله على السلامه وان شاء الله تنزلين للوزن المثالي بالصحه والعافيه ..

 

[Zozαĺiиaђ]

الحمدلله على السلااامه

و انشالله توصلين للوزن الي تبيينه

و تصيريين احلــى رشـيـــــــقه

بس سؤال وين مكان عيادته ؟؟

 

[krkosha]

اختي جم فتح الملف والاستشاره

 

[krkosha]

الحمدلله على السلااامه

و انشالله توصلين للوزن الي تبيينه

و تصيريين احلــى رشـيـــــــقه

بس سؤال وين مكان عيادته ؟؟

بالشعب البحري (مركز الشعب التخصصي) يصير يم ستاربكس على خط فحيحيل :d شرايج فيني وانا ادليج

 

[Lara_Yousef]

الي اعرفه ان فتح الملف ب 29 دينار وكل زياره عقب العملية 15 دينار
والعملية تكلف 2800 بس اعتقد انه ينزل شوي بالسعر ماني متأكده انا كل هالمعلومات على التلفون لي الحين مارحت له

sweet&tart
بليز قوليلي انا وزني مثلج تقريبا ( 89 كيلو وطولي 160) وابي اسوي العمليه عند الدكتور أحمد الشرهان
السؤال هل راح انزل لي 60 كيلو او اقل او النزول لي السبعينات ويوقف ؟؟
بليز أفيديني

 

[BlackRose]

الف الحمدلله على سلامتج