تــوأم ولــكــن أغـــراب فـــي الـــجــامــعــة الـا مــريــكــية

[um-al.sa3af]

ولكن ماذا عن بقية ابطالنا !!! $$
اذامارئيكم نرى ماذا حصل للتولين وطلال $$
((طلال متمدد على الكرسي اللي بسيب المستشفى في الممر ...
حاس انه تعب من اليوم الشاق بالنسبه له ...
ينتظر بس أي ممرضه أو دكتور يطلعون من الغرفه ...))
دق جواله ... رفعه بتعب ويطالع الأسم ...
جــــــــــــــــــوجــــــــــــــــــو ...
((عض شفته وهو يفكر فيها ...
أرد ولا لا !!!
طلال رد .. شنو اللي يمنعك ماترد ...
-(بصوته الخشن المعروف :~ آلو ...
-(جوجو تنهدت بضيقه ثم قالت :~ ليش ماترد !!!
-(سكت شوي ثم قال :~ اقول جواهر .. دقي على أم تولين ... أكيد راح تقلق عليها ..
وقولي لها انها بمستشفى الـ............
-طيب مارديت على سؤالي ..؟؟
-جواهر موب وقته ... دقي عالحرمه وعطيها خبر ... يالله تبين شي ؟؟
-(سكتت شوي بضيقه ثم قالت بيأس :~ سلامتك حبيبي .. طمني على تولين ..
-انشالله يالله فمان الله ...
((جوجو تطالع جوالها بقهررررررررررر .. ضغطت على الجوال وهي تفكر
بتولين وطلال .... حاسه بغيره راح تقتلها ...
رفعت الجوال ودقت على خالتها أم تولين ...
-آلو هلا خالتي ..
-هلا بج ... شلونج يابنتي ..!!
-بخير عساج بخير ... اقول خالتي ...
-سمي يالغاليه ...
-سم الله عدوج ... آآآآآ ... بببـ ... بس بغيت اقولج عن .. عن تتـ ..
عن تولين ...
-توليــــــــــــــــن !!!! شفيها ؟؟؟
-خالتي حاولي تمسكين اعصابج شوي ... لأن تولين بالمستشفى ...
-المستشفــــــــــــــــــى ..!!! ليــــــــــــــش .. ؟؟
-آآآآ .... صار حريقه بالجامعه ... وهي كانت من الضحايا ...
-(حطت يدها على صدرها بخوف :~ بعد قلبي بنتي !!! ...
بأي مستشفى ..!!
-مستشفى الـ ..........
((رمت الجوال وبسرعه راحت للمستشفى وهي تدعي للبنتها بخوووف ...
غرقت عيونها دموع تحاول تكبتها بقدر ماتقدر ...
((من جهه ثانيه عند فيصل بغرفة الطوارئ ...
أصحاب فيصل كلهم على اعصابهم عند الغرفه اللي واقف واللي جالس ومنزل راسه
بخوف ...
واللي يدعي للفيصل ... واللي يتذكر مواقفه مع فيصل ... وكل واحد وهمه ...
عبادي جالس عالكرسي بخوف وهو حاس ان دموعه خانقته تبي تطلع ...
فهد جالس بعيد عنهم يطالع عبادي ... وده يروح ويهون عليه ...
بس هو اصلا يحتاج من يهون عليه ...
تذكر أميره ... بسرعه راح للغرفتها لأنها للحين فاقده الوعي ...
لما دخل الغرفه ... لقى الدكتوره تبتسم له وتقول :~ هلئ هيا منيحه ...
بس لازم نتركا ترتاح شوي ... لحزات أكيد وراح تئوم متل أول ..
((بلع ريقه بتوتر ثم التفت على أميره اللي متمدده على السرير نايمه ...
بلع ريقه اللي جف ... ثم قال بهدوء للدكتوره :~ ممكن ايلس عندها شوي !!
-بس بليز ماتصحيها __^ ..
-انشالله ..
​

 

[um-al.sa3af]

((طلعت الدكتوره ثم سكرت الباب بعدها ... فهد جلس بالكرسي اللي جمب
السرير ... يطالع اميره وهو مسرح بوجهها ...
عقد حواجبه مستغرب من نفسه كيف قلبه يدق بسرعه ..
رفع يده ولمس صدره وهو يتنهد يبي يريح دقات قلبه اللي تزيد أكثر وأكثر وهو يطالع
وجه أميره ...
ابتسم بحنان وهو يتذكرها كيف هي مرحه بشكل جنوني ...
يفكر قد ايش محظوظين احبابها ..!!!
أهلها .. اصحابها ... أي أحد هي تعزه ... قد ايش هو يحسدهم ...
مايدري ليش بهاللحظه تمنى لو يكون واحد من الناس اللي تحبهم ...
يفكر شلون قليل الناس اللي مثل روحها ... عمره ماشافها تظهر حزنها للعالم
وكأنها اسعد وحده بالدنيا !!! مايدري اذا جد هي سعيده او لا ...
((مد يده بالرتباك ... لليدها ... لمس أطراف اصابعها بس بسرعه سحبها لما سمع
صوت الباب فتح .. وقف متوتر بعيد عنها وصرف الموضوع وهو
يصب له مويه ...
جراح وأمه توهم داخلين ...
-(الأم :~ يمه بنتي ... أميره ...
-(جراح مسك كتوف أمه وهو يطمنها :~ يمه الرتاحاي .. انتي سمعتي شنو قالت
الدكتوره كيف هي بخير ... وقالت خلوها ترتاح ولا تصحونها ...
((فهد حس انهم ماحسو بوجوده .. عشان كذا حب انه ينسحب بدون مايحسون فيه ..
لف بيروح بهدوء بس المصيبه لما صدمت ايده بالكاس وطاح بالارض وانكسر ..
التفتو عليه بسرعه ..
فهد عض شفته وضاقت عيونه وهو معقد حواجبه ...
التفت عليهم ثم ابتسم بتوتر ...
جراح عقد حواجبه وش هالشاب اللي بغرفة أخته لحالهم !!!
بس قطع عليه افكاره أميره اللي صحت من صوت الكاس ...

فتحت عيونها وهي تنطق بصعوبه :~
يمه .... يمــــه ..
-(أم جراح بابتسامه ولهفه وهي تمسك يد بنتها بقوه وتطمنها :~ يمه بنتي انا هني يمج ..
-(بلعت ريقها بصعوبه ثم قالت :~ يمه فيصل ... فيصل وينه !!
((فهد جمد مكانه لما سمع اسم فيصل ...
استغرب كيف هالبنت مهتمه للفيصل بشكل قوي ..
-(تدخل فهد بسرعه وهو يتجاهل اهتمامها بفيصل :~ فيصل بخير انتي بس لا تشغلين
بالج ... الرتاحي ..
-(جراح :~ منو هذا فيصل ؟؟
-(فهد بتوتر من جراح اللي نظراته تخوف :~ آآآآ ... هو رفيجي ..
وبنفس الوقت أميره زميله لنا ... فيصل من ضحايا الحريق عشان جذي هي تسأل
عنه ...
-(جراح بنفس الخشونه :~ وانت شنو تساوي عندها تو ؟؟
-(فهد تلعثم :~ آآآآ .. الحقيقه بس بغيت اتطمن عليها بما انها زميلتنا ..
آآ يالله عن اذنك ..
((فهد بسرعه طلع من الغرفه وهو متوتر من جراح اللي يخوف وهو شاك في فهد ..
أميره نزلت دمعه منها وهي تقول للأمها :~ يمه ... ابي أطلع من هني ...
-(جراح بشك :~ ليش !!!
-(أميره سكتت ... بس أم جراح تدخلت وهي تقول :~ يابنتي لازم ترتاحين ...
-(أميره بتتكلم بس جراح قاطعها بصرامه :~ مثل ماقالت لج امي الرتاحي هني ولا عليج
من أي شي ثاني ..
((أميره تضايقت من تدخلات اخوها وشكوكه اللي واظحه بعيونه ...
وهي بعد ماتبيه يحس بأي شي يتعلق بفيصل ...
لفت وجهها للجهه الثانيه وهي تفكر بفيصل ..
نزلت دمعه حاره على خدها ...
وقلبها يردد أسم فيصل ...))
((طيـــــب ليــــــــــــــــــــــآآآن وصقــــــــــــــــر !!! ماعرفنا ايش صار عليهم ..
ليان وهي جالسه بصمت وبدون دموع ...
تفكر كيف وصل بها الحال انها تخاف من الموت يصيب صقر !!!
وهي اللي تكرهه ...
متأكده انها للحين تكرهه .. بس ليش خايفه من الموت يصيب صقر ...
رفعت راسها على صوت طفل ...
-(محسن معقد حواجبه وهو يطالع ليان ثم قال بتعجب :~ شوبكي !!!
-(ليان عقدت حواجبها وهي تتفحص عيون هالطفل اللي قدامها ...
تحس هالعيون مألوفه لها !!!!!!!
بس ماتدري وين شافتها ...ابتسمت بحنان ثم قالت بصوتها المبحوح بالطبيعه :~
مافيني شي حبيبي ... وانت شنو تساوي هني !!!
-(برم شفته بملل ثم قال :~ وانا شو بيعرفني عن بابا .. هوا ياللي جابني لهون بسرعه !!
-(بابتسامه حنونه :~ طيب وين ابوك ؟؟
-(بغرور :~ مابعرف ... يالله عن ازنيك بدي روح لبابا ...
-(ابتسمت على شطانته ثم قالت :~ مو تو تقول انك ماتدري وينه ...
-(محسن رفع حاجبه بثقه :~ شو انا إلت هيك !!! ... عموما عموما يالله باي ..
-(ابتسمت له ثم عدلت حجابها وهي تطالع محسن وهو رايح ...
بس سمعت صوت مألوف لها ...
شكثر هي مشتااااااااااااااااااااااااااااااااااااااااااااااق ه موووت لهالصوت ...
التفتت بسرعه للهالشخص ...
أكيــــــــــــــــــــد عرفتوه __^....
-(عبدالمحسن :~ محسن تعال هني بسرعه ...
((محسن تضايق من قسوة ابوه هالمره ...
راح للعبدالمحسن ...
وماكان بالسيب الا محسن وعبدالمحسن وليان اللي جالسه وهي تطالع عبدالمحسن
مصدومه ...
عبدالمحسن قدامها ..!!! موب مستوعبه ...
حست بشوووووووق كبيييييييييره له ....

وبهاللحظه نقدر نعبر عن مشاعر ليان واللي بقلبها في هذي الأغنيه للعادل محمود
مدري محمود عادل (أخربط بأسمه__^)..


ابحكيــــــــــــــــلك عن أحوالي وابيكـ تشوف لي صرفـــــــــــه ..
خيالـــــــــــــــــــكـ دايم في بالــــــــــــي ... واحس بشي ماعرفه ..
وش احكيلـــــــــــــكـ وش افسر ...!!!
عن أحوالـــــــــــــــــــــــــــــــــــــي وعن علومـــــــــــــي ...
كثر شوقـــــــــــــــــــــــي لكـ تصور ..
اشوفكـ حتى في نومــــــــــــــــــــــــــــي ...

تعب حالــــــــــــــــــــــــي وقلبي ضاق ...
يشيلكـ سر في صــــــــــــــــــدري ..
وأنــــــــــــــــــــــــا من زحمـــــــــــــــة الأشـــــواق ...
أخاف أمــــــــــــــــــــــــوت وماتدري ...
ومن حبـــــــــــــــــــــكـ وتأثيركـ ...
فوئادي ينبض بطـــــــــــــــــــــــآريكـ ..
صعــــــــــــــــــــــب ((يهــــــــــــــــــــوى أحـــــد غيـــــــــركـ ))
وهو ميــــت اساســــــــــاٌ فيكـ ..
وش احكيلكـ وش افسر ...
عن احوالي وعن علومـــــــــــــــــــــي ..
كثر شوقي لكـ تصور ...
اشوفــــــــــــــــــكـ حتى في نومـــــــــــــــــــي ...

 

[um-al.sa3af]

(( ليان وقفت وهي تطالعه وبنفس الوقت موب مصدقه عيونها ...
للدرجة انها مصدومه .. مالاحظت ان محسن ولد عبدالمحسن ..!!!
بلعت ريقها وهي تطالعه بعيون كلها شوق وقلب كله حب ...
((عبدالمحسن جلس على ركبه وهو يطالع محسن ويقول بحنان :~ جم مره بقولك
لا تبعد عني !!!
-(نزل راسه بدون مايرد ...
((تنهد عبدالمحسن بضيقه ثم التفت على غرفة صقر اللي للحين ماطلع الدكتور وطمنه ..
وده يدخل بنفسه بما انه دكتور بس خايف يترك محسن لحاله ...
عشان كذا قرر انه ينتظر مع محسن وبس ..
لما رفع راسه على الكراسي بيجلس هو ومحسن ...
استغرب من بنت طول الوقت تطالعه ...
التفت عليها بعيون تتفحص شكلها ...
بس ليان ماعطته فرصه يتفحصها زين ...
لأنها علطول التفتت من الجهه الثانيه ...
وبقلبها .....
ليان خلاص ..... مايحق لج تقابلين عبدالمحسن ..
انتي على ذمة ريال غيره ...
بس شذنبي ..... شذنب حبي يروح بسبب صقر ...
طيب ليش انا خايفه على صقر يموت !!!!
ياربيه وش هالحاله اللي انا فيها ...
(( بلعت ريقها اللي جف من التوتر ... مشت بكم خطوه وقلبها
يقولها الرجعي للي تحبينه ... بس عقلها يحذرها من هالشي ...
كملت طريقها وهي تحس بقلبها مجروح بسبب صقر ...
شكر أكرهك ياصقر .... حرمتني من سعادتي ...
((عبدالمحسن معقد حواجبه من هالبنت الغريبه ..!!!
بس سرعان مانسى موضوعها وهو خايف على صقر اخوه الصغير ...
ليا نحست ان عبدالمحسن ماراح يروح من عند غرفة صقر ..
بس ماتدري انه جاي للمستشفى شان صقر ...
عشان كذا قررت انها ترججع للشقه أصرف لها من القعده اللي مالها فايده ...
طلعت للشارع وهي تطالع بوكها الخالي ...
بس فيه بطاقه للصرف ... معطيها صقر غصب عليها وبدون مايشاورها ..
كان يقول بأذن الله بهالطاقه راح تشترين كل شي تبينه قبل زواجنا بهاليومين ...
انا وياك راح نروح للأي مكان تبينه وراح اخليك أحلى بنت بهالدنيا ..
بس الأمور ماجت على هواه ...
التفتت تدور صراف ... بس ماحصلت ... ماتدري وش تسوي ....
جلست على الرصيف تحت هالشمس ...
حست بحر موب طبيعي ...
ودها تفك الحجاب ...
بس صار الحجاب جزء من روحها ...
ماتقدر تستغني عنه ...
للحين ريقها جاف ... تبي أي شي تشربه ...
بس ماحصلت ...
((من جهة عبدالمحسن ومحسن اللي جالس قدامه ...
-(محسن :~ بابا آي آم هانقري ...
-(عبدالمحسن تملل من اسلوب ولده وكأنه بنت موب ولد ..
طنشه عشان يعدل كلامه معه ..
-(محسن كرر نفس الجمله بالانقلش ...)
-...................
-(محسن طفش من ابوه ثم قال بصوت عالي وبوقاحه :~ شو ماعم بتسمع!!!
-(عبدالمحسن حس بقهر من تصرفات محسن ... والظاهر قدامه
طريق طوييييل علبال مايربي ولده عالاحترام والاخلاق ...
تكلم بلهجه صارمه يخاف منها محسن :~ جم مره قلت لك تحجى وياي عدل ..؟؟
-بس انتا ماعم بترود علي ..
-حسون جم مره بعد قلت لك لا تتحجى لبناني .. انت امراتي .. امرااااتي ..
-(من طرف خشمه :~ وإزا يعني امراتي ..!! خلاص انا بدي كون لبناني مابدي كون
امراتي ... كل واحد وحر بنفسو ... هيك آلت لي إمي ..
-حبيبي ماما اكيد ماتقصد جذي بس انت فهمتها غلط ... خلاص قوم يالله نروح نشتري لك
أكل ...
((عبدالمحسن وهو ماسك محسن بيده .. طلعو من المستشفى بيروحون
للمطعم اللي بالشارع الثاني ...
ليان كانت منزله راسها بين رجولها وهي تحس براسها
مصدع من قوة الشمس ...
عبدالمحسن مر من جمبها ...
بس شوي التفت لها مره ثانيه ...
قرب من عندها وقال :~ لو سمحتي اختي دخلي الرتاحي جوا ...
جذي موب زين عليج تحت الشمس ؟؟
-(ليان بلعت ريقها وهي تحس نفسها جمدت ماتبي ترفع راسها ...
عبدالمحسن استغرب منها ...
-لو سمحتي اختي ...
-(محسن وهو يطالع ابوه :~ بابا شو فيا !!!
-(عبدالمحسن وهو يطالع ولده .. رد يطالع ليان ثم قال :~ اختي انتي تسمعيني ؟؟
((محسن مد يده لليان ولمس كتفها :~ انتي ... شو عم تعملي هون !!!
((ليان ماتدري وش تسوي حاسه روحها توهقت ... قررت انها ترفع راسها
وبسرعه تروح من قدامه ... حتى لو عرفها ...
عبدالمحسن جى بيتكلم بس ليان رفعت راسها من الجهه الثانيه ثم وقفت وبسرعه منها
تقدمت بتروح .. بس تعثرت بالرصيف بتطيح ...
عبدالمحسن لحق عليها وبسرعه مسك كتوفها من وراها قبل لا تطيح ...
ليان جمدت مكانها ...
لين هنا خلاص ماعاد تقدر تتحمل ...
عبدالمحسن مايدري ليش جاه فضول يشوف وجهها اللي واظح عليها تتهرب منه ..!!
تقدم بيطالعها...
بس ليان بسرعه مشت بطريقها للداخل المستشفى ...
عبدالمحسن مستغررررب من هالبنت .. حاس انها موب طبيعيه ...
-(محسن :~ بابا يالله عن جد آي آم هنقري ..
(عبدالمحسن ابتسم لمحسن وهو بقلبه ..
مافيه فايده بهالولد يتعدل اللهجه ...)
""""""""""""""""""""""""""""""""""
​

 

[um-al.sa3af]

(( بالسعــــــــــــــــــــــــــــوديه فــديتــها ...
بندر واقف بجنب سرير ابوه ...
-(بثقله المعروف ورسميته :~ يبه أنا حجزت أقرب تذكره للدبي ..
((الجد ابتسم براحه كبيـــــــــــــــــــره ... ثم قال :~ ياولدي انا واثق فيك انك
تلاقي عيال اخوك ...
-(بنفس اللهجه الجاده :~ بس يبه تتوقع راح اللاقيهم !!! ... وحتى لو لقيتهم الأربعه ..
معقوله راح يسامحونك ..!!! ويسامحوني ...؟؟
-(بضيقه :~ انت مالك علاقه بالموضوع يعني اذا ماراح يسامحونه فهو أنا وموب انت ..
روح الله يوفقك ولا تتأخر ...
-(بقلبـــه ,, أتأخر !!! هه عبالك الشغله سهله يبه !! ... :~ انشالله يبه ...
راح أحاول الاقيهم ...
والحين استأذنك ...
((الجد حس على بندر متغير مررره ... وكأنه موب فرحان للوجود عيال اخوه
اللي توه يدري عنهم ...
-(الجد :~ بندر ...
-سم يبه ..
-سم الله عدوك ...ابي اقولك حاجه وحده وحطها في بالك ...
لا تغلط مثل ماأنا غلطت ... بكل ليله لي ضميري يعذبني ... ولما طحت
هالطيحه ... توه يصحى ضميري اللي طوال السنوات يعذبني ...
ياولدي هذول عيال اخوك ... صحيح تبريت من اخوك بسبب عصيانه لي
ولكلمتي ... بس ياولدي لا تكون سيئ مثلي ...
شخص بدون رحمه ...
اذا ربك رحوم أحنا بإيش أعلى منه عشان مانرحم !!
وحتى لو ماسامحوني ... المهم ان قلبي يرتاح انهم بأمان في بلدهم السعوديه
عند عمهم بهالبيت الكبير اللي مايملاه غير الخدم ..!!!
((بندر ساكت وهو يستمع للأبوه زين ...
بندر لما طلع من غرفة ابوه .... تنهد بضيقه ... بس قطعت عليه افكاره
صوت مسج ...
فتح المسج وكان من بنت تدعى (( اسيل )) ...
..... بندر بليز رد علي ...
لا تحرق قلبي أكثر من كذا ...
بندر ابوي والله بيذبحني بسالفتنا ...
بندر الله يخليك رد ... لا تتركني بالمشكله لحالي ...
بليز بندر الرحمني بليـــــــــز ...
أنا غلطت وأستحق كل شي يجيني منك ... بس تكفى الا انك تتركني
بالمشكله مع ابوي .... ولله بيذبحني ابوي ولله يسويها ...
بليز بندر بليـــــــــــــــــــز رد ...

((بندر تأفف ثم رمى الجوال بغضب كبيـــــــــــــــــــــــــر لحد ماتكسر عالرخـــآم ((الروز))
من أفخم الرخام ...
وهو يقول بصوت واطي :~ ليش وأنا اقدر انسى ابوك شسوى لي باإيطاليا !!
الله لا يبارك بالساعه اللي حبيتك فيها ياأسيل ...
(( بندر .... صحيح رجـــــال ... بس قلبه مايملكه ...
وهو يدري ان قلبه بين يدين أسيل ...
اللي كانو يدرسون مع بعض من أيام الجامعه بالخارج ...
أبوها صاحب أبوه ((الجد محمـــد )) ..
أبوه وأبوها في بالهم ان أسيل للبندر وبندر للأسيل ...
بس الدنيا ماجت على ماتمنوه بسبب أحداث صارت بالخارج ...
أكيد راح نعرفها بعدين لأنو مو وقتـــــها الحين ...
""""""""""""""""""""
نروح للإيطاليــــــــــــــــآ ...
مايـــــــــــــــــــد ....في الجامعه ...
جالس بالقاعه يكتب مع الدكتور ...
مايد مجتهد بالدراسه لأنه يبي ياخذ الماجستير ويفكر لو ياخذ الدكتوراه ..
بما ان حبه مو له ... وهي تولين .... لو هي موافقه تبيه كان حتى ماسافر لدري
ماجستير ....
بس هو الحين يفكر يكمل الدكتوراه ...
لما انتهت المحاظره طلع الدكتور ... ((مايد وليس ماجد __^ ..))..
وقف بس للحظه بدون ماينتبه للبنت بجمبه ضرب كتفه بيدها ...
طاحت الأغراض اللي بيدها عالأرض ...
مايد التفت وهو يقول بأدب واحترام لها وبدون مايطالعها :~ سوري ...
((دنق بيجمع لها اغراضها ...
بس لمى كانت مجمده تطالعه ...
شيخه ضربتها مع ظهرها من ورى وهي تقول بمرح :~ بووه ...
-(ملاك تضحك على شكل لمى اللي مفهيه عالشاب :~ هيه ياحلوه وين رحتي بأحلامج ؟
-(لمى انقهرت منهم بس ماردت عليهم ... جلست عنده وهي تقول بخجل :~ لا عادي
اتركها عنك انا أجمعها بنفسي ...
((مايد وقف بدون أي كلمه ثم لف بيروح ... بس ملاك كانت بوجهه ...
وقفو قدام بعض للحظات يطالعون بعض ..
مايد ماأهتم بس ينتظرها تبتعد عن الطريق ..
شيخه بسرعه قالت بخشه :~ أييييييوه هذا انت اللي بالمطعم ... آهااا وانا اقول شلون عرفت
اسمي ....
((مايد طالعها من طرف عينه ثم رد يطالع ملاك وقال :~ ياريت ماتسدين الطريق أختي..
((ملاك ابتسمت ثم قالت :~ وجم تعطيني عشان اخليك تمر من عندي ؟؟
((مايد لف وجهه من الجهه الثانيه وكأنه يسخر منهم .. رد يطالعها :~
للآخر مره اقول لج بعدي باحترام ...
((ملاك استانست عالوضع ... خاصتا ان مايد جذبها بثقله وملامحه الخليجه بحت ..
:~ طيب يالله راونا شبتساوي ..!!!
((لمى وشيخه يطالعون الوضع بين ملاك ومايد ...
مايد بملل مد أصبعه وبعدها من كتفها وكأنها جرثومه قدامه ...
رغم انه لزق فيها بس أهانها بحركته وكأنها قذره قدامه ...
لمى وشيخه فوق خشتهم بجرائته ...
مايد طلع من القاعه ... تذكر كيف شكل ملاك تنحت وهو لازق فيها ..
ابتسم بسخريه وكمل طريقه ...
((لمى وشيخه مسكو ضحكتهم على شكل ملاك اللي واظح عليها مقهوره ...
ملاك التفتت عليهم ثم قالت بغضب :~ هيه انتو مسوين ماسكين ضحكتكم ..
اضحكو اضحكو عادي مايهمني ... بس براويكم شنو بساوي فيه بعدين ..
المغرور اللي شايف روحه .... علباله ريال هذا !! أنا الراويه الشغل كيف..
-(لمى وهي ماسكه ضحكتها :~ اللي يشوفك بالبدايه مايقول البنت كانت خاقه عليه ..
-(شيخه ماقدرت تمسك ضحكتها ... شوي الا وطلعت ضحكتها بصوت عالي ...
ملاك بقهر قبصت شيخه عالخفيف وهي تقول :~ مافيه شي يضحك ..
-(لمى لفت عنهم بس شوي وجمدت مكانها ...
بلعت ريقها بصعوبه ...
مايد ابتسم بقوووووووووووووه لأنه سمع كلامهم ...
بما انه رجع عشان دفتره اللي نساه على الطاوله ...
شيخه وملاك مانتبهو للمايد ولمى اللي انربط لسانها فجأه وهي تطالع مايد ...
-(شيخه :~ ههههههـ ياربيه عليج شكل ... اسمحيلي اقولج يضحك ...
بالبدايه خاقه وبالأخير طاح ويهج ...هههههههههههههـ .. آآآه بطني ..
-(ملاك بقهررر :~ اذا هو رجال بس يواجهني بعدين .. والله لا أراويه الشغل عدل ..
-(بهاللحظه مايد تدخل وهو يخفي ابتسامته بصعوبه ويكون جدي قدامها
عشان تخاف شوي :~ أحم يالله هذا انا جدامج شبتساوين ؟؟
((ملاك وشيخه جمدو نظراتهم على بعض من الروعه ...
لمى للحين ماشالت عينها عن مايد اللي ابتسم لها ثم تقدم للملاك :~
يالله راويني شبتساوين ؟؟؟
-(ملاك لفت وهي تحاول تكون شجاعه كعادتها :~اللهم سكنهم مساكنهم بس ...
-(مايد كمل عنها وهو يرفع يدينه :~ اللهم آمين اللهم آمين ... هاه شبغيتي
تساوين فيني ..!!!
-(ملاك من جد انلخمت ماتدري وش تقول ولا وش تسوي ؟؟؟ حتى لو استقوت بيكون شكلها غبي ...
عشان كذا مرت من عنده وهي تقول بثقه :~ بعد بس عن ويهي ترى صج موب
رايقه لك ...
-(مايد رفع حاجب وكأنه يقول اذا انتي واثقه من روحك ... أنا أكثر ...
مابعد مايد وبالعكس زاد الطين بلله لما رفع يدينه وتكتف ...
ملاك نو كومينت __^ ...
تفكر وش تسوي بس ماتدري ... بجد انلخمت البنت لوول ...
بس بحركه غبيه منها مدت اصبعها تبي تقلده وتبعده عن طريقها ...
بس المصيب هان الولد عريض وطويل ... حست بأبعها انعفط وهي تحاول تبعده ..
مايد خلاص بينفجر ضحك لأنه يحس بأصبعها تغرزه بقوووه في كتفه وهي تحاول تبعده..
ملا بهاللحظه تحمست أكثر .. طلعت الأصبع الثاني ..
بس مافي فايده ... شوي الا وطلعت كل اصابعها ...
وبرضو مافي فايده ... بهاللحظه مدت يدها الثانيه وحاولت تدفه من طريقها ...
وهي تقول بصوت واطي تتمتم مقهوره وكأنها شغاله اندنوسيه عصبت :~
ول عليه ماثقله ... هذا موب ريال .. هذا شجره ماتنقشع ...
((بهاللحظه مايد طلعت ضحكته بصوت عالي ... لف عنها ميت ضحك عليها ...
-(ملاك بسخريه وقهر ماتبي توضحه :~ هاهاهاهاها ضحكت من سرك بلا ... قل آمين ..
((ثم مشت وطلعت من القاعه ...
لحقتها شيخه وهي ساكته بتوتر من مايد ...
لمى بقت واقفه تطالعه ...
مثل ماعرفنا ان لمى جدا بريئه للدرجة (( التنآآآآحه والفهااااوه ))
لمى تطالع شكل مايد اللي تسند على الطاوله وهو يضحك ...
كيف تغيرت ملامحه بشكل ملحووووظ ...
ملامحه الرجوليه والحاده اختفت لما ضحك ... صار جذاب أكثر
من ابتسامته وأسنانه البيضاء وكيف مرتبه بشكل واظح وجذاب ...
لمى بدون ماتحس ابتسمت ابتسامه بسيطه وهي تطالع شكله ...
مايد بنهاية ضحكته صار يكح وكأنه تعب من الضحك ...
حس ان فيه أحد يطالعه من البدايه ... التفت على لمى اللي
ولازااااالت واقفه الأخت متنحه فيه ..
مايد ابتسم لها وهو يقول :~ نعم أختي بغيتي شي !!!!
((لمى الرتبكت بشكل لاحظه مايد ...
ابتسم مايد لها ثم قال بصوت أحرجها :~ لا يكون فيني شي غلط !!!
((لمى بدون ماتحس مرت من عنده بسرعه بتطلع وهي مرتببببكه ...
المصيبه لما مرت من عنده ....
مايد جمد .... قلبه صار يدق ..
حس بشووووووووق ...
لف يطالع لمى بابتسامه لطييفه وحب وحنااااان ...
لأنو لمى لما مرت من عنده .... شم ريحة عطرها القوي ...
عطرهـــــــــــــــــآ يعرف ريحته زييييييين ويمووووت عليه...
لأنه نفس عطر توليــــــــــــن ...
شويات الا ومايد صحى من افكاره وذكرياته ...
التفت على دفتره وهو يحاول يبعد تولين من افكاره ...

انتهى البارت الثاني من الباب السابع ​

 

[um-al.sa3af]

البــــــــــــــــــــــآب الســــآبع ...
الفصــــــــل الثالث ...

$$ بهذا الفصل ..... قد نتطرق للآلام أبطالنا ..$$
وقد تكون نهاية آلامهم ..!! ..$$
من يعلم __^ ...$$
((بعد أربـــع أيــــــــــــــــــــــــــآم ..))
الســـآعه 4 العصر ...
في بيت مشـــآعل ...
منبــــــــــــه الساعه طايح عالأرض ...
لما رن عالساعه وحده الظهر ... ميشو ذبت الساعه بدون ماتحس من الزعاج المنبه..
الخدامه تطق الباب بأدب وهي تقول :~
مشائل يالله قوم انتي ... غدا تهت حق انتي ...
((مشاعل ماحست بالخدامه ... ظلت الخدامه عشر دقايق على نفس أدبها وصوتها اللي
بالويل ينسمع ...
ميشو وهي نايمه حست بأحد يهمس همسات مو مفهومه ...
فتحت عيونها ببطئ ...
لما شافت الخدامه تأففت وهي تقول بقلبها ...
يالييل ليل صوت الصرصور ياناااس ... هذي الحين مسويه مؤدبه ...
((جلست على السرير وهي تقول :~ تدلين الباب ولا ادللج اياه ياصوت الصرصور ..
((الخدامه برمت شفتها متملله من وقاحة ميشو معاها دووووم ..
طلعت وسكرت الباب بقوه ...
ميشو بصوت عالي :~ وويعـــــــــــوه ياصرصور ...
((نقزت ميشو من سريرها وفتحت الباب بسرعه رغم انو بالويل تشوف طريقها
من كثر النوم اللي صدع راسها ...
بسرعه نزلت نص الدرج وهي تلحق الخدامه ...
مسكتها من شعرها وهي تقول :~ انتي هييييه ..!!! مينونه ... مره عاقله ومره وقحه..
وكل الثنين مقرفيني الله يقرف ويهج يالخايسه ...
تفو عليج روحي يالله بسرعه وييبي غداي لين غرفتي ...
((الشغاله دااايم طقاق مع ميشو ... تقدرون تقولون ماخذين على بعض بس بالمظارب
والسان الطويل ...
الخدامه ريتا بعدت يد ميشو بقوه وهي تقول بنفخه :~ أنا ايش دخل انتي ..
روه جيب غدا انتي !!! كلاس انا فيه صلح غدا وبس ...
مافي كول شويا ودي غرفه انتي ودي غرفه بابا ..!!
((ميشو عضة لسانها من القهر ...
بحركه جنونيه منها دفت ريتا من الدرج وهي تقول بغضب :~ يالـلـ..####
انا بيوم من الايام بقص لج لسانج يالفلبينيه ... تفوه عليج يالخايسه...
وللاهي بحسب لج دقيقتين لو ماتييبين غداي لين غرفتي والله ثم والله لا أحوسج حوس
تبطين ماتنسينه يالشينه ...
((ريتا قدرت تمسك روحها بالدرج قبل لا تطيح ...
كشرت وهي تكره شي اسمه ميشو ؤم لسان طويل ....
ميشو لما دخلت غرفتها .... راحت صوب المسجل الكبير وشغلت على
أعلى درجه من الصوت بأغنية صابر الرباعي .... ياأغلى ...
-(ميشو دخلت بالحمام وهي تغني مع صابر بصوتها الرائـــــــع ...
ياغلى ماعندي في شباكي ماسويت
انتا ملكت الروح الأول والتالي
طيفكـ .................
-((ثم طالعت شكلها بالمرايه في الحمام ((الله يكرمكمـ )) وهي تقول :~
الحين هذا شيقول ... في شباكي ولا أنا غلطانه !!! ذالتونسيين عليهم
لغه أشك انها عربيه الصراحه !!...
((ثم كملت تغني معاه ونص الكلمات غلط بس على كثر ماتسمع هالأغنيه
اللي طايحه فيها هالأيام ... 24 ساعه تسمعها ...
صحيح ذوقها أجنبي خاااالص ... بس ماتدري ليش حبت هالأغنيه ..؟؟
رغم انها ماحفظت الا شوي على كثر ماتسمعها ...
وهي تفرش اسنانها ... تذكرت راكان ...
عقدت حواجبها وهي تقول :~ ميشو شفيج ينييتي ..!! تفكرين بشاب !!
من متى شاب يشغل تفكيرج ؟؟؟
((سمعت صوت ريتا وهي تقول بنفخه :~ يالله كول انتا سورئه وودي
سهن بالمطبخ ... انا فيه شوغل كتير مو فاضي هق انتا ...
-اقول تلايطي وبتردين الصحن غصبن عن خشمج يالفلبينو ...
-(وهي تتمتم بصوت واطي :~ فلبينو فلبينو ... ايش فيه فلبينو .. أهسن من
وجه انتا...
-نعااااااااااااام شقلتييييي !!! لا تقعدين تتمتمين ... تلايطي بس لا تخيسين غرفتي يالخايسه ..

 

[um-al.sa3af]

((ميشو لما انتهت من الاكل ولبست لها ...
تيشيرت ضييييق عااادي ومافيه أي طبعه لونه ابيض ...
طلعت لها بنطلون ضيق للأخر برضو ابيض ...
لبست شنطتها الطويله عالمايل ...
بسرعه دخلت يدها بعلبة الجل ...
وبحركه سريعه حاست شعرها فيه اللي أصلا مايتحرك من قصر شعراتها ..
برمت شفتها وهي تطالع شكلها وتقول بصوت عالي كالعاه تكلم روحها :~
أنا لازم اغير هالصبغه البايخه ... احسها قلبت للؤرنج ...
أممممممم ... ميشو شرايج تتهورين وتصبغينه ثلجي أبيض ..!!!
ولله فكره ميب شينه ...
بس أحس بيصير شكلي ملفت ... يالله هذا أحلى شي ...
((لبست نظارتها الشمسيه ..ببروازها الذهبي ...
بسرعه نزلت للسيارتها السبورت...
اللي يشوف حياتها يقول هذي جد مو خليجيه ...
يعني فلله للأبعد الحدود ...
والحقيقه زوج امها الامراتي مافكر ابد يسمي مشاعل
(بنتي )... ولا حتى فكر يربيها على انها بنته او في بيته ... متبري منها ودوم
يقول :~ وانا شعلي ببنت الكندي ...
أقعد الربي فيها ... حتى جنسيتها موب عربيه .. شله ألتعب روحي عليها ..
عندها امها وبكيفها .. تربيها على كيف كيفها ...
((بس أم ميشو ماعندها مانع لو مشاعل طلعت حتى بمايوه ...
بما انو اصلها لبناني وعادي عندها أي شي ...
كل شي ايزي بالنسبه لها ...
ومشاعل مالقت من يدلها للطريق الصحيح .. فسارت عاللي تهواه
وبشكلها الشاذ بين المجتمع ...
لما وصلت للمستشفى نزلت بسرعه وهي معها بوكيه ورد بنفسجي
بذوق راقي جدا ...
لما وصلت للغرفة راكان اللي طمنوها على حالته ...
دخلت الغرفه بهدووووء ...
حطت الورد بالطاوله جمبه ...
ماأمداها تتأمل راكان الا ودخل الدكتور وهو يقول :~ لو سمحتي ممكن لحظه ..
((بغرفة الدكتور ... الدكتور كان مرتبك ثم قال :~ انتي شنو تصيرين له .؟؟؟

-أنا زميله تقدر تقول بالجامعه بس ...
-طيب مافيه أحد من الأهل يجي يزوره غريبه ؟؟؟
-ماأدري والله ...
-شلون ماتدرين وانتي تقولين زميلته ...
-أي زميلته بس مو يعني أعرف كل شي عنه ...
-آهــآ ... ((الدكتور سكت شوي ثم قال :~ عيل الظاهر يبيلي انطره لين يصحى
وأقوله عاللفحوصات ...
-طيب دكتور ممكن تقول لي عن صحته ؟؟؟
-انتي مثل ماتدرين ... ظهره محترق ... يعني جلدته كلها من ورى انسلخت ..
بس قدرنا نتلاحق الوضع ...
صحيح الشكل مشوه بظهره ... بس مابيدنا نساوي شي ...
غير ان يده برضو محترقه لكن مو لدرجه قويه ...
يعني عالخفيف بس كفه ... مع الأيام راح تكون يده طبيعيه....
صحيح مو مثل
قبل بس للدرجه تكون موب واظحه للناس انو فيه حرق بكفه ...

((ميشو انتي من صجج مهتمه للهالولد ؟؟؟ صج ماعندج سالفه ..
((طلعت من المستشفى كله ..)) ..

 

[um-al.sa3af]

((من جهه ثانيـــــــــــــــه ...
فيصل بالغرفه يأن بألم ...
ينطق كلمات مو مفهومه ...
ماكان عنده أحد ... دخلت عليه ممرضه بس لما شافته حالته مستصعبه أكثر من قبل
قاست حرارته بس انصدمت من الرتفاعها ...
بسرعه راحت للدكتور وهي تقول :~ دكتور ... المريض فيصل حرارته كتير
مرتفعه .. أكتر مابتتصور ..!! الزاهرهاي نتيجة المرض ياللي بيعاني منا بكليتو ..
((الدكتور بسرعه راح للفيصل اللي حالته صعبه ويأن بشكل مؤسف ..
كلمات مافهومها .... بس اكيد هاذي نتيجة الهلوسه بالرتفاع الحراره ..))
$$ وهذه هي حالة بطلنا فيصل ....$$
فبطلنا يعاني من آلآم لا أحد يشعر بألمه الجنوني غيره ...$$
ولكن بدورنا نقول ..$$
نتمنى لكـ الشفاء ..$$
فللنذهب الى تولين ..$$

((صرخـــــــــــــــــــــــــه طلعـــت من غرفة توليـــــــــن ...
تولين تصارخ من كل قلبها وهي تبكي ...
حالتها النفسيه تسوء يوم عن يوم كل ماتذكرت الحريق ...
((وهي ترمي كل شي حواليها على الممرضات وتقول بصراخ جنوني :~
طلعي برا انتي وياها طلعووووو ... أنا موب بحاجتكم .. موب بحاجة أحد ...
((وقفت وبحركه متهوره منها قطعت المغذي اللي بيدها ودفت المغذي عليهم وهي تصارخ
عليهم يطلعون برا ... الممرضات ملو من تولين اللي صايره نفسيتها ماتنطاق
ابدا ... طلعو وهم كارهينها وكاريهين حتى يساعدونها بالعلاج ..
بهاللحظه طلال كان واقف برا ومستغرب شنو اللي يصير داخل ..!!
وليش كل هالصراخ ...
طق الباب بعد تردد كبيييير ...
((بهاللحظه تولين كانت داخل الحمام ((الله يكرمكم ))
تطالع شكلها بالمرايه .... تشوف الحادثه قدام عيونها .. مدت يدها على شعرها اللي احترق
نصه وقصوه لها بشكل مخربط لين رقبتها وكم خصله من أعلى راسها ...
توليـــــن تحس شكلها مشوه بسبب حرق شعرها وكيف صاير شكلها
مبهذل ...
شوي وصارت يدينها ترتجف ...
بلعت ريقها اللي جف ..
طلال مايدري يدخل ولا لا .... صح مايحق له بس يبي يعرف وش سالفتها
مروعه كل اللي بالمستشفى منها ...
لما حس بهدوء ومافيه أحد رد عليه ...
فكر لو يروح ... بس بالأخير وقرار مايدري شلون اتخذه فتح الباب بهدوء وهو يطل دخل الغرفه
وهو متوقع يشوفها ... بس استغرب ان الغرفه مافيها احد ..
تولين حست بالدنيا تدور قدامها ...
تتذكر الحريق وشوي تتذكر أنهـــــآ (( لقيطـــــــــــــــــــــــــــــــــه ))..
تحس بشعور عدم الثقه بنفسها لمجرد هالجزء الكبير الناقص منها ...
تتذكر تريقات البنات عليها لما كانت صغيره وحتى بأيام الثانوي ..
وللحين ...
شوي وتذكرت طلال وزواجه اللي راح يتم بالاجازه الكبيــــره اللي قربت والامتحانات
عالأبواب ...
مسكت شعرها بقووووه وهي تشده وكأنها كارهه شعرها وحياتها كلها ..
حاسه روحها قبيييييييحه ...
رغم انو ماصار لها شي غير شعرها اللي احترق وقصوه لين حد رقبتها ..
تمنت بهاللحظه لو انها ماتت بالحريق والرتاحت من هالأفكار اللي ملازمها وبقوووه
طواااال حياتها ...
لقيطــــــــــــه ...
تريقة الناس عليها بلا رحمــــــــــه ...
حب حياتها اللي راح وماعرفت منه غير الآلام والهم ..
شعرهـــــــــا اللي حسسها انها قبيحه ...
غرقت عيونها دموع .... ماحست بنفسها وهي تمد يدها
من غير شعور للشامبو ...
هذا اقرب شي عندها الحين بعتقادها راح يبعدها عن هالحياه ...
غمضت عيونها بقوووووووه وهي تشرب الشامبو ...
تتجاهل طعمه ...
بس ماعاد قدرت تتحمل بسرعه رمته بقوه وهي تبكي من قلب ..
مامداها تلتفت على المغسله فستفرغت على الأرض ...
طلال كان برى وهو مصدوم شقاعد يصير داخل ؟؟..
ماقدر يصبر أكثر ... هالبنت موب طبيعيه ...
فتح الباب شوي بس انصدم من المنظر اللي عليه تولين ...
تولين التفتت عليه بهدوء وهي اصلا ماتميز شكله لأن الدنيا ظلمت قدامها بشكل تدريجي
شوي الا وطاحت قدام عيونه على الأرض ...
طلال فاتح عيونه للآخر درجه ....
الرتبك مايدري يساعدها ولا لا !!!...
أخيرا وعى على نفسه وحملها بين يدينه ...
لثاني مره .... بسرعه حطها على السرير وهو ينادي على الممرضات ...
طلع بسرعه وهو يناديهم ....
((الدكتور التفت على طلال وقال بسرعه :~ ممكن تتفضل برآ ..؟؟
((طلال التفت على تولين .... وبقلبه يقول ...
طلال انت ليش مبلش روحك بهالبنت وجنك مهتم لها ؟؟
أطلع وفج روحك من مشاكلها ...
هالبنت بكبرها مشكله ...
أطلع منها احسن ...
شف كيف دخلت بحياتها ليوم واحد بس ... وشوف شنو النتائج ؟؟..
((طلال بسرعه طلع للبرآ المستشفى وهو يتناسى تولين ...
مايدري ليش كان يبي يساعدها على انها طالبه من طلابه ...
بس ليش هو يحس بشعور انها مو زي طلابه ومايبي يتقرب منها أكثر..
يحس انها راح تكون مشكله كبيـــــــــــــــره بحياته والأفضل انه يطلع منها من الحين ..
((ام تولين بس كانت طالعه للمشوار قصير ولما رجعت كانت الصدمه عليها
لما قالوا نهم راح يعملون للتولين غسيل معده بسبب الكيماويات اللي شربتها ..
صحيح استفرغت غالبيت الصابون بس يبقى أكيد ..
((نارا ....
نـــــــــــــــــــــــــــــــــــــــآرا ...
من زمان عنها مو __^ ...
يزيد وكـــــــــــــــــل لها محامي كبير من الامارات ...
وكان متأكد من البرائه بسبب الدفاع عن النفس ...
نارا دخلوها بالسجــــــــــــن للوقت المحكمه اللي بعد يومين بعد مامر
اسبوعيــــــــــــــــــــــــن على حادثتها...
يزيد بالمخفر ... يبي يشوف نارا بس مايقدر لين ماتصدر المحكمه قرارها ..
وده يطمنها وأنه واثق بالمحامي تبعه ...
ابو مشاري كاره نارا بشكل جنوني ...
يتمنى يمتوها بيده من الكره اللي بقلبه ...
طلع يزيد للشارع وهو دوم يجي للمخفر بس كذا عالأقل يحس انه قريب من البنت
اللي هي سبب وجوده بالامارات ...
جلس على الرصيف وهو يفكر فيها ...
((من جهه ثانيه نارا بالسجن منزله راسها بين رجولها ...
وكالعــــــــــــــاده صامتـــــــــــــه بدون أي كلمه ...
حاسه انو كل شي يمر قدام عيونها من ماضي كانت ناسيته ...
تبي تشوف واحد اسمه ريان ماتدري منهو بس تبي تشوفه..
أما يزيد بهالاسبوعين ماتدري ليش اذا شافته تحس بالامان ...
تذكرت نفس حادثة مشاري مع نوف ...
كشرت بقرف لما تذكرت نوف ....
ذكرياتها بدت ترجع لها تدريجيا ...
وأول شي تذكرته بسبب حادثتها مع مشاري وهي نوف ...
بس الباقي للحين ماقدرت تتذكر شي منه ...
غير انها عارفه ومانست انها لقيطـــــــــــــه ....

 

[um-al.sa3af]

((من جهه ثانيــــــــــــــه عند ليان بالشقه ..
كان المفروض تتزوج صقر قبل اسبوعين من بعد حادث الحريق ..
وهي جالسه قدام التلفزيون تتفرج على القنوات ..
ماعجبتها كل البرامج ...
بس لما مرت على قناة فيها برنامج ديني وقفت عليه ...
انسجمت وهي تسمع هالبرنامج ...
حست روحها بالايام اللي طافت كانت لاهيه عن ربها ..
(( رغــــــــــم انو ليان هي أكثر وحده بين التوأم قريبه من ربها بعبادته..))
ثم فيصل ثم توليــــــــــــن ...
أما نارا نو كومينت .. صحيح تعرف كل شي بخصوص دينها لكنها للأسف
بعيده عن ربها جدا حتى بالصلوات اللي ماتصليها ..
لاهيه بظلامها وطريقها الظال ..
((ليـــــان صحت على صوت الجوال يدق ..
برمت شفتها بملل من هالجوال اللي مو خاش مزاجها وتحس انها مو بحاجه لمثل هالالكترونيات ..
طنشته وكملت متابعه للبرنامج ...
دق مره ثانيه .. وثالثه ...
طفشت من هالجوال والمشكله ماتعرف شلون تسكته ...
سحبت الجوال من الطاوله وهي كانت بتفصل الشريحه لأنها
عارفه انو محد راح يدق غير صقر ...او المستشفى يقولون لها بخصوص صقر ..
لما عرفت انه تعدى مرحلة الخطر ... خلاص ماعاد همها ..
بس اكنت خايفه لا يموت ... مو لأنه صقر بس ... لكنها ماتبي أي أحد تعرفه يموت حتى
لو كان صقر عدوها ... بهذي الأيام تأكدت من هالشعور وهي لازالت تكره صقر وفرحانه انها للحين
ماتزوجته ... من بعد ماشافت الانسان اللي مالك قلبها وروحها وكل حياتها ..
عبدالمحســــــــــن ...
وهي ماقدرت تنام عدل بسبب تفكيرها الكثييييييير بعبدالمحسن ...
تحس انو صقر داخل في حياته بالغصب لكن هي ماتبيه يدخلها ...
((فكت الشريحه ورمته هو والجوال عالطاوله بعدم اهتمام ...
لأنها عارفه انهم المستشفى اكيد ...
وهي اصلا تكرهه فما يهمها أي شي يخصه ...
كملت البرنامج الديني بانسجام ...
لما انتهى ... طفت التلفزيون ... راحت باتجاه السجاده ...
وصلت لها كم ركعه ...
بس اللي قاهرها انو قرآن أمها بالبيت المهجور وحتى النظاره اللي اهداها
اياه عبدالمحسن ...
فكرت لو تروح ..
بما انو الساعه مبكره الحين ..
لما انتهت من الصلاة .. لبست عبايتها وبسرعه طلعت من البنايه كلها ..
استغربت وجود سايق قدام البنايه لما فتح لها الباب ...
طنشته وراحت تدور لها على تاكسي ..
بس السايق الأسمر تقدم لها وهو يقول :~
أنا بخدمتج وهذي أوامر رئيسي بالعمل
-(عقدت حواجبها وقالت :~ منو تقصد صقر ؟؟
-أي نعم ..
-ومنو متى قال لكـ ...
-من زمان قبل لا يصير له الحادث لأنه يبيج تتقظين من السوق
على راحتج بدون ماتحتايين للتاكسي ..
وأنا بخدمتج وسايقج الخاص ..
ممكن تتفضلين وتقولين لي وين تبين أوديج ؟؟
-(فكره مو بطاله ليان ... عالأقل توفرين الجم فلس اللي معاج ..)
ركبت معه وقالت له على الشارع والحي اللي كانت فيه ...
((بعد دقايق قالت له وهم على الشارع برآ الحاره :~
وقف وقف هني .. انا بنزل وبروح بنفسي للداخل الحاره ..
-بس تعب عليج ..!!
-لا تشغل بالك ... أنا اصلا مابيك تدخل بهالسياره الفخمه عند حاره فقيره ..
((ابتسم السايق على ليان اللي تراعي حتى مشاعر الفقراء ..
-انشالله انا بنتظارج ...

 

[um-al.sa3af]

سرعه نزلت من السياره ودخلت الحاره بكل شووووووووووووق ..
مرت البقاله اللي كانت تشتغل فيها ... التفتت على منزل المشفى الصغير للدكتور
عبدالمحسن ...ابتسمت بشووووووق كبييير للآدمي ...
شكثر تحبه وتموت فيه ... بشكل غير طبيعي ...
بس تجاهلت حبها وكملت طريقها للبيت أمها ...
لما وقفت عند بيت أمها المرحومه ...
جلست عند العتبه وهي تحس بوجود ناس داخل سكنو فيه من بعدها وبعد امها ..
نزلت راسها وهي تتذكر ذكرياتها مع امها ...
ابتسمت ابتسامه حزينه وفيها شوووق للأمها ولذيك الايام وهي جمب امها
رغم انها كانت كلها تعب ونكد وفقر ..
حست انو أحد راح يفتح الباب بسرعه وقفت وبتعدت عن الباب ...
بس ماأمداها لما طلع شاب منها يطالعها باستغراب ..
ليان لفت عنه وبسرعه اتجهت للجهه اللي محد يروح لها من أهل الحاره
وهي جهة البيت المهجور والمكسسسسسر ...
الشاب استغرب وش عند البنت هذي ...
بس مافته جمالها اللي سحره ...
ابتسم ابتسامه خبيثه ولحقها ...
ليان كانت تمشي وتطالع وراها بس تطمنت انو مافيه أحد لحقها ..
رغم انو الشاب يتخفى عشان ماتشوفه ...
لما دخلت البيت بسرعه راحت للجهة الخزنه ...
لما فتحتها ابتسمت من قلب وهي تشوف القرآن وعلبة النظاره الفخمه ..
مدت يدها وخذت أغراضها بس سمعت صوت أحد دخل للبيت ..
جمدت مكانها بخووووف ...
بسرعه تخبت ورى الخزنه ...
الشاب كان يدور عليها بس مايدري وين اختفت هذي ؟؟؟
عبدالمحسن راح للبيت هالشاب عشان دوآ اخته اللي ماتقدر تمشي ..
فتح له طفل صغير .. ابتسم عبدالمحسن وهو يقول :~
شحالكـ ياحلووو __^ ..
-(الطفل :~ بخير دكتور __^ ... اذا تبي اخوي تراه موب بالبيت ..
بس تقدر تقول لي انا شلونا لدوا وانا اهتم بأختي لأني كبرت __^ ..
-ليا قلبك اكيد انت كبير .. بس اخوك متى بيرجع ؟؟
-هو اصلا كان معنا تو ... بس مدري شعنده راح بذاك الاتجاه ..
-(عبدالمحسن التفت على يد الطفل اللي تأشر باتجاه طريق محد يمره ابدا ..
عبدالمحسن انتابه فضول عشان كذا قال للطفل :~ خلاص الحين برد لك .. يالله فمان الله..
((عبدالمحسن راح بالطريق المهجور ..
بالبيت .. ليان كانت ترتجف لما شافت ظهر الشاب وهو يدور عليها ..
حست بخووووف وماقدرت تتمالك اعصابه ..
تمسكت على الخزنه عشان ماتطيح وهي مدنقه ..
بس الشاب سمع صوت حركه خلف الخزانه ..
ابتسم بخبث وتقدم للخزنه وهو يقول بوقاحه :~ ياحلو ليشم تخبي جذي ؟؟
لا تخافين ياحلو ... انتي طلعي بس .. وراح تعرفين اني موب خشن مع البنات الا اللي
تعاندني ..
طلعي بكل هدوء وخلينا حبايب جذي بدون أي مشاكل ..
ليان بلعت ريقها وهي ترررررتجف ...
ماحست الا بيد تسحبها بقوووه من ورى الخزانه ويرميها على الأرض
ليان صرخت من الألم اللي بظهرها ظرب على الخشبه بالارض ..
عبدالمحسن سمع صرخت بنت داخل البيت ...
بسرعه دخل بشهامه ..
لما شاف الشاب اللي يبيه واقف قدام بنت مو قادر يميز ملامحها بسبب العتمه ..
بسرعه سحب الشاب وهو يقول :~ أحمد انت مينون ...شقاعد تساوي ؟؟
((أحمد حمد ربه انه مادخل عبدالمحسن على منظر مخزي
فقال بتصري للوضع :~ لا بس البنت انا استغربت شعندها
بهالبيت المهجور فقلت لها طلعي لأنه موب أمان وهي فهمتني غلط وقامت تصرخ ..
بس صدقني ماكنت ناوي اساوي لها أي شي ..
((ليان وقفت بسرعه وركضت برآ البيت وهي تكتم دموعها لا تنزل
اللي مغرقه عيونها ..
عبدالمحسن بسرعه لحق ليان ... لما طلع من البيت بسرعه تقدم لها ومسك يدها وهو
يبي يسألها اذا فيها شي وش سالفتها ؟؟
بس استغرب رد فعل ليان اللي منزله راسها وتحاول تسحب يدها منه وماتبيه يشوف وجهها..
عبدالمحسن لفها بقوه عليه وهو يبي يتطمن انها بخير ..
بس كانت الصدمه له لما شاف قدام عيونه ليان ...
موب متأكد بسبب الحجاب ...
بس ليان سحبت يدها منه وركضت بعيد عنه ...
عبدالمحسن استوعب وركض وراها بسرررعه وكأنه يبي يلحق عليها ..
((ليان كان بين يدينها القرآن والنظاره وهي ظامتهم للصدرها وتركض ..
بس عبدالمحسن قدر يوصل لها رغم انها تركض بعيد عنه للشارع ..
سحبها بقووووه لدرجة انو اغراضها طاحت على الأرض ...
لفها عليه يبي يستوعب اللي شافه هو صح أو لا ؟؟
هو بحلم ولا بعلم ..؟؟
متأكد ولا يتوهمها ؟؟
بس الصدمـــــــــــــه لما تأكد ان اللي قدامه ليان موب احد غيرها ...
ليان جمدت مكانها موب قادره تتكلم أو تنطق كلمه وحده ...
عبدالمحسن الرتجفت شفته وهو يبي ينطق بس ماقدر ...
لسانه انربط وهو يشوف قدام عيونه ليان ...
ابتسم بحناااااااااااااااان كبيــــر وعيون مبتسمه وكلها شووووق لهالبنت اللي قدامه ..
بصعوبه قدر ينطق :~ انتي ليان ولا يتهيأ لي ؟؟؟
((ليان ماقدرت تستحمل الموقف عشان كذا سحبت روحها منه ولفت بتروح ..
بس عبدالمحسن لا يمكن يتركها تروح من بين يدينه ...
مسكها بقوووه وهو يقول :~ ماراح أهدج ...
خليتيني أتوهمج بجل مجان ؟؟؟ موب كافي العذاب اللي شفته بفرقاج كل ذيك الايام ..
انتي رفضتيني ورفضتي حبي لج ؟؟؟؟ بس ماكان ودي انج تروحين من جدام عيوني ..
احترم رغبج .. لكن ماأبي افقد شوفتج كل صباح .. وبكل وقت ...
ليان ردي للحارتج اللي عشي فيها ...
ليان موب بس انا فقدتج .. الكل فاقدج وخاصتا أطفال الحاره كلهم يسألون عنج ؟؟....
ردي للحاره ردي ...

 

[um-al.sa3af]

-(ليان غرقت عيونها وهي تتمنى لو تمضي الحياه كلها معه ...
بهاللحظـــــــــــــــــه عرفت كرهها الجنوني للصقر ...
هو السبب الحين بعذابها وعذاب عبدالمحسن اخوه ...
-(ليان :~.....................
-(عبدالمحسن :~ ليان عفيه قولي أي شي .. المهم ريحيني ...
ليان انا موب مصدق اني شفتـ ...
-(قاطعته بقسوه وهي تدوس على قلبها بهالكلام اللي راح تقوله وماتدري شلون
هان عليها تقوله للأغلى انسان على قلبها :~
لو بغيت اقعد قعدت بدون ماتقول لي .. بس بما ان امي اللي هي أهم شي عندي بهالحاره
راحت عني ... خلاص ماعندي أحد يهمني عشان أيلس معاه ...
صحيح كل اللي بالحاره غالين على قلبي ...
دكتور لو سمحت هدني بحالي وللأبد ...
((سحبت يدها بهدوء ثم لفت بتروح ... عبدالمحسن بقهرررر لفها بقوه من كتفها اللي عورها بسببه وهو يقول :~ طيب ليش ممكن اعرف شنو السبب اللي
مكرهج فيني لهدرجه وماتبين تشوفيني ..
ماقدرت انساج بكل المده اللي راحت وانتي بعيده عني ..
ليان راح أقول لج للآخر مره للأني أحبج وماأبي اخسرج ..
تتزوجيني ..؟؟..
-(ليان قلبها يدق بقووووه ... ...
عبدالمحسن للهدرجه موب واظح بعيوني اني احبك بشكل جنوني للدرجة اني عميانه من كل شي
بسببك وكل تفكيري فيك ... ...
((لفت بتروح عنه وبتطنشه لكنه رجع ومسكها مع ذراعها بقوه وهو يعيد جملته
بأمل كبير انها توافق عليه :~ ممـ ... ممكن تتزوجيني !!..
((لحظـــــــــــآت صمت ...
قلب ليان يتمنى ينطق باإيه ...
بس الدنيا موب على هواهم دامها على ذمة شخص غيره ...
عمرها ماراح تقدر تفصح عن مشاعرها ..
((وأخيرا نطقت بين دموعها اللي تحاول تحبسها :~ لـ ...للـ ..لا...
بليز دكتور اتركني اعيش حياتي بعيد عن كل اللي بهالحاره وعنـــــــــــك ..
لو سمحت دكتور .. لو سمحـــــــــــت ..لا تصعبها علي .. لو سمحت ..
((آخر كلمه قالتها بارتجاف بسبب عبرتها ..
عبدالمحسن مصدوم من كلامها ... تركها بدون مايحس وهو يسترجع الكلمات اللي قالتها له ..
كانت قاسيه عليه ... زواجه الأول انهد بأسباب كانت مجهوله لكنه عرفها الحين
مما زاد حقده على مايا ... والحين مع حبه الثاني والأكبـــر ..
يرفضه للأسباب ايضا مجهوله ...
عبدالمحسن لين متى راح تفترق عن الناس اللي تحبهم بأسباب مجهوله ؟؟
((ليان شالت القرآن بعد مامسحته وباسته احترام وتقدير ..
ليــــــــآن راحت وتركت وراها عبدالمحسن بهمومه ...
ليان ركبت السياره ودموعها تنزل بدون رحمه ...
شوي الا وغطت يدها بيدينها وبكت بصوت عالي عند السايق الأسمر العريييض الضخم ..
استغرب السايق بس مابغى يتدخل ...
حرك بهدوء ثم قال :~ وين تبين تروحين ؟؟
-(بصعوبه :~ للبيت ....

$$ وهاهي ليان مازالت بمعاناتها بالحيـــــــــآه ..$$
لم تجد السعاده يوما منذ ان كانت صغيره ..$$

 

[um-al.sa3af]

البـــــــــــــــــــــآب الثامــــــــــــــــــن ...
الفصل الأول ...

((بعد مرور يومان ...
في المحكمــــــــــــــه وأخيرا ...
اليوم راح يصدر حكم نارا ...
الكل جالس ويسمع محامي نارا ومحامي أبو مشاري ...
بعد حديـــــــــــث طال بينهم ...
وكل واحد يعارض الثانــــــــــــي ...
يزيد على أعصابه ....
ونارا منزله راسها وكأنها مستسلمه للأي حكم راح تسمعه ...
هذي آخرتها تكون قاتله ...
بالنسبه لها حتى لو دفاع عن النفس ... راح تبقى طول عمرها قاتله ...
((ريان عرف السالفه وهو حاظر بالمحكمه ...
على أعصابه المشدوووده ....
مصدق ان نارا بريئه ومتأكد برضو ...
((وفي نهاية الحديث بينهم ...
محامي نارا قال بالأخيـــــــــــــر وبكل ثقـــــــــه :~
لذآ نحـــــــــــــــن نطلـــــــــــب البرائــــــــــه للدفــــــــــآع عن النفـــس ..
((بعد مشاورات بين الحكام وبين ماسمعوه من المحامين والأدله اللي يحملها
محامي نارا ومن بعض اجابات نارا للمحامي اللي فادته ...
أخيــــــــــــــرا قالو بشكــــل جدا واظح بعد اللي سمعوه :~
إن نتيــــــــــــــــــــجة المشـــــــــــــــــآوره ...
البـــــــــــــــــــــــراءه ...
((ريان ويزيد ابتسمو بانتصار واظح من البدايه ...
ابو مشاري وقف يعارض من القهر اللي بقلبــــــه لكن مافيه فايده ...
بعد دقايق طلعو بالشارع ...
نارا تلتفت حواليها ... حست انها وحيده ومافيه أحد
معها بالمحكمه غير يزيد وريان اللي ماتعرفهم ...
وين أهلـــي ..؟؟ أكيد لي صاحبات ؟؟؟ بس وينهم ؟؟؟ للهدرجه انا منبوذه ..
هه .. شقاعده تقولين نارا .. أكيد من بعد ماصرتي قاتله ... شتبينهم يساوون لج ؟؟؟
((نارا لفت للرصيف .. بس ريان وقف بوجهها قبل يزيد اللي واقف وراهم يسمع ..
-(ريان بابتسامه :~ مبروكـ ... كنت واثق من برائتج ..
((نارا عقدت حواجبها تبي تعرفه بس ماعرفت مين هذا ...
لفت بهدوء تكمل طريقها بس ريان أصر يكمل كلامه وهو يمشي معها عالرصيف :~
نارا وين بتعيشين فيه ؟؟؟
-(بهاللحظه يزيد تدخل :~ أنا بتصرف .. أنت خلك برى الموضوع ...
((ريان مالتفت على يزيد وطنشه وهو يقول للنارا بنفس الابتسامه :~
نارا انا عندي لج حل وايد راح يعيبج ...
فيه بيت أمي الله يرحمها اسكني فيه لأنه من بعد وفاة أمي محد
دخله... اما بالنسبه لي انا بالأصل أعيش بشقة عزاب ..
يعني اعتبري البيت بيتج ...
-(يزيد تدخل بسرعه وهو يقول :~ نارا انتي تعالي وياي عند أمي وأختي
راح يعاملونج أحسن معامله وصدقيني بترتاحين وايد ... البيت كبير وياسع
للتسع أفراد ...
يعني مافيه الا انتي وأمي وأختي .. أما انا عادي بروح أسكن لي بشقه قريبه من الجامعه
ماتفرق عندي المهم انتي الرتاحي ...
-(ريان تنرفز من يزيد اللي كل شوي يتدخل ... فقال :~ ماعليج منه ...
انتي بتيين وياي للبيت اللي اعتبريه بيتج ...
-(يزيد :~ لا لا لا ماعليج منه ... انا أمي راح تعتبرج مثل بنتها ...
-(ريان التفت عليه :~ الحين انت ليش تدخل بكل شي .. خلاص انا قلت
تيي وياي يعني بتيي وياي .. بعدين أنا تتأمني أكثر منك بما اننا نعرف
بعض من لما كننا صغار ...
-(يزيد بسخريه :~ ياعمي انت الواحد لو يعرفك عشرين سنه ماتأمن لك ..
روح زين ...
((ريان جى بيرد بس نارا لفت عليهم وقالت بقل صبر :~
الحين انت وياه منو أصلا ..؟؟
ياريت تهتمون بأموركم الزين لكم ...
((لفت عنهم ثم قطعت الشارع للرصيف الثاني وكأنها تبي تفتك منهم ..
يزيد وريان كشرو بوجيه بعض وكل واحد راح للسيارته للانهم يعرفون أخلاق
نارا اذا صارت زفففت ...
نارا رغم انها تتذكر كل شي سوته فيها نوف الا انها قررت تروح عندها
صحيح تكره نوف بس تدري ان مافيه بيت راح يأويها غير بيت نوف ...
$$ يوم لكـ ويوم عليـــــــــــــكـ __^ $$ ... ​

 

[um-al.sa3af]

((بعـــــــــــــــــــــــــــــــد أيأم وأيام ....
فيصل عملو له عمليه وحظرتها جينفر والعنود ومنى وكل أصحابه ...
ماعدا أميره اللي ماتقدر بسبب أخوها جراح اللي شاك فيها ..
كليتــــــــه شالوها ... لأنو كان عنده فشل كلوي من زماااان ...
بحمد الله تعافى من بعد آلامه اللي طالت ثلاث اسابيع وشوي ..
لكن ساق رجله محروقــــــه .. ومثل ماقالو الدكاتره انه مع الأيام راح
يكون شكلها موب واظح مره ....
بعكس راكان اللي تشوه ظهره بشكل غير طبيعي ...
فيصل هو الحين في شقته الصغيره ...
أمـــــــــــــــــــآ توليــــــن تعافت وهي ببيت أمهـــــآ وبشعرها اللي مخربط بالقصه ومشوه شكلها الأنثوي ...
أمها تهتم فيها وبقووووه بعد ...
أمــــــــــآ صقــــــــــــــر للحين بالمستشفى لكنه متعافي واليوم راح يطلع ...
يبي يطلع ويروح لليان .. يبي يعرف هي بخير ولا لا ...
بس موب قادر بسبب منع الدكاتره انه يطلع ...
ليان مافكرت تزوره ولا تبي تزوره ...
جوجــــــــــو وطلال رجعت علاقتهم حلوه مثل قبل ... ويكلمون بعض كل يوم
عالجوال .. والزواج قريب بالاجازه الكبيره ...
وتيــــــــــــــن وعبادي ... لا شيئ جديد ...
جينفــــــــــــــر كل يوم وكل دقيقه تزور فيصل اللي يكشر كل ماشافها ...
أميـــــــــــره لا شيئ جديد غير انها تبي تشوف فيصل وتطمن عليه ...
تركــــــــــــــي من أول ماعرف عن حادث فيصل وفشله الكلوي حاس انه
مستاااانس ... ويتمنى لو انه مات أفضل ...
العنـــــود ماعاد قدرت تزوره هي ومنى اللي بيلاحظون عليهم أهلهم وخايفين من جدهم..
نــــــــــــآرا طول الوقت بالقبو في قصر أهل نوف ...
رغم انها عايشه مع نوف الا انها ماتكلمها ابدا ... ونوف ماحبت
تضايق نارا .. فخلتها على راحتها ولوحدها بالقبو ...
مشـــــــــــــــــــآعل ... ميشـــو ...
أممممـ لا جديد برضو __^ ...
حياتها مع صاحباتها من دي جي الى دي جي ...
وكل يوم ويوم تغيب عن الجامعه عباطه ..!!!..
وكل ماجى في بالها راكان تتجاهله وتحاول تبين للنفسها انه مايهمها ..
بس بهاليوم قررت انها تزوره ...
أمـــــــــآ راكـــــــــــآن ...
للحين ماقررو متى يطلعونه بسبب حرق ظهره ..
بعد صمته اللي دام أيام بسبب تشوه ظهره ويده الملفوفه ...
أمه أول ماعرفت الخبر علطول جت بطياره خاصه ... رغم ان راكان مايبي أمه تدري ..
يعرفها كيف تخاف عليـــه حيييييل من اقل الاشياء ...
بس الظاهر مافيه شي يخفى عنها ...
((في سياره فخمــــــــــــــــــــــه ... أم راكان وصلت للمستشفى ...
نزل السايق وبسرعه فتح الباب لها ...
بهاللحظه كانت ميشو توها نازله من سيارتها ...
استغربت وجود هالسياره الفخمه قدام المستشفى ...
أكيد فيه شخص مهم داخل هالمستشفى بما انو هالسيده الثريه دخلت بالمستشفى ..
ميشو ماهتمت ودخلت ورى أم راكان ...
استغربت لما شافت هالسيده دخلت غرفة راكان ..!!!!!!!!
بهاللحظه هونت تدخل ...
ماتدري شسالفه بس قررت انها تنتظر لين تطلع أم راكان ...
((داخل الغرفــــــه ...
أم راكان بابتسامه حلـــــوه تقدمت لولدها وظمته عالخفيف بسبب اصابته
بظهره ويده ...
ثم قالت بحنانها المعتاد لولدها :~ هاه شلونك اليوم ..؟؟
-(راكان لف وجهه من الجهه الثانيه ولا رد ...
له فتره وهو على هالحاله ... وأمه يتقطع قلبها اذا شافته بهالحاله ...
مدت يدها وحطتها على يد ولدها بحنان وهي تقول :~
راكان لا تشيل هم الحروق ... أنت تدري اني مستعده أوديك للدول العالم كلها
يعملون لك عمليات تجميل بظهرك ويدك ...
مستعده أأكد لك انهم راح يرجعون مثل قبل بأذن الله ...
راكان حبيبي لا يضيق صدرك ...
-(راكان بلع ريقه اللي يحس بغصه من أول ماصحى العمليه ...
سكت ولا رد على أمه الحنونه ..
أم راكان نزلت دمعه حاره منها وهي تشوف ولدها بهالحاله اللي ماينحسد عليها ...
-راكان حبيبي رد علي ... قول أي شي .. من أول ماصحيت من العمليه وانت
ساكت مانطقت بأي كلمه ...
راكان قول أي شي .. كلمني انا امك ...
((لف عليها بعيون حزينـــــــه ... ثم قال بهدوء وضيقته اللي واظحه :~
يمه لا تشيلي همي .. صدقيني انا مو حزين لا عشان الحروق ولا عشان أي شي ثاني..
لا تشيلي همي ...
((يدري انه طفل بعيونها ... وهو عاجبه الوضع دامها حنونه عليه للدرجه كبيره..
وموعضته عن كل شي بهالحياه ...
بما انه الطفل الوحيد لها ...
((راكان مد يده لخد أمه اللي كل من شافها مايتوقع عمرها بالاربعينات ابدا ..
يعطونها عمر بأواخر العشرينات ...
مسح دموعها اللي بدت تنزل وهي تشوف وضع ولدها اللي تدهور ..
حاول يبتسم بقد مايقدر عشان مايقلق أمه اكثر من كذا ..
-لاااا.. تعرفين ان دموعك غاليه ...
هاه أجل ماجبتي لي السوشي ..
((حب يغير الجو شوي ..))
-(ضحكت :~ من عيوني ... انا الحين أدق على السايق يجيبها لك لين هنا ..
((ضحك رغم انه ماله نفس ابدا .. بس مايبي يوضح أي شي للأمه ..))
((بهاللحظه دخلت ممرضه وبيدها ورد أبيض بشكل رائع ...
استغربو من مين هالورد ...
-(أم راكان :~ من مين هالورد ؟؟؟
-(اللبنانيه :~ مابعرف ..صبيه أآلت لإلي بوصلو للإلك ..
-(ضحكت أم راكان ثم قالت بثقه كبيـــــره وهي تاخذ الورد من الممرضه :~
هذا راكان مو حي الله .. المعجبات يترسون المستشفى كله لعيونه الحلوه ...
-(ضحك راكان بهاللحظه على كلام أمه اللي دووومها تمدح فيه بدرجه مبااالغه جدا :~
هههههـ مو للهدرجه عاد .. شدعوا __^ ...
-للهدرجه ونص .. كل هالزين وماتبيني اقول كذا ..
-(راكان انحرج من كلام أمه قدام الممرضه اللي ماسكه ضحكتها .. فقال بانحراج
وهو يغمز للأمه تسكت :~ هه.. أي اجل كذا هاه ... يمه خلاص اجلسي ..
((الممرضه ابتسمت لراكان ثم طلعت ...
-(أم راكان :~ هه شفت .. بعد الممرضه تتبسم لك ...
-(غمض عيونه :~ يمــــه خلااااااص .. الممرضه ابتسمت من كلامك اللي قلتيه قدامها ..
-(وهي تصب المويه له بكاس :~ زين اللي ماقلت أكثر من كذا ...
((راكان بقلبه .. مافي فايده امه لازم تحرجه عند الكل ..فااكتفى بابتسامه للأمه ..
مدت الكاس تبي تشربه ... بس راكان حاول ياخذه منها وهي رفضت الا تبي تشربه بنفسها..
((هذي هي أم راكان وشفنا كيف تعاملها مع ولدها وكأنه
بعمر الأربع سنوات عندها ...
وشفنا كيف راكان عاجبه تدليع أمه له رغم انو بعض الاحيان يحس انه طفل عندها ..
((ميشو طفشت وهي تنتظر برى عشان كذا الرسلت الورد مع الممرضه ...
وهي رايحه للسيارتها ندمت انها الرسلت له ورد ..
بس الرتاحت انها ماحطت بطاقه مع الورد ...
بكذا ماراح يعرفها .. وهذا اللي ريحها ...
ركبت السياره وهي مو راضيه عن نفسها باللي تسويه ...
"""""""""""""""""""""""""""""
((توليـــــــــن ...
وماأدراكم ماتولين __^ ...
هالبنت أحبها مدري ليه ...
((تولين منسدحه بالصاله ...
أمها لابسه عبايتها وهي تقول للبنتها :~ يالله انا طالعه واذا بغيتي أي شي قولي للخدامه ..
من زمان مارحت للدوام عشان جذي بروح اليوم عالأقل .. وبحاول الرد بدري ..
-(بهدوء وبدون ماتطالع امها :~ مايحتاي تردين بدري عشاني ..
انا بخير ...
((طلعت امها بدون ماتقول شي ..))
تولين تطالع السقف ...
سمعت صوت جوالها يدق للمره المليون ...
مدت يدها وردت بهدوء :~
-آلو ..
-(جوجو بحماااس :~ هاااااي يادوبى وينج انتي ماتردين وحتى ماتبين
تقابلين أي أحد ..!!!
-بغيتي شي ؟؟
-يعني اذا الرفيجه دقت على رفيجتها يكون تبي شي ؟؟
انا بغيت اتطمن عليج بس ..
-تطمنتي الحين ؟؟
-تولين شفيج ؟؟
-اذا عندج شي قوليه بسرعه ...
-ماعندي شي بس مشتاقه لج ...
-ؤكي عيل باي ..
((سكرت الخط بدون ماتسمع رد جوجو ... رمت الجوال بعيد عنها على
الطاوله ... وهي كارهه كل اللي تحبهم وغالين عليها ...
وقفت وهي طالعه للغرفتها فوق...
جلست قدام اللاب وعلطول فتحت المسن ..
لما شافت طلال متصل اتجهت للايميله وهي ناويه تعطيه بلوك...
بس طلال أسرع منها بكلماته وهو يقول :~
ْْْْْْْْْْْْْ
تو مانور المسن ياأحلى بنت بالكون ...
-******************** ((كشرت وهي تقرى كلماته ... ضغطت على الخيارات وهي
ناويه الحين تبلكه ... ))
-ْْْْْْْْْْْْْْ
الحلــــو ليش مايرد ؟؟؟ فديت قلبج والله واحشني صوتج ...
بدق عليج الحين مايكفيني المسن ...
-****************** (بدون ماتحس كتبت بقهر :~
طيب شسوي لك ...
-ْْْْْْْْْْْْ (( عقد حواجبه وهو توه بيضغط على السماعه الخضرا ..))
شنو شنو ؟؟؟
-***************
...... يالله باي ...
-ْْْْْْْْْْْْْْْ
لحظه لحظه انتي من صجج ... بس خليني استوعب ..!!!
-******************
.... يالله تبي شي؟؟ ...
-ْْْْْْْْْْْْْ (كتب بتريقه من القهر اللي بقلبه :~
احلفي عاد ...
-********************
تبي شي ..!!!
-ْْْْْْْْْْْْْْ
لحظه لحظه ... انا بديت اشك .... انتي جواهر ..!!!
-******************** ((بهاللحظه حست ان دمها جمممد ... خافت تنكشف ..
عشان كذا بسرعه كتبت :~
لوووووووووووووووووووول ... من صجك انت صدقت الحين ..!!!
-ْْْْْْْْْْْْْْ((رفع حاجب بتعجب واكتفى بعلامة استفهام :~
؟؟؟
-*************** (( عضت شفتها وهي تعاتب روحها على غبائها ماتعرف تصرف :~
لا لا عاد لا تقول ان المقلب مشى عليك ...!!! من صجك انت صدقت ..
كنت اتغشمر وياك بس .. ابي اشوف ردة فعلك بالتعصب ولا لا ..؟؟
((طلال قفل المسن بدون مايقول لها أي شي ...
أخذ مفتاح سيارته بيطلع ...))
((من جهة تولين ...
:~ يوووه هذا ليش طلع ... لا يكون عصب .. أكيد عصب شي طبيعي بيعصب ..
ياربيييييه مينونه انا ولا شنو ... ؤفففففـ شساويتي ياتولين ...
صج ماعندج سالفه ... .. بس شلون تنسين انج متقمصه شخصية
خطيييبته .. يعني اكيد راح تنكشفين قريب ... ياربيييييه شسوات ...
يالله وهم شنو اللي بيعرفهم انه أنا موب أحد غيري ..!!!
بكره لازم الروح الجامعه ....

 

[um-al.sa3af]

((رفعت عيونها على المرايه ... كشرت لما شافت شعرها .. بسرعه لبست عبايتها
ثم تحجبت ...
طلعت بسرعه مع السايق للمشغل وهي مقرره تفتح صفحه جديده ...
لما وصلت للمشغل ...
أختارت القصه المناسبه على شعرها اللي لما رقبتها مخربط ...
بعد نص ساعه وشوي انتهت الكوافيره من القص والاستشوار ...
تولين لما شافت شكلها كيف صاير شعرها قصير ومقصص من فوق بالموس ...
صحيح صاير روووعه بس تولين ماأعجبها ابدا لأنها تحب شعرها لما كان طويل ..
وكيف تلففه كيرلي يوميا فيطلع خياااااال ...
-(التفتت على العامله ثم قالت :~ ابيج تصبغينه لي أشقر بلاتيني ..
-(عصبت الكوافيره :~ ليش ماإلتي لي من أبل ؟؟
-(بطرف خشمها :~ ؤفففـ توني أقرر .. يالله يالله ابدي بسرعه موب فاضيه أنا ..
((الكوافيره ودها تعطي تولين كف محترم بس شافت صاحبة المشغل تطالعها بتهديد
وأنها تسمع كلام الزبونه ...
بعد ساعتين ... انتهو من الصبغه والاستشوار ..
طريقة الاستشوار مخليه الخصل اللي مقصوصه بالموس منقزه على برى ..
والقصه اللي قدام قاصتها بالمايل ...
طالع شعرها روعه خاصتا مع لمعة الصبغه ...
تولين وقفت بغرورها اللي رجع من اول وجديد ...
طالعت شعرها ومدت بوزها وهي تقول بتكشيره وكأنه موب عاجبها ..
-(الكوافيره بابتسامه :~ هاه شو رأيك ..!!
-(بتكشيره :~ يمشي حاله عالأقل كم يوم وأغير الصبغه هالبايخه ...
((رغم انو تولين ماراح تغيرها وعاجبتها .. بس نحاسه بالكوافيره ...
الكوافيره وصلت معها ... اهانه من قلب ..
دفعت تولين بسرعه ثم طلعت ...))
(( صقـــــــــــــر ...
متسند على السرير وبيده الجوال ...
يدق على ليان بس مقفل جوالها ...
-ؤفففففففـ صقر شسوات الحين ... هذي لا يكون صار لها شي وانا مدري ؟؟
انا لازم اقوم الحين مستحيل انطر لين الليل ...
((وقف وهو متجه للحمام بيبدل ملابس المستشفى ...
بعد مانتهى طلع من الحمام بس تفاجئ بوجود محسن لوحده بالغرفه ..
-(بتعجب :~ محسن ..؟؟
-(برم شفته محسن لأنه مايحب ابدا صقر ... طالعه من فوق لتحت ثم حط رجل على رجل
وقال بدون مايطالعه :~ شايف جدامك يني ...
-(مسك ضحكته :~ ؤلله والله وصارت لهجتك الامراتيه عال العال ..
موب سهل حسون ..!!
وين أبوك ؟؟
-شو بيعرفني ... قال لي دش وبرد بعد شوي ..
((بهاللحظه دخل عبدالمحسن بوجه عابس وطفشاان من بعد سالفة ليان ..
استغرب لبس صقر ثم قال :~ شلابس انت ؟؟؟
-(صقر :~ مليت ابي اطلع ...
-(محسن تدخل :~ ومين ماسكك انتا ..؟؟ بدك تروح روح الله معاك ..
-(صقر يطالع محسن :~ اقول انت يازينك ساكت انت ولهجتك الإمراني <~
((الإمراني ~> بعد التفكيك ~> الامراتي البناني ... الأخ صقر خلطهم مره وحده..))
-(محسن :~ شو شوووو ايراني بعينك ...
-(صقر كبت ضحكته ولما جى بيرد قطع عليهم عبدالمحسن :~
أنا توني طالع من الدكتور وقال لازم ترتاح لك يوم يومين .. يعني بكره
وبعده الرتاح بالبيت وماله داعي تطلع للمجان لا للجامعه ولا غيرها ..
-(عقد حواجبه وهو توه بيعارض الا وكمل كلامه عبدالمحسن بتجاهل للصقر :~
يالله خلونا نرد للبيت ...
-(صقر :~ لحظه لحظه لحظه وين ..!!! أنا ماراح الرد معكم للبيت اليوم ..
عندي مشوار وبرد بعد ماأنتهي منه ...
-(عبدالمحسن التفت على صقر بقل صبر وهو يقول بنفس اللهجه الحاده :~
صقر لا تطولها وهي قصيره .. عالبيت يعني عالبيت ..
((صقر موب مقتنع ابدا :~ قلت ماراح الرد ... أنا بدق على السايق ياخذني انت روح
مع محسن .. وباليل برد البيت ماراح التأخر ...
((محسن طفش من صقر ... عارفه انه عنيييد ... مايدري يهتم بمحسن ولا بصقر
رغم ان صقر كبر الا انه للحين بتصرفات ولد مراهق طايش ...
عشان كذا مارد عليه وهو طفشان من البدايه وموب رايق يطولها مع
صقر أكثر ...لما طلع مر من جمبه محسن وهو يطالع
صقر باحتقار ثم قال بغرور :~ بالله قبل لا تيينا تروش مشان ماتخيس البيت علينا ..
((صقر رفع حواجبه مندهش من وقاحة هالطفل ..!!! ))
((من جهة راكان ...
التفت على أمه اللي نايمه على الكرسي بشكل غير مريح ..
وقف بصعوبه وهو يتألم من ظهره ...
بصعوبه بسبب آلامه حمل بين يدينه أمه الخفيفه وسدحها على سريره ...
بعد ماغطاها بالمفرش دخل الحمام ((الله يكرمكمـ )) ..
كان لابس لبس المستشفى بحيث ظهره يكون مفتوح ...
لف يطالع ظهره بالمرايه وهو يشيل الشاش الخفيف من ظهره ...
لما شاف شكل ظهره المحترق كشر من المنظر المقزز ...
راكان ماسكر الحمام تاركه مفتوح ...
بهاللحظه دخلت الممرضه ...
بدون ماتقصد الممرضه شافت ظهر راكان
من الروعه بشكل ظهره طاح من يدها صحن الأكل ...
بهاللحظه قامت أم راكان بروعه ..
الممرضه ماقدرت تبعد نظرها عن ظهر راكان ...
راكان التفت عليها بهدوئه المعتاد ...
غطى ظهره بالشاش مره ثانيه ثم تقدم منها وهو طالع من الحمام ..
طالعها بتعالي وهو يقول بدون مايطالعها :~ نظفيه بسرعه وطلعي برآ .. والمره الجايه طقي
الباب قبل لا تدخلين ..
((أم راكان مستغربه ماتدري وش السالفه ...
راكان أخد ملابسه ثم دخل الحمام ...
-(ام راكان :~ راكان وش تسوي .. لا تلبس ملابسك .. الحروق اللي بظهرك توها ماتشافت ..
راكان أطلع .. راكان اطلع من الحمام ...
((راكان من جد ماعاد يقدر يتحمل هالكتمه بالغرفه لحاله بين الربع حيطان ...
بهمومه وضيقتــــه الكبيـــــره ...
لما طلع مسكته أمه وهي تقول :~ راكان على وين ... راكان من جدك انت ؟؟
وين بتروح ... انت يبيلك كم اسبوع زياده علبال ماتطلع ..
-(راكان بقل صبر :~ يمه أنا مستحيل أقعد أكثر من كذا ...
ومن بكره بداوم بالجامعه ... خلاص ماعاد عندي صبر أكثر من كذا ...
-(مسكته بقوه وهي ترفض خروجه لكن راكان واظح عليه
مصمم يطلع ولا يمكن يجلس أكثر من كذا ...
سحب يده ثم طلع وهو منزل راسه عشان محد ينتبه له ...
أم راكان بسرعه تغطت ثم طلعت تلحقه بخوف ...
بالشارع راكان يحس بألم في ظهره لكنه يكابر ويتجاهل الآلام ...
مسكت ذراعه بقوه وهي تقول :~ راكان ياولجي لا تسوي كذا فيك وفيني ..
انا خايفه عليك شلون تطلع وجروحك توها ماتشافت ..
-(ابتسم بسخريه وهو يقول لها :~ يمه عادي قوليها .. حروق مو جروح ...
وبعدين الحروق ماهي أكبر همي ... وش فايدة الحياه ..!!
خلاص يمه انتي الرجعي للسعوديه ولا تخافين علي ..
انا بهتم في نفسي ...
يمه تعبتك معاي بزياده ... الرجعي للرياض وأنا أعرف كيف أهتم بروحي ...
((سحب يده بقوه وبسرعه ركب مع سايقه اللي واقف ينتظره ...
ركب راكان السياره وبأمر منه :~ حرك للبيت ...
((السايق اتبع أوامر راكان ...))
((من جهه ثانيــــــــــــــــــه ...
صقر وصل للبناية ... بسرعه دخل اللفت وهو متوتر وبنفس الوقت خايف
لا يكون مو موجوده بالشقه وصاير لها شي بدون علمه ...
((ليان جالسه على المكتبه وهي تذاكر ...
سمعت صوت جرس الباب ... استغربت مين يكون ...
راحت للباب وهي تقول بصوت واطي :~ منو ؟؟
((صقر ابتسم من قلب مرتاااااااح ...
-(بصوت مرتبك وفرحااان :~ أنا .. صقر ... حبيت أتطمن عليج ..
بما انج ماتزوريني وانا بالمستشفى ... قلت انا اتطمن عليج بنفسي ..
((ليان ضغطت على يدها بكررررره ... ولا ردت عليه ...
-(صقر بتوتر :~ ليان فتحي الباب ابي اشوفج ... صـ ... صج مشتاق لج ...
((صحيح يعتبر زوجها .. بس ليان موب مقتنعه عشان كذا قالت بهدوء وكره كبير له :~
ماراح افتح ...
-طـ .. طيب ماودج تقولين لي الحمدالله عالسلامه ؟؟
-........................
-طيب ... طـ .. طيب لا تقولين ... بس انا ابي اتطمن عليج انج بخير ؟؟
-انا بخير ...
-(ابتسم براااحه ثم كمل يقول :~ افهم منج انج ماراح تفتحين .؟؟ ليان انا زوجج..
والمفروض اننا متزوجين من قبل ثلاث اسابيع وشوي ...
((ليان راحت للغرفتها مطنشته وهي حاسه بكره كبيــــــر له بشكل موب طبيعي ..
وزاد لما شافت عبدالمحسن ...))
صقر حس انو مافيه أحد خلف الباب عشان كذا راح ...

$$ آلــــــآم ... الى متى ..!!! $$
فراق أخوه ..... قد طــــــــــال ..$$
اذا متى القـــــــــآء ..!! $$
وهل فعلا سوف يتلاقون ..$$
أم كل هذا الانتظــــــــــــــار ليس له نتيجـــــــــه ..!! $$
$$ فالنكمـــــــــل الروايــــــه ونعرف مالذي سيحصل في أول ..$$
يوم لهم بالجــــــــــــــــــامعه .. بعد تلك الحادثه ..$$

 

[um-al.sa3af]

(( بالجــــــــــــــــــــــــآمعه ...
فيصــــــــــل أول يوم له يجي الجامعه بعد الحادث ...
لما وصل المبنى ...
شاف أصحابه جالسين بنفس مكانهم عند المبنى ...
ابتسم وهو مشتااااق لهم ...
يحس انه انولد من أول وجديد بعد حادثه ماتوقه انه راح ينجي منها ...
فيصل لما وصل لهم ...
برهوم شاف فيصل من بعيد جايهم وهو مبتسم ...
-(برهوم بحماس :~ شباب فصول ياي الجامعه اليوم ..!!
((كلهم التفتو على الجهه اللي يطالع فيها برهوم ...
بسرعه وقفو .. اللي يصفر ... واللي يصفق ويغني بوصول فيصل لهم
سالم ...
أما فهد بس مجتهد يزغرط ...
كل اللي حواليهم قعدو يطالعون هبالهم ...
بسرعه راحو للفيصل اللي صار يضحك على اشكالهم ...
بحركه من برهوم ومتعب شالو فيصل وهو يضحك ...
فهد لف على الباب وقعد يطبل عليه ...
ويغني بصوت عالي وبشكل سريييع :~
المهلـــي مايولي .. وياحيى الله بفصوول ...
وياحي الله فصوول ..
هلئ هلئ هلئ ايواااااا ... وكللللللللــــــوووش ...
والكل يصفق ..ويضحكون على فهد الزاحف ...
بهاللحظه جاهم عبادي وهو يضحك متعود على هبالهم ...
بس مادرى ان كل هالقلق على فيصل ...
لما شاف فيصل علطول حط يدينه على فمه باستهبال :~
لئه موش معئول ... دا صوصو ولا أنا بتوهم ..!!!!!
-(فهد يكمل بنفس اللحن المضحك ويطبل :~
لا لا ماتتهيئ .. لا لا هوا دا...
(( فيصل باستهبال جلس على الأرض وغطى وجهه وهو يهز راسه ويقول بصوت
بنت :~ لئه لئه ... خلاص خددت حموري ...
دانا مكسوووووف منكوم ... خفو عليا بئه ...
((كل اللي يطالعونهم ميتين ضحك على أشكالهم ...
بهاللحظه أميره توها واصله للجامعه .. لما وصلت المبنى ...
شافت فيصل وهو على الأرض يستهبل ...
ماعاد قدرت تشيل عيونها منه ...
حست بنبضات قلبها تعلا أكثر وأكثر ...
موب مستوعبه هذا فيصل قدامها ونفس استهباله مع أخوياه ...
ابتسمت بشوووووووق وهي تقول بقلبها ...
لا صج صج هالولد مدري وش مسوي فيني ...
((وقفو استهبال وكل واحد يضم فيصل ويتحمد له على السلامه ...
-(عبادي :~ صوصوووو اشتقنالك ولله ...
-(فيصل بمزح وكأنه يهدد :~ صوصو هذا بطلعه من عينك .. لا عاد تحاول تدلع انت مره
ثانيه ...
-(فهد بضحك :~ فصفووووصتي ... ولك تؤبشني شو بتجنن ...
يالله عطني ضمه بسرعه ...
((فيصل عطاه ظهره وهو يقول بضحك :~ لا يرحم ؤمك تلقى ريحتك خايسه
من ذالحر ... وخر بس عني ...
-(فهد بعناد ضمه من ورى بقوووه ...
-(فيصل :~ لااااااااع ياخي أدري انك تحبني وماتقدر تعيش من دوني ..
خلاص وخر ياخي ...
-(متعب :~ تو مانورت الجامعه فصول ...
-(فيصل دف فهد بخفيف وهو يقول :~ كفو هذا اللي يعرف الأسلوب كيف
تعلمو كيف يدلع ... موب صوصو فصفوصتي مدري شنو !!!
((أميره رغم انها بعيده عنهم ولا تسمع وش يقولون الا انها للحين
واقفه وتطالعه بابتسامة شووووق ...
شافت قروب بنات جايين صوب فيصل ...
-(برهوم :~ فصووووول بالله شوف منو اللي يايينك ... والله منتب سهل ..
-(فيصل لما شاف البنات اللي واقفين علطول عدل تيشيرته وهو مبتسم :~
يالله ان تحييهم ...
-(وحده من البنات لبنانيه :~ الحمدالله ع سلامتك __^ ...
-(فيصل يعدل وقفته :~ الله يسلمج ياحلو (ثم غمز لها ..) ..
-( السوريه الثانيه :~ عن جد فئدناك بالجامعه كلا ...
-(فيصل يطالعها وهو متنح بجمالها :~ فقدتج العافيه ...
((البنات طلعت عيونهم .. بس فيصل ماحس باللي قاله بما انه ماعنده اسلوووب ابدا
ومايعرف شلون يرد اذا انحرج أو تنح على وحده ...
متعب وطى على رجل فيصل وهو يقول بصوت واطي :~ فشلتنا عدل
كلمتك علها ...
-(فيصل توه يلاحظ على روحه وعلطول قال :~ سوري أقصد احنا اللي فقدناج ..
((شلة فيصل غطو وجيههم بيأس من أسلوبه اللي يفشل ...
رغم انه اكبر مغزلجي الا انه ماعنده اسلوووب ابدا مع البنات ...
-(لبنانيه ثالثه :~ عن جد خفنا كتير عليك ...
-(فيصل :~ لا موب لازم تخافين عادي ... أنا وأنتي واحد .. مافي فرق ..
-(فيصل بصوت واطي يقول للفهد :~ فهود يرحم ؤمك سكتني والله ماعاد أدري وش اقول.
-(فهد لف عنه وهو يقول بتبري :~ أنا ماااالي خص فيك ... دور غيري ..
((فهد شاف من بعيد أميره واقفه لما لف ...
لاحظ انها تطالع فيصل وماشالت عينها عنه ...
أميره بهاللحظه كانت مقهوووووره من البنات وحاسه بغيرها جواتها ...
عقد حواجبه وهو يطالعها ثم يطالع فيصل ...
-(وحده من البنات قالت بلهجتها اللبنانيه :~ ممكن دئيئه من وئتك ...
-(فيصل اختبص :~ أنا ..؟؟
-(البنت بخجل :~ اي...
((كل الشله ماعدا فهد اللي يطالع أميره بصوت عالي :~ ياهوووووووووووووووووووووه ...
-(فيصل مشى مع البنت بعيد شوي عن أصحابهم ...
((أميره بهاللحظه وصلت معها .... تقدمت للفيصل والبنت بسرعه وفهد يراقبها..
-((اللبنانيه :~ بدي رئمك إزا ممكن أكيد ...
((فيصل توه بيقول أكيد من عيوني ... الا وأميره تدخلت وهي تقول
بلسانها الطويل :~ انتي ماتدرين ان هذا مطيح له بنات الجامعه كلهم
عالتلفون وحتى برى الجامعه ...
لا لا لا ماأنصحج فيه .. صدقيني تراه أكبر مغزلجي مو بس بالجامعه ...
الا بكل العالم ...ولو بيده كان غازل كونداليزا رايس ...
عادي هذا ماعنده إشكال المهم انها بنت ...
-(فيصل عض شفته أسفلى وده يعطي أميره كف ...
البنت الرتبكت شوي ثم قالت :~ انسى ياللي إلتوه أبل شويا للإلك ..
يالله عن إزنكون ...
((لما راحت ... فيصل لف على أميره بحقد كيف انها ضيعت عليه
بنت حلوه مثل اللي تو ...
بين اسنانه بقهررر :~ انتي تدرين شنو ساويتي ..؟؟؟
-(أميره تكتفت بانتصار ثم رفعت حاجب وهي مبتسمه تقهره:~
ليش تزعل من الحقيقه ..
-(فيصل مسك يدها بقوووووه للدرجة انها تعورت بسببه :~
أنا جم مره قلت لج لا تتدخلين فيني ...!!!
بكل مجان طالعتلي ..!!! ..
-(فهد تدخل بسرعه :~ فيصل فج يد البنت شوف شلون عورتها ..!!!
((فيصل انتبه على نفسه وعلطول ترك يدها ... ثم قال بتهديد :~
أميروه فجي عني ...
((أميره كشرت بوجهه مقهوره ... فيصل لف عنها وراح للشلته ...
فهد ابتسم :~ عادي .. تعرفين طبع فيصل أهم شي عنده بهالحياه البنات ...
اتمنى ماضايقج تصرفه ...
-(أميره رفعت حاجب ثم قالت :~ وانت ليش تحاجيني ...
أحد سمح لك ..؟؟ اقول وخر عني بس ..
((أميره راحت وتركت فهد طايح وجهه ...))
""""""""""""""""""""
((نـــــــــــــــــــــــــــــــآرا ...
توها واصله مع سايق نوف ...
لما نزلت نارا ... بسرعه نوف قالت :~ نارا خلينا ندش سوا ..
((نارا طنشت نوف رغم انها المفروض عالأقل تشكرها انها للحين صابره عليها
وهي ساكنه عندها وتوصلها للجامعه ونفسها بخشمها على نوف ..
صحيح نوف تستاهل أكثر ... بس عالأقل تحترمها شوي بما انها ساكنه عندها ..
لكن انتو تعرفون كيف مزاج نارا وشخصيتها __^ .. مايحتاج أفسر أكثر من قبل ..
نارا لما دخلت مبنى الجامعه ...
قابلت بالصدفه ريان اللي ابتسم بوجهها علطول وهو يقول :~
أهلين نارا شلونج ..!!!
((نارا مشت وطنشته ... وهي اصلا ماتعرف مين هذا ...
ميشو كانت جالسه قدامهم ...وتطالعهم بما انهم قدامها ...
ريان بسرعه قال :~ نارا شفيج ..!!!..
((مطنشته ... بس ريان وقف قدامها وهو يقول بعناد :~ ممكن تشرحين لي
انتي ليش تساوين وياي جذي ..!!
نارا تعرفين اني أحبج فليش تساوين جذي .. وأدري انج تحبيني ..
-(وقفت ثم رفعت عيونها عليه وقالت بهدوء :~ ليه ومنو انت عشان
احبك ..!!!..
-((بهاللحظه تدخل يزيد :~ شخص يحشر نفسه بكل شي ... اتركيه ماعليك منه ..
-(لفت نارا عليه ثم قالت بنفس الهدوء :~ وليش منو انت بعد ..!!!..
ؤفففففـ ...
((جلست ريم جمب ميشو ثم قالت :~ ميشو تدرين البنت هاي اللي واقفه جدامنا قتلت أخوها..
-(ميشو التفتت على ريم ثم قالت :~ من صجج ..!!
-أي والله يقولونه الكل ..
-(ميشو أصلا من أول ماشافت شكل نارا من الإيمو وهي كارهتها .. عشان كذا قالت
بوقاحه :~ مجرمــــــــــــــه شايفه روحها ماتركب موليــــه ..
انت وياه بالله شنو لاقين ببنت الإيمو

 

[um-al.sa3af]

نــــــارا وريــــــــــان ويزيد التفتو عليها ...
يزيد لما شاف ميشو اختبص وعلطول لف وجهه عنها ..
-(نارا رفعت حاجب وهي تطالع ميشو ... ابتسمت بسخريه ثم قالت :~
بالله شوفي حالج انتي وكفنج ثم تعالي حاجيني ...
<~ تقصد لون ملابس مشاعل .. أبيض x أبيض ...
-(ميشو :~ أشوفج متعوده عالكفن من بعد ماقتلتي أخوج ... بنت إيمو ماينشره عليج..
-(نارا تقدمت من جهة ميشو وهي تقول :~ بقول لج جلمه وحده .. فقط ولا غييير ..
لأني موب فاضيه حق أشكالج ...
لا يكثـــــــــــــــــــــــــــــــــــــــر ...
((نارا من عادتها ماتحب تراد أي أحد لأنها تعتبر الكل حثاله وموب من مستواها
انها ترادهم حتى لو تمادو ...
اسلوبها الوحيد اللي يقهر الكلللل ... انها تسفـــه ولا كأن أحد يحاكيها ...
-(ريان بسرعه قال :~ بعدين انتي متأكده انج بنت موب واحد من الشباب ..!!
-(ميشو رفعت حواجبها :~ ريمو انتي حاجيه لأنو مايشرفني أحاجي ولد ..
((ريان حقرها وراح ..
يزيد كان واقف ولا تحرك ... التفت على ميشو لما راحت نارا وريان ...
ريم استغربت من نظرات يزيد لميشو ...
-(بصوت واطي :~ ميشو شوفي اللي واقف شلون يطالعج ...
((ميشو وقفت بملل من ريم ثم قالت :~ صجيتيني .. شوفي وشوفي .. وبالأخير شباب ..
((راحت مشاعل بدون ماتطالع أحد ...
لما وصلت قاعتها شافت من بعيد راكان واقف ...
سكرت عيونها ثم فتحتها تحاول تستوعب ...
لما تقدمت تبي تتأكد هو راكان ..
أختفى .......................
ضربت راسها وهي تقول بصوت واطي :~ مالت عليج هذي تاليتج تتوهمين
شباب ..!!! ... ؤفففففـ هالولد من وين طلع لي .. أنا ناقصته بعد ...
((نرجع للنـــــــــــارا ...
وهي رايحه للقاعه وتقريبا تذكر كل شي الحين ماعدا ريان ويزيد ...
لما دخلت القاعه تبعها ... جلست بنهاية الصفوف بالزاويه كعادتها ..
تطالع اللي يدخل واللي يطلع ...
شافت مجموعة بنات جلسو قدامها وهم يطالعونها ويتهامسون بينهم ...
ماهتمت لهم رغم انو واظح عليهم يحشون فيها ..
شوي الا ودخلت بنت من القروب اللي قدامها ..
-هااااااي بنااااات ...
-(البنات :~ أهليييييييين ...
-(البنت من أصل أردني .. شوي التفتت على نارا ثم قالت بصوت واظح للصاحباتها :~
شو مجلسكم جمب مجرمه ..!!
((ثم طالعت نارا بشمئزاز وكملت :~ تعالو ؤدام ...
((نارا ابتسمت ابتسامه مو واظحه تحمل السخريه على هالبنات اللي مهما تكلمو فيها
مايأثرون عليها ومن آخر اهتماماتها تعطي هالأشكال وجه ..
بهالحظه جى في بالها أسم ريان ...
منــــــــــــــــو ريان هذا ماتدري ..؟؟؟
شوي الا وتذكرت يزيد ..........
حست بابتسامه تعلى شفتها .... استغربت من روحها ..!!!
فضولها بيقتلها لو ماتتأكد ...
بسرعه وقفت بتطلع ...
بس الأردنيه مدت رجلها عشان تطيح نارا ...
بس نارا رفعت رجلها علطول ...
وكملت طريقها بدون ماتلتفت على البنت أو تهزئها ...
البنات استغربو من غموض هالبنت الغريب ..
((نارا أول ماطلعت راحت تدوره ...
بس مالقته ...
لما طلعت من المبنى تحت الشمس وهي تطالع الحديقه الكبيره ...
شوي الا وتذكرت انو فيه شخص دوم يتابعها ويطلع لها بكل مكان ..
بسرعه التفتت حواليها تتأكد اذا هو يراقبها ...
بس برضو ماحصلته ...
نزلت من الدرج متجهه للحديقه .. حست بنظرات لها من كل جهه وهي تمشي ..
الكل يتكلم عليها وهي عارفه شنو نظرتهم لها بأنها قاتله أخوها اللي يدرس بنفس جامعتها ..
تذكرت كل شي نارا وهي بالسجن ماعدا يزيد وريان ... تتمنى تعرف
منو ريان اللي تفكر فيه طول الوقت ...
حاسه انه الشخص يهمها بس ماتدري مين هو ؟؟؟
شوي الا وشافت يزيد منسدح عند شجره ويقرى كتاب بيده ...
ابتسمت ابتسامه خفيفه ثم تقدمت له بس طلع بوجهها شاب يقول
بوقاحه :~ انتي شنو اللي طلعج من السجن بعد ماقتلتي أعز ربعي ..
انتي مكانج القصاص ...
((يزيد التفت على صوت الولد اللي مره عالي وواظح عليه الغضب ...
نارا تكتفت بملل وهي تنتظره ينتهي كلامه ..
يزيد لما شاف نارا نغزه قلبه وبسرعه جلس يطالعهم ...
-(الشاب :~ ليش ماتتحجين !! انا ماأدري شلون خلوج برائه وانتي قاتله أخوج
هذا جزاهم ربوج وظفوج من الشارع ...
((الشاب بقلبه قهر مو طبيعي وحزن كبييير على صاحبه مشاري ...
ضغط على كفه بقوه ... وده يرتكب فيها جريمه ...
بصمتها اللي قهر وبرووودها وهدوئها اللي كل من يشوفها يقول
هذي ابد ماقتلت ولا اعترضت أحد ...
يزيد بهاللحظه بسرعه تدخل ...
-لو سمحت أخوي خلاص المحكمه اثبتت برائتها فماله داعي تفتح مواضيع
تسكرت من زمان ... لو سمحت اخوي ...

 

[um-al.sa3af]

((نارا تطالع يزيد بصمـــــــــــــــت ...
الشاب تنهد وهو يتعوذ من الشيطان ... طالع نارا بحتقاااار ثم لف عنهم ...
يزيد حس بنظرات نارا اللي قريبه منه ...
فضل انه مايزعجها أكثر ... لف بيروح بس بسرعه قالت نارا :~
ريـــــــــــــان ...
((يزيد التفت حواليه يدور ريان بس مالقاه ...
استغرب ثم لف بيرجع مكانه بس نارا ردت تقول :~
ريان .. أنت ريان صح ..؟؟
-(يزيد حس انها تحاكيه .. التفت عليها بتعجب ثم قال :~ نعم ..!!!
-أنت ريان صح ..؟؟
-أنــــــــــــآ !!!!
-أي ريان .... انت ريان ... أخيرا تذكرتك ...
-ريـــــــــــــآن ..!!!!!!
-(ابتسمت عالخفيف :~ سوري اني ماعرفتك من قبل ..!!! ...
-بـ ... بس ... بـ ...
-(قاطعته وهي تشوف كيف تلعثم الولد :~ سوري شكلي أزعجتك ..؟؟
-(يزيد تنح مايدري وش يقول :~ لللـ ... لا أي أزعاج بالعكس ...
-(بابتسامه :~ مشكور ...
-على شنو ..؟؟
-انك مصدق برائتي ووكلت لي محامي ...
-(بلع ريقه ثم قال بصعوبه :~ لللـ ... لا عادي ... آآآ ..
-(ضحكت عالخفيف على شكله وهو مختبصصصصص ...
يزيد تنح يطالعها .... سبحــــــــــان الله .. من يشوفها وهي تضحك مايصدق
انها نارا الأولى ....... جمالها يطلع بمجرد ماتضحك أو تبتسم ...
يزيد ابتسم وهو يحس انه بحلم مو علم ...
أول مره من يوم شافها تبتسم ... أو بالأصح أول مره تكون لطيفه معه لهدرجه ..
تمنى لو كان حلم مايقوم منه ....
-(نارا انحرجت من نظراته :~ آآآآ .... أنا برد للمحاظرتي ...
عن أذنك ...
-نارا ...
-(بسرعه التفتت عليه وكأنها تنتظره يوقفها :~ نعم ..
-(سكت شوي وهو يحاول يطلع الكلمات من فمه بس موب قادر ...
من جد لسانه انربط ...
ابتسمت نارا مره ثانيه ثم قالت :~ أسمعك ..
-(بلع ريقه وهو يتلعثم ...أول مره يقابل بنت ويدق لها قلبه ...
:~ آآآآ ... أنا مين ..!!!
-(عقدت حواجبها مافهمت عليه :~ نعم ؟؟
-(عض شفته وهو يعاتب روحه :~ أقصد يعني ... آآآ .. يعني ..
يعني انتي قلتي تو اني ريان صح ؟؟؟
-ليش ..؟؟
-لا بس بتأكد اذا قلتي انا ريان أو لا ...
-(ابتسمت :~ أي قلت ريان ... أنت ريان ... ليش أنا غلطانه ..؟؟
-لا لا ابد موب غلطانه ... أي أنا ريان ...
-طيب عن أذنك .. اشوفك على خير __^ ...
ومشكور مره ثانيه على وقفتك وياي ...
((هز راسه وهو متوتر ... لما راحت مسك شعره وهو يقول
بقلبه بندم :~ ياربييييه أنا ليش قلت اني ريان ... ؤففففـ موب معقوله
بتكون فاقده اذاكره للأبد عشان ماتكشفني يوم من الايام ...
وش السواااات ... ياربيه يايزيد شفيك اختبصت كذا .... ؤففففـ
لازم اقولها اني موب ريان لازم ...
بـ .... بس لو تدري اني موب ريان اكيد راح تعاملني مثل قبل ...
آآآخ منك ياريان والله ماتستاهلها ... انا اموت وأعرف شلاقيه فيك ...
عموما يزيد لا تنسى انك ماجيت للامارات عشان تحبها ...
لا تنسى هالشي ....
""""""""""""""""""""""""
((أم راكان رفضت ان ولدها يروح للجامعه ...
بس بعد مالاحظت انو مافي فايده من راكان يسمع كلامها قررت انه يروح
مع السايق ويرد مع السايق ..
وهي بترجع للسعوديه بعد ماتتأكد ان صحته رجعت مثل قبل ...
لأن وجهه صاير شاااحب ...
رغم انه رفض فكرة السايق .. بس مافي فايده ..
راكان قبل مايوصل للجامعه بشارع واحد قال للسايق :~ نزلني هنا ..
-(السايق بجنسيه مصريه :~ بس ياعم لسى صحتك مش كويسه ..
-مصطفى خلاص قلت لك نزلني هنا ... وكل يوم كذا ...
((مصطفى ماقدر يعارض أكثر عشان كذا وقف ... راكان نزل رغم ان ظهره يألمه وبقوه
.. وصل للكلاس الدكتور طلال ...
طق الباب بعد ماشاف انو المحاظره باديه لها عشر دقايق ...
التفت الدكتور طلال عليه ثم ابتسم وهو يقول :~
الحمدالله عالسلامه ...
-(بصوت مو واظح :~ الله يسلمك ..
((شوي الا وانفتح الباب مره ثانيه ودخلت تولين ...
-(تولين :~ السلام عليكم ...
((طلال التفت على تولين ... مايدري ليش تجاهلها ولف يكتب على السبوره ..
تولين حست فيه بس تعودت على هالتعامل ...
لما مرت من جمب راكان استغربت من شكله وواظح عليه التعب ..
راكان لما جلس .. جلست وراه تولين ...
شوي الا وانقلبت القاعه كل واحد منهم يتحمد بسلامة راكان وتولين ..
تولين بدون ماتطالعهم تبتسم تسكيته ولا ترد وكأنها تقول
طيب تراكم صجيتوني ..
أما راكان يبتسم رغم انو ماله خلق يبتسم بسبب نفسيته التعبانه من بعد
اللي صار ...
-(جوجو أشرت على تولين من بعيد وهي مبتسمه ...
تولين لما حست عليها حاولت تتجاهلها ... جوجو استغربت تولين
بس توقعت انها ماشافتها جد ...
-(طلال :~ خلاص خولنا نكمل المحاظره ...
((طلال التفت طاحت عينه بعين جوجو ...
كل اللي بالقاعه ابتسمو لأنهم عارفين انهم مخطوبين للبعض ..
تولين لما حست ان الوضع بالقاعه ابتسامات ...
التفتت على جوجو وشافت كيف منزله راسها خجلانه ...
ردت تطالع طلال اللي واظح بعيونه الاستغراب ..
وهو بالفعل مستغرب من جوجو ولا كأنها مسويه شي أمس عالمسن ..
تولين نزلت راسها وابتسمت عالخفيف ...
حست ان الموقف اللي حطتهم فيه مضحك شوي ..
صحيح ماقصدت تخرب عليهم بس ماقدرت تمسك روحها
من الابتسامه اللي تخبي ضحكه خبيثه ...
((طلال التفت وهو يحاول يثبت لروحه انه مو مهتم ...
استغرب تولين اللي منزله راسه ومبتسمه ...
التفت على راكان اللي معدل جلسته ويجاول مايتسند على ظهره اللي يحرقه
ويحس بحراره فيها ... وهو المفروض انه ينتظر بالمستشفى لحد ماتلتأم
الحروق شوي ...
((ميشو طلت من قزازة الباب الصغيره وشافت راكان ...
بدفاشه منها فتحت الباب بقوه وهي مبتسمه .. طلت على طلال وهي تقول :~
لا يكون قاطعت عليكم شي ..؟؟؟
-(طلال رفع حاجبه متعجب من كلامها وهي تستهبل :~ بغيتي شي ..؟؟
-(ميشو التفتت على راكان وابتسمت بقوووه وكأنها تقول ياللي بالقاعه انتبهو
علي ولمين ابتسم له ....
راكان رفع راسه لها مستغرب .... شوي تذكرها من لبسها وشعرها
البوي ... لف عيونه عنها بهدوء وهو مو مهتم لها ...
دخلت بدون ماتشاور الدكتور طلال ...
وقفت قدام راكان ...
الكل يطالعها بدهشه ...
راكان رفع راسه ببرود ...
-(ثم قالت بثقه :~ شكرا ...
هه أول مره أشكر حد ... بس يالله أول مره وآخر مره ..
يالله باي ياحلو ..
((طلعت مشاعل .. القاعه كلهم مستغربين من الموقف اللي صار تو ...
عمرهم ماشافو وقاحه وجرأه مثل ميشو ...
(راكان رافع حواجبه ويطالعها بتعجب ..!!! من جدها البنت ..؟؟
صحيح محد فهم عليها ...
-(الدكتور طلال :~ انت تعرف اللي تو ؟؟؟
-(راكان بدون مايطالعه :~ مايشرفني أعرفها ..
((طلال ماحب يطول السالفه ...
كمل الشرح ... تولين تطالع راكان ...
استغربت وضع راكان ... اللي مايطالع أحد وساكت طول الوقت ..
موب من عادته ...
((ميشو راحت للقاعتها ...
ولا كأنها سوت شي ...
بعد نص ساعه ...
((بداخل كلاس طلال ...

$$ برأيي أن الجزء قد طال وأنا لم أتوقف __^ ..$$
$$ فوصفي للأحداث ليس كافيا لوصف حياة توأمنا ..$$

 

[um-al.sa3af]

البــــــــــــــــــآب الثامن ...
الجزء الثانـــــــــــــــــــــــي ...

((بعد نص ساعه داخل كلاس طلال ...
الكل طلع ماعدا الدكتور طلال اللي قاعد يجمع أغراضه ...
تولين حاطه رجل على رجل وبس ماعندها الا تطالع في جوجو وفي طلال ..
وبقلبها سخريه عليهم وكيف هي غاشتهم ببعض ...
تولين ماتدري ليش صايره نذله من بعد الحادث وتتمنى لو تخرب عالكل ..
مو بس طلال .. ودها تخرب عالكل حياته مثل ماهي موس عيده بحياتها
وهي لقيطه وتريقة الناس عليها ...
((جوجو تقدمت من طلال ثم قالت :~ شحالك اليوم __^ ..
((تولين ابتسمت ابتسامه خبيثه ثم تكتفت وكأنهم عرض لها ممتع ...
سعد طلع علطول ... راكان لما وقف شاف نظرات تولين الخبيثه للطلال وجوجو..
بس ماعبر الموضوع وطلع ...
-(طلال بدون مايرفع عيونه :~ بخير يالله سلام ..
-(جوجو استغربت بس بسرعه قالت :~ طلال ... أقصد دكتور طلال ...
حسيتك متغير اليوم ... سلامات فيه شي ؟؟؟
-(طلال طالعها بسخريه وهو متعجب كيف تسوي كذا من بعد الموقف السخيف اللي امس
عالمسن ....
لف بيروح ويطنشها الا وشاف تولين تطالعه بابتسامه خبيثه ...
عقد حواجبه شفيها ...
تولين وقفت بثقه ثم مرت من جمبه بعطرها اللي يفوح بشكل موب طبيعي ...
طلال كشر لما شم ريحة عطرها القوي وكأنها ماتدري من تعطر
بهالشكل عند رجال تعتبر زانيه ..
((جينفـــــــــــــــر مرت من قروب فيصل ...
لما سألت عن فيصل قالو لها متعب وفهد انه بمحاظره ...
راحت جينفر تدوره ...
-(فهد :~ ياخي هالبنت قلبي موب متطمن لها ...
-(متعب :~ وانت شلك فيها ..
-ياخي مدري وش عندها هي وفيصل .. أحس كل ماييتهم فيصل يختبص ويقطع السالفه بينه
وبين هالأجنبيه ...
-(متعب :~ اقول فهود والله انك فاضي ... ياخي جنك ماتعرف فيصل وحركاته مع البنات ..
لا تخاف عليه .. لو فيه شي هو قدها وقدود ... يعرف يحل مشاكله بنفسه ..
بالله انت قد شفته مره قال لنا عن مشكله من مشاكله وطلب مننا نساعده ..
تعرف فيصل يحب يسوي كل شي بروحه ... واذا فكر يقول للأحد علطول يقول للعبادي ..
-(فهد :~ طيب خلاص ترى صدعت راسي ... الظاهر انا قايل لك عطني
سيرة فصول كلها ...
((فيصل توه طالع من المحاظره الا وجينفر قدامه مبتسمه ...
مدت يدها بسرعه وسحبته للبرا في الحديقه ...
فيصل كارهها من بعد الموقف بس ساكت لها بما انها راح تكون أم ولده
مع الأسف الشديــــــــــــــد ...
راكان بهاللحظه كان رايح للكافاتريا بيرتاح
وهو حاس بتعب كبير ...
مالقى مكان يجلس فيه ...
بس حصل طاوله وحده جالسه فيه بنت ...
يالله عالأقل فيه كرسي ثاني وهي لحالها ...
لما تقدم عندها قال :~ ممكن أجلس ..؟؟
-(ليان بدون ماترفع عيونها له هزت راسها بالموافقه ...
-(راكان استغرب من وضع هالبنت ... بس جلس بدون مايقول أي شي ...
ليان دق جوالها .. لما طالعته لقت المتصل صقر ..
كشرت بكره ثم ردته بالشنطه بدون ماترد ...
شوي الا ودق مره ثانيه وثالثه ورابعه ...
لين ماقال راكان اللي صجه جوالها :~ حطيه عالسايلنت الريح لك وأريح لنا ..
((ليان ماردت عليه ولا حتى رفعت راسها عشان يعرفها راكان ...
شوي الا ودق مره ثانيه صقر ...
ليان توترت ماتدري شلون تسكته لأنها ماتعرف له ...
ماتدري شلون مدت يدها للراكان وقالت :~ سكته ...
-(راكان التفت عليها وهو مرفع حواجبه مستغرب ... وده يشوف وجهها بس هي
موب معطيته مجال ... خذ الجوال ثم حطه عالسايلنت ...
لما مد يده لها بيرجع الجوال ...
ليان رفعت يدها بتاخذه بس راكان وخر الجوال عن يدها وهو قاصد يبيها ترفع راسها
يشوف وجهها اللي موب راضيه ترفعه ...
ليان استغربت ثم رفعت وجهها له ...
راكان لما شافها ليان جمد مكانه ...
ليان انحرجت من نظارته اللي بتاكلها ...
تكره هالنوع من الشباب ...
عشان كذا قالت بسرعه :~ ممكن الجوال ..
-(راكان مايدري ليه حب يتكلم معها ولو شوي :~ طيب لو سرقت موبايلك ؟؟
-(ليان ماحبت تعطيه وجه :~ ممكن الجوال ...
-(راكان حطه على الطاوله بدون مايطول السالفه لأنو واظح على البنت ماتبي تكلمه
... بهاللحظه دخلو قروب ميشو ...
مشاعل تمشي معاهم وهي تغني بصوت عالي للنفس أغنية صابر الرباعي ..
ياأغلى .... بصوت عالي ...
-(ريم لما شافت ليان كشرت ... شوي الا وسحبت ميشو وهي تقول ..
:~ خلينا نطلع من الكافتريا ...
-(ميشو مالقتها وجه ... طلعت جوالها وشغلت اغنية صابر وبدت تغني معاه ..
شوي الا واللي معها قامو يغنون بهبال وضحك ...
بحركه من ميشو وهي تهز رقبتها وتغني بصوت مره عالي ...
ريم علطول لزقت في ميشو وتهز كتوفها بدلع ...
راكان التفت بقرف على ميشو ...
ليان عقدت حواجبها لما شافتها ميشو ...ماتوقعت ميشو لهدرجه فاللتها عشان تستهبل
قدام شباب الكافتريا ...

 

[um-al.sa3af]

بهاللحظه دخلو قروب نارا ...
بنـــــــــــــــآت الإيمــــــو ...
راكان لما شاف نارا نزل راسه ثم قال بصوت تسمعه ليان :~ كملت ...
(ليان بس تطالعهم ببرائه ومعقده حواجبها ... تحس انها أول مره تشوف هالأشكال
الشاذه بالجامعه ...
نارا لما شافت ميشو وقروبها ... دخلت بينهم نحاسه تبي تقطع عليهم ...
شوي الا ودخلو وراها بنات الإيمو ...
((ميشو لما شافت نارا بحركتها اللي خربت عليهم بسرعه قالت بصوت عالي
بما انو الكافتريا ساكتين بس يطالعونهم ...
-(ميشو :~ هذا اللي تقدرين عليه ياحلوووووه ...
((نارا جلست بالطاوله اللي جمب طاولة ليان وراكان ...
راكان ابتسم على نارا كيف هي طنيشه وتحرق دم الواحد ...
ريم طول وقتها بين فتره وفتره تلتفت على ليان ...
تحس بكره لها عشان كذا ماعاد تحملت فعلطول قالت بدلع :~
علبالي بريئه ومسجينه ومتحجبه ... وهي اصلا من ريال للريال ...
<~ تقصد صقر وراكان ...
((ليان نزلت راسها ولا ردت ...
((ميشو التفتت على ريم مستغربه مين تقصد ...
لما شافتها ميشو علطول شدت قميص ريمو بقوه وهي تقول :~
الظاهر تبيني اقص لج لسانج ...!!!
((راكان كان يدور مكان مريح ... بس هذولي صدعو له راسه وهم
واقفين فوق راسه ومزاحمينه هو وليان ...
-(مها صاحبة نارا من بنات الإيمو :~ هاهااااااي بالله انتي جم مشبكه مع بنت ..!!
عبالي سوبرمان البنات يا ... ((وكملت بسخريه :~ يامحمد ...
<~ مقصد مها بالأسم .. أول شي انو يليق على مشاعل اسم أولاد بشكلها ..
((ميشو التفتت على مها ... شوي الا وضحكت بصوت عالي :~
ههههااااااااااااااااااااي ... طالعو مين يتحجى ... اقـ...
((ميشو انربط لسانها لما طاحت عينها على راكان اللي جالس قدامها وهي موب منتبهه
الرتبكت ماتدري وش تقول ...
((نارا التفتت على الشخص اللي تطالعه ميشو وواظح على وجهها اللي تغير فجأه ..
دققت بالملامح شوي الا وعرفت انه راكان ...
نارا ماطاف عليها نظرات ميشو للراكان وواظح عليها التغير قدام راكان ...
مها ضحكت بصوت عالي :~ شفيج ... وين لسانج لا يكون بلعتيه ...
((ميشو ولا كأن أحد يحاكيها ... خلاص اذا قدامها راكان تنسى الدنيا ومافيها ...
-(بهاللحظه ليان قالت :~ مشاعل تعالي يلسي وياي __^ ...
((ميشو اختبصت أكثر ... عشان كذا قالت :~
لا خليها المره اليايه ...
((راكان لما حس انو ليان تعرف وحده مثل ميشو كشر ثم لف بيقوم ...
بهاللحظه دخلو فهد ومتعب وبرهوم ...
-(فهد بصوت عالي :~ ياليييييييييييييييييل الكافتريا وراها جذي زحمه ..
لا يكون فيه أحد ميت هني ولا هني ... تراني اخاف من الأموات ...
-(برهوم بصوت بنيه :~ يااااااي ...
-(متعب :~ اقول امش والله انك فاضي تنكت ...
-(فهد خش جو بالاستهبال ثم رفع يدينه :~ لا ياعمي انت روح ...
بعدين يقولون فيه وحده هني بالجامعه قتلت اخوها ... انا شيظمني حياتي ...
((نارا نزلت راسها لما سمعت كلامه ...
ميشو ابتسمت بسخريه على نارا ثم لفت بتروح لكن ليان أصرت :~
مشاعل تعالي وين رايحه ...
-(برهوم بصوت واطي :~ ياخي الدعوه كلها بنات بالكافتريا ...
-(فهد ابتسم بخبث ثم قال :~ انت تفكر باللي افكر فيه ..؟؟
-(برهوم غمز له وهو يقول :~ قدام وكلنا وراك ....
((وقف راكان وهو يقول بهدوء للصاحبات ميشو :~ ممكن شوي ...
((فهد وبرهوم ومتعب وباقي القروب .. تقدمو بدفاااشه على البنات
وهم يضحكون ... وقاصدينه يزاحمون البنات نجاسه فيهم ...
ميشو بسبب دفة فهد وباقي العيال طاحت على راكان بقوه ...
راكان ماقدر يمسك روحه الا وضرب ظهره على الطاوله من ورى ...
((راكان حس بألام فضييييييعه وهو حاقد على ميشو السبب ...
ميشو بسرعه التفتت عليه وهي تقول بخوف :~ سوري ماقصدت ...
((ليان حطت يدها على فمها بصمت وهي تأشر على ظهر راكان اللي طلع منه
دم خفيف.. شي طبيعي دام الحروق والجروح للحين مالتأمت ابدا ...
:~ د دد ... دم ...
((ميشو بسرعه وبميانه لفت كتف راكان وشافت الدم اللي على تيشيرته في الظهر ..
عضت شفتها بغضضضضب ... بسرعه لفت على فهد وباقي الشله ...
شدت برهوم من ورى قميصه بقوه وهي تلعنهم وتسبهم ...
فهد بسرعه بعد يدها عن برهوم وهو يقول :~ نعم نعم خير انشالله ...
-(متعب :~ هيه انتي مينونه ؟؟؟
-(ميشو وهي ماتحس على روحها :~ يالـ ##### ماتشوف ..!!! علبالكم الحين
ظريفين بحركاتكم هاي ..!!! .. شوف شنو ساوييت للصبي يالـ### ...
تفوه عليكم واحد واحد ... قلة حيا وأدب ... يالـ####
((نارا تقدمت من راكان وهي تقول :~ انت بخير ..!!!
((ميشو لما لفت عليهم انصدمت من نارا ليش تقرب راكان ...
حست يقهرررر عشان كذا دفت نارا بقوه برجلها وهي تقول بصوت عالي :~
ماناقصني الا انتي بعد تكملينها علي ......
((راكان رفع راسه رغم انه يتألم ... مستغرب حركات ميشو ..!!!
ومو بس هو .. كل اللي بالكافتريا انصدمو من كلامها وحركاتها ...
اللي يشوفها يقول هذي من جد تحب الولد ...
بس اذا شافو شكلها كيف بووووي علطول يبعدون فكرة انها تحبه ...
نارا ماتحملت هالإهانه ...
بسرعه دفت ميشو بقوه على الطاوله اللي وراها ...
ميشو بهاللحظه ماعاد تحملت احد يمد يده عليها او يتجرأ ...
بسرعه تقدمت بتظرب نارا بس البنات مسكوها بسرعه ...
((فهد وباقي العيال قامو يصفقون وكأنهم يشجعونهم على الطقاق ويشبون النار
بين نارا وميشو ...
ريم بقهر التفتت على ليان وهي تقول :~ انتي السبب ...
((ليان رفعت حواجبها مستغربه ..!!!
وش سويت انا !!!

 

[um-al.sa3af]

((راكان كشر بقرف من ميشو ...
رغم الأآلام اللي بظهره الا انه وقف ثم سحب ميشو بقوه وهو يقول :~ هيه هيه انتي
من اليوم وانتي موب طبيعيه ...
لا يكون صدقتي روحك من بعد الحريق ..!!!!
((ميشو حست باإهانه لها ...
-(بسرعه قالت بصوت عالي :~ انت هيه منو مصدق روحك ..!!!
عبالك انت أكبر همي ..!!! روح زين مناك ..!!!
((تقدمت من راكان ثم قالت بهدوء ومحد يسمعها غيره :~
لا تقعد تمن علي بالمساعده ...
لأن سبب وجودك الحين أنـــا ...
((استغفر اللــــــــــه ... المفروض ميشو تقول ..
سبب وجودك الله ثم انا ...
بس مثل مانعرف ميشو موب لم الدين ابدا ...
وانشالله ربي يهديها قريب ..))
((طلعت ميشو وقلبها يشب نااااار ... راكان ماعبر كلماتها الأخيره لأنه بالحقيقه مافهم
وش تقصد ...
نارا طلعت من الكافتريا ...
ليان حست ان الجو توتر .. ودها تساعد راكان بس موب من حقها ...
عشان كذا طلعت هي الثانيه بتلحق ميشو ...
شوي الا وطلعو قروب ميشو ونارا ...
((ميشو رغم هذا الا انو ودها ترجع وتساعده ...
ليان وراها :~ مشاعل مشاعل ...
-(ميشو بغضب وهي ماتدري انها ليان :~ نعـــــــــــم ...
-(ليان سكتت مرتاعه ... صقر بهاللحظه شافهم .. بسرعه جاهم وهو يقول
:~ لا تعلين صوتج عليها ...
((ميشو طفشت .. من اليوم وكل واحد طالع لها ويدافعون عن اللي معها ...
لما شافت انها ليان قالت :~ سوري ليان مادريت انه انتي ...
((مدت يدها ثم مسكت ليان وراحو عن صقر وكأن ميشو تقول
لا تسوي فيها فاهم المره الجايه وبعد عننا ..))
(( يزيد وهو توه طالع من محاظرته ...
قابل ريان ....
-(ريان بسرعه قال :~ شف .. انت أحسن لك تبتعد عن نارا ...
((يزيد ماعطاه وجه وكمل طريقه ...
نارا كانت جالسه بالكراسي اللي برآ ...
يزيد كان طالع وريان بس يمشي معه ويذب عليه هالكلام ...
لما طلعو ... ريان ماتحمل ومسك يزيد مع كتفه بقوه وهو يقول :~
انت تسمع ... قلت لك نارا اتركها .. لا عاد تطلع لها بكل دقيقه ...
انا عارف انك تحبها .. علبالك غشيم انا ..!!!
احسن لك بعد عنها ...
((نارا كانت قريبه منهم ... وقفت وراحت لهم وهي تقول للريان :~
أنت اللي شتبي كل شوي طالع بكل مجان ...
((ثم التفتت على يزيد وقالت بابتسامه :~ شرايك أعزمك على كوب كافي ..
بس سمول __^ ...
((يزيد توتر وعلطول التفت على ريان لا يكون حس بشي ...
ابتسم بتوتر ثم قال :~ ؤكي يالله ...
((ريان تنح موب مستوعب وش اللي يصير قدامه ...
((بجلســــات الجامعه ...
نارا وهي جالسه وتطالع كوبها وساكته ...
يزيد بعد توتره أخيرا قال بابتسامه :~ وين سرحانه ..!!
-(نارا بدون ماتطالعه :~ اللي محيرني ليش انا ماأتذكر شكلك لما كنت صغير عدل ..!!
-(توتر بقوه ثم قال بسرعه :~ انسي لا تفكرين بشي ...
((يزيــــد انت لازم تقول لها انك موب ريان ...
-(يزيد رفع عيونه عليها مره ثانيه ثم فتح فمه بيقولها انه موب ريان بس بهاللحظه
طلع عيهم ريان بقهر وهو يقول :~
انت هيه لا تلعب على البنيه ...
((يزيد اختبص بقوه مايدري وش يقول ... توقع انه انكشف ...
ومثل ماقالو اللي على راسه بطحـــــى ..... __^ ...
يزيد مارد وينتظر ريان يكشف الكذبه بنفسه وكأن يزيد استسلم ...
-(ريان سحب نارا من يدها وهو يقول :~ انتي مدري شلون تيلسين مع واحد كنتي تكرهينه ..
((نارا سحبت يدها بقووه منه وهي تقول بشر واظح بعيونها :~
آخر مره أسمح لك تمسك ايدي ... فاهم ...
((ثم لفت عنه ورجعت ليزيد اللي ماتحرك من مكانه ...
لما جلست قالت بهدوء :~ اذا يى مره ثانيه هذاك .. انت تفاهم معه ...
-(يزيد ابتسم وكأنه عجبه ثقتها فيه ... لما وقف عندهم ريان وقال بقهر :~
نارا شصار عليج ..!!
((يزيد ابتسم عالخفيف ثم قام بثقه كبيره ...
خاصتا انو يزيد جسمه يخوف شوي ... عريض بقوه وطويل ...
فصاير ريان صغير عنده رغم انو ريان عادي حجمه ...
بس يزيد اللي متعدي حدود الطبيعه شوي __^ ..
-(يزيد بثقه :~ تدل الباب ولا أدللك اياه ...
-(ريان مالقى وجه يزيد وقال بقهر كبيييير من نارا اللي جالسه ولا على بالها :~
نارا ... ردي علي .. فهميني ... انا ساويت لج شي ...
نارا هذا الحقير قال لج شي ..!!!
سمعتي عني شي ..!!!
نارا اذا سمعتي شي عني صدقيني انا كنت بقولج بنفسي عن المرض ..
-(يزيد وقف قدامه :~ خلاص أنا برايي تنساها ... البنت بنفسها ماعاد تبيك
ياخي افهمها وروح ...
((ريان بغضب من يزيد دفه مع صدره بقوه وهو يقول بعصبيه واظحه من عيونه :~
انت تبي تاخذها مني ..!!! لا ياعمي .. بأحلامك ...
((يزيد مسك يد ريان بقوه وهو يقول بهدووووء وتهديد :~ انتبه لحراكاتك .. صدقني موب من
صالحك ... اذا سمحت لك تمد يدك علي هالمره .. المره الجايه ماراح اسمح لك ... فاهم ..
((ريان :~ ياعمي روووح .. عبالك تخوفني جذي ..!!!
((ريان بهاللحظه تغيرت حالته ثم التفت على نارا وعقد حواجبه ...
نارا رفعت حواجبها باستغراب .. تو معصب والحين انقلب هادي...
ريان التفت على يزيد وهو ساكت ... التفت ثم راح عنهم ...
يزيد بلل شفايفه وهو فاهم حالة ريان بين فتره وفتره ...
وشي طبيعي للإنسان فيه انفصام شخصيه يصير كذا ...
-(يزيد لما جلس قال :~ سمعي نارا انا بقولج كل شي ... من طأ طأ على قولتهم..
الى السلام عليكم ...
بقول لج أنا مين وريان شنو فيه ...
وأعتقد انو لازم تتذكرين كل شي ...
صحيح ماودي أخسرج تعاملج اللطيف معاي بس الحقيقه لازم تكون واظحه ...
-(نارا حطت رجل على رجل ثم قالت بدون اهتمام :~ صدقني موب مهتمه أعرف ماضيي ..
((ثم ابتسمت :~ بس اذا مصر تقول لي أي شي .. قول لي اشياء تشبع فضولي...
مثل منو أهلي الحقيقين ..؟؟
(( بهالحظـــــــــــــــه يزيد من جد أختبص ...
انقلب وجهه مره وحده ... نزل راسه بسرعه وهو يحاول يصرف الوضع
اللي حطته فيه ....
نارا حست عليه بس برضو موب مهتمه شفيه ...
لفت تطالع اللي رايح واللي جاي ...
هالبنــــت لو يقولون لها بتموتين الحين أتوقع تقول يالله قدام..
عادي توقعو منها أي شي __^..
نو بربلم هالبنت ... ماخذه حياتها ايزي ...
((دق جوال يزيد ... لما طالع مين حصله أمه ...
ابتسم لنارا بتوتر ثم قال :~ دقيقه بس أكلم الأهل ..
-(لف شوي عنها ثم قال :~ آلو هلا يمه ...
-(أم ليلى :~ وينك انت ... أحنا بنرجع للسعوديـــــه ...
-انتو بالمطــــار !!!!
((ليلى قالت للأمها :~ يمه عطيني بكلمه ...
لما خذت الجوال قالت :~
وينك انت تستهبل ..!!!
-مابيننا استهبال .. <~ ويقول مايستهبل ...
-اقول يالله بسرعه تعال خذنا للمطار ...
-طيب بجي بعد شوي ... ؤف الله يعني عليكم ..انا مدري وش اللي مخليكم تجوون
اصلا عندي ...
-نحبك وش نسوي .. اقول اها بس وتعال لنا ..
-شوفي بس احسبي لي نص ساعه ... ربع ساعه عندي شغل الحين
والربع الثاني الطريق ...
-مسوي بيزي انت ووجهك الحين ..!!! اقول اها بس .. ترى طيارتنا بعد نص ساعه بس .. يعني مايمدي
لفلسفتك ....
-خلاص خلاااص خلاااااااااص بسم الله علي اكلتيني ...
بجي بس والله لو أدري انكم ركبتو مع تاكسي بحش رجلك انتي لأني اعرفك بتحوسين
بعقل امي ...
-ؤفففف طيب مسوي رجال يالله تعال وورنا شلون انت رجال ...
-اقول بلا هبل يابنت ... شوي بس وبجيكم ..
((سكر بوجهها لما حس انها بتطول السالفه ...
ليلى تطالع الجوال بقهر وهي تقول بصوت بينها وبين نفسها :~
شف النذل سكر بوجهي .. طيييب طيب انا أوريك .. مااااالت ..
انا مدري شلون بتتصبر عليه البنت اللي بياخذها ...
((من جهة يزيد .. التفت على نارا ولقاها مبتسمه بما انها سمعت كللل شي ...
-(نارا :~ مشغول ..!!!
-هاه أي ... بروح ... جان ودي أطول معاج بس ...
-لا عادي __^ ...
((لما وقف بيروح التفت عليها :~ طيب اذا ماعندك مانع ابي رقمك ...
-طيب ممكن سؤال ...
-أي تفضلي ...
-انت لهجتك موب امراتيه ... من وين ..!!
-(يالييييييل السؤال هذا اللي موب مفتك منه ابدا .... ابتسم يزيد ثم قال بتصريفه :~
تذكري عدل وشوفي انا من وين ...
يالله سلام ..
-بس ماعطيتك رقمي ...
-هاه .. أي صح ...
((بعد مانقلته رقمها راح ...
نارا وهي تطالعه من بعيد ابتسمت ...
"""""""""""""""""""""""

 

[um-al.sa3af]

((بعد الجامعه ...
جوجو دقت على طلال كذا مره ...
طلال حس انه طولها وهو مايرد عليها ...
-(بثقله المعروف :~ آلـــو ..
-(جوجو بسرعه قالت بضيقه :~ طلال شفيك علي ...
-لا عاد ... اللي يسمعج يقول هاي ماسوت أي شي ...
-قول لي بس وش سويت ...
-اذا انتي تحسين انج ماسويتي شي خلاص ماله داعي اقول أي شي ...
-..........................
-آلـــــو ...؟؟
-وياك ...
-شفيج سكتي ...؟؟؟
-ماعندي شي اقوله ...
يعني عارفه انج غلطانه من البدايه وان المقلب على قولتج مره سخيف ...
-.......................
-(بطفش :~ آلـــــــــــــــــــو ...
-وياك وياك ...
-يعني ماعندج أي شي ..؟؟
-طلال يهون عليك اللي تساويه فيني ..!!! والله انا موب فاهتنك ..؟؟
-مايحتاج تفهمين شي لأني انا بعدصرت احس اني موب فاهمج ابدا ...
والله شي غريب عالموبايل غير وعالمسـ.....
-(قطعت عليه بدون قصد :~ طيب أقدر اشوفك ...
-مشغول انا الحين مع الربع ...
-طيب احاجيك الليل ..!!!
-يصير خير ...
-....................
-(طلال من جد مل من صمتها كل دقيقه ... يحس انها موب هاذي اللي يحاكيها
بالمسن ...
اللي بالمسن فرفوشه وتوسع الصدر ..!!!
ليش تتغير عالجوال ..؟؟؟
-(طلال :~ تدورين شلون انا لو انتظرج تتحجين بيجي بكره وانتي ساكته ...
صج غريبه انتي ... يالله فمان الله ..
((سكر بقهر منها ومن صمتها كل شوي وضعفها وكأنها هي المظلومه ...
<~ وبالفعــــــــــل هي مظلومه __^ ...
$$ الله يهداااااج ياتوليـــــن <~ قلبت أمراتيه __^ وه بص وه $$
""""""""""""""
(( ليـــــــــــــــــــــــــــــــــــان ....
وصل لها مسج ... لما فتحته :~

استعـــــدي بعد ربع ساعه بيي أمرج ...

((ليان بضعف أستجابت له وراحت تتجهز ...
بعد نص ساعه وهم بالكافـــــــي بعد صمت طال بكل الطريق ..
-(صقر ابتسم :~ أنا عدلت كل شي .... البطاقات .. والزواج .. وكل شي ...
وحددت الزواج .... كنت ابي اشورج بس انتي الله يهديج موب معطيتني ويه
أحاجيج بالجوال .. ماتردين عليه ابدا ...
-.........................
-بس قبل كل شي ابي أسألج سؤال ...
-...................
-طيب .... بس انا بغيت اسألج ... انتي للحين
حاقده علي ...؟؟
<~ والبيــــــــــــــــه
-..........................
- أنا متأكد ان كل شي راح يتغير بعد الزواج ...
انشـ....
-(قطعت عليه وهي خايفه باللي راح تقوله :~ بس انت مانفذت لي شرطي ..!!
-(اختبص وهو بالفعل نسى شرطها الصعب .... بس هو شاك بفيصل عشان كذا قال :~
انتظريني بس بعد الزواج أتأكد من اللي انا شاك فيه ...
-بس ...
-صدقيني انا قد جلمتي .... انا اصلا شاك بشخص وماأدري اذا هو فعلا
يقرب لج او لا ...
-(رفعت راسها بلهفـــــــــــــــــــــــــه واظحه :~ منو ..!!! قول لي منو ..!!!
-(ابتسم بحنان على لهفتها الواظحه :~ لا تستعيلين ... انا توني ماتأكدت __^ ...
-(هزت راسها بسرعه وهي تقول بنفس اللهفه :~ عادي عادي قول بس منو ...
-(توتر لأنه موب متأكد :~ بس انا ماأقدر أعطيج أمل وبالأخير يكون غلط ..!!!
-(ليان من غير شعور مدت يدها ليده على الطاوله ومسكتها بقوه وكأنها تتوسل له وهي تقول
من قلب :~ الله يخليك قول لي منو .... بس قول لي منو بس ... تكفى تحجى تكفى ...
((رجلينها ويدها صارت ترتجف بشكل واظح ....
صقر جمد مكانه لما مسكت يده ... للدرجة انه ماسمع كلامها اللي قالته تو ...
موب مستوعب .... ملامح وجهه لانت للإبتسامه الحنونه وبس يطالعها
بدون مايقول شي ....
ليان حست بنفسها وبسرعه سحبت يدها .... تلعثمت ماعاد تدري وش تسوي ...
صقر ابتسم لها وهو حاس براحه في قلبه من زمان ماحس فيها ...
-(صقر بابتسامه :~ شفيج ..!!!
-(ليان نزلت راسها ...
-(صقر بجرأه :~ فديت أنا اللي يستحون والله ...
((ليان بهاللحظه راح وجهها وحست بحراره ترتفع بجسمها من
الشعور اللي تحس فيه وهو شعور الكرررره للصقر لا أكثر ولا أقل ...
وقفت وهي تقول بصوت واطي :~ ردني للبيت ...
(( لما راحت بتطلع بسرعه وقف صقر ولحقها ...
بالشـــــــارع وهي رايحه للسياره مسك يدها صقر بقوه وهو يقول :~
ليان انا اسف اذا كنت ضايقتج .... ممكن نرد داخل ..؟؟
((سحبت يدها برعشة توتر من قربه ...
بس صقر أعند منها ... مسك يدها بقوه ثم دخلها داخل للكافي وكأنه يقول
اذا ماكنتي تجين بالطيب اجيبك بالغصب __^ ...
((ليان انقهرت منه بس ماتقدر تقول أي شي وماعندها حتى الجرأه تقول شي ..
لما جلسو قال :~ بغيت اقولج زواجنا بكره ...
((رفعت راسها بسرعه وبصدمـــــــــــــــــــــــــــــه ...
هذا من جده ...
كذا من الباب للطاقه ..!!!!!!!!!
عقدت حواجبها بنرفزه منه بس برضو ماتقدر تعارض ...
ماعندها الجرأه الكافيه تعبر عن رايها ....
صقر ابتسم بخجل :~ ادري بتقولين شعنده هذا مستعيل ... بس تدرين
ان المفروض زواجنا قد تم من زمااان __^ ..
-ممكن نرد ؟؟؟
((صقر حس انه البنت مافي منها فايده عشان كذا قال :~ ؤكي يالله ..
((وهم رايحين للسياره ابتسم ...
حست عليه ليان بس ماقالت شي ..!!!
((لما رجعو ... تفاجأت من صقر لما طلع المفتاح وفتح باب الشقه ...
يعني هو أصلا عنده مفتاح ثاني من قبل ..!!!!
حست بالحقد اتجاهه أكثر بس ماقالت شي ...
((لما دلخت الشقه وقفت مصدومه من اللي تشوفه ..
الشقــــــــــــــه انقلبت مليون درجه من لما كانت فيها قبل كم ساعه ...
الأثاث غير ... كل شي غير ...
شي خيال صارت الشقه ....
ابتسم صقر ثم قال وهو قريب منها :~ شرايج ..!!! أصلح
مصمم ديكور عندي ذوق صح __^ ...
((ليان من جد انبهرت .... خاصتا انها ماقد شافت خير من قبل ...
حياتها فقر بفقر ... وفجأه تكون كذا ...
لا جد موب مستوعبه ...
-(صقر استغل الفرصه ثم قب منها أكثر وهو يقول :~
لعيونج مستعد أغير العالم كلها ... موب بس الشقه ...
((ليا نحست بقربه منها وهو خلفها ...
بسرعه راحت عنه ثم دخلت غرفتها وسكرت الباب ...
صقر انقهر منها ...
صك اسنانه بقووووه وهو موب متعود على الصبر للهدرجه ...
من جد بينفذ صبره يوم من الأيام اذا ظلت على هالحاله وبقسوتها معاي ...

$$ أهذا هو أسلـــــــــوبك كي تحببـــــها بكـ ..!! $$
فكل شيئ يأتــــــــــــــي بطــــــــــول البــــــــــــال صقــــــــر ..$$