تشوكليت
بعيوني غلاك
تسلمين ياقلبي
كبرياء ومهابة
... اكيد آنا حابه استفيد اكثر
الرسم كان هوايتي وآنا صغيره لكن مانميتها كلش .. السنه اللي طافت حبيت اردلها واشوف شنو اقدر اسوي بالرسم .. انضميت لمعهد الفنون التشكيلية بالجابرية والحمد لله مع اني ماخلصت ليمن الحين وماكنت منتظمه لكني وايد استفدت .. كافي الجو يساعد عالاندماج بالرسم .. حابه ارجع لهم من يديد وادخل على الفحم والزيتي والمائي آخر شي لأنه شوي صعب
مشكوره حبيبتي ويعطيج العافيه
حمام شاقني فنه .. حياتي رسمو عين الثعلب اول رسمه لي للبرورتريه علمني عليها استاذ ابراهيم ووايد حبيتها لأني بسرعه تمكنت منها وخلصتها بساعتين
رسمة العصفور ماحبيتها فا ماكملتها ما احب المساحات الكبيره واهوا بعد قال لي الرصاص متعب عالمساحات الكبيرة حلاتها صعنونه خصوصا لمن تكون اشكال حيه او بورتريهات
اما الاخيره .. هاذي سويتها بإشراف يعقوب الجيران .. وابراهيم عطيه .. انصحوني بخصوص الظلال .. ووايد استفدت
اكثر شي حبيته واستمتعت وآنا ارسمه باللوحه الاخيره اهي الحيه .. وايد حبيتها لأنها جمالها في شلون اخليها بارزه كأنها طالعه من الصفحه
بعد اكو بس بالكمبيوتر الثاني
تصدقين عندي صعوبة في الرسومات الهندسيه .. يعني التراث والبيوت القديمه ماقدرت اكملهم بسرعه مليت
حاليا ارسم رصاص مابديت فحم .. واستخدم المجموعه السوده نسيت اسمها من مكتبة السنافر .. استخدم منهم اتش تو .. واتش بي
خايفه ادش بشي ثاني مثل الفحم ليمن اتمكن حيل من الرصاص والظل
شتنصحين؟
ليش اتش ؟
انتي قوية بالرصاص مفروض مبلشه بدرجات البي ليش موقفه عند التش - !!
وبخصوص الهندسيات أنتي لوكنتي ماخذه دورة اكيد علموج عن الاساسيات الي لازم تحطينها نصب عينج لاجيتي ترسمين
يعني الدايرة وكيفية رسمها بحيث انه اي جسم دايري ممكن يصادفج بتكون عندج خلفية عن طريقة توزيع الضوء فيه
واذا صادفج شكل مخروطي يعني مثلا قبة مسجد همن بتعرفين شلون بيتوزعين الضوء و الظل ع اساس الطريقة الي دارستهامن قبل
وكذلك المربع
و المثلث و الاسطواني
شوفي تطبيقي للهندسيات
[/url][/IMG]
شوفي الشكل المخروطي الضوء ساقط عليه من الخلف ولاحظي انو الضوء متوزع على الشكل كامل ومن خلفه ناتج خط الظل خلصنا هندسه ضوء المخوطي
نجي المكعب
المكعب فالرسم يظهر من أوجهه 3 أوجه فقط من أصل 6 اوجه وفالاوجه ال 3 الظاهره نراعي انو وجه مظيء ووجه يتخلله الضوء ووجه معتم وهو الي نعكس منه الظل الواقع ع لارض
الشكل الاسطواني مثل المخروطي توزعين الضوءعلى جسمه اما الشكل البيضاوي الي على سطحه نشوف وين مركز الضوء ونظل على اساسه
الدايرة يكون الجانب المواجه لمركز الضوء فيها يكون مضيء ونراعي عند تلوين الظل وتوزيعه ان تكون حركه لايد على شكل هلالي _ شوو االصورة أعلاه وبتفهمون
الشكل الهرمي مثل شرح المربع من اصل 4 اوجه يظهر لنا بس وجهين والجانب منه يكون مظيء وجانب معتم ومنه نمد الظل الساقط أسفله
هذي هي الهندسيات مع الاداء بتكون جدا سهله فالرسم والتطبيق وتقولين مليتي على فكره الرسم يبيله طولة بال وصبر مع الوقت بتكونين متمرسه وبتخلصين رسمه بدقيقتين
وانصحج انج تبلشين فالفحم ايدج متمكنه فالدقه و التوزيع
موفقه
توني ادري انه في مثبت للاقلام
