تــــجـــمــع عـــرآآآآيــس شـــــهــر 1

[أشــواق]

سوووووسه انا حق البشره مدحولي قنال حييل
اما الشعر عالجت عند دكتور عادي وخذيت منه انبولات رووووووووووووووووووعه

 

[تبطي عظم!]

بوحمره ولا شيء رفيجتي عروس معالجه عنده ولا كأنها مسويه ابشرتها شيء

احسن دكتوره جلديه نوره الصليلي عالجت عندها بشرتي وااو تهبل بس الاثار الورديه باقي

وقالتلي يروح بالتقشير سويت جلسه بعدين خقيت وماكملت لاني خفت

قالتلي خلاص سوي التقشير الماسي لا الاول كان الكريستال بس هم متخوفه وماودي

الشعر امممم بنات شوفي جدول عنايتي بشعري وربي فضيع بالصفحات الي فاتت

 

[احلى سوسة]

اشووواااق صاجة والله بعد العيد احسن انا ابي دي جي انشالله بس للحين مادري منو للحين
تهقين اروح حق قنال يعني :gr4uu:
وبسألج شنو الامبولااات لاننة شعري انتهى كاااااااااااااك

 

[يا درب ما اصعبك]

رد : تــــجـــمــع عـــرآآآآيــس شـــــهــر 1

والله مدحوها لي بنات الله يهديهم

سوالف دكاتره تقشير وعوار قلب وبعدين بترجع نفس ما كانت

<-- كذا مره تعالج عند دكتور

وانا راضيه بالحبوب بس مابي اثرها يتعب النفسيه


وبالنسبه للعنايه سويت برنامج حمامات مغربيه بس امي حلفت علي ووقفته لي بعد العيد وعنايه بالشعر بصراحه عجيب

وبالبيت استعمل سنفرة كاب والصابونه التونسيه

والماسكات احط روب ونشا وماي ورد وليمون

وشاريه من حواج قوالب الثلج مبدئيا لا باس فيها بس بعدين اقولكم النتيجه

وبصراحه يابنات استعمالي مو استمرار يعني راعية هبات

وشاريه ماسك من الجمعيه عجيب يا بنات ليمون بالكولاجين

امممممممم

وبعد

 

[تبطي عظم!]

قنال لالالالالالا

مو حلووه والله تلعب ابشرتج

انا شايفه وحده بشرتها كلها حفر كانت تعالج عند قنال الصايغ

وربي كلش مو حلوه

عندج نوره الصليلي ودلال التركيت عن تجربه شخصيه انا الي اكلمج مجربتهم

دلال غاليه علشا جذي رحت لنوره ارخص بس وربي نفس المستوى ثنتينهم

 

[احلى سوسة]

انا محتارة الحين بين قنال ونوره شكلي بروحلهم كلهم واشوف منو احسن

 

[أشــواق]

سووووووووسه انا عالجت عند دكتور بس كان مراحل يعني اول 3 اشهر بخاخ وبعدها انبولات

بس الانبولات نفعت من اول حطتين وهذي اسمهم واسألي الصيدلي عنهم معروفين حيييل
هذا اسمهمphytocyane

سعرهم21
واعشاب طبيعيه يعني ماتخافين منهم ومنتج فرنسي


تبطي قنال انا شفتها على بنت عجيبه بشرتها

بس شوفي هالدكاتره موشغله زينين او شينين السالفه كلها ترد على طبيعه بشره البنت
وحده عالجت عند دلال تقول ديرو بالكم منها وجهاا للحين ملتهب لونه احمر وقنال بنات مدحوها وهم بنات مامدحوها

يعني هييييييييييييك وهقه

كل وحده وبشرتها حظج ونصيبج لؤؤل

 

[احلى سوسة]

ما قصرتي تبطي عظم خلاااااااص نووووره انشاالله :blueSmCLR:

 

[احلى سوسة]

لووووووووووووووول الله يستر عاد البشرة تنطق مشاكل ههههاااي
يعطييييييييييج الف عافية اشووواق ماقصرتي باجر بشوفهم انشاالله

 

[الليدي...عمشه]

مرحبا

انا اليوم خطبتي تمت وقالوا احتمال شهر واحد

احس ماكو وقت وانا مهمله نفسسسسسسسسسي حيل

شنو ابدا فيه ؟؟؟
منو جربت ماركة كلينك ؟؟اختي بيضه ماشاء الله لا اله الله عليهم بس بشرتها جافه استعملت من عندهم تونيك وغسول ومرطب لبشره حيل حلو صارت تروح زوارات بدون كريم على طول اتمكيج وبشرتها الي يشوفها يحلف انها حاطه كريم
بس ابي اعرف شرايكم اجرب منهم كريمات تفتيح الاماكن الغامجه او اسوي خلطه سودو وفكس وزيت لوز المر مع الخلطه الصابونيه ؟؟

 

[أشــواق]

احلى سوسه فديتج والله حاضرين ولو..
الليدي عمشه الف مبروك فديتج

ولاتحاتين يمديج بلشي من الحين

والاماكن الغامغه استخدمي لها كريم ايدوكين انا استخدمته حق البكيني والركب شي موطبيعي

والخلطات مامنهم فايده بس مضيه وقت <<<<<<<ياكثر ماجربت خلطات

 

[الليدي...عمشه]

ايدوكين <<< وين مكانه ومتى تبين نتايجه ؟؟وجم سعره ؟؟

لان عندي مكان غامج من الشيره بايدي ومت ابي افتحها ما قدرت توقعين عادي استعمله عليها

 

[تبطي عظم!]

الليدي عمشه

الف مبروك
حبيبتي بلشي عنايه في وقت

ــــــ

اشواق
والله ما ادري يمكن..

احلى سوسه استخيري وتوكلي على الله

 

[تبطي عظم!]

ايدو كين شنو هذا مقشر

 

[أشــواق]

الليدي ايدوكين من الصيدليه وماادري كم سعره الماما تجيبه حقي بس ماجيكت على السعر
روحي على الصيدليه وسأليهم اضمن لج
بس الدكتور قاله هذا مضمون كل كل مكان اسمر

 

[الليدي...عمشه]

تبطي عظم

الله يبارك فيج بس توترت حسيت كل شي صار بسرعه

 

[أشــواق]

لا كريم عادي مافي كرتزون ولاتخافون سوو عليه سيرج وشوفي شنو يقولون عنه
انا جاب معاي نتيجه خلال شهر والسمار مارد كلش الركبه والاكواع صار لونهم طبيعي
ومنطقه البكيني اللي كنت مستبعده انه لونها يتغير بس تغير حييييييل فرق عن قبل

 

[تبطي عظم!]

بجربه ان شاء الله

الليدي عمشه

عادي حبوبه كلنا نفسج تحسين مو ابالج فجأه صرتي عروس ههههههههههه

 

[الليدي...عمشه]

باجر بروح الافنيوز الصبح وبروح كلينك بالاول واخذ من عندهم سوالف مجموعه العنايه اليوميه وبمر صيدليه بوتس وباخذ لي كريم حمايه وكريم ايدوكين وبمر الحواج<<<لابد منه
وباخذ اغراض الخلطه الصابونيه لانها خلصت من عندي

وشعري انا مركبه برستيج دايم اذا شلته بعد العيد ابلش عنايه بس ضايعه بين زيت الحشيش او الصبار ؟؟؟

 

[≈ ω ђ ṃ]

رد : رد: تــــجـــمــع عـــرآآآآيــس شـــــهــر 1

بـآآآك قووي

الحلووه

توني رديت من اوتاد

شريت م العربيه للعود مسوين تنزيلات شريت عود ازرق 5 تولات بـ 269 دينار وعطاني هديه 6 تولات

وشريت مخلط ديوان الشرق سعره بـ 100 بعد الخصم خذيته بـ 50

وشريت عطر woody هو 28 بعد الخصم بـ 14 بس مووو صج ريحة المخلط والعطر كل شوي اشم عبايتي

والبخور روعه روعه روعه روعه

يهبل امي شرتهم لي فديتها يعني هدية عرسي ياحبي لها ياناس

ورحت لاسنزا وشريت بجامتين وطقمين

<<< هذي الي ناويه توقف تجهيز برمضان هههههه

وربي شفت التنزيلات ماقاومت

وبث

زين والله


في اشياء لا حصلتيهـآ بوقت سيل مآتنطوف ~


آهم شي السيل للعروس يعني نص السعر مو هين ~


ربي يبآرك لج بالي شريتي وتكونين آحلى عروس ~


:eh_s(21):