تـــعالي عندي دشي موضوعي : دعيتي و ما استجيب لج وانهرتي ؟! دشي ونفذي كلامي بالحرف ☺

[غرووورالبدر]

مشكووووووره اختي الفاضله وعسي ربي يسر اموك كلهااااااااا وكل امورنا يااااااااااارب

 

[Horror Lady]

جزاج الله خير
والله وايد استفدت من كلامج
شكراااا جزيييلا

 

[Vous jamais]

جزاج الله خير يا الغالية

موضوع قمة الروعة

 

[:حضرية واجد:]

وجزاكن خير الجزاء يااارب

رفع للفايدة باذن الله ..

 

[:حضرية واجد:]

للرفع للفايدة

سبحان الله

 

[مرمر الدياحين]

جزاج الله الف الف خير والله استفدت من كلاممجج حيييييل الله يوفقج ويحققلج اللي تبينه اذا كان فيه خيرة لج واذا كان فيه شر لج ربي يبعده عنجج والله يعطيج ع قد نيتج حبيبتي ❤

 

[إستبرق*]

حطيته بالمفضله وبرجع اقراه

جزاج الله خيير ،،

 

[7andoosa]

جزاك ربي خير حبيبتي

 

[Royof]

جزاج الله خير

الله يحقق لنا امانينا و يجبر بخواطرنا

 

[ليان ليون]

استغفر الله واتوب اليك

 

[محبوب قلبي]

جزااااك الله كل خييييييييير

اللهم اجعلنا ممن يستمعون القول فيتبعون احسنه

 

[نـعـومـه]

ماشاءالله عليج كلامج واااايد واااايد مريح وصج يه بوقته وبحاجه لهالشي



الله يوفقج ويهنيج يارب ويارب يستجيب دعائنا

 

[^البارونه^]

اللهم صل وسلم على سيدنا محمد وعلى ال محمد

يارب يااااااااااا مجيب يامجيب يااااااامجيب يا ودود يا عظيم يا ارحم الراحمين

يا رب اسالك ان ترزق اختي الغاليه خير خير خير ما تتمنى من قلب صاااااااااادق و هذي اخر ساعه بالنهار

والصائم دعوته مجابه حتى يفطر

وصل اللهم وسلم على سيدنا محمد وعلى اله وصحبه وسلم

​

 

[:حضرية واجد:]

ولج بالمثل واضعاف اضعاف ما تتمنيلي
احلا شي ان قعد اشوف قلوب تنشري بماي العين سبحان الله الابتلائات فيها فوايد لو تاملناها جان شفنا خير
فديت قلبج يالبارونة يشرفني ومفتخرة فيج وايد صج قلبج ذهب ووايد بنات ربي يشهد قلوبهم ذهب

الله يبشرج بكل الي تحبينه ويكتبلج الخير وين ماتروحين ويعطيج كلشي طيب بهالحياه

بنات ملاحظة مابي ابخل فيها عليكم : اذا يالج الشيطان من باب ان الامور ممكن تتعسر
( تذكري قوله تعالي : وما كان الله يعذبهم وهم يستغفرون ) مستحيل يعذبج و يعسر امورج سبحانه بشي فوق طاقتج دامج تستغفرين من قلب وتجاهدين روحج عن المعاصي !

سبحان الله القران واضح و كلام الله ما ينشك فيه ووعود الله الشي الوحيد المضمون

نصيحة للي تحس قلبها مهتز وسمعي نصيحتي لكل وحدة متأزمة : خصصي وورد القران مو اقل من عشر صفحات قبل لا تقرين :
ممنوع تفكرين بمصيبتج
ممنوع عليج تقرين اي كلام جذي بتخلصين

ليش اقولكم جذي ؟ لان القراءة بتدبر رح تدهشكم في شغلات ربي يدزها للعبد امور بين السطور مثل مانقول ! في ادعيه بالقران لو تمعنتي فيها رح تنصدمون
في رسايل خاصه هذا كل الي اقدر اقوله مارح تلقاهم الا الي تقرا بتدبر وتنسي همها وتنشغل بالقران

سبحان الله وبحمده !


احبكم في الله يا اغلي خوات وربي يكتبلكم الخير دوم

 

[brettey]

الله ينولج مرادج حبيبتي موضوعج روووعه بس العمر يمشي واحنا لازلنا بانتظار امنياتنا وغيرنا عاشوا وتمتعوا تهنوا بلي يبونه ياهم الشي بارده مبرده من غير دعاء وان دعوا بسرعه اييهم وعندهم معاصي. تلاقينها مو متحجبه او تسمع اعاني مثلا او او او الخ واحنا ندعي ندعي ولازلنا ننتظر عمرنا راح على الصبر استنفذت كل وسائل الدعاء كل شي بغوغل ويوتيوب وهذا احنا ننطر وننطر وملينا من الانتظار العمر يمشي ما ينطرنا عز شبابنا يروح واحنا ما تمتعنا بامنياتنا واهي كلها حلال مو قاعدين نطلب شي حرام

 

[:حضرية واجد:]

^ حياتي بريتي لا تعترضين علي حكمة الله
وهذا الشيطان يوسوسلج .. هذي ارزاق من ربج
مو شرط متمتعين بالدنيا وطلباتهم مجابه بدون دعاء دليل رضا !
منو احسن عندج الله يستجيبلجً كلشي بسرعه و يغضب عليج وانتي عاصيه !
ولا تنطرين رزقج ييلج بس بشوية صبر زائد تكسبينً شي افضل افضل من الدنيا وامنياتج
الي اهي الاخرة .. فكري فيها حبي باي وقت ممكن نموت ماتتخذين معاج الاًحسناتج
لا تتعبدين عشان حاجاتج ولا تقارنين روحج بالناس هذي ارزاق الرحمن يوزعها بقدر اهو عارف شقعد يسوي وشكثر يعطي
مو معناها مالج فرج وترا الشيطان يوسوسلج شمعني انتي غيرج يبوق يجذب يحش وكلشي ايييله الخً اسطوانة عتيجة

اقري موضوعي عن وساوس الدعاء وعلاجها ب٣ ايام .. انتبهي تقارنين حالج باحد اولا حرام
ثانيا وسوسة شيطان تؤدي الي التسخط ومن سخط له السخط !
ثالثا انا شخصيا ماشاء الله قناعتي تغيرت حياتي غيري قناعتج
ليش تشوفين صبرج شي مو زين ؟
ليشًً ماتفكرين بالاجر الي ييلج ؟
بيقولج الشيطان ( مابي هالاجر ) ! > هذا وسواس قهري عالجيه

بلشي صح حياتي فصلي عبادتج عن انتظارج للفرج هذا شي وهذا شي لا تعبدين الله بمقابل

ثالثا السعاده وتحقيق الاماني مو متوقفه علي عمر

واخيرا لا يغرج فلانة شعندها وعلتانة شتملك واهي مابقي معصيه ماسوتها الافضل انشغلي بنفسج
وراوي ربج انجً راضيه فعلا مو تمثيل فعلا اقتنعي ان كل انسان له رزق وان ربج يحبجًاكثر منج وعارف لو بسط لج الرزق جان طغيتي بالارض و دشيتي النار
اهو عارف شكثر يعطيج ومتي ولاً تحاتين ( ولسوف يعطيك ربك فترضي )

صبري كلشي بقدر عند الرحمن
بالنهايه الدنيا فانية و باي لحظة ممكنً نموت ! باي لحظة يخلص عمرنا تخيلي نموت واحنا مو راضيين عن ربنا ! اعوذ بالله
نموت واحنا نتحسر

حبي عيشي حياتج طلعي تونسي اهتمي بجمالج بنفسج وتعبدي لله من اجله
منو قال ماتقدرين تعيشين ؟
منو قال ماتقدرين تتمتعين ؟

طالعي الي اقل منج رح تحمدين ربج ورحً تخجلين
احنا نتقلب بالنعم ليل نهار

غيرج فقد عياله وماتو وفيه من فقدت ريلها ومات وترك برقبتها ايتام واهو بعز شبابه سبحان الله
غيرج ليل نهار بالمستشفيات تتقلب وسط امراض مستعصيه
غيرج ماعنده يشتري يترس ثلاجة بيتهم
غيرج انحرمت من اطفالها ظلما
غيرج مسحورة والعياذ بالله
غيرج اسوأ من وضعج

وقلوبهم تردد ( الحمدلله ) ما تشكو ما تذمروا
ناطرين الفرج

حياتي بريتي الدنيا كلت قلوبنا
جربي منتي خسرانة اعبدي ربج من اجله فقط
وتمتعي بكل النعم الي متوفرة عندج
نعمة استقرار نعمةً امان نعمة وجود ام وخوات
نعمة وجود رفيجة

نعم واااايد

طلعي استانسي وادعي وثقي بالله واحسني الظن و اعبدي ربج وتمتعي
والله الرزق لي يا يجي مرة وحدة
وابشرج عظم الجزاء مع عظم البلاء
كل مايطول صبرج الجائزة عظيمة
كل مايطول همج الاجر كبير
شتبين اكثر

مسكين الي ربي ما ابتلاه وقعد يحقق له امنياته بسرعه الله يغفرله

بزمن واحد من الانبيا او الصحابه ماذكر بس كان في ريال ياي ومفتخر يقول ماعمري طلبت
من ربي شي الا عطاني ياه و قال بعد بفخر حتي ان عمري ما ربي ابتلاني!

فرد عليه النبي او الصحابي بتعجب : وقاله ان لا تستانس هذا شي مو زين ! بالعكس هالشي كارثة

لان المؤمن اذا مرت عليه ٤٠ ليله وما ابتلاه ربه بشي لو بسيط لو شي تافه فهذا لازم يراجع نفسه !

مو كلامي كلام رسولي حبيبي صلوات الله عليه

بريتي انا ملزمة عليج تدشين موضوع الوساوس الي تصاحب الدعآء

تخلصي من الوساوس يا اختي مايصير جذي لا تقتلين عمرج بعمرج
عيشي ياقلبي وانطري الفرج بدون ماتضغطين علي روحج

جد ملزمة عليج تدشين و تطبقين الخطوات انتي ابخص بوساوسج لا يتمكنون منج بعدين يسير صعب التخلص منهم

و عسي ربي يرزقج ويحقق لج كلشي فيه خير لج يااااارب

 

[brettey]

بعد عمري ماقصرتي وموضوع الوساوس قاريته مره ومرتين وثلاث بس تعبت تعبت جنه الفرحه محرمه عليي اقسم لج بالله من سنه ٢٠٠٨ لي يومج ما مر عليي يوم حلو ما مرت عليي فرحه كبيره تغسل جبدي ومن ثلاث سنين لي يومج وانا المصايب تنهل عليي الوساوس ذبحتني خلاص مو معقول مو معقول بتقولين الانبياء عليهم السلام ربنا ضمن لهم الجنه لكن احنا مايندرى عالاقل نبي نستانس والله همومي تهد جبال الي الكل يقول بريتي انتي طيبه شفيج مو مترقعه اووووفر لكن شقول ماقدر اتكلم مابي احد يتشمت اقسم بالله الامان معدوووم معدوووم عندي اصعب شي لما تكونين مو مستقره بحياتج وماعندج شي تستندين عليه يحسسج بالامان جذب الي يقول الفلوس وصخ دنيا من بعد الصحه والعافيه الفلوس اهي الي تييب الراحه عالاقل ماتنذلين لفلان وعلان حسبي الله ونعم الوكيل والله اكتب وانا ميته بجي

 

[:حضرية واجد:]

حياتي تعوذي من الشيطان بلييييز لا تبجين روحي قومي الحين الحين
تتوضين وتسجدين سجدة طويييييييييييييييله ابيج تفضفضين كل الي بقلبج لله

بعدها روحي دشي حملتي توني حاطة الموضوع و لازم تشتركين

اهني احنا خواتج .. و بنساعدج

تفكيرج كله لازم تغيرينه
الفلوس مو كلشي لانها تروح وتيي ( الوساوس ) مستحيل تروح اذا انتي ما اذنتي لها بالرحيل !

مارح تتغيرين الا لمن تنوين التغيير ..

دشي الحمله مارح نخليج و بندعيلج معانا جن داعيين لروحنا


ويهج تغسلينه الحين و تروحين تسجدين مثل ماقتلج وفضفضي لربج الحنون ..

يلا اشوف روحي الحين نفذي و سبحانه مفرج الكروب عارف متي الفرج وشلون وباي طريقه

لا تردين ع الشيطان ( تجاهل / تطنيش / الانشغال ) انصحج تنشغلين بالاستغفار
ممنوع تردين او تناقشين الوساوس ممنوع تردين عليه وتأيدينه ممنوع ..


اليوم جمعه حبي لج ساعه مضمونة تسالين الله اي شي يجاب لا تفرطين فيها ..

وابدي من جديد .. وترا مو منج كل هالتفكير من الرجيم و مارح تأثمين باذن الله

اهو يوهمج ان انتي انتهت حياتج ..

بالنسبة ان مامر عليج يوم زين حياتي كل الناس عندهم نعم .. حتي المبتلا ونعم لا تعد ولا تحصي تستوجب الشكر ولا اشرايج ؟

 

[brettey]

بعد عمري الله يجبر بخاطرج حضريه واجد عسى ربي يبشرج بكل امنياتج ويعوضج بفرحه تغسل جبدج والله خنقتني العبره الله لايحرمني منج والله مابي اغثج بس مو بايدي محتاجه افضفض

 

[:حضرية واجد:]

واي صج نسيت اقولج شي .. بخصوص كل الانبيا ربي ضمن لهم الجنة .. صح كلامج

بس ربي سامح سيدنا موسي لمن قتل نفس بدون قصد !
و قال عن سيدنا يونس بما معناه ان لو ما سبحني ببطن الحوت جان ظل ببطن الحوت الي يومً يبعثون !

شرايج بواحد ماتو عياله و خسر ملايين الدنانير و صابه مرض غريب نادر سبحان الله لحم ويهه يطيح
و اهله وربعه الي قبل يحبونه يتشتمون فيه ؟ و يقولون عنه اكيد سواله مصيبه من جذي الله معاقبه ومبتليه
تخيلي اعز ناسه يقولون عنه جذي ؟

ولااااا بعد الناس ما تزوره يخافون يعديهم ! نبذوه وينحاشون لين شافو
وزوجته تخدم بالبيوت .. و طردوها الناس خافو تيبلهم مرض زوجها !
عقب ماً كانت انسانة غنيه والنعمة مبينة عليها !

شفتي هالسالفه ؟ ماعتقد احد يتحملها مو ؟ ماعتقد همومنا وصلت لهالحد صح !

شرايج بهالانسان الي صابر علي هالمصايب الي ذكرتهم ٢٠ سنة شتقولين عنه ؟

٢٠ سنة او اكثر صابر ؟

تخيلي هالسيناريو صار لسيدنا ايوب عليه السلام ! تخيلي منو يتحمل ابتلائاتنا تافهه

و انتبهي لا تتسخطين حياتي ارضي يرضيج ربج ..

الانبياء صح الجنة مضمونة لهم لكن سبحان الله ربي يبي يورينا شلون صبروا وتعبو ونالوًوبعضهم ظلم نفسه ثم عاد واناب لانهم بشر بالنهايه حتي وانًكانو معصومين سبحان الله سبحان الله كل هذي عبر
وترا انبياء الله بشر تحملو هالامور عشانا احنا البشر الضعاف الي حتي ايمانا ضعيف !

شوفي قصص القران كلها معجزات .. و سبحان الله اي واحد ربي يبي يعطيه احر عظيم يصب عليه البلاء صب او ما يعطيه طلبه بسرعه

يا بريتي ياقلبي لازم توقفين وقفه مع نفسج لازم تغييرج يكون من داخلج ..

كرري : ربي اشرح لي صدري
ويسر لي امري
واحلل عقدة من لساني يفقه قولي