تـــعالي عندي دشي موضوعي : دعيتي و ما استجيب لج وانهرتي ؟! دشي ونفذي كلامي بالحرف ☺
السلام عليكم ورحمة الله وبركاته ..*
شلونكم حبيباتي وخواتي
وشخبار النفسية ؟! =]*
طبعا من بعد ماشفت الناس نفسيتها تعبانة ومرهقة من الهموم والغم والمشاكل قررت احط هالموضوع صدقة جارية عني لوجه الله تعالي بعد تفكير عميق وعقب ما شفت الحالة النفسية السيئة للبنات الي يئسوا من رحمة رب العالمين او تمللوا من اعظم سلاح يقدر يغير القدر ويسعدهم اذا اهما استخدموا صح الي اهوا :*
{ الدعـــآء }*
تعرفون شنو يعني سلاح ناسف !!*
تعرفون شنو يعني اقدرون تغيرون قدركم فيه؟
الي ربها كتبها عقيم بالدعاء يكتبها ولود..!!*
الي ربي كتبها عانس بالدعآء ربي يكتبها متزوجة ..!!
الي ربي كتبها تموت بمرض بالدعاء ربي يكتبلها الشفاء ..!!
والي والي والي والي ... امنيات كثيرة*
يتمناها القلب ويسعد بها البني ادم وتحقيقا عن طريق شي اسمه { الدعاء } ..!!
منو فينا ماعندها حاجة منو فينا ماعندها رغبات وامنيات اهي باعتقادها الانساني وفطرتها تعتقد انها شي { مستحيل } ..!!*
لكن اهيا عند ربكم ولا شي .. بل هي شي تافه جدا علي الرحمن الرحيم المجيب القريب السميع !!*
بنات الله يعلم انا حاليا نفسيتي تعبانة حيل حيل حيل وكل يوم بحال يانة علي روحي وميننة اهلي ورفيجاتي .. حيل متضايقه لان لي احتياجات ولي رغبات حالي حال كل البشر .. ومرح اتكلم عن خصوصياتي لان انا اكلم بس ربي وماحب اشكي لغيره ..!!
والي بتدعيلي بقضاء حاجتي الي بنفسي عاجلا جزاها الله الف خير ?*
المهم خل اكلمكم واوصف حالتي الي يمكن اغلب الناس تمر او مرت فيها لمن يصيبهم ابتلاء من رب العالمين ..
كنت يوم فرحانة ويوم زعلانة وشوي ابجي بكثافة وانهار علي سجادتي ، وشوي ادمع واستسلم وامل وانام واصحي علي كدمات زرقا كلها من الهم والحزن ..
لغاية ماقلت ستوب يابنية قومي تلاحقي روحج خلاص كافي كافي مافي رجوع الي متي كسل ونوم ..!!
الي متي وانا علي هالحزن والهم والغم باستمراري بالدعاء والاستغفار انا افوز بكل الاحوال ، بس باستسلامي انا اخسر كلشي ..!!*
انا انسانة ما امدح بحالي لكني صاحبة مبدأ و اغير بنفسي دايما الشي الي اجوفه غلط .. ربي حبيبي اهوا انعم علي بهالنعمة الف شكر وحمد لك يارب *:*
كنت افكر اني انا اقدر اتغير ، وابدل سلبياتي واعترف بغلطي للناس ليش ما اسوي جذي عند ربي من باب ان اهوا اولي من هالبشر .. انا احب ربي احب اطيعه ..*
قررت اني رح اكافح علشان اوصل دعائي ، قررت اني ألح بدعائي ، الله يحب العبد اللحوح ، قررت اني ما انهار اذا تعقدت اموري ، قررت وعزمت وتوكلت علي الله الواحد القهار ..*
*انا مشكلتي كانت اني ابي دعائي يوصل لربي .. لمن افكر بذنوبي الي كل الناس ممكن ترتكبها ويمكن يشوفونها عادية ، بس انا قررت ارضي ربي احبه وابيه يرضي عني مو بس عشان يستجيبلي لالالا ، كنت ابي اتغير عشان حياتي تتغير ونفسي تتغير ، معاصي وذنوب ارهقتني مثل اني اسمع اغاني اطلع من بيتنا ممكيجة ، احش وابرر لنفسي اني قاعدة اذكر الحقيقة عن الناس لا اكثر ، تبت ولله الحمد لاني عرفت ان ثلثي عذاب القبر بسبة الحش والنميمة ، كنت تعبانة نفسيا وجسديا تعبت ابي ارتاح واكون سعيدة هجرت وايد من المعاصي الي كنت اسويها واغلب البشر يسوونها *: نميمة - تاخير صلاة - اغاني - تبرج - غيبة - صريخ علي الكبير ومهاوش مع الوالدين - وغش وكلشي يسويه البني ادم الجاحد الي يعصي ربه الكريم ويستمر .. لكن انا خلاص عقلت وربي هداني وعرفت افكر ان مهما اشوف المعصية صغيرة فاهيا ممكن تمنع ربي حتي يستجيبلي ويفرحني ويسعدني بحياتي *.. وتغضب ملك الملوك ..!!*
تعرفون شنو سويت بنات عقب ماهجرت المعاصي الي البشر يشوفونها عادية ؟!*
ماوقفت دعاء رغم استحالة بعض طلباتي ورغباتي وللحين ماتحققلي الي ابي علي فكرة ولا حتي ذرة منه تحقق ولا حتي شفت رؤبا او اي بشارة اللهم يدتي حلمت فيني حلم حلو والحمدلله ، لكن انا شنو استفدت ؟؟!!
زاد يقيني بالله زاااااد حيل حيل حيل قمت اشجع اي وحدة القاها بطريجي مهمومة ، اي وحدة اشوفها ياست اساعدها واشجعها ترجع للدعاء وما تمل*
ترا ( السر باليقين بالله ) ..!!*
دعاء مستمر مستمر مستمر بدون انقطاع .. ودايما أمنو علي دعائكم بالصدقة وبقراءة صفحة او صفحتين حتي من القران علشان يصعد للسما ويكون يأمن ..!!،*
النقطة الثانية والمهمة عشان ربي يستجيبلج انتبهوا معاي و بطلو اذانيكم عدل مدل :
اتقي الله يا اختي بنفسج هذبيها علي قد ماتقدرين : جذابة بطلي جذب / نمامة بطلي تنمين / تحشين استغفري ربج وادعي للي حشيتي فيهم عشان ربج يحللج / تسمعين اغاني بطلي الاغاني ترا مرح تفيدج بشي ابدا غير انها بتخلي ربج زعلان منج والدنيا ماتسوا ورب العالمين زعلان منا ..!!*
النقطة الثالث :
الدعاآء لا توقفين مهمن صار .. لو تنقلب الدنيا لا توقفين تعقدت امورج بالشي الي تبينه .. لا توقفين خلاص كلشي اخترب وماكو امل لو 1٪ لا توقفين .. خلاص السالفه صارت مستحيلة لدرجة ما يتقبلها العقل لا توقفين استمري حييل قاومي وقومي فزي ادعي بثقة اكبر ..!!*
اصري اصرار شديد علي ربج ان يعطيج رغبتج .. اصري وادعي بكل وقت ادعي من قلبج ادعي حيييل ذلي روحج حييييل .. ورح اعلمكم شلون تخشعون واذلون روحكم علي قد ماتقدرون لين ما خلاص توصلين لدرجة من الخشوع تخليج مبتسمة ابتسامة خطيرة
الي اهي ابتسامة *اليقين والثقة بان دعائج رح يستجاب
{لان الدعآء يستجاب اذا خشع القلب مثل ماقال احد السلف الصالح لمن قال لمجموعه من الناس انا اعرف متي يستجاب دعائي فاهما ينو من ثقته وقالوله شدراك قالهم : اذا خشع القلب *..}*
- تعلمي اداب الدعاء الي ماعتقد احد غافل عنها ومايعرفها مع ربج النت متروس طبقي مو بس تقرين .. !!
- توضي وادعي كل ما يأستي من الاستجابة كل ماتعقدت الامور قومي لا تبجين ولا تستسلمين ترا الاجابة قربت ، قومي فزي ادعي الاجابة قربت انتبهوا كل ماحسيتوا بهالاحساس معناها قرب الفرج لا تقولون ماقتلكم *..
- *طلعي حوشكم او حديقتكم طالعي السما حسي بوجود ربج اكثر ضمي ايدينج وادعي ادعي وابتهلي ورفعيهم ونزلي راسج وطلبي لا تستحين .. ملك الملوك شايفج قاعد يراقبج ويراقب قلبج شيبي ، اهو يدري شتبين بس يبيج تقولين بنفسج ادعي اصري اصري حيل لا تملين من كثر ماتدعين ، ثرثري طلعي كل الي بقلبج
خلصتي ؟!*
لا يا روحي ماخلصنا ..!!
روحي توضي مرة ثانية بعد ساعه وروحي سجدي وطلعي كل الي بقلبج مرة ثانية وثالثة كلمي ربج شرحيله حالتج قوليله ليش تبين امنيتج ليش تبين الشغلة الي تبينها ، طلعي الي بداخلج لا تخلين شي هذا ربج حبيبج والله ثم والله ثم والله امج مرح تحن عليج كثره .. لا تيأسين انتي بين ايدين الرحمن الي بيده كلشي صعب ومستحيل عندج يسهله باذنه سبحانه !!*
ادعي بعد كل فرض وطولي بسجودج .. حافظي علي اخلاقج مع ربج وثبتي عليهم ..*
وبقولكم شغلة حلوة بعد كل فرض انا اسجد واحمد الله بصيغ وجموع الحمد تعرفون ليش ؟*
لان الله يفاخر فينا عن الملائكة ويقول بما معناه شوفوا عبدي اتم فرضي وقاعد يشكرني ..!!*
انتبهوا الحين نيي للسر العظيم و الشيء العجيب الي علي قد ما تخشعين يوصل دعائج !!
{ بنات شلون تخشعون بالدعاء ؟! }*
- احيانا ندعي وقلبنا بمكان ثاني ، او تدعين تحاولين تركزين ويمر عليج موقف معين وغصب عنج تسهين .. او تفكرين بشي ثاني الشيطان يلهيج ترا ،
*الرسول عليه الصلاة والسلام واله قال : لا يستجاب من قلب لاهي ..*
تعرفين شتسوين ؟!*
تخيلي الله واقف قدامج ، انتي تدعين واهوا قدامج قاعد يراقبج وقلبج مفصخ وعقلج مفصخ بعد !! شنو يعني قلبج مفصخ ؟! وشنو يعني عقلج مفصخ ؟!
*يعني قلبج مكشوف ومخج مكشوف قدامه لا تفكرين بذكريات ولا تتعبين روحج ترا الله قدامج وقاعد يشوف هالذكريات والافكار .. تخيلو انتو لو تسولفون مع احد معين وهالشخص مطنشكم او سرحان شنو رح يكون موقفج منه ؟! ولله المثل الاعلي طبعا لكن المقصد والمغزي ركزي حيييل بدعائج *ولا تسمحين اي شي يشوش عليج ركزي بالدعاء حيييييل ، ربج امامج وكاشف قلبج ومخج ان سهيتي راح عليج دعائج وخسرتي فرصة الاستجابة ..!!*
بالنسبة لي انا اتابع حلقات للداعية عمرو خالد جزاه الله الف خير هالريال زاد يقيني بربي حبيبي جدا جدا جدا وكل ماشعرت بالملل طرت سيدا لليوتوب واحط سماعاتي واسمع كلامه .. وينشرح صدري واقوم ادعي وانا فيني طاقه وقوة يقين *، و تابعت حلقات كثيرة مثل كيف تتعامل مع الله لمشاري الخراز ، تابعت حلقات وااايد لمحمد العريفي .. ابي يقيني يزيد ابي اصير قوية اليقين اليقين اهو السر مثل ماقتلكم ..*
والشي المهم حيييل والي لو اتكلم مني للاجر عنه ما اوفي حده شي روحاني خطير خطير مايحس فيه الا الي يذوقه ويجربه والكل يعرفه بس يهمله بالنوم او متابعة التلفزيون :
لا تفوتين الثلث الاخير من الليل ابدا ابدا ابدا .. ادعي ادعي بكثااافة بهالوقت ترجي ربج اهو حبيبج اهو الي عارف شنو بخاطرج ، هالوقت ينزل ربج من السماء ينزل مخصوص لكم ويقول منو يستغفرني اغفرله ؟! منو يطلبني واجيبه ؟! ادعي لا توقفين عيدي الدعاء لين يتعب لسانج ألحي الحاح شديد ، ناجي ربج باسمائه الحسني اهو سبحانه يحب جذي سوي الي يحبه ارضيه مثال ناجيه بهالصيغة مثلا : يا مجيب يا مجيب يا مجيب ياقريب يا قريب يا قريب استجبلي .. انا مالي غيرك وماطلبت ولا سالت غيرك انتا واعدتني تستجيبلي انك لا تخلف الميعاد*
ادعي بلهجتج العادية مو لازم دعاء مأثور لان الرحمن الرحيم اقرب لنفسج من حبل الوريد ..*
اكو احن من جذي ؟!
لمن تدعين وترتاحين خلاص ركدي وامني دعائج راح لملك الملوك والرسول قال : كل دعاء مستجاب خلاص دعائكم استجاب باذن الله ..*
تحذير وشي مهم من ملاحاظاتي *:-
اذا فكرتي وراح يقينج او حسيتي ان ثقتج انهزت لو نتفة او الشيطان وسوسلج بامور ويخليج تعيشين دوامة توقعات بالي تبينه فاعرفي انه تمكن منج بسرعه قطعي تفكيرج توضي وقومي ادعي بيقين ..
مثال / اذا دعيتي وارتحتي وخلاص امنتي علي دعائج ، و بعد ساعتين او اكثر قعدتي تفكرين بالي تبينه وصارت التوقعات والافكار تجيبج وتوديج اهني حطي فبالج ان الشيطان قاعد يقرب منج يبي يخرب شغلج لان ربج عند ظنج اذا ظنيتي خير صار خير .. واذا ظنيتي شر رح يصير شر وهذا حديث قدسي عن الرحمن الرحيم .. *
تحذير ثاني وتذكير :-
بنات لا تيأسون ابدا ابدا والله اني اشوف بنات يعورون قلبي من يأسهم ، والسلاح لتحقيق امنياتهم بيدهم .. وهذا الشي يضحك رب العالمين عليج تدرين ان ربج يضحك ..!!*
جاء في حديث شريف عن الرسول عليه الصلاة والسلام واله .. بما معناه ان الله يضحك لمن عبده يدعي و لمن يقرب استجابة الدعآء خلاص يترك الدعاء ..!!*
وشي ثاني مهم مهم مهم مهم مهم مهم حييييل (24 ساعه ) خلي علي بلسانج ذكر تسبيح / تهليل / تكبير / صلاة علي النبي*
والاهم / استغفاااار استغفااااار استغفاااااار لا تياسون ابدا ابدا (24 ساعه) وانتي واقفة وانتي قاعدة وانتي بالمطبخ وانتي برا وانتي بالسيارة ، بكل مكان بكل وقت مو بس بعد الصلاة او بالثلث الاخير ..!! لا بكل وقت رح تشوفين شي مرح اقوله =) مفاجاة اخليكم تكتشفونه ..
معلومة عجيبة : قبل لا تنامين اختاري ذكر وردديه لان في معلومة حلوة اقول ان الملائكة تقعد تردد الذكر الي كنتي قاعدة ترددينه قبل لا تنامين وماتوقف عن ترديده لين تقومين من النوم ،،
انا كل يوم اختار ذكر معين واردده لين اغفي وانام بحماس من عرفت هالمعلومة ..*
معلومة ايضا : انتو لكم اجر حتي اذا ذكرتوا الله بقلبكم .. يعني مو شرط بلسانج هم بقلبج ذكري الله .. علي مدار اليوم لا تخصصين وقت معين ..*
بقولكم شي بنات اكتشفته من قرائتي لمواضيع الناس الي تمت استجابة دعواتهم ، والناس الي ماقصروا وفادو غيرهم من تجاربهم بالدعاء ، واشكثر قريت مواضيع وكل المواضيع تؤدي الي نفس الاسباب :
بنات حل مشاكلكم بيد الله لا تروحون للناس، لا تسالون احد ، لا تلجأون الا للرحمن الرحيم ، لا تطرقون سوا باب المجيب القريب ، درو بالكم ، كلشي بيد ربج حبيبج بنات لا تياسون من الدعاء مهما تعقدت الامور ركزوا مهما تعقدت الامور متعمدة عدت هالجملة وايد لان انتو اذا تعقدت اموركم الي تبونها ما تستوعبون تكونون بحالة يرثي لها
لا تملين وتتركينه ديري بالج ، ترا ربكم يحبكم حيييل ورح يستجيبلكم لا تحاتون
ويؤخر الاجابة ( احيانا ) تبارك وتعالي لانه يبي يعودكم علي الدعآء علشان اذا استجابلج تكونين خلاص تعودتي تلجأيله لان (الدعآء عبادة ) بل هو كل العبادة يعني مو بعد ما يكرمج ويستجيبلج تتركين كلشي وترجع ديمة لحالتها القديمة ..!!*
تاكدوا يا عزيزاتي ويا روحي انتو الله رح يستجيب لكل وحدة فيكم باذنه لانه اهوا وعدنا وقال : ( ادعوني استجب لكم )*
انتبهوا سيدا استجابة فورية فورية فورية .. يعني لمن تدعين خلاص يكون ربي استجابلج باذنه ، لكن لا تشغلون نفسكم متي يتحقق لان الرسول عليه افضل الصلاة والسلام قال : يستجاب لاحدكم مالم يستعجل ..*
اخر شي بقولكم علي سر اجلته لنهاية الامر :*
انتو تدرون ان لا يستجاب لاحدكم مالم يكن مطعمه حلال ومشربه حلال وماكله حلال ..*
طبعا رح تقولون شدخل هذا وماينطبق ع الكل واحنا اكلنا حلال وشربنا حلال ولبسنا حلال ..!!
رح اقولكم شدراكم ؟! المطاعم الي تاكلونها ضامنين اللحم مو حرام ؟! تسالون تستفسرون عن اللحوم ؟! ضامنين ان اللحوم مثل مايقولولكم المطاعم ؟! تعرفون اشكثر انتشرت *فضايح التجار اليً يستوردون اللحوم وفيها شحم خنزير .. وانتو تدرون منعوا الذبح بالدول الاسلامية علي قولتهم لان ذبحنا الاسلامي في اساءة للحيوانات وطبعا اللحوم قاعد تيي من برا لاكثر المطاعم ولا ندري شالسالفه ..!! طبعا ماقولكم قطعوا المطاعم بس تحروا عن اللحوم المقدمة والي تتطبخ *
وتدرون بعد (البيبسي ) فيه شحم خنزير و السفن والشاني والمشروبات الغازية بشكل عام وهالشي الف بالامية ومعروف والناس تشري وتدري ومطنشة *..!! وهالشي لا تييلي وحدة وتقولي حرمتو كلشي او تقولولي غلط ومنو قالج حبايبي النت عندكم وفتشوا براحتكم السالفه عودة ترا وروحوا شوفوا بنفسكم من خلال اليوتوب ومن خلال قوقل الزبدة : مرح يستجابلكم اي دعوة دام اكلكم وشربكم حرام ( تحروا الحلال والحرام باكلكم ) **
*
طبقوا الي قلته رح تتغير حياتكم ورح تستجاب دعواتكم بكل ثقة قاعد اقولكم وتذكروا فوق في رب يحبكم يالعاصيين
مهمن كانت معاصيكم ربكم يحبكم توبوا وادعوه مارح يردكم ترا كل موضوعي نزلته بفيد امة محمد و اساعد البنات او اي شخص يقرا موضوعي لو بكلمة ترفع معنوياته .. *
*
وبالنهاية يارب يارزاق يا مجيب يرزق كل وحدة فيكم الي تتمني ، عسي القادر المجيب يحقق الي في بالكم ويسعدكم ويهديكم ياارب ويثبتكم .. وما كتبت هالكلام الا علشان اقوي البنات الي يملون ويزهقون من الدعاء ويتركونه مايدرون ان من يملون معناها الدعاء قرب يستجاب ويتحقق وقرب يصير واقع ..!! *
لا تنسوني اختكم : حضرية واجد : من دعائكم الصادق بالثلث الاخير لان الدعاء لغيركم مجاب ادعولي الله يفرج همي ويرزقني الي اتمناه ويحققلي امنياتي الوايدة ❤*
هدية موضوعي لكم يا احلي بنات :*
دشوا اليوتوب و تابعوا حلقة ( المجيب ) كاملة كاملة =]*
السلام عليكم ..،'*
السلام عليكم ورحمة الله وبركاته ..*
شلونكم حبيباتي وخواتي
وشخبار النفسية ؟! =]*
طبعا من بعد ماشفت الناس نفسيتها تعبانة ومرهقة من الهموم والغم والمشاكل قررت احط هالموضوع صدقة جارية عني لوجه الله تعالي بعد تفكير عميق وعقب ما شفت الحالة النفسية السيئة للبنات الي يئسوا من رحمة رب العالمين او تمللوا من اعظم سلاح يقدر يغير القدر ويسعدهم اذا اهما استخدموا صح الي اهوا :*
{ الدعـــآء }*
تعرفون شنو يعني سلاح ناسف !!*
تعرفون شنو يعني اقدرون تغيرون قدركم فيه؟
الي ربها كتبها عقيم بالدعاء يكتبها ولود..!!*
الي ربي كتبها عانس بالدعآء ربي يكتبها متزوجة ..!!
الي ربي كتبها تموت بمرض بالدعاء ربي يكتبلها الشفاء ..!!
والي والي والي والي ... امنيات كثيرة*
يتمناها القلب ويسعد بها البني ادم وتحقيقا عن طريق شي اسمه { الدعاء } ..!!
منو فينا ماعندها حاجة منو فينا ماعندها رغبات وامنيات اهي باعتقادها الانساني وفطرتها تعتقد انها شي { مستحيل } ..!!*
لكن اهيا عند ربكم ولا شي .. بل هي شي تافه جدا علي الرحمن الرحيم المجيب القريب السميع !!*
بنات الله يعلم انا حاليا نفسيتي تعبانة حيل حيل حيل وكل يوم بحال يانة علي روحي وميننة اهلي ورفيجاتي .. حيل متضايقه لان لي احتياجات ولي رغبات حالي حال كل البشر .. ومرح اتكلم عن خصوصياتي لان انا اكلم بس ربي وماحب اشكي لغيره ..!!
والي بتدعيلي بقضاء حاجتي الي بنفسي عاجلا جزاها الله الف خير ?*
المهم خل اكلمكم واوصف حالتي الي يمكن اغلب الناس تمر او مرت فيها لمن يصيبهم ابتلاء من رب العالمين ..
كنت يوم فرحانة ويوم زعلانة وشوي ابجي بكثافة وانهار علي سجادتي ، وشوي ادمع واستسلم وامل وانام واصحي علي كدمات زرقا كلها من الهم والحزن ..
لغاية ماقلت ستوب يابنية قومي تلاحقي روحج خلاص كافي كافي مافي رجوع الي متي كسل ونوم ..!!
الي متي وانا علي هالحزن والهم والغم باستمراري بالدعاء والاستغفار انا افوز بكل الاحوال ، بس باستسلامي انا اخسر كلشي ..!!*
انا انسانة ما امدح بحالي لكني صاحبة مبدأ و اغير بنفسي دايما الشي الي اجوفه غلط .. ربي حبيبي اهوا انعم علي بهالنعمة الف شكر وحمد لك يارب *:*
كنت افكر اني انا اقدر اتغير ، وابدل سلبياتي واعترف بغلطي للناس ليش ما اسوي جذي عند ربي من باب ان اهوا اولي من هالبشر .. انا احب ربي احب اطيعه ..*
قررت اني رح اكافح علشان اوصل دعائي ، قررت اني ألح بدعائي ، الله يحب العبد اللحوح ، قررت اني ما انهار اذا تعقدت اموري ، قررت وعزمت وتوكلت علي الله الواحد القهار ..*
*انا مشكلتي كانت اني ابي دعائي يوصل لربي .. لمن افكر بذنوبي الي كل الناس ممكن ترتكبها ويمكن يشوفونها عادية ، بس انا قررت ارضي ربي احبه وابيه يرضي عني مو بس عشان يستجيبلي لالالا ، كنت ابي اتغير عشان حياتي تتغير ونفسي تتغير ، معاصي وذنوب ارهقتني مثل اني اسمع اغاني اطلع من بيتنا ممكيجة ، احش وابرر لنفسي اني قاعدة اذكر الحقيقة عن الناس لا اكثر ، تبت ولله الحمد لاني عرفت ان ثلثي عذاب القبر بسبة الحش والنميمة ، كنت تعبانة نفسيا وجسديا تعبت ابي ارتاح واكون سعيدة هجرت وايد من المعاصي الي كنت اسويها واغلب البشر يسوونها *: نميمة - تاخير صلاة - اغاني - تبرج - غيبة - صريخ علي الكبير ومهاوش مع الوالدين - وغش وكلشي يسويه البني ادم الجاحد الي يعصي ربه الكريم ويستمر .. لكن انا خلاص عقلت وربي هداني وعرفت افكر ان مهما اشوف المعصية صغيرة فاهيا ممكن تمنع ربي حتي يستجيبلي ويفرحني ويسعدني بحياتي *.. وتغضب ملك الملوك ..!!*
تعرفون شنو سويت بنات عقب ماهجرت المعاصي الي البشر يشوفونها عادية ؟!*
ماوقفت دعاء رغم استحالة بعض طلباتي ورغباتي وللحين ماتحققلي الي ابي علي فكرة ولا حتي ذرة منه تحقق ولا حتي شفت رؤبا او اي بشارة اللهم يدتي حلمت فيني حلم حلو والحمدلله ، لكن انا شنو استفدت ؟؟!!
زاد يقيني بالله زاااااد حيل حيل حيل قمت اشجع اي وحدة القاها بطريجي مهمومة ، اي وحدة اشوفها ياست اساعدها واشجعها ترجع للدعاء وما تمل*
ترا ( السر باليقين بالله ) ..!!*
دعاء مستمر مستمر مستمر بدون انقطاع .. ودايما أمنو علي دعائكم بالصدقة وبقراءة صفحة او صفحتين حتي من القران علشان يصعد للسما ويكون يأمن ..!!،*
النقطة الثانية والمهمة عشان ربي يستجيبلج انتبهوا معاي و بطلو اذانيكم عدل مدل :
اتقي الله يا اختي بنفسج هذبيها علي قد ماتقدرين : جذابة بطلي جذب / نمامة بطلي تنمين / تحشين استغفري ربج وادعي للي حشيتي فيهم عشان ربج يحللج / تسمعين اغاني بطلي الاغاني ترا مرح تفيدج بشي ابدا غير انها بتخلي ربج زعلان منج والدنيا ماتسوا ورب العالمين زعلان منا ..!!*
النقطة الثالث :
الدعاآء لا توقفين مهمن صار .. لو تنقلب الدنيا لا توقفين تعقدت امورج بالشي الي تبينه .. لا توقفين خلاص كلشي اخترب وماكو امل لو 1٪ لا توقفين .. خلاص السالفه صارت مستحيلة لدرجة ما يتقبلها العقل لا توقفين استمري حييل قاومي وقومي فزي ادعي بثقة اكبر ..!!*
اصري اصرار شديد علي ربج ان يعطيج رغبتج .. اصري وادعي بكل وقت ادعي من قلبج ادعي حيييل ذلي روحج حييييل .. ورح اعلمكم شلون تخشعون واذلون روحكم علي قد ماتقدرون لين ما خلاص توصلين لدرجة من الخشوع تخليج مبتسمة ابتسامة خطيرة
الي اهي ابتسامة *اليقين والثقة بان دعائج رح يستجاب{لان الدعآء يستجاب اذا خشع القلب مثل ماقال احد السلف الصالح لمن قال لمجموعه من الناس انا اعرف متي يستجاب دعائي فاهما ينو من ثقته وقالوله شدراك قالهم : اذا خشع القلب *..}*
- تعلمي اداب الدعاء الي ماعتقد احد غافل عنها ومايعرفها مع ربج النت متروس طبقي مو بس تقرين .. !!
- توضي وادعي كل ما يأستي من الاستجابة كل ماتعقدت الامور قومي لا تبجين ولا تستسلمين ترا الاجابة قربت ، قومي فزي ادعي الاجابة قربت انتبهوا كل ماحسيتوا بهالاحساس معناها قرب الفرج لا تقولون ماقتلكم *..
- *طلعي حوشكم او حديقتكم طالعي السما حسي بوجود ربج اكثر ضمي ايدينج وادعي ادعي وابتهلي ورفعيهم ونزلي راسج وطلبي لا تستحين .. ملك الملوك شايفج قاعد يراقبج ويراقب قلبج شيبي ، اهو يدري شتبين بس يبيج تقولين بنفسج ادعي اصري اصري حيل لا تملين من كثر ماتدعين ، ثرثري طلعي كل الي بقلبج
خلصتي ؟!*
لا يا روحي ماخلصنا ..!!
روحي توضي مرة ثانية بعد ساعه وروحي سجدي وطلعي كل الي بقلبج مرة ثانية وثالثة كلمي ربج شرحيله حالتج قوليله ليش تبين امنيتج ليش تبين الشغلة الي تبينها ، طلعي الي بداخلج لا تخلين شي هذا ربج حبيبج والله ثم والله ثم والله امج مرح تحن عليج كثره .. لا تيأسين انتي بين ايدين الرحمن الي بيده كلشي صعب ومستحيل عندج يسهله باذنه سبحانه !!*
ادعي بعد كل فرض وطولي بسجودج .. حافظي علي اخلاقج مع ربج وثبتي عليهم ..*
وبقولكم شغلة حلوة بعد كل فرض انا اسجد واحمد الله بصيغ وجموع الحمد تعرفون ليش ؟*
لان الله يفاخر فينا عن الملائكة ويقول بما معناه شوفوا عبدي اتم فرضي وقاعد يشكرني ..!!*
انتبهوا الحين نيي للسر العظيم و الشيء العجيب الي علي قد ما تخشعين يوصل دعائج !!
{ بنات شلون تخشعون بالدعاء ؟! }*
- احيانا ندعي وقلبنا بمكان ثاني ، او تدعين تحاولين تركزين ويمر عليج موقف معين وغصب عنج تسهين .. او تفكرين بشي ثاني الشيطان يلهيج ترا ،
*الرسول عليه الصلاة والسلام واله قال : لا يستجاب من قلب لاهي ..*
تعرفين شتسوين ؟!*
تخيلي الله واقف قدامج ، انتي تدعين واهوا قدامج قاعد يراقبج وقلبج مفصخ وعقلج مفصخ بعد !! شنو يعني قلبج مفصخ ؟! وشنو يعني عقلج مفصخ ؟!
*يعني قلبج مكشوف ومخج مكشوف قدامه لا تفكرين بذكريات ولا تتعبين روحج ترا الله قدامج وقاعد يشوف هالذكريات والافكار .. تخيلو انتو لو تسولفون مع احد معين وهالشخص مطنشكم او سرحان شنو رح يكون موقفج منه ؟! ولله المثل الاعلي طبعا لكن المقصد والمغزي ركزي حيييل بدعائج *ولا تسمحين اي شي يشوش عليج ركزي بالدعاء حيييييل ، ربج امامج وكاشف قلبج ومخج ان سهيتي راح عليج دعائج وخسرتي فرصة الاستجابة ..!!*
بالنسبة لي انا اتابع حلقات للداعية عمرو خالد جزاه الله الف خير هالريال زاد يقيني بربي حبيبي جدا جدا جدا وكل ماشعرت بالملل طرت سيدا لليوتوب واحط سماعاتي واسمع كلامه .. وينشرح صدري واقوم ادعي وانا فيني طاقه وقوة يقين *، و تابعت حلقات كثيرة مثل كيف تتعامل مع الله لمشاري الخراز ، تابعت حلقات وااايد لمحمد العريفي .. ابي يقيني يزيد ابي اصير قوية اليقين اليقين اهو السر مثل ماقتلكم ..*
والشي المهم حيييل والي لو اتكلم مني للاجر عنه ما اوفي حده شي روحاني خطير خطير مايحس فيه الا الي يذوقه ويجربه والكل يعرفه بس يهمله بالنوم او متابعة التلفزيون :
لا تفوتين الثلث الاخير من الليل ابدا ابدا ابدا .. ادعي ادعي بكثااافة بهالوقت ترجي ربج اهو حبيبج اهو الي عارف شنو بخاطرج ، هالوقت ينزل ربج من السماء ينزل مخصوص لكم ويقول منو يستغفرني اغفرله ؟! منو يطلبني واجيبه ؟! ادعي لا توقفين عيدي الدعاء لين يتعب لسانج ألحي الحاح شديد ، ناجي ربج باسمائه الحسني اهو سبحانه يحب جذي سوي الي يحبه ارضيه مثال ناجيه بهالصيغة مثلا : يا مجيب يا مجيب يا مجيب ياقريب يا قريب يا قريب استجبلي .. انا مالي غيرك وماطلبت ولا سالت غيرك انتا واعدتني تستجيبلي انك لا تخلف الميعاد*
ادعي بلهجتج العادية مو لازم دعاء مأثور لان الرحمن الرحيم اقرب لنفسج من حبل الوريد ..*
اكو احن من جذي ؟!
لمن تدعين وترتاحين خلاص ركدي وامني دعائج راح لملك الملوك والرسول قال : كل دعاء مستجاب خلاص دعائكم استجاب باذن الله ..*
تحذير وشي مهم من ملاحاظاتي *:-
اذا فكرتي وراح يقينج او حسيتي ان ثقتج انهزت لو نتفة او الشيطان وسوسلج بامور ويخليج تعيشين دوامة توقعات بالي تبينه فاعرفي انه تمكن منج بسرعه قطعي تفكيرج توضي وقومي ادعي بيقين ..
مثال / اذا دعيتي وارتحتي وخلاص امنتي علي دعائج ، و بعد ساعتين او اكثر قعدتي تفكرين بالي تبينه وصارت التوقعات والافكار تجيبج وتوديج اهني حطي فبالج ان الشيطان قاعد يقرب منج يبي يخرب شغلج لان ربج عند ظنج اذا ظنيتي خير صار خير .. واذا ظنيتي شر رح يصير شر وهذا حديث قدسي عن الرحمن الرحيم .. *
تحذير ثاني وتذكير :-
بنات لا تيأسون ابدا ابدا والله اني اشوف بنات يعورون قلبي من يأسهم ، والسلاح لتحقيق امنياتهم بيدهم .. وهذا الشي يضحك رب العالمين عليج تدرين ان ربج يضحك ..!!*
جاء في حديث شريف عن الرسول عليه الصلاة والسلام واله .. بما معناه ان الله يضحك لمن عبده يدعي و لمن يقرب استجابة الدعآء خلاص يترك الدعاء ..!!*
وشي ثاني مهم مهم مهم مهم مهم مهم حييييل (24 ساعه ) خلي علي بلسانج ذكر تسبيح / تهليل / تكبير / صلاة علي النبي*
والاهم / استغفاااار استغفااااار استغفاااااار لا تياسون ابدا ابدا (24 ساعه) وانتي واقفة وانتي قاعدة وانتي بالمطبخ وانتي برا وانتي بالسيارة ، بكل مكان بكل وقت مو بس بعد الصلاة او بالثلث الاخير ..!! لا بكل وقت رح تشوفين شي مرح اقوله =) مفاجاة اخليكم تكتشفونه ..
معلومة عجيبة : قبل لا تنامين اختاري ذكر وردديه لان في معلومة حلوة اقول ان الملائكة تقعد تردد الذكر الي كنتي قاعدة ترددينه قبل لا تنامين وماتوقف عن ترديده لين تقومين من النوم ،،
انا كل يوم اختار ذكر معين واردده لين اغفي وانام بحماس من عرفت هالمعلومة ..*
معلومة ايضا : انتو لكم اجر حتي اذا ذكرتوا الله بقلبكم .. يعني مو شرط بلسانج هم بقلبج ذكري الله .. علي مدار اليوم لا تخصصين وقت معين ..*
بقولكم شي بنات اكتشفته من قرائتي لمواضيع الناس الي تمت استجابة دعواتهم ، والناس الي ماقصروا وفادو غيرهم من تجاربهم بالدعاء ، واشكثر قريت مواضيع وكل المواضيع تؤدي الي نفس الاسباب :
بنات حل مشاكلكم بيد الله لا تروحون للناس، لا تسالون احد ، لا تلجأون الا للرحمن الرحيم ، لا تطرقون سوا باب المجيب القريب ، درو بالكم ، كلشي بيد ربج حبيبج بنات لا تياسون من الدعاء مهما تعقدت الامور ركزوا مهما تعقدت الامور متعمدة عدت هالجملة وايد لان انتو اذا تعقدت اموركم الي تبونها ما تستوعبون تكونون بحالة يرثي لها
لا تملين وتتركينه ديري بالج ، ترا ربكم يحبكم حيييل ورح يستجيبلكم لا تحاتون
ويؤخر الاجابة ( احيانا ) تبارك وتعالي لانه يبي يعودكم علي الدعآء علشان اذا استجابلج تكونين خلاص تعودتي تلجأيله لان (الدعآء عبادة ) بل هو كل العبادة
يعني مو بعد ما يكرمج ويستجيبلج تتركين كلشي وترجع ديمة لحالتها القديمة ..!!*تاكدوا يا عزيزاتي ويا روحي انتو الله رح يستجيب لكل وحدة فيكم باذنه لانه اهوا وعدنا وقال : ( ادعوني استجب لكم )*
انتبهوا سيدا استجابة فورية فورية فورية .. يعني لمن تدعين خلاص يكون ربي استجابلج باذنه ، لكن لا تشغلون نفسكم متي يتحقق لان الرسول عليه افضل الصلاة والسلام قال : يستجاب لاحدكم مالم يستعجل ..*
اخر شي بقولكم علي سر اجلته لنهاية الامر :*
انتو تدرون ان لا يستجاب لاحدكم مالم يكن مطعمه حلال ومشربه حلال وماكله حلال ..*
طبعا رح تقولون شدخل هذا وماينطبق ع الكل واحنا اكلنا حلال وشربنا حلال ولبسنا حلال ..!!
رح اقولكم شدراكم ؟! المطاعم الي تاكلونها ضامنين اللحم مو حرام ؟! تسالون تستفسرون عن اللحوم ؟! ضامنين ان اللحوم مثل مايقولولكم المطاعم ؟! تعرفون اشكثر انتشرت *فضايح التجار اليً يستوردون اللحوم وفيها شحم خنزير .. وانتو تدرون منعوا الذبح بالدول الاسلامية علي قولتهم لان ذبحنا الاسلامي في اساءة للحيوانات وطبعا اللحوم قاعد تيي من برا لاكثر المطاعم ولا ندري شالسالفه ..!! طبعا ماقولكم قطعوا المطاعم بس تحروا عن اللحوم المقدمة والي تتطبخ *
وتدرون بعد (البيبسي ) فيه شحم خنزير و السفن والشاني والمشروبات الغازية بشكل عام وهالشي الف بالامية ومعروف والناس تشري وتدري ومطنشة *..!! وهالشي لا تييلي وحدة وتقولي حرمتو كلشي او تقولولي غلط ومنو قالج حبايبي النت عندكم وفتشوا براحتكم السالفه عودة ترا وروحوا شوفوا بنفسكم من خلال اليوتوب ومن خلال قوقل الزبدة : مرح يستجابلكم اي دعوة دام اكلكم وشربكم حرام ( تحروا الحلال والحرام باكلكم ) **
*
طبقوا الي قلته رح تتغير حياتكم ورح تستجاب دعواتكم بكل ثقة قاعد اقولكم وتذكروا فوق في رب يحبكم يالعاصيين
مهمن كانت معاصيكم ربكم يحبكم توبوا وادعوه مارح يردكم ترا كل موضوعي نزلته بفيد امة محمد و اساعد البنات او اي شخص يقرا موضوعي لو بكلمة ترفع معنوياته .. *
*
وبالنهاية يارب يارزاق يا مجيب يرزق كل وحدة فيكم الي تتمني ، عسي القادر المجيب يحقق الي في بالكم ويسعدكم ويهديكم ياارب ويثبتكم .. وما كتبت هالكلام الا علشان اقوي البنات الي يملون ويزهقون من الدعاء ويتركونه مايدرون ان من يملون معناها الدعاء قرب يستجاب ويتحقق وقرب يصير واقع ..!! *
لا تنسوني اختكم : حضرية واجد : من دعائكم الصادق بالثلث الاخير لان الدعاء لغيركم مجاب ادعولي الله يفرج همي ويرزقني الي اتمناه ويحققلي امنياتي الوايدة ❤*
هدية موضوعي لكم يا احلي بنات :*
دشوا اليوتوب و تابعوا حلقة ( المجيب ) كاملة كاملة =]*
السلام عليكم ..،'*
