تـــجـــمـــع مــوظــفــات وزارة الـــنـــفـــط !!

[كويتيه_1984]

السلام عليكم


تخصص اداره تجاري دبلوم يعني .. يقبلونهم .؟

و شلون ع المكان ان شاء الله ماكو خلط ^^"

و جم معاشاتهم .. و بالدوام متساهلين معاكم ولا متشددين لان بخاطري اشتغل بالنفط :/


و شكرا

وعليكم السلام

هلا ومرحبا فيج

اي نعم تخصصج مرغوب فيه

والراتب كالتالي :

راتب اساسي : 200

علاوه اجتماعيه : 169

زياده شهريه : 50

علاوة غلاء معيشه : 120

دعم مالي اداري : 50

علاوه دوريه شهريه : 8 دنانير تنقص للتأمينات نص دينار فينزل لج سبع دنانير ونص


وعليج الحسبه


اما بالنسبه لطبيعة المكاتب على حسب في ادارات يصادفج فيها خلط وفي ادارات لا

عاد انتي وحظج

 

[كويتيه_1984]

ورغباتي الحالية :
- وزارة المالية
-وزارة النفط
-جامعة الكويت
-الهيئة العامة للمعلومات المدنية
-وزارة التربية

استفسار ومابيكم تتهاوشون
رغباتي زينة او لأ ؟؟؟

يعني تصلح حق شهادتي وتخصصي تهقون مرغوب تخصصي بهل اماكن ؟؟؟
ارجوا الي عندها خبرة تفيدني

موفقه يارب

تخصصج ممتاز كل الجهات تتقبله

بس تأني بالتوظيف وانشالله بعد ما تتشكل الحكومه تفرحينا بتوظيفج

وتعرفون شلون نحسب طريقة الترتيب يعني شنو 9 / 21 ؟؟؟

ماعندي فكره بس دخلي على هالرابط وانشالله يفيدونج الخوات



http://q8yat.net/showthread.php?t=245299

 

[kitten-85]

حبببتي اختي كويتية 1984 :tek:
تسلمين يااااارب الله يسمع منج :yaaaaaarb:​

 

[atooosha]

كويتيه_1984
انا موظفة بالوزارة وودي اقدم استقالتي بعد شهر تقريبا
بس ماني عارفه شلون شنو الطريقة شنو اللي لازم ينكتب
بكتاب الاستقاله

ياليت تفيدني

 

[ذوق.!]

يعطيج العافيه كويتيه 1984 ..


بس ممكن تذكرين لي شنو أحسن اداره ومافيها خلط << أدري اذيتج بس سوري :$

 

[انامل كويتيه]

كويتيه انا تحتكم

 

[كويتيه_1984]

انا موظفة بالوزارة وودي اقدم استقالتي بعد شهر تقريبا
بس ماني عارفه شلون شنو الطريقة شنو اللي لازم ينكتب
بكتاب الاستقاله

ياليت تفيدني

تكتبين كتاب موجه لوكيل الوزاره :

السيد / وكيل وزارة الـ المحترم

تحيه طيبه وبعد ,,,


الموضوع : طلب استقاله


ارجو قبول استقالتي اعتبارا من نهاية دوام يوم / / .


مقدمة الطلب :

الاسم + التوقيع


ولا تنسيين توقعيين الكتاب من قبل رئيس القسم او المراقب او وكيل الوزاره المساعد لادارتج وبعدين تتحول للاداريه

 

[كويتيه_1984]

بس ممكن تذكرين لي شنو أحسن اداره ومافيها خلط << أدري اذيتج بس سوري :$

كل الادارت خلط بس طبعا مكاتبكم مفترقه ما يحطون شباب وبنات بنفس البارتشن

 

[كويتيه_1984]

كويتيه انا تحتكم

انامل جكيتج بالماليه

انتو اللي كل يوم تفرشون لكم اسماط واتريقوون


لوووووووووووووووووووووووول


خوش موظفاات


مرات اطلطل عليكم اشوفكم

 

[انامل كويتيه]

احلا شي الريوق الجماعي شفيج احنا ناس متواضعين حتى مديرتنا تتريق معانا خخخخخخخخخخخخ

عرفتج عرفتج عرفتج خلاص باجر امرج واقولج يا فلانه عرفتيني

لووووووووووووووووووووول

 

[atooosha]

مشكورة واااايد

بس ما تدرين شكثر تطول الاجراءات

واذا كان عندي رصيد اجازات اقدر اخذ عليهم مخصصات

 

[كويتيه_1984]

احلا شي الريوق الجماعي شفيج احنا ناس متواضعين حتى مديرتنا تتريق معانا خخخخخخخخخخخخ

عرفتج عرفتج عرفتج خلاص باجر امرج واقولج يا فلانه عرفتيني

بالعافيه الريووق

اي شفتكم اليوم

بس والله شتسوون من طقة الجبد

وخفوا من البيض ترى ريحة الزفره واصله ليه عندنا

طلبوا لكم فطاير حلوه عجينتهم ترفه من اهل الترويئه

عاد امس طلبنا قلدناكم

لووووووووووول

يالله مريناا خلينا نتعرف عليج

ويا هلا ومرحبا فيج

 

[little_woman]

السلااام علييييكم بنوتاااات انا من موظفااات الوزارة المصووونه والله وزارتنااا حلوة ومكانها حلو بس مميزاااااات كل ماااكو حالها حال اي وزارة وكلها احباطاااات بس الحمدلله احسن من غيرنا وانشاء الله الواحد بيسعى والله كريم
الي تبي الراحة وماكو شغل وما تهتم بالمميزات وزارة النفط اهي الانسب لها
اما الطموحة وتبي تنجز وتبي تعطي وتبي حواااافز لا تفكر تحط ريوولها داخل الوزااارة وبس
الله يوفق الجمييييييييييييييييع

 

[كويتيه_1984]

بس ما تدرين شكثر تطول الاجراءات

واذا كان عندي رصيد اجازات اقدر اخذ عليهم مخصصات

انتي اللي تقررين هالمخصصات اذا عندج رصيد من الاجازات الدوريه تستبدلينها بمبلغ مالي وطبعا الاجراء يتم عن طريق قسم الرواتب

 

[كويتيه_1984]

السلااام علييييكم بنوتاااات انا من موظفااات الوزارة المصووونه والله وزارتنااا حلوة ومكانها حلو بس مميزاااااات كل ماااكو حالها حال اي وزارة وكلها احباطاااات بس الحمدلله احسن من غيرنا وانشاء الله الواحد بيسعى والله كريم
الي تبي الراحة وماكو شغل وما تهتم بالمميزات وزارة النفط اهي الانسب لها
اما الطموحة وتبي تنجز وتبي تعطي وتبي حواااافز لا تفكر تحط ريوولها داخل الوزااارة وبس
الله يوفق الجمييييييييييييييييع

صح لسانج زميلتي :ggdw:

 

[انامل كويتيه]

حرام عليج اي بيض احنا ناس نخاف من الكوليسترول احنا ناس رشيقين ومحافظين على رشاقتنا

ريوقنا كل سلطات وخفايف وان شاء الله على يوم نعزمج جم صار لج موظفه؟؟ اتوقع انا قبلج

 

[كويتيه_1984]

حرام عليج اي بيض احنا ناس نخاف من الكوليسترول احنا ناس رشيقين ومحافظين على رشاقتنا

ريوقنا كل سلطات وخفايف وان شاء الله على يوم نعزمج جم صار لج موظفه؟؟ اتوقع انا قبلج

اي مو تاكلون وتروحون الافنيوز ولا سوق شرق خو يمنا

لووووووووووووووووول

ابي يوم اشوف موظفيين بالماليه على مكاتبهم

ماكو ابد

انا مسميتكم دور الاشباح


والله توني صار لي سنه ونص من توظفت

 

[انامل كويتيه]

كويتيه حرااااااااام عليج الماليه على طوول كرااااف في بعض الاقسام لاعبين لعب وفي اقسام تكرف

نفس حالتكم ساعات قسم الاجازات ما نحصلهم كلش حتى التلفون ما يردون عليه يبطون الجبد اما الرواتب

لا والله ملتزمين

 

[كويتيه_1984]

اي صح الاجازات ما يردون لازم تروحيين لهم بنفسج

لان قسمهم مضغوط وتصوري بس ثلاث يطلعون لج استئذان ويشوفون لج تأخيراتج !!!


احم احم الحين مدحتي الرواتب ونسيتي اهم قسم الشئون الوظيفيه ( هرم الوزاره )

لولاناا ما توظفتوا

لووووووووووووووووول


وانتي ما قلتيلي اشكثر صار لج بالوزاره

شكله قلبج متروسه _03ba:

 

[kitten-85]

كويتية انا داشة عرض بس سؤال غبي بس استحمليني وزارة النفط اهي نفسها الطاقة ؟؟
لان وحده تصير لنا تشتغل هناك بقسم الاجازات قلت يمكن معاكم ...