تـــجـــمـــع مــوظــفــات وزارة الـــنـــفـــط !!

[كويتيه_1984]

بنات بسالكم
شركه البترول الكويتيه .؟؟ قطاع خاص والاحكووومي؟؟

قطاع خاص وهي احد فروع مؤسسة البترول الكويتيه

 

[كويتيه_1984]

انزين ليش الديوان حاطها من ضمن الاماكن ال نختارهم عيل !!!

لا غلطانه مو حاطهم لانها قطاع خاص

وهو التقديم بس عن طريق النت !!!!!!!!!!!!!!!!!!!!!!

اي بس عن طريق الانترنت ويرسلون لج بالايميل موعد المقابله عادة التقديم يفتح شهر 7 , 9 , 2

معاشاتهم احسن مو معاش وزارات مو ؟؟؟

اكيد اقل راتب 800 هذا اللي شهادته دورات خاصه فما بالج الدبلوم والجامعي !!

اقدر اعدل على رغباتي لمن يفتح التسجيل حق الديوان المرة الياية ؟؟ والا مايصير ؟؟؟

والله ما ادري راجعيهم افضل

تصدقين اختي كويتية انا ثلاثة ارباع رغباتي الي مسجلتها التقديم مو على الديوان شالحظ !!!! توني خريجة وسيدة فتح التسجيل حق الديوان ومادري شالسالفة ...
رغباتي :
- وزارة المالية
- الصندوق الكويتي للتنمية الاقتصادية
-مؤسسة البترول الكويتية
-جامعة الكويت
-وزارة التربية

كلهم صح ما عدا مؤسسة البترول الكويتيه والصندوق الكويتي للتنميه الاقتصاديه

 

[[المهندسة]]

بلى كويتيه ترى حاطين اماكن الخاصه ضمن الرغبات للديوان اللي نحطها من الانترنت (اهما حاطين كللل شي وزارات وشركات خاصه وكل شي بشكل شامل وعام ) .. مادري ليش مسوين جذي دام خاص ليش حاطينه !! بس المهم لازم احنا نعرف ومانختارها للديوان لانه ماراح يفيدنا واصلا اساسا مايشوفون الرغبات يحطون على حسب احتياج كل وزاره

 

[[المهندسة]]

حبيبتي اللي تسأل تقدر تغير الرغبات ولا لا

اي تقدرين تغيرين دشي السايت وحطي رقم تلفونج وبطاقتج المدنيه وتطلعلج صفحه اسمج وتحته في يبين ترتيبج و مكان للرغبات الحاليه او شي متعلق بالرغبات دشي وغيري عادي مو شرط تنطرين وقت تسجيل بس عاد مو كل شوي تغيرين غيري مره وحده

 

[[المهندسة]]

أنا قدمت السنه اللي طافت على شركة البترول بس ماقبلوني بالنظام عشان العمر كانو يبون 26 و كان عمري وقتها 27

و انا تخصصي صيانة حاسب الي

امبيييه من صجج شدعوووة عليهم فرقت سننه !

 

[kitten-85]

بلى كويتيه ترى حاطين اماكن الخاصه ضمن الرغبات للديوان اللي نحطها من الانترنت (اهما حاطين كللل شي وزارات وشركات خاصه وكل شي بشكل شامل وعام ) .. مادري ليش مسوين جذي دام خاص ليش حاطينه !! بس المهم لازم احنا نعرف ومانختارها للديوان لانه ماراح يفيدنا واصلا اساسا مايشوفون الرغبات يحطون على حسب احتياج كل وزاره

صح كلام اختي المهندسة اهم حاطين كل المؤسسات والهيئات الحكومية والخاصة وانا على هالاساس سجلت رغباتي ما كنت ادري قلت دام حاطينهم يعني اكيد يصير جذي وجذي ان التقديم عالديوان وهمن عن طريق الانترنت بس الحين انحبطت بصراحة ... انا ان شالله بقدم على الثنتين مؤسسة البترول من خلال اعلانهم شهر 7 او 9 مادري متى ينزلونه .. ووزارة النفط بشوف ان شالله يصير اعدل عالرغبات واحطها من ضمن رغباتي ...
انا اذكر ان لمن كانوا يسوون معرض صناع الاقتصاد وفرص العمل بكليتنا كلية العلوم الادارية لمن سألتهم جنة كانوا عبارة عن مؤسسة البترول الكويتية والشركات التابعه لها kpc , knpc قالولي نطري الاعلان والتقديم عن طريق النت هذا الي كنت اذكره .... واذكر قالولي ان الدوام من 7 لي 3 او اذا داومت الساعة 7 ونص اقعد لي 3 ونص ... وان في دورتين بالسنة دوره بالكويت ودورة برة الكويت بلندن على ما اعتقد وقالولي ان صدفة ان في اداات اغلبها بس بنات وانا هذا الي ابيه واهم شيء الفيو المنظر الي عالبحر :wqedqw: بس انا الي مضيقخلقي سالفة الدورات :bbbiu: واااااااااي مالي خلق يالله افتكيت من الدراسة :080402ask_prv: عالاقل الدورة الي بالكويت اوكي تنبلع بس الي بره مو شكلة صج كلهم 5 ايام بس مايناسبني ان متزوجة وعندي بيبي -----> وااايد واثقة ان ريلي بيخيني
بس اكيييييد كراف لان مثل ماقلتي تعتبر قطاع خاص وعشان جذي المعاش اقوى
ومشكورة اختي كويتية على سعة صدرج واجابتج على اسئلتي يعطيج العافية ...

 

[[المهندسة]]

معلوماتج عن مؤسسه البترول عن ساعات العمل مالهم صحيحه ...

بس سالفه الدورات صراحه مادري اذا بره الكويت اول مره اسمع انه لازم بره .. رفيجتي هناك تشتغل ماقالولها بره! يمكن على حسب التخصص وجذي مايندره وترى اهما يخرعونج بالمقابله يقولون لج اذا دزيناج بره عادي تروحين؟ واذا دزيناج مادري وين عادي تروحين ؟انتي كله قولي اي بس اعتقد راح يعرفون ضروفج اذا انتي متزوجه لاتفكرين وايد وماصار شي ليلحين

بس مافهمت كلمتج احطها ضمن رغباتي! قصدج ماتحطينها من ضمن رغباتج للديوان وموفقه حبيبتي

 

[kitten-85]

هلا اختي ...
انا هذا الي قالي اياه الموظف الي كان ياي بالمعرض قالي لاااااااااااااااازم الدورات وضااااااااااااق خلقي ...
والسنة الي بعدها كانت ياية موظفة ولمن سألتها قالتلي ان في دورات مثل ماقالي الي قبلها وان الاولية حق المتفوقين والي معدلاتهم عالية وحاشني احباط ثاني لووووووووووول ...
انا قصدي اعدل على رغباتي اشيل مؤسسة البترول الكويتية وحط بدالها وزارة النفط دام التوظيف بس عن طريق الديوان عشان ما اتوهق ... ومؤسسة البترول اقدم عليها من خلال الاعلان والانترنت ...

 

[[المهندسة]]

اي الدورات لازم كل شركه لازم يسونها مو بس المؤسسه حتى البترول والنفط كلهم دورات اول ماتدشين لازم .. بس سالفه ملزومه دوره بره اول مره اسمعها وموفففقه حبيبتي واذا عندج واسطه جهزيها بيسهل عليج

 

[kitten-85]

لا اهم قصدهم دورة اساسية كل سنة لازم ناخذ هالدورتين -----> (لووووووووووول صفيت روحي معاهم الي يسمع موظفة هنااااك
هههههههههههههه ويييييييييييييييينهي الواسطة ياخلاف ياااااااااااااااريت اذا انتي عندج ظبطيني معاج والا اقولج انخلي كويتية تتوسط لنا ماتقصر

 

[كويتيه_1984]

بلى كويتيه ترى حاطين اماكن الخاصه ضمن الرغبات للديوان اللي نحطها من الانترنت (اهما حاطين كللل شي وزارات وشركات خاصه وكل شي بشكل شامل وعام ) .. مادري ليش مسوين جذي دام خاص ليش حاطينه !!

والله اول مره اسمع فيها اختي المهندسه

انا سجلت بالديوان 2007 وما كانوا موجودين الصندوق الكويتي للتنميه الاقتصاديه ومؤسسة البترول الكويتيه اللي اتذكره وكالة الانباء الكويتيه , الديوان الاميري , مجلس الوزراء , مجلس الامه , الهيئه العامه للشباب والرياضه ...الخ ... التوظيف المركيزي كل ماله ويتغير الحين بعد التسجيل عن طريق المسجات بالموبايل قبل لا ادخل على موقع الديوان نفسه واحدد رغباتي وحتى مايبلغني جم رقمي على الانتظار

اذكر ان لمن كانوا يسوون معرض صناع الاقتصاد وفرص العمل بكليتنا كلية العلوم الادارية لمن سألتهم جنة كانوا عبارة عن مؤسسة البترول الكويتية والشركات التابعه لها kpc , knpc قالولي نطري الاعلان والتقديم عن طريق النت هذا الي كنت اذكره .... واذكر قالولي ان الدوام من 7 لي 3 او اذا داومت الساعة 7 ونص اقعد لي 3 ونص ...

اي صح الدوام من يبدأ من الساعه 7 ليه 3 واذا بصمتي 7 وربع تطلعين 3 وربع المهم ما تتاخرين عن الساعه 7 ونص يخصمون من راتبج

في دورتين بالسنة دوره بالكويت ودورة برة الكويت بلندن

والله ماعندي فكره عن الدورات الخارجيه بس اشوف عندنا موظفين مؤسسة البترول الكويتيه وهم صاعديين على مكاتبهم ايرون وياهم جنطه عوده اعتقد ان فيها سفرات

 

[kitten-85]

اختي كويتية شرايج اغير احط بدال مؤسسة البترول الكويتية وزارة النفط؟؟؟
دام ان ماكو فايدة من تسجيلها ؟؟ والا في امل ياخذون المؤسسة عن طريق الديوان ؟؟

 

[كويتيه_1984]

خليني ازيدج من الشعر بيت

تدرين ان وزارة النفط هي الوزاره الوحيده اللي تقدرين عن طريقها تنتقلين لمؤسسة البترول الكويتيه او اي شركه تابعه لها

بس طبعا بعد توظيفج بسنتين بوزارة النفط وعقبها تنتقلين

قدمي على الديوان واتكلي على الله

انشالله يقبلونج وزارة النفط

اما المؤسسه kpc نطري عاد التسجيل بالانترنت والاولويه للمهندسين والمحاسبيين

 

[الكريكرة :)]

kuwaitya ana 3endy estefsaar !!!

ana 6ala3 tarshe7y mn edewan wezart enaf6 shahar 3...... o raja3t elwezara galoly ra7 yeta9loon 3alai ... o mn ba3adhaa en7al elmajless ..ya3ny mako tawtheff 9a7!! eshloon shasawy araj3hom wela an6er elente5abat ... ana jam3yaa mo7asbaa

 

[kitten-85]

الله يسهل خلاص ان شاللة بغير رغبتي واحط وزارة النفط والله كريم وان شالله يقبلوني وعينوني عندهم ومثل ماقلتي بعدها بسنتين اقدر انتقل زين واااااايد زين ...

 

[كويتيه_1984]

estefsaar !!!

Ana 6ala3 tarshe7y mn edewan wezart enaf6 shahar 3...... O raja3t elwezara galoly ra7 yeta9loon 3alai ... O mn ba3adhaa en7al elmajless ..ya3ny mako tawtheff 9a7!! Eshloon shasawy araj3hom wela an6er elente5abat ... Ana jam3yaa mo7asbaa

لا تحاتين انشالله بعد تشكيل الحكومه بيتصلون عليكم الادارات اللي ترشحتوا لهم

لستة الاسامي الاخيره اللي نزلت بالجريده محفوظه اساميكم

موفقه انشالله

 

[كويتيه_1984]

للرفع

up

 

[kitten-85]

بنات انا دخلت على موقع ديوان الخدمة وحطيت بياناتي عشان بعدل عالرغبات بس يطلعلي اسمي والباجي كله مربعات مربعات جنه مشفر شلوون الطريقة ؟؟؟

 

[kitten-85]

بنات انا دخلت على موقع ديوان الخدمة وحطيت بياناتي عشان بعدل عالرغبات بس يطلعلي اسمي والباجي كله مربعات مربعات جنه مشفر شلوون الطريقة ؟؟؟

 

[[المهندسة]]

سوي رفرش تلاقين تحت اسمج في شي مكتوب ترتيبج و شي متعلق بالرغبات لان موقعهم مرات يخوره