تـــجـــمـــع مــوظــفــات وزارة الـــنـــفـــط !!

[كويتيه_1984]

بسم الله الرحمن الرحيم



السلام عليكم ورحمة الله وبركاته


يسرني إفتتاح هالتجمع على أمل الاستفاده والافاده


حياكم الله

 

[كويتيه_1984]

احب اعطيكم لمحه سريعه عن اقسام وادارات وزارة النفط

عندنا ( 7 ) ادارات :

* ادارة الشئون الاداريه : قسم الشئون الوظيفيه , قسم سجل العاملين , قسم الاجازات والدوام ,قسم الرواتب , قسم الملفات , قسم الصادر , قسم الوارد , قسم الامن والسلامه , قسم الخدمات المكتبيه , قسم الخدمات الاداريه .




* ادارة الشئون الفنيه : هالاداره غالبا ما توظف مهندسين او بيولجي


* ادارة الرقابه والاعلام والبترولي : يقبلون المهندسين لان في عندهم قسمين فنيين ( قسم التفتيش الميداني + قسم المناقصات والعقود ) وكذلك الاداريين والاعلاميين



* ادارة الشئون الماليه : واضحه تقبل المحاسبين


* ادارة الشئون الاقتصاديه : تقبل الاداريين والاقتصاديين

* ادارة مركز نظم المعلومات : تقبل الاداريين و فنيين الكمبيوتر ونظم المعلومات


* ادارة مكتب وكيل الوزاره : تقبل القانونين لان قسم الشئون القانونيه ينحدر من ضمن هالاداره وايضا الاداريين

 

[كويتيه_1984]

بالنسبه للمؤهلات :


* البكاليريوس : علوم سياسيه , ادارة اعمال , نظم معلومات , تمويل , اعلام , اداب ترجمه لغه انجليزيه , سلوك تنظيمي , اداره وتسويق , حقوق , محاسبه , اقتصاد , هندسة بترول , هندسه كيميائيه , علوم احصاء تطبيقي , احصاء .



* الدبلوم + دورات تدريبيه خاصه : محاسبه , سكرتاريه , ادخال بيانات , طباعه , خدمات اداريه , بنوك , مصارف , ادارة اعمال , هندسة بترول , سياحه , تسويق وعلاقات عامه , تقنية وصيانة حاسب آلي

 

[كويتيه_1984]

* ادارة الشئون الاقتصاديه : تقبل الاداريين والاقتصاديين

نسيت لا اذكر لكم وتقبل قياس نفط اللي توزعهم بالخفجي والمنطقه المقسومه بالوفره طبعا هالوظيفه للذكور فقط اللي شهاداتهم ثانويه علمي

 

[كويتيه_1984]

الدوام 8 _ 2 وربع للاناث

اما الشباب 8 _ 2 ونص

بالنسبه للاستئذانات : اربع استئذانات بالشهر تتقسم على اربع اسابيع مدتهم 12 ساعه والتاخيرات كذلك ( 105 ) بالشهر سواء في بداية الدوام او نهايته


الاجازات الطبيه ( المرضيه ) : بالسنه 15 يوم

الطارئه : بالسنه اربع مرات بس ما تكون متواصله لا على فترات متباعده

الاجازه الدوريه : بعد ست شهور من تعيين الموظف الجديد ينزل له رصيد اجازات ( 20 ) يوم وتزيد بعد سنه من تعيينه يعني كل سنه ينزل له رصيد اجازات ( 35 يوم )

 

[كويتيه_1984]

الاجازه الدوريه : بعد ست شهور من تعيين الموظف الجديد ينزل له رصيد اجازات ( 20 )

اسفه للتصحيح 15 يوم وليس 20 يوم

 

[ام شباصه]

مع اني ليلحين موموظفه
بس برز ويهي وبقولج مشكوره معلومات وافيه ماشاءلله عليج والله يوفقج
وقوليلي ان شاءلله مكانهم مريح؟

 

[kitten-85]

يعطيج العافية اختي كويتية ماشالله كفيتي ووفيتي ...
والحمدلله شهادتي بكالريوس تسويق وان شالله اشتغل بالنفط وانظم الى وزارتج حبيبتي ماقصرتي ...
ماعليج امر اذا صار عندج خبر بخصوص التوظيف والتعيين بالنسبة لحديثي التخرج تعطينا خبر ..
لأن ناس يقولون شهر 7 وناس يقولون شهر 9 .. واحنا بإنتظار اعلان التوظيف والله كريم

 

[كويتيه_1984]

وقوليلي ان شاءلله مكانهم مريح؟

مريح وكافي واجهة الوزاره على البحر ( شاطىء شويخ )

 

[كويتيه_1984]

يعطيج العافية اختي كويتية ماشالله كفيتي ووفيتي ...
والحمدلله شهادتي بكالريوس تسويق وان شالله اشتغل بالنفط وانظم الى وزارتج حبيبتي ماقصرتي ...
ماعليج امر اذا صار عندج خبر بخصوص التوظيف والتعيين بالنسبة لحديثي التخرج تعطينا خبر ..
لأن ناس يقولون شهر 7 وناس يقولون شهر 9 .. واحنا بإنتظار اعلان التوظيف والله كريم

يعافيج الرحمن

هلا ومرحبا فيج

التوظيف عن طريق ديوان الخدمه شهر ( 9 ) + ( 10 ) + ( 12 )

 

[نفوطه]

عادي ادش هالتجمع انا بشركة النفط
بس عندي سؤال ليش وايد يطلعون من الوزارة وايون الشركة عندنا مع ان بوجه نظري انهم نفس المعاشات يمكن بس دوامكم اقصر احنا من الساعه 7 لي الساعه 3 ؟؟
وشاكرتلج حبيبتي

 

[كويتيه_1984]

وزارة النفط حالها حال اي وزاره

الجامعي اول ما يتعين 653 هذا مع استقطاع التأمينات !!!


ويا هلا وغلا فيج

 

[kitten-85]

انا لمن قدمت بالديوان آتخر شهر فبراير الي طاف حطيت مؤوسسة البترول الكويتية من ضمن رغباتي يمكن حطيتها الرغبة الثالثة ... اهي غير عن وزارة النفط مو؟ بس اثنينهم يم بعض بالشويخ عالبحر مو؟
ايصير نقدم بعد بطريقة ثانية مو على الديوان ؟؟ يعني نروح المبنى الرئيس للمؤوسسة او الوزارة ونقدم ؟؟

 

[[المهندسة]]

عادي ادش هالتجمع انا بشركة النفط
بس عندي سؤال ليش وايد يطلعون من الوزارة وايون الشركة عندنا مع ان بوجه نظري انهم نفس المعاشات يمكن بس دوامكم اقصر احنا من الساعه 7 لي الساعه 3 ؟؟
وشاكرتلج حبيبتي

شلون نفس المعاش !!؟؟ غلطانه اختي

وزاره النفط معاشها معاش وزارات عاديه جدا وشركه النفط اوووه معاشاتهم عاليه المهندسات بالالف وشي

وتقولين نفس الشي قويه.. مميزات الشركه والمعاش الخاص اعلى بوايد من الوزاره خصوصا الكي او سي معاشاتهم عاليه

 

[كويتيه_1984]

انا لمن قدمت بالديوان آتخر شهر فبراير الي طاف حطيت مؤوسسة البترول الكويتية من ضمن رغباتي يمكن حطيتها الرغبة الثالثة ... اهي غير عن وزارة النفط مو؟ بس اثنينهم يم بعض بالشويخ عالبحر مو؟
ايصير نقدم بعد بطريقة ثانية مو على الديوان ؟؟ يعني نروح المبنى الرئيس للمؤوسسة او الوزارة ونقدم ؟؟

غلطانه

ما يصير تسجلين مؤسسة البترول الكويتيه من ضمن رغباتج لانها قطاع خاص

هو صحيح المؤسسه و الوزاره نفس المبنى بس كل وحده وميزانيتها احنا ميزانيتنا ملحقه اما المؤسسه مستقله


وطبعا التقديم للمؤسسه عن طريق الانترنت فقط متى ما نزلوا الاعلان اما وزارة التفط التقديم عن طريق ديوان الخدمه

 

[كويتيه_1984]

وزاره النفط معاشها معاش وزارات عاديه جدا وشركه النفط اوووه معاشاتهم عاليه المهندسات بالالف وشي

وتقولين نفس الشي قويه.. مميزات الشركه والمعاش الخاص اعلى بوايد من الوزاره خصوصا الكي او سي معاشاتهم عاليه

صح كلامج

 

[emankuwaiti]

أنا قدمت السنه اللي طافت على شركة البترول بس ماقبلوني بالنظام عشان العمر كانو يبون 26 و كان عمري وقتها 27

و انا تخصصي صيانة حاسب الي

 

[السنافيه]

بنات بسالكم
شركه البترول الكويتيه .؟؟ قطاع خاص والاحكووومي؟؟

 

[kitten-85]

ويييييييييييييييييي ضيقتي خلقي يعني مو زينه ؟؟؟
انزين ليش الديوان حاطها من ضمن الاماكن ال نختارهم عيل !!! وهو التقديم بس عن طريق النت !!!!!!!!!!!!!!!!!!!!!!
سؤال دام انها تعتبر قطاع خاص اكيد مثل ماقالت اختي المهندسة معاشاتهم احسن مو معاش وزارات مو ؟؟؟
آآآآآآخر سؤال اقدر اعدل على رغباتي لمن يفتح التسجيل حق الديوان المرة الياية ؟؟ والا مايصير ؟؟؟
تصدقين اختي كويتية انا ثلاثة ارباع رغباتي الي مسجلتها التقديم مو على الديوان شالحظ !!!! توني خريجة وسيدة فتح التسجيل حق الديوان ومادري شالسالفة ...
رغباتي :
- وزارة المالية
- الصندوق الكويتي للتنمية الاقتصادية
-مؤسسة البترول الكويتية
-جامعة الكويت
-وزارة التربية

 

[كويتيه_1984]

أنا قدمت السنه اللي طافت على شركة البترول بس ماقبلوني بالنظام عشان العمر كانو يبون 26 و كان عمري وقتها 27

و انا تخصصي صيانة حاسب الي

ماله شغل العمر اهم شي الخبره والكفاءه

اعرف ناس اعمارهم بالثلاينات كانوا يشتغلون بقطاع حكومه قدموا استقالتهم وراحوا توظفوا بالـ knpc