تـــجــــمع لبنات التقويم (اللي حاطين تقوووووويم اسنان)

[ابتسامه80]

شلونكم اخواتي الغاليات
انا توني حاطته من تاريخ2/2/2009اسبوع اللي فات حطيته بمصر.لان اسناني اللي جدام متقدمين شوي جدام فسوالي التقويم الشفاف قالي لاني منزوجه وشده بالسلك الحديد بس الله لايوريج اسبوع ما اقدر اكل بس اشرب سوائل واذا اكلت اسناني تعورني بس الدكتور عطاني مسكنات حق الالم في البدايه صار عندي تشققات بالشفه العلويه من داخلل لان التقويم الشفاف تري حديد بس شكله شفاف.بس ماحددلي مدته قالي 6شهورورديلي علشان اشفوفه اشيله او امدد مدته واذا شاله قالي بحطلج التقويم المثبت مده تقريبا3شهور.وكلفني 200دينار وااااايد رخيص ودكتور متخصص بالتقويم واسنان التركيب بس وعنده عيادتين بمصر وحده بوسط البلد ووحده بالمهندسين.من ناحيت التفريش انا افرش بعد كل اكله لان الكل يلزق بالتقويم فنصحني اني افرش كل ما اكلت ونصحني اني اشتري فرشه اطفال احطها بشنطتي علشان لما اكون بره البيت طالعه افرش بس انزل الاكل اللي بين التقويم
وهذي كل حكايتي مع التقويم[/QUOT

تصدقين فرق بالاسعار حيل رخيص بمصر هم بالسعوديه يقولون على 400 دينار اما اهني حيل غالي بس الحلو فيه انه بالاقساط عارفين الكويتين يموتون على انهم يحملون نفسهم قسط:eh_s(6):

 

[سامحني جفيت]

يابنات ابي اعرف بالنسبه للاقساط جم الدفعه الاولى انا هذي مشكلتي بالدفعه الاولى والا الاجمالي مايخالف لاني راح ادفعه اقسااط كل شهر والله يعين

 

[ابتسامه80]

بنات ماقلتوا منو متزوجه ومركبه تقويييييييييييييييييييييييييم

 

[أنوثهـ حتى الثمالهـ]

ال في
شلون 6 شهور وتراجعينه المفروض شهري تشدين على هالحاله كل 6 شهور متى بتخلصين
بعدين الاسنان راح تتوسع مع السلك انا طنشت 4 شهور مواعيد الشد عشان السفر ولاحظت واحد من الاسنان الاماميه صار بينه وبين اللي يمه فراغ

 

[أنوثهـ حتى الثمالهـ]

تصدقين فرق بالاسعار حيل رخيص بمصر هم بالسعوديه يقولون على 400 دينار اما اهني حيل غالي بس الحلو فيه انه بالاقساط عارفين الكويتين يموتون على انهم يحملون نفسهم قسط

اي انا مسويته بالخبر 1000 ريال مقدم وكل شهر 300 ريال لمدة 10 شهور يعني التوتال 4000 ريال

 

[غزلان]

الله لا يوريكم بنات عووووووووووووووووووووار حتى ماي ماقدر اشرب
يالله كلو في سبيل الجمال على قولت اللبنانين

 

[ابتسامه80]

غزلان يالله شدي حيلج على قولتج كل هذا في سبيل الجمال

 

[نتاشا الجميله]

صباح الخير ياذوات الإبتسامه الحديده :eh_s(6):

ان بقولكم تجربتي مع التقويم بالتفصيل والي تبي تستفيد تقرا واي سؤال انا حاظره ....

انا حاطته شهر7 سنة 2007م ,,, يعني الحين صارلي سنه و7 شهور تقريبا,,, والحمد لله خلصت وانشالله هالشهر او شهر 3 بشيله,,,

بنات بقولكم عن عيادتي وطبيبي .. حطيته بعايده المباركيه التخصصي للأسنان بالسالميه ,, عند دكتور هندي اسمه مينوج مادري ميونج هندي طوييييييل مشالله صك عليّ:dddds:

اول شي انا ترتيب ضروسي مافيهم عيب صفتهم حلوه ,,, بس العيب بفكي السفلي ياي جدام يعني ضروسي الي تحت ماقدر اوديهم ورا ضروسي الي فوق <<خلصينا يعني ام حنج ههههههههههههههههههه :dddds:
عاد كل دكتور اروح له يقولي جراحه نكسر فجج ونرده ونركب حدايد على ويهج تثبت حنجج وتمين شهر بس تمصين بعود سوائل وأكل مطحون
وماكو غير هالحل وامي كانت معارضه حيل اسوي هالعمليه ,,,,

عاد لمن رحت المباركيه التخصصي للأسنان وتحت إيد الدكتور مينوج قالي نفس الحجي بس لمن شاف امي معارضه تم يتمقل بضروسي ويحرك هالفجوج نص ساعه وقالي اقدر اسوي تقويم تجميلي

شسوا؟ كسر ضرسين واحد يمين وواحد يسار ورا الأنياب الي تحت عشان يصير فيه فراغ يحرك على اساسه <<فهمتو شلون الشكل!!
عورني قلبي لمن شلع ضروسي بس عقب النتيجه استانست,,,,,

عاد والله يابنات معاملتهم ولا اروع ,, عندهم لمياء<<سكرتيره تدش معاج وتفهمج كلشي اذا ما تعرفين انجليزي وماتتمين تعابلين معاه وماتفهمين عليه ,,, مع انه حليله يحاول حيل يفهمج ويطمنج ويخليج واااااثقه منه حيل ونفسيته حلوه كلما دشيتي عليه سألج شلونج شلون الدراسه :tek:

وصراحه قالي اهم شي النظافه عندي وايد زبونات إييون وضروسهم متروسه جير .. واهم شي انظبطي بالمواعيد عشان التقويم ما يطول ...

و مواعيدههم ولا اروع على كيف كيفج الي تبينه ,,, بس الدكتور يقول بعد 15 يوم او 20 يوم اروح عند السكرتيره وتقولي شلي يناسبج لو بجدم او بأخر يومين عادي اهم شي راحتي واي وقت الصبح ولا العصر على مزاجي

حتى الأقساط على مزاج مزاجي اذا ما بغيت ادفع بهالموعد ولا لا كيفي واذا بدفع 5 10 20 على مزاج مزاجي
:wqedqw:
يعني مدلعيني آخر دلع صراحه ,,,,,,

ولمن شال ضروسي ما حسيت بشي كلش اول شي خدرهم بقطنه بطعم فراوله << قمة الدلع :wqedqw:
بعدين شالهم بعد معافر,, بس انا ما حسيت

ولمن حط التقويم آخر تقنيه بليزر واضاءه ازرق وبرتقالي تحسين صج حلال عليه سعره

صج نسيت السعر <<<<<<<<<<<< 950 تسعمائه وخمسون دينار كويتي

وبنات كل موعد وموعد يسويلي فحص اذا في سوس ولا شي ما يخليه
مثل بنت خالي مسويه بالحكومه ولمن شالته ضروسها كووووووووووووولهم سوس صارت امنا الغوله :krkrkr:

بس السوس اذا بسويه بالحكومه كيفي ,,, واذا بسويه عندهم ادفع 10 بس يعني حسابه غير حساب التقويم اكيد,,,
وانا سويته عندهم لان حشوتهم تهبل ونظيفه حيل وشغل ليزر وخمس دقيق تخلص ...

ومن اول موعد عطاني ورقه فيها صور فراشي الأسنان الخاصه بالتقويم وحطلي صح يم الفرشه المناسبه لتقويمي<<< يعني يا بنات الدكتور يحدد المناسب لتقويمج على حسب شكله وحجمه

المهم لمن شريتها شريت معاها فراشي صغار مجكنمين حق الطلعات..

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

وبخصوص الألم والأكل
صراحه ماحس بألم إلا اول يوم يشده وبس ... ومرات فجأه يعوروني اقعد اعض اصابعي مثل الياهل بس ابي شي اعضه
والأكل آكل كلشي إلا التفاح اذا اكله يصير تقويمي حديد بتفاح هههههههههههه
بس اقطعه وآكله



*نصايح ومعلومات من دكتوري:
الضروس مو كلها سوى ,,, في ضروس تتحرك بسرعه وتتأثر بالشد بسرعه
وضروس غصب تتحرك فتزيد فتره التقويم...
حافظي على التفريش المستمر لان مع التقويم نسبة السوس اكبر<<الاكل ينخش مني مناك وتنسينه
آكلي ولا تمنعين نفسج لأن كثر ما ضغطتي عليهم بالأكل تساعدينهم على التحرك بسرعه


ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ونصيحه للبنات اذا لاحظتي عيالج الصغار ضروسهم عوي على طول تقويم

لان دكتوري ضحك لمن قالي ليش ماسويتي تحكم بنمو الفك لمن كنتي صغيره<< يعني حدايد براسي بفتره معبنه بس تتحكم بنمو الفك ما تخليه يروح جدام من كيفه ,,,,
قلت له امي ماقصرت سألت بالحكومه قالو لازم يصير عمرها 18


وضحك وقال ماكو وعي عندكم وخاصه بالتقويم,,,, التقويم حق الصغار لان ضروسهم طريه وبسرعه نقدر نشكلها

ماتشوفون يهال الأجانب كلهم تقويم



واتمنى تجربتي افادت البنات

وعـــــــــساكم عالقوه والله يصبركم على الألم

 

[نتاشا الجميله]

صج نسيت اقولكم ,,,,,,, اشتريت بعد علبه فيها شمع شرايح
حق شنو؟؟

هالشمع اقطع منه صغار صغار واشكله بيدي على إلي يناسبني واحطه فوق التقويم بالمكان الي احس انه شقق حلجي واضغط شوي,,,, احطه لمن انام عشان ما يشقق بحلجي

 

[solee]

شوفي يعومري الله يخلي الحكوما مرات شوفي صج مرات شغلهم كخ يعطونج موعد بعد دهر بس بعضهم مايقدروون فيالله الحكوما تقريبا كل التقويم الي تبينه سعر 50 دينار تقريبا كل شي وسعره او اقل بس هذا سعره لا زاد ولا قل اما الخاص روحي حطي 1000 وفوقه سعره كله كامل مع فتره العلاج وكلشي 1000 وفوق
وبس يعمري

 

[sweet heart]

هاااااااااااااي بنات انا قبل 4 اياااااام حطيت تقووويم مافي اسناني شي..
بس انا احب التقويم
صج يعوووور بس احس يحلي..

و هذي ثاني مره احطه .. مو لعب بببببببببس شوي عياره..

حطيته الحين بعياده خاصه بالجابريه..اول مره حطيته بالحكومه بس توبه قعدت فيه 5 سنوات..
هذا غير المراجعات قبلها ب 3 سنوااااات واااااااي عمري كله ضااااع بمركز بنيدالقااااااار..

 

[غزلان]

سووويت حسبي الله على بليسج ليش حاطته عيااره بيعورج الحين
انا بموت من العوار مو قادره اكل

 

[ابتسامه80]

سويت يحليلج من صجج كلنا نبي الفكه منه وانتي حاطته عياره

 

[وتلومني فيك يوم اغليك]

هلا والله فيج بقولج شصار معااي

انا حطيته في عياده الميدان بالفحيحيل في شهر 5 2008 العام حطيت اللي تحت اول لانه حاطين لي جهاز بالفك العلوي علشان يصير وسيع لانه ضيج
واسناني كااااااااااانوووووووووا (( الاثنين الاولات راكبين فوق بعض متهاوشين )) هههههههههههه بس هذي المشكله

وحطيت اللي فوق شهر 10 2008 يعني اشيلهم كلهم شهر 6 2010 يالله نلحق خير انشاءالله

لاكن اذ1 جاء عرسي انشاءالله بشيله قبل العرس بسبوع وبعد العرس بسبوعين ارد ارجعه وانشالله خير
وقالي تشيلينه سنه وثمان شهور

 

[miss LV]

بنات ماقلتوا منو متزوجه ومركبه تقويييييييييييييييييييييييييم

حبيبتي ابتسامه80
انا متزوجه وحاطه تقويم حديد بس شفاف
وصارلي اسبوعين

 

[غزلان]

ابتساامه رفيجتي بالتقويم شلونج
يمه صارلي ثلاث اياام وي الحين ماقدر اكل ولاا شي
شنو هاذا تعبت ابي اكل

 

[Mrs>3so0ola]

مرحبا بنات شخباركم :eh_s(6):

أنا ركبت تقويم الاربعا الحمدلله بس فوق وإلي تحت بعدين بس بسأل الحين العوار إلي عقب التركيب نفس عوار الشد كل شهرولا عوار الشد غير> وحده تتطمن على مستقبلها

 

[غزلان]

عسوووله هلاا وغلاااا
حياج بيناا ذوات الاسنان الي جنها اشتراك
الله يعينج على العوار
ماعليه خلينا انتحمل
والشد لي الحين بس ركبه لي ماشده ويقوولن انه يعوور

 

[احلى حلوه]

حياكم الله بنات :68_asmilies-com:
يازينكم منورين التجمع :ggdw:

اللي خايفه من الشد ترا عادي اهو يعور شوي بس جم يوم وبعدين يخف
وفي اشهر يكون الشد يذبح :krkrkr:
ومرات لا شد خفيف حسب حركت الاسنان

بالنسبه للي تسأل عن المتزوجه ومركبه تقويم.. اللي اشوفه الحين المتزوجات اكثر من البنات مركبين تقويم صار شي عادي وبعدين كلها فتره وتعدي اهم شي الابتسامه اللي نطمح لها :eh_s(6):


نتاشا الجميله
ماشالله والله شكل دكتورج شاطر امبين من فكرته حلوه عشان يرد الفك بدون عمليه .
لان انا بعد مثل مشكلتج بس فكي متقدم عالخفيف يعني مو امبين كلش بس الدكاتره يلاحظون الغلط وعدلي الفك بالتقويم وماشال مني ولا ضرس الحمد لله. :eh_s(6):



بنات تكفون اللي يشتكون من عوار التقويم احمدو ربكم والله لو تجربون الجهاز اللي يوسع الفك تقولون يازين التقويم وعواره يهون عند جهاز توسيع الفك صج صج صج عذااااااااااااب:0bee2e8d89:
ماصدقت يوم شاله عني الدكتور استانست والحين التقويم مهما عورني احس شي عادي

 

[Mrs>3so0ola]

الله يعيين بس ويسهل وتعدي المده بسرعه

انا متزوجه وحاطه تقويم ما احس في مشكله عادي بالعكس تغيير بالشكل :eh_s(6):

والالم الله يسلم ال cataflam