تـــجــــمع لبنات التقويم (اللي حاطين تقوووووويم اسنان)

[مطيريه ماركه]

هااي سويت شعار متواضع لتجمعنا

 

[نهاية حبنا]

وااااااااااااااااااااي بنات باركولي واخيرا ركبت التقويم اليوم الصبح
ما يعور مثل ما سمعت بس احس بضغط خفييييف
وناسه كل شوي اطل يالمنظره اشوف شكلي تغير وشفايفي كبرت لوووووووول
بس المشكله ليلحين ما اعرف اكل شي بس اشرب ..ياربي متى اتعود عليه
الدكتور يقول بيشيله بعد سنتين يعني الدرب طويييييييييل

مبرووووووووووووووووووك :ggdw:


عادي انا من ثالث يوم تعودت عليه وقمت اكل اشياء لينه ...

بس بعدين عادي ...

 

[احلى حلوه]

الله يسهل علينا و يعدل ضروسنا و نشيل التقويم باقرب وقت يا رب ,, انا الدكتور حسب كلامه يقول راح يشيله شهر 2 ,, ما يندرى ,, لان بعض المرات ازهق ودي اشيله , ابي اشوف شكلي بدونه

امييييييييييييين يارب الله يسمع منج
وانا قالي شهر 4 يشيله يالله هانت مع اني تعودت عليه وما ودي اشيله :tomato2:,,


الف مبروك حبيبتي وسن عالتقويم وعقبال ما تبشرينه بشيلته

--------------------------------------------------------------------------------
انزين ممكن اعرف الحكمة وينهي فيه بالضبط وجم اسعارهم وعند اي دكتور
يوم أمس 02 :47 02:47:49 PM

الحكمه في بالفحيحيل بالعماره الي مجابله الكوت بالضبط وفي بالفروانيه بمجمع مترو
الدكاتره كلهم هنود بس شغلهم ممتاز ,,واسعارهم حلوه بالنسبه للعيادات الثانيه ما اقدر احددلج سعر لان كل حاله يختلف سعرها.

zain_kw
حياج الله حبيبتي ومشكوووووره على عرض تجربتج حمستيني عالمتحرك..
والله صاجه اهم شي نظافة التقويم والحمد لله ما اشم فيه ريحه ابدا ابدا

][][+BR+][][

نورتي الموضوع يا قلبي
الاميري الكل يمدح شغلهم ومعاملتهم ,,احسن دكاتره للتقويم الهنود ايدهم خفيفه وفاهمين <<زين الهندي فلحله بشي

يوم الاثنين موعدي والدكتور ركب حلقات غير اللي قبل يقول بوسع بين اسنانج ماكو مساحة منو صارلها مثلي

انا صارلي مثلج لان مافي مساحه بين اسناني ركبلي سيور وحلقات على اسناني الي داخل وورا
هذا اكثر شي يعور بالتقويم الله يعينج اذا شالهم بترتاحين

يجنن الشعار ما قصرتي يا قلبي بحطه بتوقيعي ان شاء الله :tek:

 

[احلى حلوه]

بنات انا باجر بروح للعمره وبرجع يوم الاثنين ان شاء الله
هالله هالله بالموضوع ما اوصيكم عليه ,, تامرون على شي من هناك ؟؟

بدعيلكم كلهكم بنت بنت إن الله يرزقكم ويوفقكم ويستر عليكم ويبعد عنكم كل شر ومكروه وطبعا دعوه خاصه عن التقويم والاسنان..
فديييتكم والله بشتاق لكم ومن الحين ودي يصير يوم الاثنين واشوف الردود الطيبه منكم..

يالله مع السلامه واشوفكم على خير

 

[نهاية حبنا]

بنات انا باجر بروح للعمره وبرجع يوم الاثنين ان شاء الله
هالله هالله بالموضوع ما اوصيكم عليه ,, تامرون على شي من هناك ؟؟

بدعيلكم كلهكم بنت بنت إن الله يرزقكم ويوفقكم ويستر عليكم ويبعد عنكم كل شر ومكروه وطبعا دعوه خاصه عن التقويم والاسنان..
فديييتكم والله بشتاق لكم ومن الحين ودي يصير يوم الاثنين واشوف الردود الطيبه منكم..

يالله مع السلامه واشوفكم على خير

حبيبتي تروحين وتردين بالسلامة :tek:

راح نفقد بهالجم يوم ..

الله يتقبل منج مقدما ..

مو تنسينا بالدعاء ...


وهالله هالله بالصوايغ لوول :klhfl:


:eh_s(8):

 

[.MiNi.]

احلى حلوه

:
تروحين بالسلامه .. ويتقبل الله منا ومنج بصالح الاعمـال

صج صج راح نفقدج *_*

 

[@ الرسامة @]

مشكورين بنات على ردودكم


انا وايد مترددة وبستخير خايفة اتاذى

والله ودي اعدل اسناني

 

[بنت_بوظبي]

أنا حطيت و شليته الحمدلله والحين أسناني حلووووه ماشاءالله

 

[مطيريه ماركه]

بنات الدكتور معطيني موعد 10 / 11 عشان يشيل الحلقات

امبيه عواار قلب

 

[نهاية حبنا]

بنات الدكتور معطيني موعد 10 / 11 عشان يشيل الحلقات

امبيه عواار قلب

لما يشيلهم اصلا راحه :eh_s(1):

تحسين حلجج حر لوول

الله يعينج

 

[**فراولة**]

السلام عليكم..
شلونكم بنات وشلون التقويم معاكم ..

بنات ابي اسألكم يصير احول من عيادة لثانية يعني انا ركبت بعيادة وابي اكمل شغلي بعيادة ثانية اخاف ما يصير لان الدكتور الاول عنده قياس التقويم

 

[نهاية حبنا]

السلام عليكم..
شلونكم بنات وشلون التقويم معاكم ..

بنات ابي اسألكم يصير احول من عيادة لثانية يعني انا ركبت بعيادة وابي اكمل شغلي بعيادة ثانية اخاف ما يصير لان الدكتور الاول عنده قياس التقويم

والله مادري اذا يصير او لا ...

بس ليش تحولين حسافه شغلج كله بعياده وتروحين عياده ثانيه يمكن يلعوزونج !!


وين كنتي ووين ودج تروحين ؟

 

[وصرت غايب]

مرحبااااااااااااااااااااااااا ياحلوين

الله يعين ع هالاسنان صاااااار نادر نشوف احد عمره من 9 الى 20 اسنانه مضبوطه من دون تقويم او غيره

انا كنت اخااااااااااف من طبيب الاسنان بشكل مو طبيعي ولا اقدر اروح واذا رحت بس اجلس ارتجف ومتوتره وحاله

التقويم لازم اركبه غصب او طيب عندي بالفك العلوي ناب ناط فوق وتقدم بسيط بس عادي مايتلاحظ الا اذا ضحكت

عاااااااااد ركبت التقويم وانا بس افكر في الالم

طلع كله حكي فاضي مافيه الم غير شي بسيط ومحتمل جدا واذا مافيني للالم اخذ بروفين بنادول انام عادي .. بس ضغط بسيط ع الاسنان

احس الي كانوا يقولون الم مو طبيعي فمك ماينفتح للاكل كللللللللللللللله مو صحيح


انا مدة تقويمي سنه ونص مر منهم 6 شهور ، الدكتور الحين مركز ع قفلة الفم بعدها الاسنان بس احس فيه فررررق مو طبيعي ، كلفة التقويم كله 10000ريال سعودي ’ مو اعيدي كل بداية شهر لازم اروح وكل موعد يغير المطاطات (وعاد هاتك تكشخ بالالوان) ، اخر موعد ياشينه صغر السلك وحط لون من راسه وردي فااااتح مره مو حلو الي يشوفه يقول مو نظيف ،

اما الاكل يمكن بداية الايام اذا شد الاسنان مااقدر اعظ او اقطع عادي نمشيها شوربه بطاطس مقلي اي شي ناعم
بعدها خلاااااااص اكل الي ابي بس مااقدر اكل الساندويش والبرقر لازم اقطعهم واكلهم قطع صغيره
لااااااااااااااا وبعد الدكتور مانعني من اكل
العلك >>>فهمنا
التمر>>>نقدر نصبر
البيبسي >>>عورني قلبي
الكاكاااو >>> اكيد ماقصده

والله صرقعت يوم قالها .. بس يقول بعد مانشيل التقويم بيصير عندك نقط سوداء بالاسنان ماتروح ابد
بس للامانه العلك مااكله ، البيبسي بديت ابطل، التمر جااايني حالة شراهه عليه مو طبيعيه بس ابلع بالتمر، اما الكاكااااااااو ياقلبي انا مااقدر استغني صرت احطه داخل فمي واذوبه >>>>>> يعنني ماابيه ياذي اسناني

الفرشه والمعجوووون عادي مااختلف كثير بس لازم التفريش كويس ولا بتطلع ريحه للفم

الشي الي مو حلو في التقووووويم احيانا تصير هالحركه يجرحني بخدي من داخل هذا الي يعور والا الحين مو عارفه اش اسوي

 

[وصرت غايب]

السلام عليكم..
شلونكم بنات وشلون التقويم معاكم ..

بنات ابي اسألكم يصير احول من عيادة لثانية يعني انا ركبت بعيادة وابي اكمل شغلي بعيادة ثانية اخاف ما يصير لان الدكتور الاول عنده قياس التقويم

اي عادي ياحلوه .. اذا هم بنفس المجمع الطبي ملفك واحد ورح يعرف الدكتور منه وين وصلتي بالعلاج

اما اذا بتروحيييييييين مكان ثاني عادي مالها دخل القياسات ع حسب الدكتور بيمشي ع الشغل الي قبل

ولا بيقعد يتفلسف ع راسك ويطلع الدكتور الي قبل مايفهم وهو الي يفهم

الززززبده اذا تبين تغيرين عادي مااتوقع فيها شي

 

[وصرت غايب]

الله والله وناااااااااسه بركب لونين مع بعض
بنات شنو الالوان الي تطلع حلوه مع بعض؟ ابي رايكم

احلى حلوه انا بعد باخذ الصوره عشان انضم معاكم يا ذوات الابتسامه الحديديه على قولتج لوووووووول
ادعولي يوم الاربعاء بركب حدي متحمسه والسبه تجمعكم شوقني عالتقويم عكس قبل ما احب اسمع طاري التقويم
فديييييييييييييييييييتكم والله

مررررره وناسه التقويم .. يعطي شكل حلو للوجه

اما الالوان بعد خبرتي فيهم حاولي تختارين الالوان الصارخه

لاتقربين من الالوان المايله ع الابيض مثل الوردي البرتقالي الازرق الفاتحه مررررررره مو حلوه ع الاسنان

 

[مطيريه ماركه]

بنات انا حاطة حلقات مثل ماقلت لكم

اشلون انظف اسناني يدش الاكل في الحلقات شنو معجون الاسنان اللي تنصحوني فيه وافرشاة انا استخدم فرشاة ومعجون سنسوداين من عمر

بنات في منكم جربت الخيط بتنظيف الحلقات

ياليت تفيدوني

 

[نهاية حبنا]

بنات انا حاطة حلقات مثل ماقلت لكم

اشلون انظف اسناني يدش الاكل في الحلقات شنو معجون الاسنان اللي تنصحوني فيه وافرشاة انا استخدم فرشاة ومعجون سنسوداين من عمر

بنات في منكم جربت الخيط بتنظيف الحلقات

ياليت تفيدوني

والله انا ماجربت الخيط ...

انا استخدم معجون سانسوداين..


وصاحبه الموضوع حاطه نماذج فرش اسنان جيكي عالصفحات اللي قبل ...

بنات اهم شي بالتقويم هو المحافظه على نظافة التقويم لان الاكل يترسب على الحدايد وبين الاسنان ويسبب التهاب بالثه او تسوس لا سمح الله

عشان جذي لازم نستخدم ادوات وفرش خاصه لتنظيف التقويم غير الفرشه العاديه




اولا :فرشة التقويم تكون على شكل حرف ال v تقريبا ما لقيت لها صور بالنت بس بتلقينها في جميع الصيدليات تقريبا شكلها مثل هذي

..فرشتي الخاصه للتقويم من oral-b طبعا هالماركه غنيه عن التعريف في ادوات الاسنان.


ثانيا: الفرشه الصغيره للتنظيف بين الاسلاك والقواعد وبين الاسنان ..هذي الفرشه مهمه جدا جدا جدا وما استغني عنها تنظف عدل وتدخل للاماكن الصعبه ..تلقينا بالصيدليات او اطلبيها من الدكتور الي مركبه التقويم عنده يعطيج
وهذي صورتها



ثالثا: الخيط الخاص بالتقويم هذا يوصل لاماكن صعب على الفرشه الوصول لها ويدخل بين الاسنان والاسلاك
يستخدم مره باليوم عالاقل



رابعا : المضمضه المطهره للفهم تساعد في تعقيم الفهم والاسنان وتحسسج بالانتعاش وتعطي رائحه حلوه للفهم.
تلقينه بالجمعيات صوب المعجون والفرش او بالصيدليات .




وبس خلصنا الاشياء المهمه ونجي عند الاشياء الي تساعد وحلوه وانصحكم فيها مثل الفرشه الكهربائيه تنظف عدل وتفرك الضرس فرك هذي صورتها والحلو فيها انج تقدرين تركبين فيها اكثر من راس ولكل راس وظيفته




وفي بعد الفرشه الي راسها صغير تكون حركتها بين الاسنان اسهل وتنظف كل ضرس لحاله بس مو مهمه مثل هذول



وبسسسس وان شاء الله بنزل لكم طريقة الاستعمال الصحيح كل فرشه وناطره ردودكم ومشاركتكم
وأي سؤال احنا موجودي :aha:

 

[نهاية حبنا]

اذا تقصدين هذي

هذي مثل ماذكرت من قبل انها ممتازه للتنظيف وما استغني عنها تنظف عدل

وهذي صور توضح طريقة استخدامها




واذا تقصدين مثل هذول


الحلو فيها انها تنظف كل ضرس بروحه يعني تبي وقت

فانا انصحج اذا تبين فرشه مدوره تجربين الي تشتغل على بطاريه عجيبه بالتنظيف والله ريحتني تفرك الضرس بدالي لووول
سبق وتكلمت عنها

وهذا موضوع ثاني

 

[مطيريه ماركه]

يماااااااااااااال العافية يله بروح الصيدلية بشتري الخيط والفرشاة

 

[Anastasia]

ها شصار عليكم .. من زمااان عنكم ..