تــحــذيـــــر لمربيات الحيوانات بمنطقة الفنطاس قطعة 4 !!!!

[Qـويتية]

السلام عليكم، شلونكم بنات وشخباركم ؟ من زمااااان عن المنتدى، اشتقت لكم حبايبي، المهم أنا اليوم ياية أحذر كل بنت تربي حيوان في منطقة الفنطاس قطعة 4 ولا يمكن ينتشر فيها كلها، بنات الموضوع أنا شفت تحذير في صفحة PetZone في الفيس-بوك عن واحد في منطقة الفنطاس قطعة 4 يذبح االحيوانات الضالة بإن يحط لهم سم في الأكل ويمشي ويذبح، ديروبااااااااااااااااالكم !! لحد يطلع حيوانه برا خصوصا البنات إلي عندهم قطاوة وجلاب !! وهذا الكوبي الأصلي من صفحتهم:
.
.
​

copied: ATTENTION FOR ALL PET OWNERS!!! FINTAS BLOCK 4 SOME ONE START TO KILL THE STREET ANIMALS BY PUTING POISON..DON'T LET YOUR PET GO OUTSIDE WITH OUT LEASH..TO AVOID PROBLEMS

روحو صفحتهم في الفيس-بوك وتأكدو
.
.
والله يحفظنا ويحفظ حيواناتنا ويكافينا شر هالأشكال التعبانة :rgewrg:
​

 

[VET-Nour]

هذا حيووااان حتا الحيوان احسن منه مال تكفّخ
وين اهله عنه ؟؟
حسبي الله عليه

 

[عود ومسك]

يوووه يابنات
ترا هذي مو اول مره
كان في واحد كذا بعد بجنوب السره يم بيت رفيجتي ومات واحد من قطاوتها وتلاحقت الثاني وماخلته يطلع بره
تقول قطوي كان يوميا يطلع يتمشى على سور البيت وبعدين فجأه تقول ما صرت اشوف قطاوه بالشارع الا هالرجال يحط اكل وسم
ونفس القصه صارت برميثيه من جم سنه بس هذا سالفته سالفه استغفر الله يارب
رفيجتي تقول كنا نشوفه يحط اكل ويجمع قطاوة الشااااااااارع كلهم وعلى بالها ان حان عليهم اثاريه كان يحط سم وفجأه شافو القطاوه يموتون وبعد ما ذبح قطاوة الشارع توفى الرجال من الكانسر استغفر الله العلي العظيم
فا تعجبت حيل من الموضوع اقول سبحان الله يعني القطوه تشم الشي قبل ما تاكله وتعرف حتى اذا وصخ والا لأ بس قطاوة الشوارع ما يهمهم شي من الجوع ياكلون اي شي
وتلاقون هذا اللي حاط سم مكثر الاكل وعاجن السم معاه حسبي الله ونعم الوكيل فيهم ياربي شعليييييييييييييكم انتو شكو بقطاوة الناس
والا القطو المسكين شلون اذاك عشان تذبحه

 

['3αd̝̚συя `•]

حسبي الله ونعم الوكيل
الله يكافينا هالاشكال​

 

[ريشة بيضاء]

حسبي الله ونعم الوكيل

 

[tbola]

امبيه حرام عليه القطوه روووح

 

[$.. shahooda ..$]

حرآآآآآآآآآم

 

[hello1]

حوبه القطاوه تطلع عليهم حرام هاذي روح ما يصير يذبحونهم

 

[dob106]

لا حول ولا قوة الا بالله

 

[ZAMessi]

وييين الرائفه بالحيوان!!!
لا اله الا الله الواحد مايقدر يربي شي هني الا و طالعيله جم واحد ماعنده رحمه و يسوي هل بلاوي !!

 

[انصاريه قمره]

بنات بغض النظر عن هالعالم اللي ما فيهم رأفه طبعاا ريحه الجنه ما يشمونهاا لانهم قتلواا روووح
بس انتوااا الله يهديكم ليش ما تمسكون قطاوتكم يعني في ناس تخاااف انا بيت يرانا الله يهداهم هادين قطوتهم 24 ساعه مره رحت مطبخناا لقيتهاا شكبرهاااا تخرع وتنجست ادش المطبخ مره ثااانيه وقمت دوم اطلب من المطعم لين ما تزوجت ومره هم نفسهم هادين قطوتين وجاشين دار اختي الظاهر باب الحووش كان مبطل وحداا منسدحه يم اختي وتلعب بذيلهااا والاخ الثاني تحت السرير يعني معقوله ما يخافون على قطاوتهم وهادينهم اذيه للناس خو مو كل العالم تتأقلم مع الحيوانات انا اخاف منهم ومستحيل اجيسهم وان قعدواا بمكان ما ادشه الا لي تعقم وهالشي والله مو مني انا فيني فوبيا منهم يعني الجلب ما اخاف منه كثر القطوه حاولت اجرئ نفسي ما قدرت الله يسامح اللي كان السبب

 

[بطبط نوسا]

لا حول ولا قوة الا بالله حسبي الل ونعمة الوكيل
الله يهديهم ششلون قلبهم يطاوعهم ويسون هالشي والله
نااسس ماتخاااف ربها بمخلوقات بريئه ماتضر ولا تاذي
الله يهديهم ويصلحهم يارب *

 

[بطبط نوسا]

لا حول ولا قوة الا بالله حسبي الل ونعمة الوكيل
الله يهديهم ششلون قلبهم يطاوعهم ويسون هالشي والله
نااسس ماتخاااف ربها بمخلوقات بريئه ماتضر ولا تاذي
الله يهديهم ويصلحهم يارب *
:eh_s(17):

:eh_s(17)::eh_s(17):

 

[batooly]

استغفر الله
ناس مريضة ~

*~.~*

 

[زهر الرمان]

أعوذ بالله ليش جذي عاد

 

[tnkora]

لو لا قيته جاان ذبحتهه

 

[Destinoo]

اسمحولي بس انتو وااايد بالغتو و ماتدرون يمكن هالقطاوه و الجلاب امضايقينه!
احنا عندنا جلاب وايد بالبيت و جارنا كان حاط سم برره. و الخدامه قلنالها تربط واحد من الجلاب تكرمون قالت اوكي و نست! فا طلعت ادوره عند السيايير بره لقيته حبيبي ينتفض و فووم ابيض يطلع من حلجه! شفته يموت و بجيييت. بس ما رحنا كلمنا الريال لان انه ما الومه حاط سم بره البيت يعني الناس امطلعين قطاوتهم و جلابتهم برره يتحملون! لان انه اموت من الخرعه من القطاوه و قلت انشالله ان اتزوجت و عندي بيت بسوي نفس الشي و احط سم برره و مو سبب هالشي بس خوف, بس لان القطاوه مزعجين و يوصخون فا انه هالريال ما اعرفه بس يمكن اللي قاعد يسويه شي عادي يمكن اهما صج امضايقينه ما الومه يعني..

 

[عود ومسك]

^^
دستينو
عفوا الله خلق هالقطاوه

انتي تبين تذبحينهم؟
لانج تخافين منهم؟ او لانهم يوصخون؟
كيفهم خل يوصخون بالشارع في عماله ينظفون الشارع
قطاوه الشوارع ما يدشون بيوت الناس الا اذا هالناس حطولهم اكل!
الله يعينج على نفسج

 

[Destinoo]

عود و مسك حبيبتي محد علمج من قبل اشلون تتكلمين او تحترمين الناس؟؟
ولد اخوي الصغير امشمخته قطوه كانت تقعد عند باب بيتهم الحين مايشوف ابعينه اليسار و فيها شلخ! )) انه ماقلت ابيهم يموتون بس في المكان اللي ارتاح فيه مابي يكون فيه قطاوه و عن كذه تجربه صارت لي معاهم تولد لي خوف مو طبيعي
و الله يعيين الناس عليج اذا هذا اسلوبج
respect to be respected

 

[Lourdez]

هدوا اعصابكم يا جماعه
انا من رايي اول شي يحذر الاوادم قبل لا يحط سم و يذبح الحيوانات لانه هذوول حيوانااات حرااااااااااااام