تـخرجتـي؟ سويتـي الحفله؟تعالي سولفي لنا/قريـبآ التخرج:عيل قولي لنا شلون بتسوين حفلتج؟

[MaZaji CoOL]

تسلم عيووووووووووونج الغاااليه ...

 

[سنفوره]

انا بتخرج هالسنة ان شاء الله من الجامعة و الصيف بحط حفلة صغيرة بين الاهل يعنى ما نتعدى 30 و اكيد ابى افكارررر لان صج تعب وواحد يبى يستانس

 

[emotive girl]

انا سوولي حفلة بتاسع والحيين انا بعاشر وان شاء الله بسوون لي حفلة مالت تفوق ان شاء الله

بس اذكر كان ونااسة سوينا بلاوي

اذكر كلنا مع بعض حذفنا كبابيسناا صرنا خبوول ههههههه وانطط على المسرح ونرقص والابلات حاطيين لنا اغاني >> فصلنا

 

[emotive girl]

بس للحين ماتخرجت من الثانوية توي طالبة يديدة بالثانوية

ان شاء الله اتخرج :>

 

[emotive girl]

احس داشة عرض لان شكلي اصغر وحده فيكم :$ :dddds:

 

[krkooora]

واااااااااااااااااي حفلتي سويت حفله ليما تخرجت من الثنويه العام ونااااااااسه سويتها بسرداب بيتنا عود و يكفي و يبنا دي جي و بوفيه من الموفنبيك ياي عجيب وعزمت ربعي و خالاتي و اهلنا صج صج استانسنه وطبعا يم التخرج انا ورفيجاتي حجزنا ليموزين بورش وخذينه جم لفه على البحر وبعدين تعشينه صج صج ايام حلوة تحسين صج محتاجه هالوناسه بعد الكراف و الدراسه .................. الله يوفقج مزاجيه و لا تسينه بحفلتج انشا الله

 

[مع وقف التنفيذ]

الحمدلله توني متخرجه من الجامعه،،!


والحفله سوهاا لي اهلي مفاجئه،،


طبعاا كانت عاائليه بحت،،

فكانت اختي مجهزه سي دي اناشيد تخرج ونجاح بايقااع تشووووق

وكانوا مسوين لي كيكه عليها صوري من لما كنت بالابتدائي ومسويين موفي عارضينه ع الدي في دي

الزينه ومازينه عاديه جدا ورخيصه بس متفنتقين فيها،،

احلا مافي الموضوع ان صوري وانا بالروضه والابتدائي وغيره مالت التفوق مكبرينها حييل وحطينها داير مداير المكان

 

[MaZaji CoOL]

انا بتخرج هالسنة ان شاء الله من الجامعة و الصيف بحط حفلة صغيرة بين الاهل يعنى ما نتعدى 30 و اكيد ابى افكارررر لان صج تعب وواحد يبى يستانس

عيل حياااج الله بالموضوع انشااالله تلاقين اللي تبينه .........

 

[MaZaji CoOL]

احس داشة عرض لان شكلي اصغر وحده فيكم :$ :dddds:

لااا بالعكس حياااج الله .. والموضوع حق حفلات تخرج كل المراحل الدراااسيه ...:ggdw:

 

[MaZaji CoOL]

واااااااااااااااااي حفلتي سويت حفله ليما تخرجت من الثنويه العام ونااااااااسه سويتها بسرداب بيتنا عود و يكفي و يبنا دي جي و بوفيه من الموفنبيك ياي عجيب وعزمت ربعي و خالاتي و اهلنا صج صج استانسنه وطبعا يم التخرج انا ورفيجاتي حجزنا ليموزين بورش وخذينه جم لفه على البحر وبعدين تعشينه صج صج ايام حلوة تحسين صج محتاجه هالوناسه بعد الكراف و الدراسه .................. الله يوفقج مزاجيه و لا تسينه بحفلتج انشا الله

ونااااسه وعليج بالعااافيه وعقبال تخرج الجاامعه انشاااالله ......

انا الحين خلصت الحمدلله بس انطر اهلي يردون من السفر عشان أسوي الحفله انشاااالله.. وراح أوافيكم بالتقرير حبيباااتي ...

:ggdw:
:ggdw:

 

[MaZaji CoOL]

الحمدلله توني متخرجه من الجامعه،،!


والحفله سوهاا لي اهلي مفاجئه،،


طبعاا كانت عاائليه بحت،،

فكانت اختي مجهزه سي دي اناشيد تخرج ونجاح بايقااع تشووووق

وكانوا مسوين لي كيكه عليها صوري من لما كنت بالابتدائي ومسويين موفي عارضينه ع الدي في دي

الزينه ومازينه عاديه جدا ورخيصه بس متفنتقين فيها،،

احلا مافي الموضوع ان صوري وانا بالروضه والابتدائي وغيره مالت التفوق مكبرينها حييل وحطينها داير مداير المكان

ألف مبروووووووووووووك زميلتي ... يعني انا وياااج نفس الكورس خريجااات ....:ggdw:


عجبتني سالفة الصور .. بس للأسف انا نص صوري مفقوووده ....!!! حسااافه ..

عمومآ فكره حلوووه حق اللي يبون افكار من الموضوع ...


حياااج الله ..

 

[boofa]

واااي ذكرتيني بناظرتنا قططيعه طبعا اهيا ماسوت لنا بس تحططنا مع بنات وااايد وسوينا في فندق النخيل واااي اكرهه هاليوم ييت متأخر و حالي حاله لوووووووووووووول
انا تقريبا صارلي 3 سنين من تخرجت من الثنويه وان شاء الله اسوي حفله لما اتخرج من الكليه

 

[هبله حلوه]

انا بنت عمتي تخرجت من الثنويه وسوت حفله ووناسه ودي جي يعني بشكل عام حطي كل الي فبالج داشه عرض

 

[MaZaji CoOL]

ههههه


ماااقصرتو بناااات .. والله يهنيييكم كلكم وتفرحون بحفلات تخرجكم .. سؤاء ثانويه .. أو جامعه أو دكتوراااه بعد ...


.
.

 

[اخت-اخوها]

لمن تحخرجت من الثانويه قبل 4 سنين
الناظره مارضت نسوي حفله تحاططنا انا والبنات كل وحده دفت مبلغ معين وسوينا بصاله ودي جي وبوفيه وكانت وايد حلوه كل وحده مع اهلها والمدرسات والكل وسونا مسابقه ملكه جمال الحفله لووول عشنا الدور والابلات اهم يختارون الحمدالله انا طبعت الملكه لووول وسويت عرض لمن طلعت الملكه جنه عرض ازياء وكنا لابسين نفانيف جنه حق عرس انا خيطت نفنون كان عباره عن 6 الوان ورحت الصالون وتمكيجت وكشخت وصج كاااااااانت وناااااااااااسه ويبت مصوره والصور عندي لميا الحين
وان شاء الله لمن اتخرج من الجامعه بسوي حفله

 

[بحرينية اصيله]

انا بحرينية بس بقول شسويت بهاليوم

شنو سويتو فيه؟؟؟
سويته بصاله عندنا فالبحرين واايد الحفله كانت حلوه بشهادة الجميع

شلون قضيتوه ؟؟؟؟
والله وناااسه كان والكل استانس فيه

شلون كافئـتو أنفسكم بيوم التخرج؟؟؟
بصراحه اهلي ورفيجاتي اهما اللي كافؤوني مو انا



يعني بنات بكل بساطه سولفو عن تفاصيل حفلة التخرج ...:


سويتي حفله أو لا ؟؟؟؟
اكيد سويت حفله

وين سويتي الحفله ..؟؟؟
ابيتكم ؟؟
ولا بصاله؟؟
بصاله

عشاء عادي .. ولا بوفيه ودي جي و رقص ووناسه؟؟
بوفيه كان وماحطيت دي جي مجرد اني حطيت موسيقى هادئه ماحبيت الازعاج


منو عزمتي ؟؟
اهلي ورفيجاتي

شنو لبستي؟؟
وين سويتي الميك اب؟؟
فستاني كان لون فوشي وفيه شك فضي
والميك اب كان فالصالون لون فوشي دامجين فيه فضي
وشعري كيرلي

شنو الـهـدايا اللي حصلتي عليها ؟؟؟
واااايد

شلون كانت كيكتج ؟؟؟ من وين حاجزتها ؟؟؟
كيكتي كانت حلوه وايد
وفوقها مسوينه بالكاكو كبوس التخرج
ومكتوب عليه مبروك التخرج
اللي من البحرين يعرف المحل اهوا ليلو

 

[غزل مطيـــــــر]

انا تخرجت وحاليا ميداني وانشاللة شعر 4 حفلت تخرجيي
ادعولي

 

[cup-cacke]

صباح الخير بنات

شلونكم

هذه آخر سنه لي بإذن الله بالثانوي...وبنات مدرستنا كلفوني اروح اسأل ناظرتنا تسوي لنا حفله تخرج

على بو عندي أسلوب..وما عندي ملف أسود عند الإداره....المهم رحت...ووافقت..بس قالت على شرط..انتي تكونين رئيسه اللجنه المنظمه...وقبل لا تعطين البنات خبر...تجيبين لي الأسعار والترتيب..عشان اضبط اموري


المهم اخترت الأعضاء بعد طلبها...بس المشكله الحين...احنا مو عارفين الأسعار

ف ياليت بنات..اللي سوو حفلات تخرج يفيدونا

يعني...المصوره الفوتوغراف جم خذت عليكم...وإذا عندكم أرقام مصورات زينات وأسعارهم معقوله هم كتبوها
الدي جي
وين سويتي روب التخرج
البوفيه
ومن هالسوالف
لأن انا قلت للبنات يدورون وانا ادور ونجتمع آخر هالأسبوع

وبإذن الله اكتب لكم شنو سوينا بالحفله

 

[jooore_q8]

مســــــــــــــــــــــــــــــــــاء الخــــــير للكــــــل ...:gathering:

انااا ان شاءالله آخــــــــر سنه لنااا بالثانويه ....>> يارب اتوفقني وترزقني بالنسبه اللي ترفع الراس يارب >> قولوا آآآآآآآآآمين
وان شاء الله مدرستنااا بتسويلنااا حفله تخرج .. بس الله يستر من هالحفله .. ومتفقين انااا ورفيجاتي اذا خلصت الحفله نطلع مع بعض نتغداا براا ونقــــــز شارع الخليج قـــــز .._03BA:. واناا ابي افكار جديده حق حفلات التخرج بالبيت ابي فناتق واللي عندهاا فناتق لاتبخل علينااا ...:klhfl:

 

[LuLiTa]

آآآآآب,,,,نبي افكار ثيمااات ,,,,