تـخرجتـي؟ سويتـي الحفله؟تعالي سولفي لنا/قريـبآ التخرج:عيل قولي لنا شلون بتسوين حفلتج؟

[يمة يادلبي]

انا انشالله السنة الياية بتخرج
وحفلة تخرج المدرسة كلش مو متشوقة لها
بس حفلة الي بسويها بالبيت او بصالة هذي الي كل يوم أفكر فيها واخطط فيها ومرات أفكر شنو موديل النفنوف الي بلبسه وشبسوي نفسي
وكل مرة اقعد بسردابنا اغمض اعيوني وأهد نفسي للللخياااااااال واتخيل وانا نازلة من الدري ومعاي بنت عمي وبنت خالتها لان ناوييين انسوي حفلة مع بعض وماسكين بإيد بعض ونننزل والناس اتشوفنا ومنبهرة فينا < احلااااام ككككك
وهم مرات أفكر شلون بنصف الكراسي ووين بنحط الكرسي المخصص لنا وووين العشىىىى


وعلى هالتفكير الله يستر عسى ماننقدر ومانسوي حفلة لان اكيد لو مايبت نسبة الي ترضي امي ماراح تسويلي ادعولي يابنات

 

[!! غزل !!]

انا لما تخرجت انا واختي ماسوينا حفله لانه نسبتها فاشله وانا ام طقه يلا دشيت الجامعه المهم المجرسه كانوا معطينا اكبر طاف وماسوولنا حفله واهلي ماعبرونا على هالنسب الخايسه مع صدمه اختي اللي جابت بالسبعينات وانا بالثمانينات يعني مو شي ...
المهم
اختي الصغيره هالسنه ثنويه عامه وان شااءللله متفائلين فيها خير وبتجيب النسبه اللي ماجابوها خواتها.. وبنسوي هيييصه اسمعوا :
اول شي المدرسه بيسوون لها حفله ونروح كلنا تشجيع لها طبعا نجيب لها طوق ورد ونحط لها وشاح بصورتها او اسمها ونكتب بيت شعر يعني نحاول نخليها مميزة وبنسوي لها هيصه بالمدرسه وطبعا يومتها نكون مأجرين موتر حلوووو للحي ماقررنا بس نبي موتر معتبر ونسفطه عند المدرسه ولا طلعت خذينها مع جم وحده من رفيجاتها وفي قروب بعد بياجرون ونطلع قروبات بمواتر ونطلعهم نغديهم بمطعم حلو بعدينن نطق فره عالخليج بعدين نطق الكرت بمرينا وشرق لي المغرب وطبعا طول هالفتره والبنات لابسين ارواب التخرج صدقوني اشكالهم بتكون حلوة ومميزة والكل راح يباركلهم يعني راح يستانسون بعدين نرد البنات لبيوتهم ونكمل الحفله بالبيت مع الاهل ...

 

[asrar al7ob]

اتذكر يوم تخرجت من الثانويه كنا مسوين حفله فيها فشصار بهاليوم..؟!
قاعدين انسوي بروفا قبل لا ايون الاوادم :ioljnmlk: سويناها بطرقه حلوه ومرتبه المهم بدت الحفله
والكل مستانس انه بيوقفون عالستيج يعني توني اشوف امي وابوي الي تسوي باي:bye22:
واللي توزع بوسات :hjy5jewf: واللي اتبوسم:wqedqw: والي......الخ الخ الخ
المهم سوينا طابور العرض علشان ننزل من الستيج و وصل دوري عشان الملكه تنزل (اللي اهي انا)
الله وكيلكم وانا نازله عالسلم اتعرجب بالكعب مالي :krkrkr: وانا انحرجت ويهي صار احممممممممممممر افتشلت واااااااايد لانه كان حريم ورياييل....لا والمشكله اني كملت عادي ولا جنه شي صار خليت الكعب
ومشيت حافيه من كثر ماني منحرجه...بس صراحه فكرت :gr4uu: بالكعب لانه كان اول لبسه واتحسفت اخليه مقطوط وامشي لووووووووول:dddds: ولا ارد والبسه مره ثانيه واكمل طريجي ولا جنه شي صار نهائيا لوول:dddds:
بس على هالموقف همن ماكتفيت عقب ماخلصت الحفله طلعت مع رفيجاتي قبلها كنت قايله حق ابوي بطلع بس قالي لا اتأخرين
والله وكيلكم طار الوقت بسرعه من غير ما احس وابوي مسكين ايدق واقوله كاني عند الافنيوز وانا عالبحر لوول:dddds:
ولا ادش البيت ولا صخه ماكو احد ولا مااشوف الا ظل وراي اثاري ابوي _03BA: يقولي وين كنتي كل هذا عند الافينيوز:s141: قلت له هاااا ايي يبا مريت الصالون حفيت ورديت يقولي حفيتي ها لوووول:dddds: جان اخليه وانحاش ولا لاحقني بالعصايه :23_asmilies-com: وضحك من قلب يقولي ليش اجذبين يعني قولي الصج....بس صج وناسه لا توصف

سوري قرقرت فوق راسكم وااايد​

:gathering:

 

[~ miss NERD ~]

اسراار الحب لووووووووووووول انتي عجيبه

 

[LuLiTa]

ابـــــــــــــــــــــــــــــــ

 

[~ miss NERD ~]

^ بسم الله اليوم عاد قاعده افكر بهالموضوع!

شكرا على الرفع =)

 

[مستغانميـة]

حفلتنا 26-5 بس انا طايحه بهم وكرب ومو حاسه بأي فرحه او حماس مو حاسه بطعم التخرج اللي قاعدين يعيشونه البنات الحين =)

 

[غلا،،]

اهئ اهئ الموضوع جاو بوقته..
انا اخر سنه وناظرتنا زهقتنا بهالسالفه مو راضيه تسوي لنا حفلة تخرج وحنا ما قصرنا حن عليها ذلينا عمرنا الله يسامحها وللحين ما ندري تسوي ولالا امس سمعت انها بتسوي عاد مو اكييد

ادعوووولنا تسوي لنا

وان شاءالله اذا تخرجت بقولكم شصار^ــــــــ^

 

[عروس مطيريه]

في حفل تفووق اول بس
و الحين في حفل شهر 6 اتخرج

وبس

 

[M!s$ GoOnA]

انا بالمتوسط >> ادري بنطرد
بس المدرسه سوولنا حفلة تخرج ( تاسع ) وكان ونااااااااااااااسه
صج صج صج وناااسه
والحفله من ارقى ما يمكن اول مره يسوون لنا جذي
بفضل الله طبعا ثم الاداره اليديده ثم ابلات الاجتماعيات > يعطيهم الف الف عافيه
وكانت اروابنا ( اسود بفوشي ) عجييب كاان
وانا اللي قلت كلمة تواسع صج ونااسه وشعور عجييب

والله يوفقنا واوقف نفس وقفتي لما قلت الكلمة .. بالثانوي والجامعه >> وايد طموحه لوول

 

[Nanoosa]

السنة اللي طافت سوينا حفلة بالمدرسة و كرمنا الشيخ احمد الفهد الصباح

يا حلاتها من حفلة .. أحلى أيام عمري

قبل لا يكرمونا حطو موفي ميكر حاطين صورنا الله يغربل بليسهم فشلة جدام الاهالي لوول بس خوووووش مفاجأة

و حاطين نشيدة على طاري الفرح مالت حمود الخضر .. يا حلوها

و كانو كاتبين على الصور كلمات ان ما راح ننساكم و ما راح ننسى أيام الدراسة و من هالسوالف .. و بدينا نبجي جدام الشيخ و اهالينا و الناظرة .. و الله ما انسى لما شفتهم جان تخنقني العبرة و اصيح معاهم لوول

و عقبها كرمونا وحدة وحدة و لما كرموني سمعت يباب أمي بعد عمري كانت تبجي

عقب الحفلة اجرنا ليموزين همر شحلاته رفيجتي تكفلت فيه يا حليلها .. و لما ركبناه قعدنا نصاارخ تخرجنااااااااااااا
و حطينا اغاني و قاعدين نصور و حالة
و رحنا المرينا و تمشينا فيها و الكل كان يخزنا لأن لابسين اروابنا و كبابيسنا كان شكلنا ملفت
و دشينا على مرينا اف أم و حطو اغنيتنا اللي غناها لنا نبيل شعيل اهداء من وحدة من الطالبات ما قصرت و الله تينن الاغنية تتكلم عن مدرستنا و عن دفعتنا كتبها لنا بشار الشطي

طبعا اللي كانو معاي العام راح يعرفون اني بثانوية ماريا عقب اللي قلته كله لوول

المهم عقب المرينا ركبنا الليموزين مرة ثانية و كان وقته الساعة 3 يخلص وقت الليموزين و كان ما بقى شي عال3 فقررنا انه يقطنا فرايديز اللي عالبحر نتغدى لأن مو ماكلين شي من الصبح و عقب ما نخلص ندق على اهالينا ياخذونا

ما انسى تاريخ هاليوم 23-5-2010 ياااااااا حلوه من يووووووووم

بصراحة احلى يوم ما انساه بحياتي كلها و ما راح أنسى رفيجاتي اللي من زمان ما شفتهم

و عفوا عن القرقة و شكرا

 

[Make A Wish]

استعداد تام لتنظيم كافه حفلات التخرج ...اغاني خاصه باسماء الخريجين ..دي جي مميز .اداره كويتيه ...تميزي في حفله تخرجك
66564271​

 

[زينة 66]

اب اب اب اب اب اب