تـجمع عرايـس شهر 9 بعد رمضـان ان شاء الله :)

[وينج يا غناتي]

مــــرحــــبا بنـــــآآآت ’’

وحشتـــوووني فــــديييييييييتكم ,,

شخبااااركم كلكم كل وحده بأسمها ,,

وشخباار التجهيز معاكم

 

[حـنـيـن 20]

كيف حالكم ياعرايس

اما على التجهيز للحين مابديت

لاني جالسه اسوي رجيم لما اضعف اجهز

 

[*جـــودي*]

اهليييين ,,

التجهيييييز !!

الله يسلمج انا من شله النآآآآآيمين

 

[حـنـيـن 20]

جودي

انا مثلك

مومستعجله عليه ابد ابد

 

[نور الكويت$$]

شخباركم بنات..

سارون وقلبك ماشتقتلكم..

 

[*جـــودي*]

اهلييييييين نور ,,

نورتي ..

حنين والله احس تو الناس_يمكن تصير تغيرات مني لي جم شهر جدام ,,

انا عن نفسي ماودي اجهز قبل شهر 5 ,,

 

[حـنـيـن 20]

هلا بنور الكويت منوره يالغلا

جودي فعلا ليش العجله

جودي ماطلعتوا للبر

 

[..HwazN..]

جوودي وحنين انا كنت نفس تفكيركم .. بس لما شفت البناات .. عرفت ان كلامهم صح
عالاقل ابدي بالاشياء البسيطه .. أو بالتناتيف علشان بعدين ما يدوخونج

اليووم فآقده سااره .. مكانها خاالي .. ولاقصوور بالموجودين

 

[*جـــودي*]

بلى والله اهلي نايمين_بس انا اروح وارد عليهم مااحب انام ,,

وانتي .؟

 

[حـنـيـن 20]

معك حق يا..HwazN..

بس انا بجهز من الرياض والخبر والدمام

ومحد فاضي اسافر معه الا بعطله الصيف

فعلشان كذا .. ومنها يابنت اضعف واصفي بشرتي

ومايبقى علي الا التجهيز فقط

والصراحه هنا البنات يشجعون حييييييل

ربي يسعدها ساره ومون والسنافيه وباقي العرايس

ربي يوفقنا جميع

فعلا فاقده ساره عسى المانع خير

 

[*جـــودي*]

اي والله سارونه مكانها خالي من غير شر ,,

 

[حـنـيـن 20]

انا ودي اطلع للبر واخيم ولكن

لسى ماخلصوا الطلاب امتحاناتهم

وغير كذا مافي تخيم ان كان بس طلعات الصبح ونرجع المغرب لله يعين

عاد انا أموت على الليل وسكونه في البر

 

[*جـــودي*]

حتى انا احب البر بالليل وبالذات حزت الفجر بس تذبحيني اذا قلتي نامي ,,

اي صح انتو تو باديني امتحانات ..

 

[حـنـيـن 20]

اي لله يوفقهم يارب

متى زواجك انتي ؟؟

 

[*جـــودي*]

30-9 ان شاء الله ,,

وانتي ؟

وحنووون صج انتي بأي منطقه بالسعودية ؟

 

[قَلبڪْ صًخرْ]

حنين انتي سعودية ؟؟

بعدين عرسج شهر 9 وتبلشين شهر 5


انا حاطه في بالي رمضان ماني رايحه السوووق .. كلش
اللهم اذا فطرت هههههههههههههههههههههههههههههههه



بعدين خلج واقعيه وابدي على الاقل شهر 3
حتى يمديج تضعفين خوو انتي اكيد بتنزلين 10 كيلو مو ؟؟

يمديج من الحين لشهر 3 تنزلينهم .. والعناية شي طبيعي بتستمرين فيها لحد يوم عرسج
مو معقوله اذا بتجهزين بتقطعين العناية


وبعدين اذا انتي طالبة .. ياحلالالاوة .. بيجتمع عليج 100 شغله على راسج

 

[حـنـيـن 20]

انا 11 _ 9 ثالث العيد لله يتمم لنا بالخير والسعاده

.. قريب منكم بالحيييييييييييييييييل

<<مقدر اقول هنا

 

[*جـــودي*]

وين بالضبط ؟

الخفجي ؟

ولا

الحفـر ؟

 

[حـنـيـن 20]

قلبك صخر

هلا وغلا ومرحبا فيك

اي انا سعوديه

اولا صباااااااااحك سكر يالغلا

كيف حالك وش هي علومك؟؟

واذا على التجهيز ياقلبي كلن له ضروفه

ودنيا ماتمشي على الكيف يالغلا

 

[قَلبڪْ صًخرْ]

جوودي وحنين انا كنت نفس تفكيركم .. بس لما شفت البناات .. عرفت ان كلامهم صح
عالاقل ابدي بالاشياء البسيطه .. أو بالتناتيف علشان بعدين ما يدوخونج

اليووم فآقده سااره .. مكانها خاالي .. ولاقصوور بالموجودين

هوازن جودي و حنين لا يخربونج ههههههههههههههههههههههههه


احنا مانقول اشتروا وخلصووو على عماكم .. لا في شغلات حلوة وماتتطوف

حرام ماتشترينها .. انا مو كل يوم اروح السوق .. يمكن لي اسبوع ماطلعت وامس رحت ماكس


عجبوني شغلات .. ماني قايله تو الناس .. :eh_s(4):


اللي صج تو الناس عليه الدراريع العبي الملافع بدلة العرس .. حجز الصالون
الجنط .. العطووور .. اللوشنات .. الشموع .. الفواحات .. الميك اب هذي صج خلوها اخر شي


بس انا شريت لي سنسورد عجبني