تـجمع عرايـس شهر 9 بعد رمضـان ان شاء الله :)

[sara al3soola]

بنات اليووم عرس بنت جابر حبيبت قلبيييييي

ادعولها بالتوفيق والسعاده وان الله يهنيها وتطلع قمر بليلتها

يا أني بفقدها :0bee2e8d89: الله يصبرني على غيابها

بس بأذن الله بترجع لنا بعد شهر العسل احبها وايد والله انا من امس وانا احاتيها كنها اختي واكثر والله

الله يسعدها وين ماتكووون هالبنت حبيبه ماشفنا منها الا كل خيير

مع السلامه..

 

[Hadawii]

الله يوفقها يوفقج معاها ويسعدكم اميييييييييييييييييييين ولك عروس قرب عرسها

 

[قَلبڪْ صًخرْ]

مرحبااااااا عرايس كيفكون

يوم الاربعاء كان موعدي عند دكتوره هبه

والحمدلله صرفتلي ادويه ومراهم عشان اثار الحبوب اللي بوجهي

ولم سالتها عن الليزر قالتلي اول شي ابلش علاج بشرتج وبعدين الليزر

ان شاء الله تحصلين النتايج اللي ترضيج


انا بعد بسوي تقشير لويهي ..


شرايج اروح لهبه ؟؟ ومنو هذي :dddds: حدي عبيطه


ودي بالليزر لجسمي كااامل .. بس حدي اتفشل :eh_s(1):

 

[MOOON&M]

هااااااااااي بنات


شخباركم

اليوم عرس بنت جابر عسى الله يوفقها ان شالله وتصير احلى عروس

ويسخر لهاا زوجها ان شالله

 

[Hadawii]

اميييييييييييييييييين انشالله
مون حبيبتي اشلونج شخبارج

 

[MOOON&M]

هلا دلوله


الحمدلله تمام انتي شخبارج

يمكن هاليومين اروح اخلص بجايمي شرايج

رحت هذاك اليوم دريم مول عندهم بجايم صيفيه حلوووه

 

[MOOON&M]

برب حبايبي


برجع بليل

 

[sara al3soola]

دلوله وموون شلونكم فديتكم

 

[عذبة السجآيآ]

ان شاء الله تحصلين النتايج اللي ترضيج


انا بعد بسوي تقشير لويهي ..


شرايج اروح لهبه ؟؟ ومنو هذي :dddds: حدي عبيطه


ودي بالليزر لجسمي كااامل .. بس حدي اتفشل :eh_s(1):

بعد عمري ماقصرتي على الدعوه الحلوه

بالبدايه انا كنت رايحه وحاطه في بالي اسوي تقشير

بس اول شي فحصت وجهي وسوت لي تحاليل تشوف اسباب الحبوب <<قيمة التحاليل 25

ولم طلعت التحاليل قالت لا مايحتاج علاج عميق لان انا بس اثارها اللي مبقعه بوجهي

وصرفتلي مراهم وغسول وحبوب وطلع سعرهم 86 دينار

بس انا ماشريت الحبوب لان معاي عوار بالمعده وموناقصه شي يزيدهم فاكتفيت بالمراهم والغسول

وحتى خليتها تشوف ظهري وصرفت لي غسوله له مرتين باليوم

ولم خلصت قالتلي اخر ش ابلش معاج باليزر حق وجهي اما جسمي ماراح اسوي

والدكتوره في مستشفى دار الشفاء

فتح الملف --دينارين

المقابله--15 دينار

روحيلها وشوفي شنو تقررلج

 

[shai6ona19]

امبيييه اليوم عرس بنت جابر عسى الله يوفقها يارب ,,, والله خنقتني العبره :eh_s(2):

اي صج نسيت اسلم .... قوه شلونكم شخباركم عساكم بخير :eh_s(8):

سارونه شلونج ياقلبي

بقولج شي




شي مهم




مهم حييييييييييييييييييييييل













بعد انزلي شوي


















شوي على شاني بعد :lololoe:












خلاص خلاص لاتعصبين بقولج




امس عطوني المهر :eh_s(22):

وانشالله ببدا التجهيز الصجي بعطلة الربيع ... مو مثل خرابيط قبل خخخخخخ :jbdwjbd:


انتي طمنيني عنج ياقلووبتي ^_^

 

[فنجال الكيف]

شلونكم بنات

وشخبارك لكم وحشه
الموقع صاير بطيييييييييييييييييئه:eh_s(14):

 

[MOOON&M]

هلا والله سارونه شخبارج يالغاليه


شيطونه الف الف الف مبروووووووووووووك المهر تصدقي منه وديري بالج عليه

مو تاخذين منه على اساس تشترين اغراضج ونص الفلوس مطاعم هااا ديري بالج


فنجال الكيف شخبارج يا قلبي وينج مختفيه

صاجه والله المنتدى صاير يغث

 

[أم جودي]

وينج يا غناتي
^
^
حبيبتي أنا جربت عيادة المشاري .. و ارتحت
و جربت الغرشوب بعد .. بس جهازهم عورني حييييييل
بس بقولج شي مهم . الليزر يعتمد على بشرتج انتي و مدى تفاعلها معاه..و حساسيتها لنوع الجهاز.. يعني مثلاً واااايد ناااس يروحون الغرشوب و يعجبهم و يرتاحون له و أصلا الي معروف عنه ان جهازهم ما يعور .. بس سبحان الله أنا ما ارتحت له حيل عورني.. ولا العيداة تهبل و صاحبتتهاا تهببللل بعد ...

المهم.. عن نفسي .. مقررة اختار عيادة نهائية و استقررر عليها.. لأني مو زين كل شوي تغيرين.. ماراح تشوفين نتيجة.. و هم لازم تسوين كل مرة بوقتها.. عشان تشوفين النتيجة الي تعجبج

باختصار.. الغالب بالتجربة راح تعرفين اي عيادة اهي الزينة.. في ناس من أول تجربة تصيب معاهم و يرتاحون .. و في ناس تخيب (نفسي :/ ) و الله المستعااان

ويله أبي أسمع قررريب أنج بديتي ليزرر.. عشان انتشجع أنا ويااااج :d دامنا نفس الحالة هههههه

 

[أم جودي]

وينج يا غناتي.. طبعا التجربة للعيادة تبدي بعد ما تقريين آراء الناس بالعيادات و تقارنين الأسعار و تكونين مثلا محتارة بين عيادتين أو ثلاث بالكثير.. يعني مو تروحين اتجربي كل عيادات الكويت خخخخخخخخخخخ )))

بس هذه وجهة نظري .. موشرط تكون صح
الليزر ما له قاعدة معينة !! غير انج تبحثين و بعدها تتوكلين على ربج و تستخيرين >> حسيت أني جدتج لووول

 

[MOOON&M]

أم جودي


وين صايره عيادة المشاري

واسعارهم كم؟؟؟


انا سويت عند هناء العدساني من كم

 

[shai6ona19]

هلا والله سارونه شخبارج يالغاليه


شيطونه الف الف الف مبروووووووووووووك المهر تصدقي منه وديري بالج عليه

مو تاخذين منه على اساس تشترين اغراضج ونص الفلوس مطاعم هااا ديري بالج


فنجال الكيف شخبارج يا قلبي وينج مختفيه

صاجه والله المنتدى صاير يغث

الله يبارك فيج ياحياتي ,,, والله يستر ما اصرف على شغلات سخيييفه ههههههههههههه :dddds:

 

[MOOON&M]

نصيييييييييييحه شيطونه اذا انتي تشتغلين جهزي من معاشج

والمهر حطيه بالبنك للنفنوف والذهب

انا بعد بسوي جذي اذا جابوا المهر

 

[سيــدة الغــــيد]

فديييييييتج سيده انا (( ام خالد)) بس مغيره النك فديتج والله اذكر بيوم عرسج كنت وايد احاتيج والحمدلله الله سهل عليج امورج حبيبتي عفيه لا تباعدين خلينا نشووفج علطووول وان شاء الله بهالسنه الجديده ال2010 نفرح فيج حاامل

فداج اعداج يام خالد لج وحشه يابعد قلبي وفيج الخير الحمدلله كلها تساهيل بامرالله ربي كريييييييييم هاليوم مر علي سهل وحلو وممتع ولله الحمد ماتتخيلين شلون بس لما وصل المعرس صارت الصجيه :tomato2: اهم شي الدعاء وتثقين بالله واللي تبينه يصير الحمدلله كل شي ابيه صار بالضبط مع انه صار لي مواقف بالصالون والعرايس اللي معاي بجي واصراخ وانا مبتسمه ورااااايقه لدرجه الي بالصالون ودهم يشيلوني حييل استانست .. ام خالد اي شي تبين مايردج الا لسانج هااااا ماوصيج :gathering:

وان شاءالله مو مباعده بمر عليكم واطمن على اوضاعكم :ggdw:بس حياه جديده مع انه عندي الاب بس موفاضيه بس تاقلمت ششوي وقاعد ارد لحياتي عادي لازم كلكم بتمرون بهالوضع وعالحمال كله بيد الله بالنسبه لي ولزوجي بدري ومتفقين بس مانرده اذا جا هذا رزق لاتنسيني بالدعاء محتااااااجته


البنات اللي خايفين من الليزر استخيرو قبل لاتسووونه وعلىانه يطلع الشعر تحت الجلد بالعكس نا كان عندي اندر سكن بريولي بساقي خف بالنسبه 80 بالاميه ويبيييض حيييييييييييييييييل ويوخر اثار الحبوب هذا بالنسبه لي ماشاءالله والشعر ترى يطلع عد جم شهر بس يطلع اشقر وخفييييف ناعم مايبين
وشيله الموس عادي اذا شلتيه اليوم مايطلع الا بعد 20 يوم ومايطلع شكله موحلو !! كأنه بشيره هذا بالنسبه لتجربتي

موووفقين ياااااارب :gathering:

 

[MOOON&M]

هلا والله بسيدة الغيد


منوره بعد قلبي

ياليت تقولين لنا وين سويتي ليزر وقبل عرسج بكم وكم كلف عليج

ومره مدحتي زيت ماخذته من تاجره اهني للشعر ياليت تقولين لنا عنه

ومشكوووووووره

ادري شكثر سألت

 

[أم جودي]

هلا موووون

عيادة الدكتور محمد المشاري مكانها بالسالمية على الدائري الرابع - بالمركز الاستشاري الطبي - 25657979
جهازهم زين واايد و معروفة العيادة .. بس أسعارها غالية .. و ما عندهم عروض.. يعني أغلب العيادات الثانية يسوون خصومات عقب كل جلسة مثل: عيادة طيبة كلينك..كير كلينك..و أتوقع علاج كلينك (د.دلال التركيت)
أنا بس سويت أندر آرم بالمشاري