تـجمع عرايـس شهر 9 بعد رمضـان ان شاء الله :)

[سوسو طوطو]

صباح الخير بنات
شلونكم وشخباركم
سوسو عادت بعد انقطاع دام يومين :denya:
بس والله كنت مشغوله بزي بزي
اولا خلصت الخلطات والمرشات والعطور الشرقيه القرشي يا بنات روعه شريت مسك العروس وعندهم عود الملوك اسألوا عنه بنات روعه بس غاااااااااااااااااااااااااالي 250 دينار لتوله ورحت الشايع والعربيه والفودري وعطورات مكه والدر المنثور
رحت امس للمحلات الي قلتهم
اما اليوم رحت ادور وافتر على البدله البيضه رحت اديبه المحبوب بصراحه مو حلوه وايد :0bee2e8d89:
رحت لطيفه الي بكيفان ما عجبني
رحت ازياد انطوان روعه واسعاره مناسبه بس انا كل ما اقول باخده لسعوديه طلبوا تأمين الا زياد طلب كمبياله ب3 الاف كويتي تصدقون يا بنات غير الاجاريقول علشلن اضمن انج تردينه :krkrkr:
ابي اروح لانجفه والدزه ولرشا شيك وما ادري بعد وين اروح
بنات قبل لا ادخل لزياد انطوان في قاعه بجنبه ماخدتها المصممه فاطمه اسماعيل لا يطوفكم البدل البيضه مو حلوه بس بدل الاستقبال روعه مسويه عرض اليوم وباجر وبعد باجر واسعارها زينه يعني 200 او 230 دينار بس بدلها ناعمه و راقيه
دلع صدقيني راح تلقين عندها انا بصراحه فصلت بدلتين بس ناااااااعمين
دلع وعمشه و مون والمطيريهو الطرقا و الحلا توتهو اريج الكون اخباركم
هدي اخر اخبار جهازي
مع تحيات سوسو​

:q8:

 

[عمشه جآكسون~]

سوسو اي زياد انطوان حلو بس ما ادري احس عنده بدل دفشه لوووووول انا ستايلي ناعم بس قصاته وطرحاته حدهم روعه

انا شاريه من القرشي سفاري حدها رووووووووووووعه وشاريه مسك العروس وشاريه مادري شنوبعد مسك مربعات صغار


مطيريه فله انا بعد حاطه رقمي عندهم اذا دزوا لج مسج عطيني خبر واذا انا وصلني مسج اعطيج خبر



مهري طار لووووووووول وناطره الايادي البيضا من اهلي الاعزا والله حاله ههههههههههههههههههههه

 

[دلع شرقاويه]

عرااايس 9 الفزززززززززززززعـــــــــــــــــــــه
ابي ارقى المشااااغل لبدل الاستقباااال

معااكم

عرووووووس اكتووبر

 

[غرور بحلا]

وحشتووووووووني ياااحلى عراااااااايس
همتكم بناااااات ماااابقى وقت <<تخوفكم :krkrkr:
ادعوولي القى بدله للحين مالقيت شي يعجبني:0bee2e8d89:
تسلم يد اللي سويت الرزنامه حلوووووه وللحين انا فيها لووووول
زين بسوي عرسين واحد الاساس والثاني معاكم تجديد لووووووووول

 

[الــطــرقــا]

الطرقا ياهلا وغلا بهطله فديتج يارؤحي .. اي والله مكثرين بجايم بنجيب العيد من الحين هههههههههههههههههههههه شؤفي كعب رؤحي لقطي بلافنيؤز يهبلؤؤؤؤؤؤؤؤؤؤن وتنزيلات لا يطؤفج بسالج جم شريتي عطر فرنسي وشرقي ناؤيه اشتريهم وافتك ياربي الله يعينا هذا وشهر 7 ماجا

هلا فيج مطيريه الله يسلمج شريت 11 عطرر شرقي و6عطورات فرنسيه كنت شاريتهم من معرض العطور شهر 3
بس باقي لي عطر حق ليلة العرس وعطر مع
السيت وبشتري بعد من الجزيره عطر وايلد عووود روووعه ..
عمشه الله يذكرج بالشهاده ذكرتيني بمسك العروس كنت ناسيته بروح آخذه من القرشي ..

 

[الــطــرقــا]

سوسو ماشالله عليج انجزتي شي بهاليومين زين تسوين .. :d
انا مارحت مكان امس وقبله واليوم بروح استلم عبايه و بدلة كنت مفصلتهم عند الاسطوره بأسواق القرين وبعدين بروح استلم دراريعي وانشالله يكونون قياسي مالي خلق ارجع واعدل

 

[milad]

تيوليب فديتج على الرد الحلو
الله يوفقج
كتبت رد طويل بس انمسج​

 

[milad]

بنات لاسنزا عندهم تنزيلاااااات​

وماكس بعد​

بنات شرايكم اي محل تمرونه و يكون فيه تنزيلات نستفيد منه في التجهيز تكتبون اسمه اهني
نعين ونعاون​

 

[الود الخالد]

up

التجمع بالصفحه الثانيه مايصير

 

[عمشه جآكسون~]

بنات سؤال اهلكم زادوكم او لا فوق مهركم؟ وكل وحده تقول جم مهرها ؟



لان احس اني ضغطت على اهلي على اشياء مالها معنى : (

 

[~ أريج الكون ~]

عمووشه ...

انا خذيت والحلج مفــتووح بعد
من وين أصرف وكلهـآ عرس وأعوضهم ...
بإذن الله ...

شنسوي عرس الله يعيـين ....


مساء الورد للعرآيس الحـلوين

 

[الحلا توته]

واااااااااااي بنات اكتب رد شطوله وثاني مره ينمسح

 

[عمشه جآكسون~]

اريج الكون بالعافيه عليج حبيبتي ... نفس الحاله اخذ واصرف بالهبل المهر طار وقاعده اشتري من اهلي الحين لأن بدلتي قطيت عليها نص المهر !!! الله يعين ويوفقنا يارب


مساء الخيرات اقصد صباح الخيرات

 

[cute-g]

بنات تحدد زواجي ب 12 / 9
ولحد الان ماسويت شي
حطوني معكم في التووووقيع

 

[sweety - Q8]

مبرووووووووووك حبيبتي والله يوفقج
بالنسبه للتجهيز يمديج حبيبتي بس كل ماتشوفين شي ويعجبج اخذيه لاتقولين بعدين ترا ماتحصلينه صدقيني ياما انقرصت من اشياء ماشريتهم
حاولتي تخلصين قبل رمضان وترا جنه الحين بسوون تنزيلات شهر 6 و7 عشان بضاعه العيد ^_^

 

[..HwazN..]

صبااااااح الخيرر .. شلوونكم ..؟
بقولكم عن الاماكن اللي فيها تنزيلات

لاسنزا وريد تاغ وسنتر بوينت مسوين حتى عالمكيااج
ومحلات الصاالحية كلها بشهـر 6
جمعية الخالدية مسوين تقريبا 20% عالمكياج والعطور .. وبعض العطور 50 %
وجمعية مشرف مسوين عالمكياج والعطور والرميثية وسمعت ان سلوى بعد مسوين وبيضون 50 % بس مو على كل شي
وبدي شوب مسوين على اللوشنات والسوالف هذي بس ماخذيت منهم .. مليت من شغلهم .. حااطه ببالي جم شغله اغرب واحلى
وستيبس مسوين خصومات 75% خذي عزكم الله نعاال بو اصبع فيه كرستالات حق الدراريع القصيره يجنن بـ 27
عمشة دبنهاامز مايسوي خصومات عالميك آب والعطور بس عالملابس
روحي الجمعيات اللي ذكرتها واشتري منهم .. انا خلصت كل الميك آب من تنزيلات مشرف وبيضون والخالدية وسنتر بوينت وارتحت

لاسنزا شغله يجنن .. أول مره تنزيلات وفي اشياااء حلووة .. خذيتلي بجامه بـ7.5 وخذيت مداس بـ3 وخذيت سليباات بـ.25 حق البجايم
والستيانات مع سليباتهم روووعة

ومريت الشايع خذيت ورق ارفف ومبخر وزيت للفواحة .. وخذيت من سنتر بوينت فواحة وشمووع وسبريي بخليه للحمام عزكم الله وزيوت للفواحات والكور المعطرة
وخذيت معمول الرصااصي يجنن شوية عليه .. وخذيت مرشات للبيت من الرصاصي رووعة اسمهم اكواا خذيت بشرى وكوثر

ورحت البوشية بالصاالحية .. فيه شغلات حلووة بس مو اللي حاطتهم فباالي
وبعد ماعورت رااسكم بقرقتي اعطيكم فررصة :d

 

[no0ona_100]

alla ufqqkoooooooooooooom

 

[milad]

بنات ارض المعارض مايفتح بالصيف؟

 

[~ أريج الكون ~]

قصدك مآل العطور !
لا مآ ادري .. بس اتوقع بس بالسنة مرتين ...

شهر 1 نزل ونزل شهر 3
فمآ أظن في معرض عطور ....

 

[الــطــرقــا]

بنات سؤال اهلكم زادوكم او لا فوق مهركم؟ وكل وحده تقول جم مهرها ؟



لان احس اني ضغطت على اهلي على اشياء مالها معنى : (

اي انا المكياج والعطور والبخور كله من فلوس اهلي ومهرري 7 ومابقى منه شي ..واذا خلص اكيد باخذ من اهلي مالي غيررهم الله يخليهم لي


هوازن كفيتي ووفيتي ماقصرتي يالغلا .. ان شاء الله بروح سنتر بوينت ولاسنزا واشتري من التنزيلات