??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[bnoota_]

رد: ?تجمع مواليد " مااايو " 2016 بإذن الله ?

ليدي عيل أنا أبي 15/5 حاجزته حقي ههههههههههههه
ع البركة اللي سكروا جناطهم

 

[Um Ritaj]

رد: مواليييييييد مارس 2016

اهلين امهات
اليوم قدرت ادش المنتدى عشان اسولف شوي معاكم

يعطيكم العافيه كل من علق على كلامي

بقولكم عن يومياتي مع ولدي

الحمدلله عدا اصعب مرحلتين في حياة الطفل الي اهي طيحت السر والطهور
بعد ما طهرت ولدي بخمس ايام او اكثر بديت انومه على بطنه لمدة خمس او عشر دقايق مو اكثر ويفضل على الارض بس تحطين مفرش تحته وتنومينه على بطنه واقعد امسح على ظهره ولو بكا افضل عشان يطلع الي بخشمه وبعد يطلع الغازات الي في بطنه
وبخصوص الغازات الي بالبطن سببها ان الانسان فيه خمائر بكتيريا في الامعاء فايدتها تطرد الغازات - هذي الخمائر ما تكون مكتمله في جسم الطفل فعشان جذي تشوفين البيبي يبكي من الغازات
شنو الحل!!
الحل ان في دوا في الصيدلية بعدة اسماء تجاريه تقولين ابي بروبيوتك للطفل تعطينه خمس قطرات باليوم - انا شريت Flora والحمدلله ساعدت ولدي انه يطلع الغازات من بطنه
نوم الطفل تكلمت عنه من قبل ان نومج راح يصير مجرد غفوات بالاربعين واطول نومه يمكن ساعتين لكن اقولكم عن نفسي بعد ما ابدله الحفاظه بعدين ارضعه ماحب العكس لان اذا رضعته بعدين بدلته فراح يرجع من كثر الحركه فانا افضل ما احركه بعد الرضاعه ولما ابي يترع مجرد ارفع ظهره رفعه بسيطه وباطق ظهره طقات خفيفه لين يترع

ان شاء الله كل جم يوم ادش واتكلم عن يومياتي عن طفلي
اليوم الحمدلله وماشاء الله طفلي كمل شهر

 

[Rozlin]

رد: ??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

اختكم نونا لاااااازم تلهين نفسج ..انا قبل ياااربي افكر فيها واحلل
واشتري حهاز تبويض واتابع وتاخر حملي بعدين توكلت على الله
والكل سوي هالخلطه جربي هالحبوب بس انا ابدددا ماسويت شي
دعاء وتوكل على الله وصارت ظروف ومناسبات نسسييييت حييييل
المهم انا كنت حاسه يبيلي رقيه انا وزوجي لانا طبيا سليمين
وسويت خلطه الرويس بزيت مقري فيه دهنت فيه شهر واحد بس
انا وزوجي طبعا كنت شايله الحمال من بالي وتاخرت علي 10ايام
وحللت الا حامل سبحان الله..

 

[.:lady bug :.]

رد: ?تجمع مواليد " مااايو " 2016 بإذن الله ?

لا بنوتا مايصير لازم قريب من بعض

 

[طموحه بزياده]

رد: مواليييييييد مارس 2016

كل الشكر


ليش يعدونها ولادة بالثامن؟؟؟؟ انا مخلصه التاسع!!


انا طالبه دكتوري زكريا واللي بجناح للولاده كان دكتور ياحليله قال مرح افحصج الا لما تاخذين ابرة الظهر


الحمدلله الفحص بس لما جيت الطواري غشان الدخول وبعدها ارتحت منهم ومن العوار ومن المحاتاه



الحمدلله انا تحربتي بعد حلوه مع دار الشفا وكنت مختاره جونيور

 

[طموحه بزياده]

رد: مواليييييييد مارس 2016

ام ريتاج

اي والله جزاج الله خير فيدينا عاد انا جبت ولد وصراحه متوهقه ماعرف شلون انظف منطقة الحفاظه ممكن شرح تفصيلي ؟
هل امسح العضو ولا اكتفي بالجوانب؟؟


والسره كل مامسحتها بكخول يبجي حيل ليش؟؟؟

السرة تعوره يعني!!

 

[Um Ritaj]

رد: مواليييييييد مارس 2016

السره مجرد طبطبه بالكحول مو شرط مسح

ومنطقة الحفاضه للاسف ولدي فيه شوية تزلقات ومن يومها ماقمت استخدم مناديل جونسون وصرت اغسله بالمغسله وانشفه بالفوطه والفه بالفوطه واخليه يتهوا شوي بعدين احط سودو كريم والحمدلله مره ومرتين وخفت التزلقات بس باقي مشكلة تسريب الحفاظه لها احتمالين:
اما ان البيبي يحتاج مقاس اكبر
او ان حفاظة بامبرز عناية مميزه ما ناسبت ولدي

وطموحه اذا انتي بكريه مانصحج تسوين مثلي وتغسلينه بالحمام الا اذا كنتي واثقه تماما انج ماسكته صح واذا ماعنده التهاب حفاظ خلج على المناديل لين يكبر شوي يعني شهر وبعدها تعرفين تمسكينه وتغسلينه للحمام
طريقة المسح
من فوق لتحت ( مهم جدا عشان ما تنقلين البكتيريا الي من الخروج للعضو الذكري)
وبالزوايا والثنيات
والمنديل الي تمسحينه جهة اليمين لا تستعملينه لليسار
افضل شي ان يكون عندج طاولة للتغيير عشان ما يعورج ظهرج وانتي تبدلين لانج بتبدلين الحفاظ كل 3 ساعات تقريبا

 

[Um Ritaj]

رد: مواليييييييد مارس 2016

طموحه
نسيت اقولج
طريقه لبس الحفاظ ليما تطيح السره

الحفاظه تجفسينها تحت السره
يعني لا تغطين السره بالحفاظ
وجيكي عالسر كل يوم ليما تنشف وتطيح وديري بالج اذا فيها مثل الافراز الاصفر او تنزف دم بشكل كبير لازم تروحين طبيب اطفال

انصحج تشوفين باليوتيوب صيدلانية اردنيه اخصاءية امومه وطفوله اسمها ( رولا قطامي) جدا جدا ممتازه وانا اتابعها بصراحه واطبق تعليماتها خصوصا لما تكلمت عن الرضاعه الطبيعيه وقالت ان الام المرضعه ماتشرب حليبً نهائيا لانه يسبب غازات للطفل وفعلا ارتاح ولدي من وقفت اشرب حليب
تابعي كل في فيديواتها

 

[Um Ritaj]

رد: مواليييييييد مارس 2016

الكحول تحرق شوي عشان جذي يبجي

 

[راحيل العبدلي]

رد: ?تجمع مواليد " مااايو " 2016 بإذن الله ?

سكوووون ان شاء الله بصور اغراض جنطة المستشفى و احطها
ليدي هههه اي والله ع كيفنا نحدد الله يسهلها ع الكل
كل الشكر لا ما جربت الولاده فالشفا فماعرفش خالص

 

[راحيل العبدلي]

رد: ?تجمع مواليد " مااايو " 2016 بإذن الله ?

ليدي وبنوتا الي بتولد قبل لازم تاخذ الثانيه وياها ههههه الله يسهلها عليكم

 

[Um Ritaj]

رد: مواليييييييد مارس 2016

بسولف شوي دام الحلو نايم

اليوم حبيبي صار عمره شهر وصورتله صوره جنبها رقم ١ وحطيتها بالبوم شاريته من بوتري بارن

وتحسفت اني شريت ملابس مقاس نيوبورن لانها مع الغسيل انكمشت وصغر مقاسها ولما البسها ولدي صار يتضايق مع اني ولدته بس ٣ كغ
وهذي نصيحه للي يبون يتجهزون انهم ما يشترون حجم نيوبورن

الغلطه الثانيه الي سويتها اني لما اغسل ملابس ولدي بصابون الاطفال كنت اضيف كمفورت عشان تصير ريحته حلوه بس للاسف حسس جسم ولدي وخصوصا وجهه نفر حبوب حمرا صغار
الاستحمام
انا ما سبحت ولدي الا مره
وكل يوم امسح جسمه بفوطه وعلى طول انشفه يعني كل منطقه امسحها بفوطه مبلوله وعلى طول انشفها قبل ما انتقل لمنطقه ثانيه عشان لا يستبرد ولدي

ومعلومه صغيره
الي ولدها يرضع صناعي يحوشه امساك ويخرج مرتين الى ٣ مرات باليوم وغازات فيه اكثر
والي ترضع طبيعي راح تلاحظ انه الطفل يخرج بعد الرضاعه مباشره وهالشي طبيعي لان حليب الام خفيف على معدة الطفل وانصح الي ترضع انها تاخذ قفشه صغيره زيت سمسم او هرده لانها تدسم حليبج فيسمن الطفل والحليب يقعد بمعدته فتره اطول فيقل احساس الجوع عنده

ونصيحه مهمه
الطفل بهالسن ما يحتاج لا ماي ولا اي اعشاب وخصوصا العسل ما ينعطا للطفل لمده سنه لان معدته مو مهياه الا للحليب

 

[سكوووون]

رد: ?تجمع مواليد " مااايو " 2016 بإذن الله ?

الف حمد وشكر خلصت كللللل شي وسكرت جناطي كلها حق المستشفى وحق النفاس لاني بقعد عند امي عشر ايام
وناطره الولاده على خير

 

[نـعـومـه]

رد: تجمع مواليد (ديسمبر) و??(يناير)

مرمر لج وحشه ربي يشرح صدرج والحال من بعضه مالي خلق شي استغفرالله يبيلنا تغير نفسيه سفره لاسطنبول تنعنشنا حدي احلم هههههه الله كريم

بنوتا معقوله بلمباركيه والله يبيله ادوره دام جذي

نعومه ماتوقع في بالافنيو سألت قالو مافي

سكتي لاتيبين طاري السفر لاني ميته على السفر هههههه بس ودي أوربا استرخاء بالطبيعه بعد التعب والمجهود

بس وين الحين صعبه حيل سفره ياهل بالاشهر ماينهد بنسبه لي وبنفس الوقت متعب مومال سفر هذا رايي مادري

 

[نـعـومـه]

رد: تجمع مواليد (ديسمبر) و??(يناير)

وبخصوص تركيا رحتلها والله يعني ماستانست حيل لان شوي الشعب لكم عليه وزوجي ماعجبه تعامل الشعب كلش ومارتاح فحسيت موحلوه السفره واللي معاج مومرتاح

أنا ودي وايد كل مره هابه بدوله ههههه

كان ودي النمسا طبيعه فرنسا العب بنتي ديزني

ودي إيطاليا واو أجواء ورومانسيه بس شرط تكون بالشتا

والحين طاق براسي اليابان كوريا ههههه قلبت على اسيا

انا بعد احاتي اسافر وأهد الياهل بس المشكله ياهل تسفرينه خوفج يمرض بسرعه لان الجو يتغير عليه

 

[نـعـومـه]

رد: تجمع مواليد (ديسمبر) و??(يناير)

من صجكم مانيى نظراتهم لي ومعاملتهم لي

كنت اطلب من مطعم والا يصرخ علي الجرسون ويهزاني

واقول لريلي شوف الحيوان تصرف

قال شسوي بالله اطقه اصرخ ديرتهم واي حجوه بيصدقونهم اهما مو احنا


اسطنبول مال تسوق بسسس

نفس رايي

اسطنبول سوووق سوقهم حلووو ويمشي مع ذوقي

ونفس زوجي يسكت يقول ياغريب كن اديب

أنا مره صرخ علي شايب لاني قاعده البس بنتي جوتيها على قطعه حاطينها لما تدش المصلى بس المشكله القطعه برا المسيد مداخل عشان يعصب الظاهر هذي مايصير أحد يحوشها بجوتيه !! المهم بس وقعدت اسمع تحلطمه وصراخه ويقول عربي مادري شنو ويقول تركي مسلم ! المهم سب العرب ههههه وانا مانقهرت حيل لان شايب لو وحده صغيره ولا واحد صغير جان صج عصبت

 

[نـعـومـه]

رد: تجمع مواليد (ديسمبر) و??(يناير)

بنات بس العمره لاااااا اا لاتاخذونهم تفرغو للعبادة ولاسمح الله تغفلون عنهم اذكر أخوي لما كان صغير يمااااااااا ضاع بالعمره بعدين لقيناه مع الشرطي يحوسون الله ستر صج جنه كان فيه 7 أو 8 سنين

 

[طموحه بزياده]

رد: مواليييييييد مارس 2016

لا مستحيل اغسله بالمغسله بهل عمر يمه اخاف

والله احس الماي والسبوح عموما راح ينظفه عدل لان امسحه بمناديل سيباميد ومو متأكده منظفته عدل ولالا خصوصا انه ولد صج البنت اسهل ههههههه


ام ريتاج يعطيج العافيه اي والله كل ماذكرتي شي اكتبيه سبحان الله يمكن يغيب عن بال احد


بالنسبه لرولا قطاني انا متابعتها من زمان وصج تونس ومفيده



انا ولدي ماسكت من البجي الا لما عطيته حليب صناعي

رضعته من صدري ربع ساعه لكل صدر بس بعدها ظل يبجي وماسكت الا عطيته حليب مع انه طلع حليب اولي الشفاف

يعني شنو اسوي مو متشجعي عالرضاعه ههههههه

 

[طموحه بزياده]

رد: مواليييييييد مارس 2016

اي وبعد ما رضع وبدلت حفاضته يبي ينام فقاعد يبجي


مانومه غير المصاصه

عاد رولا قطامي تقول افضل المصاصه تنعطا الطفل بعد عمر اسبوع علا مايتعود عالرضاعه الطبيعيه

 

[طموحه بزياده]

رد: مواليييييييد مارس 2016

اي صج وعندي سؤا

لاحظت كذا مره انه يبجي حييل وقت ما عزكم الله يبي يبول

وبعد مايبول ويخلص يسكت

ليش؟؟