??تـجـمـع لـجـمـيـع مـوالـيـد 2016 { تعالو نستفيد من خبرات بعض}??

[.:lady bug :.]

رد: تجمع مواليد ( يونيو - 6 ) 2016 ❤

مخليته اصلا ولامفكره اشيله سااااالفه اسويه


اتيننن ناهده ماعليها كلااااام شاطره تبارك الرحمن وبكل عيالي عندها اراجع
واخر مره ولدت عندها وباذن الله همن هالمره بعد باذن الله



وايد شاطره وتعرررررف

 

[.:lady bug :.]

رد: تجمع مواليد ( يونيو - 6 ) 2016 ❤

بنات الايام تركض الله يتمم لنا ع خير ياااارب ويسهل علينا

بعد اسبوعين ندشش السادس باذن الله وبعضكم اسبوع
الحمدلله الله يتمم علينا يارب العالمين وعقبال التاسع والولاده الميسره يارب العالمين يارب

 

[Zaynah]

رد: تجمع مواليييد شهر يوليووو (7) حياكم الله

شلووونكم بنااات !

اللي اشترو للبيبي ما تنلاموون اشيائهم مايقدر الواحد يقاومها انا الحمدلله من حملت ما رحت مجمعات ولا كان شريت اكيد ههههه

غزلان احس بدري تعرف اللحين واكيد دام بدري بيبين عندها بنت بس ان شاء الله تتأكدين الشهر الجاي والله يعطينا اللي فيه الخير


انا قاعده اعد الايام عشان اخلص الثالث الله يعديه بسرعة )':

 

[Zaynah]

رد: تجمع مواليييد شهر يوليووو (7) حياكم الله

ليااال حتى انا احيانا تصير لي واجوع بسرعه بس ادري معدتي ما مداها تهضم الاكل شدعوه بعدين قريت عن هالشي ويقولون يمكن جسمنا محتاج ماي واحنا نفكر جوع قلت يمكن من جدي صحيح لاني صايره ما اشرب ماي وايد

 

[.:lady bug :.]

رد: تجمع مواليد ( يونيو - 6 ) 2016 ❤

بنات بنات
شهر 2 راح يبلش مع اغلبنا التجهيز


هالله هالله بالصور والاماكن الزينه ههههههه خل نستفيد يبا ههههه

بكل حمايلي لي جدول معين من احلل وانا كل شهر اشتري شي حق بعد الولاده عساس بعد الولاده كل شي جاهز جني عروس واغراضي كلها جديده

اشتري قمصان ومكياج عدسات رموش واصباغ
فساتين وبجايم
اخر الاشهر بالتاسسعاشتري جم دراعه حلوه واعلقها وملفع
اشتري عببايه واعلقها جنطه كشخه وشوز وانتو بكرامه
بخور وعطورات ولوشنات وبودرات ومسك ومرشات او مشعلات للغرف واكسسوارات

عساس لاطلعت من الاربعين ارد شقتي كل شغلي جدييييد جني العروس
بس هللحماله ماسويت شي ومتحسفه حدي
ذابحني الخمول

 

[.:lady bug :.]

رد: تجمع مواليد ( يونيو - 6 ) 2016 ❤

حتن تصدقون بالانفاس ماتعب كلش بالتجهيز لان شغلي ينطرني بشقتي


اللهم بالنفاس حق راحتي وبس
واخره صبغ وقص وحمام مغربي

ومرات اروح اشتري بدله كشخه لطلوعتي


مرات اشتري ذهب

اكون بالنفاس بفراغ لان شغلي جاهز


اذا طلعت اطلع اغير جو


اعرف بنات وايد بالنفاس حوووووسه

ماتستقبل احد من الشطه
ضايعه بالتجهيز وحوسته وكل شوي متذكره شي مو شاريته

او متوهقهه بالدراريع او البدله يمدي تخلصاو لا

ومتلعوزه والبيبي محد يستحمله اصلاا

ف نصيحتي بلشو تجهيز لعمركم مبجر

 

[koko_899]

رد: تجمع مواليد ( يونيو - 6 ) 2016 ❤

اي صح كلامج ليدي والحين فرصه تنزيلات
صج يعني ناهده ولا ليلى اشكناني احسن ؟

 

[معنـى الحنـان]

رد: تجمع مواليد (ديسمبر) و??(يناير)

كتبت قصة ولادتي مرتين وانمسح مادري شسالفه هههه

المهم هذي ولادتي الثانيه وغير عن الاولى
هالولاده صعبه الحمدلله على كل حال
ولادتي الاولى كانت بدار الشفا ولدت عقب مادشيت العاشر بيومين اخذت طلق صناعي وعقبها ابرة ظهر مامداني احس بالعوار الصجي الحمدلله والله نعمه

ولادتي هذي الثانيه بلندن واهنيه مايصير طلق صناعي الا عقب التاسع بعشر ايام وانا لمن خلصت التاسع عطوني موعد بس ولدت بعد اسبوع من العاشر بطلق طبيعي الحمدلله
طبعا بالتاسع مرت علي كل علامات الولاده وتوقعت بولد سبحان الله نزلت السداده وافرازات مخلوطه بدم يوميا والرحم مفتوح 2 سانتي والدكتوره وقت الفحص تقول لمست راس البيبي ماشاء الله البيبي نازل بالحوض من قبل ما ادخل التاسع طبعا من كثر المشي بلندن يوميا اطلع اتمشى واودي بنتي الحضانه مشي غير ولادتي الاولى بالكويت اروح البحر امشي 10 دقايق احس بموت ههههه وبنتي كانت مرتفعه مانزلت الا لحظة الولاده
هالمره نازله بالحوض وضغط قوي تحت تعبت حيل الله ياجرنا

المهم يوم ولادتي الصبح حسيت بطلق كان كل 5 دقايق تقريبا بس خفيف وظل ساعتين واختفى ونمت لاني كنت سهرانه وتعبانه وعقب ماقمت عادي مافيني شي بس النفسيه تعبانه وبليل رجع الطلق كل ربع ساعه قعدت احسب وفجاه صار يقرب والعوار يزيد ويطول صار كل 10 دقايق قلت حق ريلي ودني المستشفى بولد قال مافيج شي انا بنام واعرف اللي بتولد !
عصبت عليه قال ماراح اوديج الا لمن اشوفج تصارخين
انقهرت وقعدت ابجي ورحت قعدت بروحي والعوار يزيد صار كل 5 دقايق واذا جا الطلق ماقدر اتحرك ولا اتكلم ويفج شوي اقوم اتهاوش مع ريلي هههههه المهم قام وداني بس كنت حدي تعبانه وقعدت ابجي بالسياره واول ماوصلنا قلت لهم احس بطلق وعوار قوي كل 5 دقايق فحصت الدكتوره قالت بس 3 سانتي ونص تقريبا جان ريلي يقول يعني مو ولاده !
جان اعصب قلت طلق قوي بموت حطولي تخطيط جان تقولي فيه طلق وقاعد يزيد يالله امشي غرفة الولاده
دشيت غرفة الولاده وريلي معاي والعوار خلاص ما اتحمل واقعد اصارخ اول مره جذي انا استحي ومالي صوت هههههه بس صارخت صراخ هزيت المستشفى والقهر محد يرد علي والدكتور فحصت الرحم جان تقولي بوسع شوي وابط الماي تولدين وانا مو قادره اتحمل العوار قلت لها لا واهي غصب توسع جان ارفس ايدها ودزيتها ههههه عصبت الدكتوره وقعدت تكلم ريلي واهو بعد عصب علي يقولي ختبط الماي وتولدين تخلصين قلت مابي خل يعطوني ابرة ظهر جان يعطوني كمام بس كمامهم جذب مافيه شي قعدت اشفط احس هوا عادي اكسجين والعوار يزيد قلت لهم شنو هذا تقصون علي وحذفته قلت مابيه والطلق صار قريب يمكن كل دقيقه ويطول واقعد اصارخ وريلي يقولي بس لاتصارخين ويزفني جان السستر تقوله لا لاتزفها وتمسح علي تقول اخذي نفس وانا اقول حق ريلي الحين بدعي عليك واصارخ واقول يا الله يا رب يا رب يا رب ارحمني .. وبس يفج شوي اقعد اتنفس واقول خلاص بموووت وادعي .. ريلي اخترع ههههه قلت للسستر ابي ابرة ظهر بليز واقعد اترجاها قالت خلاص بنادي الدكتور وراحت طولت وانا اقول وين راحت قصت علي بس شوي ودش دكتور يقولي تبين ابرة الظهر قلت اي قال خل اشرحلج واقولج اضرارها وانا اقوله ادري بس عطني خلصني واقعد اصارخ واهو باارد يكلم ريلي يقوله لازم اقولكم اضرارها اذا موافقين وانا اصارخ وهذا يسولف لمن خلص ريلي قاله اوكي قال بروح اجيب الابره !! وراح ساعه وانا خلاص بولد ورجع معاه الابره ويتمشى بالغرفه ويغسل ايده قهرني 6 ساعات وانا اطلق وخلاص قربت اولد بس اخر شي عطاني الابره والدكتوره افحصت الرحم كنت 8 ونص تقريبا بطت الماي ربع ساعه وولدت الحمدلله
بس عقب ماولدت قعدت ارجع وايد وارتفعت حرارتي عطوني حبوب وركبولي درب وابره حق الترجيع وسوولي تحاليل قالوا فيج التهاب بالدم مادري شنو فايرس ولازم تظلين بالمستشفى تاخذين مضاد وفحصوا بنتي طلعت نفسي وحطوها بالحضانه يوم كامل خافوا ترتفع حرارتها وقعدوا يراقبونا وتحاليل والحمدلله طلعوها خلوها عندي بس يعطونها مضاد نفسي وتحاليل كل يوم ياخذون منها دم مرتين قلبي تقطع وبنتي الكبيره تعبت نفسيتها لاني بالمستشفى وامي وريلي معاها بس ماتبي كله تبجي وماتنام عدل وما تاكل وقعدت 8 ايام بالمستشفى وطلعت الحمدلله كانت ايام صعبه بس احتسبت الاجر

وبس الله يرزقكم ولاده سهله ميسره ويرزق كل محرومه يا رب

 

[moz3eja]

رد: مواليييييييد مارس 2016

بنات جم وزن الجنين بالسونار بين معاكم

 

[كويتاويه2009]

رد: تجمع مواليد (ديسمبر) و??(يناير)

حمدلله ع سلامتكم انتي والبيبي الله يأجرج بكل تعب تعبتيه اللي باط جبدي بالاجانب انهم يمنعون الكمام وابرة الظهر ويكرهوون انهم يكثرون ادويه حسبالهم احنا نتحمل مثلهم والله احنا نولد بلخاص عشان المسكنات والكمام احس لولاهم مااانتحمل هالعذاب

ويقلبي بنتج عوررت قلبي تبيج الله لايفرقكم

انزين من شنو حاشج التهاب ؟!


وبنسبه للفحص لاتلوموني والله يعور اهيا الظاهر ايدها ثقيله لو بيدي اخذ كمام بلحظتها لوووول

 

[(lola)]

رد: مواليييييييد مارس 2016

السلام عليكم حبايبي من زمان عنكم انشغلت شوي بظروف عائلته الحمدلله عدت علي خير

انا بعد أسبوعين باْذن الله ادخل التاسع جهزت حنطه النفاس بقى حنطت المستشفى ناطره لَبْس الاستقبال يخلص واجهز الجنطه
منو يدل أركان وين صاير بطلب منهم المعجنات والورق عنب والكاكاو

 

[راحيل العبدلي]

رد: تجمع مواليد (ديسمبر) و??(يناير)

معنى الحنان
حياتي حمدلله ع سلامتج و مأجووره يا رب

 

[راحيل العبدلي]

رد: ?تجمع مواليد " مااايو " 2016 بإذن الله ?

الله يعااافيج صييته جعله العويفي
بس ليش انتو طريقتكم غير عنا ولا الاكله مو دارجه عندكم ؟!

 

[نـعـومـه]

رد: تجمع مواليد (ديسمبر) و??(يناير)

نعومه صراخي وصل للي برا الله وكيلج هههههههه حتى الدكتوره زفتني


اي اهو ترا طبيعي يتبطل من اول التاسع واحد سانتي انا نص نعمه كريم ههههه بس اللي مستغربه منه والعوارات اللي تالي الليل مانام منهاا كل ع هالنص

اي بجري لما فحصوني صرخت وزوجي برا سمع صرختي بجذي ميته خوف هالمره فيني فوبيا من الفحص بشكل محد يتصوره

الله يصبرني

وترا عادي تكونين 1 سانتي وعقبها بيوم ولاده

بجري يتلي طلاق فحصت 1 سانتي ثاني يوم رحت لأن اشتدت الطلوق ولا 4 سانتي

 

[صيتة الحربي]

رد: ?تجمع مواليد " مااايو " 2016 بإذن الله ?

لا حنا يختلف شوي

حنا نضيف طماطم او معجون طماطم مع البصل ومانضيف ثوم

 

[نـعـومـه]

رد: تجمع مواليد (ديسمبر) و??(يناير)

معنى الحنان

صج قصتج ازمه الحمدلله على سلامتج والله يآجرج يارب

غريبه نتوقع برا عناية ودلع!

 

[نـعـومـه]

رد: تجمع مواليد (ديسمبر) و??(يناير)

حمدلله ع سلامتكم انتي والبيبي الله يأجرج بكل تعب تعبتيه اللي باط جبدي بالاجانب انهم يمنعون الكمام وابرة الظهر ويكرهوون انهم يكثرون ادويه حسبالهم احنا نتحمل مثلهم والله احنا نولد بلخاص عشان المسكنات والكمام احس لولاهم مااانتحمل هالعذاب

ويقلبي بنتج عوررت قلبي تبيج الله لايفرقكم

انزين من شنو حاشج التهاب ؟!


وبنسبه للفحص لاتلوموني والله يعور اهيا الظاهر ايدها ثقيله لو بيدي اخذ كمام بلحظتها لوووول

عاد تدرين قلت للدكتوره مافي اختراع غير الأصابع جهاز شي تضحك تقول لا

 

[الغلاm]

رد: مواليييييييد مارس 2016

هلا وغلا لولو
الله يعدي هالاسابيع على خير عليج اركان موجود بصناعيه العارضيه

 

[الغلاm]

رد: مواليييييييد مارس 2016

بنات اليوم رحت موعدي قال الوزن البيبي مو ذاك الزود وعطاني ابره لصدر البيبي وبنفس الوقت تزيد وزنه شوي لانه على كلااامه يقول خوفي يكون صغير ويقل الماي من حوله وسالته قلت الماي قليل مارد علي الظاهر مايبي يخوفني لانه قالي ليه تبين عمليه وانا خايفه حدي وعطاني حديد اكل منه حبتين مره وحده باليوم

 

[نـعـومـه]

رد: تجمع مواليد (ديسمبر) و??(يناير)

بنات رحت موعدي اليوم

البيبي له شهر يمكن وأهوه خاش ويهه هههههه

صار معاكم جذي ؟ تقول الدكتوره لأن نازل الراس تحت مايبين

وضاق خلقي وزن البيبي صغير تقول طبيعي بس ماراح تيبينه متين ضعيف

تعرفون اكلات تزيد وزن البيبي ؟